اذهب الي المحتوي
منتديات ياللا يا شباب
رجل من الصحراء

هو ده الشعب المصري...ولكن

Recommended Posts

هو ده الشعب المصري........ولكن

 

اتعودت دايما اني اسمع كلمة تقريبا كل يوم من ناس اعرفهم او معرفهمش, فاكون ماشي في الشارع او بتكلم مع حد في موضوع وتلاقيه بيقلي (ما هو ده الشعب المصري)........

 

وطبعا الكلمة دي مش بتتقال الا لما يسبقها كلام عن موضوع بيمس حال البلد

 

يعني مثلا تلاقيهم بيفتحوا سيرة المواصلات الزحمة..........>>>>>

 

((جنبك يااستاذ جنبك يامدام خش شوية ورا العربية لسه فاضية وطبعا ابقى قابلني لو في يوم سمعت كلمة العربية اتملت اصلا , ده غير السرقة والنشل ، غير الشحاتين وخصوصا العيال الصغيرة تلاقيه يرميلك الحاجة على رجلك ويورطك في تمنها ده طبعا بعد كمية هائلة من الرجاء والدعوات انشاء الله يخليك يارب ان شاء الله يرزقك ويحرصك ويخليلك المدام ويخليلك العيال والجيران ويخليلك كل حاجة بس اديني اي حاجة عشان المعلم اللي مسرحني ميضربنيش وغيرها من المهاترات والمعاكسات اللي بتحصل جوه في الزحمة وزحمة يادنيا زحمة)).

 

اوالزبالة اللي مالية الشوارع.......>>>>>

 

((حشرات متنوعة تستمتع بالاجازة في المقالب واكوام وكياس الزبالةالمنتشرة في الشوارع ده غير ريحة الخنفري العظيمة اللي هي اوعى وشك.. اجارنا الله , وتلاقي الراجل بتاع النظافة ياعيني سايب كل دول و ماسك مقشة وعمال بيكنس في نفس الحتة بتاعة كل يوم يجيب شوية التراب يمين وبكرة يجيبهم شمال وبعده طبعا يجيبهم يمين تاني وهكذا واول ماتيجي عربيات المحافظة مفيش دبانة تستجري تهوب وريحة الورد البلدي تتشم من اول الشارع ويدوبك بس مسؤول المحافظة يمشي يبقى كل شيء كما كنت ويرجع لنفس الحته اللي فاتت ويجيب التراب شمال عشان طبعا بكره يجيبهم يمين وهكذا)) .

 

او عطلة المرور............>>>>>

 

((رخصك.. ليه ياباشا... اصلك مش ماسح الكوتش بتاع العربية كويس. انت متعرفش ان ده ممنوع ولا ايه ولا انت عايز توسخلنا الشارع ياللا بقى رخصك ياما تطلع بشلن كبيير(50 جنيه يعني) , ده غير عسكