الزواج سترة - منتديات ياللا يا شباب

منتديات ياللا يا شباب - معاً .. من أجل شباب عربى أفضل

إبحث من هنا - عن أى موضوع بالمنتدى

إفتتاح أقسام جديده بمنتديات ياللا يا شباب

إقرأ فى منتديات ياللا يا شباب

منتديات ياللا يا شباب - فى سطور :
ياللا يا شباب - منتدى شبابى عام هادف ، نناقش قضايا شبابية ودينيه واجتماعيه وثقافيه وعلمية والكثير - فى حدود الإلتزام بأخلاقنا كمسلمين مطبقين لتعاليم ديننا .
لا يوجد بالمنتدى أى شىء يخالف الشريعه الإسلامية - ان شاء الله - ونحمد الله على ذلك .
شباب ياللا يا شباب - عقول منيره وفكر صائب وجنود للمعرفة والإفادة

منتديات ياللا يا شباب navicon

:: المنتديات العامه :: navicon

منتدى الحوار العام

إنتبه من فضلك !!

الزواج سترة

, واقع

الزواج سترة , واقع

خيارات

رجل من الصحراء عرض ملف العضو	Jul 22 2009, 06:10 PM مشاركة #1
صحراوي متحضر المجموعة: الفريق الإدارى المشاركات: 2,590 التسجيل: 19/09 البلد: مصر-قنا-الصحراء-الجبل بما حمل رقم العضوية: 4,329 : الجنس و البــلد	الراجل العجوز!! يااااه يخرب عقلك ازيك ياد يا عريس فينك يابن بنتي من ساعة مااتجوزت وانت محدش عارف يتلم عليك ولا العروسة خلاص بقت هيا الاساس واحنا راحت علينا لالا برده كده ياجد ده انت الخير والبركة بس انت عارف يعني عريس جديد بقى وباخدلي يومين ربنا يكرمك يابن بنتي تعيش ياجد ربنا يخليك لينا اه قلي بقى الجواز حلو والله الحمدلله ياجد بس احسن حاجة اني نهيت القصة الطويلة واتجوزت لا يابن بنتي قصدك تقول بديت القصة الطويلة ازاي يعني احنا كنا بنحب بعض وانتهت القصة الحمدلله بالزواج بتحبوا بعض ماشي انما انتهت القصة دي مش ماشي خالص ليه يعني ياجد اقلك يابن بنتي: كل الناس فاهمة ان العلاقة بتنتهي بالزواج وخلاص بقى اتجوزنا وبقينا مع بعض والعلاقة تتقلب تقليدية جدا وممكن حتى متفتكرش انك تقول لمراتك انك بتحبها بعكس ماكنت قبل الجواز مبتعديش دقيقة الا لما تقلهالها وطبعا ده موضوع غلط جدا وللاسف كل الناس بتقع فيه. تصدق ياجد شوقتني اسمعك مع اني مستعجل بس قول هات ماعندك ايها الشيخ ههه ماشي ياعم المثقف هتفضل شقي طول عمرك مهما كبرت مفيش فايدة فيك. ايه بقى ياجد فهمني انت عايز تقول ايه؟ بص يابن بنتي الزواج ده بداية مش نهاية زي مانت فاكر انت بتتجوز عشان تبتدي قصة حب وود وعشرة ومشاركة, بتبتدي حياة جديدة مع شريكة حياتك تنظموها مع بعض و تبتدوا تبنوها طوبة طوبة مع بعض وتكبروا مع بعض وبايديكم تخلوها حلوة وناجحة وبايديكم برده تخلوها وحشة وفاشلة لا قدر الله. يااه ياجد شكلك هتقلقني ده انت فتحت موضوع مهم جدا بس معلش وضحلي اكتر بص يابن بنتي: لو انت وواحد من زمايلك كان ليكم حلم تعملوا شركة مع بعض وفضلتوا تخططوا وتبحثوا وتسعوا لغاية ماربنا كرمكم و وعملتوا الشركة وفي احسن موقع في البلد وباحسن ديكورات وكل حاجة وبقت بتاعتكم وملك كل واحد فيكم . تتوقع كده انكم خلاص انتهيتوا وحققتوا حلمكم وكل واحد بقى يقعد في بيته. لا طبعا هيا العملية يعني كانت واقفة على المبنى والديكورات وشوية الكراسي اديك قلتها يبقى الحلم هنا متحققش بانك عملت شركة بس لا الحلم هيتحقق لما الشركة تشتغل وتنجح وتكبر ويبقى ليها اسم وشغل كبير وده لازمه تعاون ومشاركة ومحبة وود عشان كل حاجة تتم على خير بدون خلافات يعني من الاخر البداية هيا افتتاح الشركة بس النهاية بايديكم انتوا الاتنين. صح ولا انا خرفت وكبرت؟؟ برده كده ياجد ده انت صح الصح ياحج اهو الجواز زي كده بالضبط يابن بنتي عمره ماكان نهاية العلاقة و لا نهاية قصة الحب لا بالعكس ده بداية قصة الحب وبداية حياتكم اللي لازم تبنوها انتوا الاتنين بالتعاون والمشاركة والمودة والحب المتبادل. ياعيني عليك ياجد حكيم طول عمرك ودايما بستفيد منك بص يابن بنتي اعتبر بيتك هو حلمك وشركتك, ومراتك هيا شريكتك وفكر ازاي تنجح شركتك وتخليها تكبر وتخليها مستقرة واقفة على ارض صلبة ميهزهاش اي حاجة وازاي هتتفق انت وشريكتك وتتفاهموا عشان تنجحوا شكرتكم سوا, وفكر ازاي هتتفادى اي اخطاء او عقبات ممكن تسبب فشل الشركة او حتى تعطل استمرارية نجاحها وعلى فكرة عمر ماربنا خلق حاجة الا وليها حل بس الانسان يسعى والحل هيجيلوا لغاية عنده ويخبط على باب بيته. تسلم ياجد بس تصدق خفت خفت من ايه بصراحة نفسي نفضل انا ومراتي نحب بعض على طول وميبقاش بينا مشاكل ونفسي نبقى متفاهمين ونفسي ونفسي ونفسي نفسي في حاجات كتير تخلي العلاقة تدوم من غير اي مشاكل بس خايف ومش عارف اعمل ايه بصراحة؟ والله يابن بنتي طول ماانت خايف يبقى هتنجح وطول ماانت قلقان يبقى هتفكر وهتوصل ان شاء الله ازاي بس ياجد؟ بص يابن بنتي: في البداية خلي نيتك من جوازك خير هو رضى الله و عفة النفس وذرية صالحة تعبده وتطيعه وبتوكلك على الحي القيوم وتقربك منه وعباداتك قلبك هيصفى وهيبقى عايز يعمل الصح دايما. ونعم بالله ياجد وايه كمان؟؟ ربنا لما خلقنا يابن بنتي مخلقناش كلنا زي بعض في كل حاجة خلى مننا الابيض والاسمر والفقير والغني والطويل والقصير والعصبي والهادي وغيره وغيره , يعني مختلفين عن بعض في كل شيء بس كله متفق على حاجة واحدة بس هي عبادته وحده وعدم الشرك به. وانت يابن بنتي لازم تلعب على النقطة دي يعني ايه ياجد يعني شوف مراتك مختلفة عنك في ايه وحاول تطبع نفسك عليه وهيا كمان تحاول تكتشف اختلافاتك وواحدة بواحدة هتلاقي التفاهم والحب بينكم جذوره بقت قوية وثابتة جميل جدا ياجد بس دي مش صعبة شوية معلش ياولدي مش كل حاجة مطلوبة منك لازم تبقى سهلة احنا بس اللي اتعودنا اننا منفكرش حتى نمشي في الصعب, بس انت لو عايز هتنجح ومعلش ياسيدي دي مراتك وانت جوزها يعني مفهاش اي مشكلة لو كل واحد فيكم جيه على نفسه مره في سبيل ارضاء التاني لان هدفكم في النهاية ان الحب والتفاهم يدوم. بس اياك حد فيكم يقول التاني انا عملتلك كذا عشان خاطرك يبقى انت تعملي كذا بدل منه لان العملية يابن بنتي مش سوق او تجارة لا دي حياة زوجية يعني اعمل الحاجة ونيتك مع الله فاهمني ؟؟ فاهمك ياراجل ياكبارة هعامل ربنا وهرضي مراتي ومش هقولها عملتك وعملتلك عشان ربنا يكرمنا ان شاء الله , اه وايه تاني شوقتني. يا بن بنتي الواحد مننا لما يكبر بيبقى عامل زي الزرع اللي سبته دبل من غير ماتسقيه بيبقى عايز ولو نقطة مياه يحس حتى بطعمها ويحس ان حد مهتم بيه. خير ياجد وضحلي اكتر ابوك وامك يابن بنتي اياك تنساهم وتلتهي مع مراتك وبيتك واياك مهما حصل تيجي على حد فيهم خد رضاهم ياولدي ووصي مراتك عليهم تاخد رضاهم وانت كمان خد رضا ابوها وامها وخليكم كلكم كويسين مع بعض ده رضا الوالدين من رضا الرب يابن بنتي. ربنا يرزقنا رضا الوالدين ياجد زمان يابن بنتي كان يقولو لنا اياك ترمي ودانك لغير خلانك يعني ايه ياجد يعني بيتك انت ومراتك مقفول عليكم حلوكم ومركم مع بعض محدش يسمع بيه بره لان اي مشكلة لا قدر الله بينكم طلعت بره يبقى مش هتخلص من كلام الناس والزن واللي يكبرلك الموضوع واللي هيحكي وينشره وكل ده بيزود المشكلة ويخليها تكبر وتزيد. عشان كده قالولنا اياك ترمي ودانك لغير خلانك. الله عليك ياجد تسلم يارب وتعيش , لكن هيا الساعة كام دلوقتي ياجد هههههه خلص خلص متبصش كتير في ساعتك عارفك مستعجل عالعروسة ومش قاعد على بعضك من الصبح ههههه يووووه ياجد عيبك انك دايما فاهمني روح يابن بنتي ربنا يكرمك انت ومراتك ان شاء الله ويرزقكم الذرية الصالحة وتعيشوا دايما في حب وود وتفاهم وطاعة لربنا سبحانه وتعالى الله يخليك ياجد ويطولنا في عمرك مش عايز حاجة مني قبل ماامشي سلامتك ياولدي بس اقلك كلمة قبل ماتمشي (بيتك مدينتك ومراتك انت اميرها وهيا اميرتك , صونها بحبك وطاعتك لربك واياك تتعبها بمشاكلك وكتر غيرتك) آخر موضوعاتى : انا لله وانا اليه راجعون ارجع ياولدي خليها على الله العيشة واللي عايشينها الزواج سترة براءة ملوثة انت المستعان مشي حالك حالك يمشي خايف اصحى من النوم ملاقيش مصر المش مهندس وصل التوقيع : الى جنة الخلد ياكريم يارب ارحمه واسكنه فسيح جناتك رجل من الصحراء

الردود (1 - 14)

NADA عرض ملف العضو	Jul 23 2009, 07:04 AM مشاركة #2
The Hurted Heart المجموعة: الفريق الإدارى المشاركات: 3,997 التسجيل: 01/03 البلد: MOJE SRDCE رقم العضوية: 247 الأوسمة : : الجنس و البــلد	ربنا يكرمك يارب ويرزقك السعادة دائماً و الله موضوع جميل وكله حكم طبعاً اسأل مجرب آخر موضوعاتى : ناطق الكلمات الإنجليزية و الإسبانية,, أهرامات السودان,,,, جزر البهامس,, سويسرا.. دبي المستقبل... حياتىىىىىى نجحت,, الينسون ... وقاية من انفلونزا الخنازير,, فائدة شرب الماء بعد تناول العقاقير,, نهر الأمازون,, جزر كناري الإسبانية,, التوقيع :

Dr Abcarino عرض ملف العضو	Jul 23 2009, 09:06 AM مشاركة #3
عضو ماسى المجموعة: الفريق الإدارى المشاركات: 3,075 التسجيل: 01/10 البلد: نجع حمادي رقم العضوية: 1,085 : الجنس و البــلد	بسم الله ماشاء الله موضوع جميل جدا ,,, حبيبي ابو الحسن ربنا يكرمك و يرزقك بأولاد و بنات يكونوا حملة للقرآن الكريم جزاك الله خيرا تحيتي لقلمك النابض بارك الله فيك آخر موضوعاتى : ايـها الـقوم نـحن مـتنا فهيا نـستمع مـايقول فـينا الـرثاءُ هناك فرق ... موش كده و لا ايه !!! ؟؟ يا أمّـــة اِقرأ تكبير الصور بنفس الجودة PhotoZoom Pro 2 مسلموا الصين لا بواكيَ لهم مــــاذا تفعــــل ليحبــــك الله ؟؟؟ يا من الدنيا اكبر همك .. اسمع .... علي مصطفى مشرفة حكومة العالم الخفية ....!!!؟؟ صباح الخير يا بقرة !!! التوقيع : إلهى بحثت عن سر السعادة جاهدا * فوجدت هذا السر فى تقواك فليرضى عنى الناس أو فليسخطوا * أنا لم أعد أسعى لغير رضاك

AMR DAWAM عرض ملف العضو	Jul 23 2009, 10:05 AM مشاركة #4
عضو ماسى المجموعة: شباب ياللا يا شباب المشاركات: 2,461 التسجيل: 08/11 البلد: فى قلوب كل الاحبة والناس الطيبين رقم العضوية: 94 : الجنس و البــلد	إقتباس بصراحة نفسي نفضل انا ومراتي نحب بعض على طول وميبقاش بينا مشاكل ونفسي نبقى متفاهمين ونفسي ونفسي ونفسي نفسي في حاجات كتير تخلي العلاقة تدوم من غير اي مشاكل بس خايف ومش عارف اعمل ايه بصراحة؟ ايه الحمال دا كله انا بقى نفسى حد يقولى الجواز مش حلو دا اكبر دليل حبيبى رجل من الصحراء رجعلنا بموضوع تحفة والله منتهى الجمال والاهمية ويارب كلنا بنات ورجال نقدر نفهمه ونحقق اللى فيه وربنا يسعدك دايما ويرزقك بالذرية الصالحة ******************** آخر موضوعاتى : انتريهات جميلة جدااااا ديكورات مطابخ غرف نوم شيك ورومانسية الفوائد الصحية الكامنة فى البامية الينسون يحمى من انفلونزا الخنازير الدجاج المحشى ... على الطريقة التركية اطقم خواتم جمييييييييييلة أطقم سفرة رائعة غرف نوم لحبايبنا الاطفال احواض سمك روعة فى الجمال التوقيع : منتداى الحبيب كم اشتقت اليك اتمنى ان تشتاق اليا كما اشتاق اليك اتمنى ان تمر ايام بعدى عنك بخير وباسرع وقت [/size] [size="5"]دعواتكم اخواتى الاحباء ان يوفقنا الله جميعا ************************

حياتى من اجل ربى عرض ملف العضو	Jul 23 2009, 10:50 AM مشاركة #5
-همى رضاك ربى- المجموعة: شباب ياللا يا شباب المشاركات: 2,335 التسجيل: 19/11 البلد: مصر - القاهره رقم العضوية: 5,909 الأوسمة : : الجنس و البــلد	رااااااااااااااااااااااااااااااااااااائع ((الزواج ليس نهايه قصه حب بل بدايه قصه حب جديده)) جميل جدا اخى الكبير ربنا يرزقك السعاده يااااااارب ويقدرك على اقامه بيت اسلامى سعيد ويعينك فى المشوار اللى هتبتديه وعقبال كل اعضاء المنتدى ياااااااااااااااااااااااااارب جزاك الله خيرا آخر موضوعاتى : بعد ان رحلت صديقتى الوان رووووووووووعه للغرف الورده التى ابكتنى لماذا نشعر بالملل؟؟ المحرك الخفى ربنا معاااااااكم يارب عايز تشوف صورتك ماللعقوووووووول؟؟؟؟ واجب على كل عضو فى ياللاياشباب الى غاليتى كل عام وهى بخير التوقيع : *فليرضى عنى الناس او فليسخطوانا لم اعد اسعى لغير رضاك** يااااااااااااااااااااااااااارب اجعلنى ثابته على قيمى

ABOTASNEEM عرض ملف العضو	Jul 23 2009, 02:49 PM مشاركة #6
مدير ومؤسس فريق ياللا نجاح المجموعة: مراقب عام المشاركات: 2,983 التسجيل: 10/09 البلد: مدينة قنــا-مصر(أم الدنيا) رقم العضوية: 3 الأوسمة : : الجنس و البــلد	يخرب عقلك ياابوالحسن ياواد يامهندس ده انت بقيت كاتب جامد جدا والله بجد بتتكلم فى القضية بطرقة فعلا اكثر من رائعة وكمان اتناولت معظم جوانب الموضوع ربنا يباركلك .. انت والمدام ويرزقكم الحب والود الدائمين ويرزقكم ذرية صالحة تكن لكم نصرا وعزا للاسلام والمسلمين فى مشارق الارض ومغاربها ويستخدمكم جميعا ولا يستبدلكم لنصرة دينه جزاك الله كل خير (ملحوظة هامة : كل الكلام اللى انا قولته ده ميمنعش انى بحقد عليك ) آخر موضوعاتى : للبالغين فقط .. Only for adults المكتبة الشاملة لجميع تسجيلات وحفلات الشيخ عبد الباسط عبدالصمد النادرة صيام الأيام البيض 13 و14 و15 غداً تحميل حلقة فيديو الشيخ الدكتور حازم شومان .. هل لى من توبة ؟ السيدي الإسلامي الإسطوانة الإسلامية المتميزة مشروع خطوات-قانون التوريط العام سمية الديب [مكرر] لماذ تبدو عروقنا زرقاء .. مع أن دمنا لونه أحمر ؟؟؟ جهاز التعقيم الأوتوكلاف Autoclave البارادايم .. Paradigm (من أجل تطوير قدراتك) التوقيع : اختر الخطوة رقـم [1]ثغر الإسلام [2]ريال ستارز [3]مؤقت [4]كولدير سيئات [5]التأصيــل [6]خطوبتى [7]التلاوة والحياة [8]الخط المستقيم [9]قائمة أصدقائى [10]الأستاذ أبو أنس [11]البقاء لله [12]وارميه البحر [13]جهاز سحرى [14]فن الاحتواء [15]ياجماعة ده دين .. مش لعبة [16]أنت كما ترى نفسك [17]الشاحن [18]مبــادرة [19]تعينى [20]ربع الحزب [21] التطلع للمعالى [22]مارى كريسماس [23]قانون التوريط العام نجمع بين الدنيا والدين .. فنفوز فى الآخرة بجنة رب العالمين وكذلك جعلناكم أمة ًوسطا ً التغيير للأفضل هو الحل ، فابدأ بنفسك أسألكم صالح الدعاء بظهر الغيب أحب الصالحين ولست منهم ** لعلى أن أنال بهم شفاعه وأكره من تجارته المعاصى ** ولو كنا سواء في البضاعه

ابوجبل عرض ملف العضو	Jul 25 2009, 09:10 PM مشاركة #7
ضيف شرف المنتدى المجموعة: الأعضاء المشاركات: 5 التسجيل: 20/07 رقم العضوية: 25,009 : الجنس و البــلد	بسم الله ماشاء الله ايه يابنىالحلاوه والطعامه دى انا سعيدوفخوربك يابنىالغالى والله يابنىدموعىبتنزل من الفرح كلما قرات لك شيئا اوحتىوجدت اسمك والله كبرت ياولد وقدلاحظت من خلال موضوعاتك تاثرك الشديد بى واعتزازك الوضح بابي وكانك ترددقول الشاعرالعربى اولئك ابائىفجئنى بمثلهم اذا جمعتنا يا جريرالمجامع او قول الاخر انا ابن جلا وطلاع الثنايا متى متى اضع العمامة تعرفونى بارك الله فيك وجعلك قرة عين ابيك واسعدك الله وزوجك وجمع بينكما على الخير اللهم امين آخر موضوعاتى : قانون الصحراء التوقيع : لا إله إلا أنت سبحانك إني كنت من الظالمين

رجل من الصحراء عرض ملف العضو	Jul 27 2009, 03:45 PM مشاركة #8
صحراوي متحضر المجموعة: الفريق الإدارى المشاركات: 2,590 التسجيل: 19/09 البلد: مصر-قنا-الصحراء-الجبل بما حمل رقم العضوية: 4,329 : الجنس و البــلد	إقتباس ربنا يكرمك يارب ويرزقك السعادة دائماً و الله موضوع جميل وكله حكم طبعاً اسأل مجرب ربنا يكرمك ياندى وعقبالك ان شاء الله منوراني دايما ,,,,,,,,,,,,,,,,,,,,,,,,,,,,,,,,,,,,,,,,,,,,,, إقتباس بسم الله ماشاء الله موضوع جميل جدا ,,, حبيبي ابو الحسن ربنا يكرمك و يرزقك بأولاد و بنات يكونوا حملة للقرآن الكريم جزاك الله خيرا تحيتي لقلمك النابض بارك الله فيك حبيبي خالد ربنا يخليك يارب ويجزيك كل خير سعيد بردك وعقبالك ان شاء الله ,,,,,,,,,,,,,,,,,,,,,,,,,,,,,,,,,,,, إقتباس يه الحمال دا كله انا بقى نفسى حد يقولى الجواز مش حلو دا اكبر دليل حبيبى رجل من الصحراء رجعلنا بموضوع تحفة والله منتهى الجمال والاهمية ويارب كلنا بنات ورجال نقدر نفهمه ونحقق اللى فيه وربنا يسعدك دايما ويرزقك بالذرية الصالحة حبيبي عمرو شرفتني ونورتني بردك الجميل ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ااختي الصغيرة (حياتي من اجل ربي) منورة المواضيع دايما وعقبالك ربنا يرضى عنك ويرزقك الخير دايما وعقبالك ................................................................... عمر حبيبي ربنا يخليك ويبارك فيك وعقبالك عشان عارفك هتطق من جنابك ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,, إقتباس بسم الله ماشاء الله ايه يابنىالحلاوه والطعامه دى انا سعيدوفخوربك يابنىالغالى والله يابنىدموعىبتنزل من الفرح كلما قرات لك شيئا اوحتىوجدت اسمك والله كبرت ياولد وقدلاحظت من خلال موضوعاتك تاثرك الشديد بى واعتزازك الوضح بابي وكانك ترددقول الشاعرالعربى اولئك ابائىفجئنى بمثلهم اذا جمعتنا يا جريرالمجامع او قول الاخر انا ابن جلا وطلاع الثنايا متى متى اضع العمامة تعرفونى بارك الله فيك وجعلك قرة عين ابيك واسعدك الله وزوجك وجمع بينكما على الخير اللهم امين حبيبي والدي العزيز منورني في الموضوع وانا بجد افخر اني ابنك وفخور جدا انك دخلت منتدانا ده يارب يطول لي في عمرك حبيبي منور يامعالي الريس آخر موضوعاتى : انا لله وانا اليه راجعون ارجع ياولدي خليها على الله العيشة واللي عايشينها الزواج سترة براءة ملوثة انت المستعان مشي حالك حالك يمشي خايف اصحى من النوم ملاقيش مصر المش مهندس وصل التوقيع : الى جنة الخلد ياكريم يارب ارحمه واسكنه فسيح جناتك رجل من الصحراء

alidesoky عرض ملف العضو	Jul 27 2009, 04:13 PM مشاركة #9
حبيبي يا رسول الله المجموعة: شباب ياللا يا شباب المشاركات: 4,176 التسجيل: 20/11 البلد: قنا - نجع حمادي رقم العضوية: 1,285 الأوسمة : : الجنس و البــلد	إقتباس بص يابن بنتي: لو انت وواحد من زمايلك كان ليكم حلم تعملوا شركة مع بعض وفضلتوا تخططوا وتبحثوا وتسعوا لغاية ماربنا كرمكم و وعملتوا الشركة وفي احسن موقع في البلد وباحسن ديكورات وكل حاجة وبقت بتاعتكم وملك كل واحد فيكم . تتوقع كده انكم خلاص انتهيتوا وحققتوا حلمكم وكل واحد بقى يقعد في بيته. اخي العزيز موضوعك جميل جدا وقد تحدثت عن كل جوانب القضيه نعم قضية العمر... قضية الزواج الذي يعتبره الكثيرين نهاية فتره جميله في حياتهم رغم انه بدايه لفتره اجمل ولكن اذا امنوا بهذا المبدأ اخي العزيز ربنا يكرمك ان شاء الله ويرزقك بالذريه الصالحه ويجعل حياتك كلها سعاده وفرح وسرور آخر موضوعاتى : مدارس وسلخانات!! اجعل لوحة المفاتيح تطلق اصوات رائعة عند الكتابة اجمل كلمات عن الام حوار مع مسجد عمره 2489 عاماً!! السبت.. محكمة أمن الدولة تستأنف نظر قضية المتهمين في أحداث نجع حمادي سامي الشيشيني: نعم اعترضت علي التحكيم وخسرنا بفعل فاعل المقاولون يتعرقل فى خيوط الغزل بثنائية الزمالك يتخطى الجونة بهدف شريف ويحلق فى المركز الثانى بالعربي ... احنا ساقطين في العربي..!! وبالوالدين إحساناً التوقيع :

الرّام عرض ملف العضو	Jul 29 2009, 09:38 AM مشاركة #10
متوكّلة على الله ربي المجموعة: شباب ياللا يا شباب المشاركات: 2,613 التسجيل: 06/03 البلد: و ين اهلي و وين ناسي رقم العضوية: 12,845 الأوسمة : : الجنس و البــلد	ربي يسعدك و يهنيك ان شاء الله يا خويا و ربي يكرمكم بالخير ان شاء الله بارك الله فيك....... على ما تنطوي عليه هذه الاسطر المحملة ربي يجزيك و ينعم عليك آخر موضوعاتى : فرحانة جدا جدا جدا ... فرحانة على الاخر .. ابتسامة من التاريخ فريضة الزكاة في الاسلام : حكمها + وقتها + نصابها + أصنافها + مقاديرها - الجزء الثاني فريضة الزكاة في الاسلام : حكمها + وقتها + نصابها + أصنافها + مقاديرها - الجزء الأول عليك بتقوى الله أسألكم الدعاء بالرّحمة و المغفرة موسوعة تعليم اللّهجة التونسية + شرح مفصّل / تفسير عبارات + ألفاظ + تراكيب + جمل أكثر استعمالا أحبك /////mon amie .. .. .. ma soeur أسماء الشهور عند العرب العاربة الحياة التوقيع :

battot عرض ملف العضو	Jul 29 2009, 09:51 AM مشاركة #11
عضو فضى المجموعة: شباب ياللا يا شباب المشاركات: 831 التسجيل: 20/06 البلد: ليالى يشدو فيها القمر رقم العضوية: 534 : الجنس و البــلد	موضوع جميل جداا ومتميز كعادة مواضيعك اخى العزيز موضوع مهم وشامل كل شىء اشكرك اخى الغالى رجل من الصحراء على هذا الموضوع الجميل جزاك الله كل خير ورزقك السعاده ووفقك وحفظك ان شاء الله وجعل كل ما تكتب فى ميزان حسناتك آخر موضوعاتى : أحذروا الثلاث دقائق الاولي بعد الاستيقاظ من النوم شوفتو السمكه دى بأسنان مثل الانسان تقدر تعيش وتتجوز تحت الأرض لو رايح تخطب اوعى تاخد نبيل معاك.. لوحات من قطرات الماااء ليه لما بنغضب.................؟؟؟ رقيتك من عين الحسسسسود مبروك يا مصر زكاء بنوتة اللي نومه تقيل يجي هنا التوقيع :

رجل من الصحراء عرض ملف العضو	Aug 4 2009, 08:21 PM مشاركة #12
صحراوي متحضر المجموعة: الفريق الإدارى المشاركات: 2,590 التسجيل: 19/09 البلد: مصر-قنا-الصحراء-الجبل بما حمل رقم العضوية: 4,329 : الجنس و البــلد	شكرا لمروركم جميعا آخر موضوعاتى : انا لله وانا اليه راجعون ارجع ياولدي خليها على الله العيشة واللي عايشينها الزواج سترة براءة ملوثة انت المستعان مشي حالك حالك يمشي خايف اصحى من النوم ملاقيش مصر المش مهندس وصل التوقيع : الى جنة الخلد ياكريم يارب ارحمه واسكنه فسيح جناتك رجل من الصحراء

تقوى القلوب عرض ملف العضو	Aug 13 2009, 10:53 AM مشاركة #13
دراسات عليا المجموعة: شباب ياللا يا شباب المشاركات: 2,440 التسجيل: 23/10 البلد: مصر رقم العضوية: 75 : الجنس و البــلد	الف مبروك يا عريس موضوعك جميل جداً وطريقه السرد كمان آخر موضوعاتى : ايام الجامعه الحلوة والمرة وَلَسَوْفَ يُعْطِيكَ رَبُّكَ فَتَرْضَى تعلموا من هذه القدوة أسماء أولاد حلوة ومعانيها الكلمة أمانة فأحسنوا نقلها جفاف نهرى دجله والفرات ( حادث احمد حسن ) لماذا تبكى النساء بسهوله؟؟؟؟ زواج المرأه بدون ولى.... هام [مكرر] كيف تجعلين زوجك يحبك لدرجه الجنون التوقيع :

رجل من الصحراء عرض ملف العضو	Aug 31 2009, 08:07 PM مشاركة #14
صحراوي متحضر المجموعة: الفريق الإدارى المشاركات: 2,590 التسجيل: 19/09 البلد: مصر-قنا-الصحراء-الجبل بما حمل رقم العضوية: 4,329 : الجنس و البــلد	شكرا تقوى نورتي الموضوع آخر موضوعاتى : انا لله وانا اليه راجعون ارجع ياولدي خليها على الله العيشة واللي عايشينها الزواج سترة براءة ملوثة انت المستعان مشي حالك حالك يمشي خايف اصحى من النوم ملاقيش مصر المش مهندس وصل التوقيع : الى جنة الخلد ياكريم يارب ارحمه واسكنه فسيح جناتك رجل من الصحراء

رجل من الصحراء عرض ملف العضو	Nov 13 2009, 01:37 PM مشاركة #15
صحراوي متحضر المجموعة: الفريق الإدارى المشاركات: 2,590 التسجيل: 19/09 البلد: مصر-قنا-الصحراء-الجبل بما حمل رقم العضوية: 4,329 : الجنس و البــلد	جزاكم الله كل الخير آخر موضوعاتى : انا لله وانا اليه راجعون ارجع ياولدي خليها على الله العيشة واللي عايشينها الزواج سترة براءة ملوثة انت المستعان مشي حالك حالك يمشي خايف اصحى من النوم ملاقيش مصر المش مهندس وصل التوقيع : الى جنة الخلد ياكريم يارب ارحمه واسكنه فسيح جناتك رجل من الصحراء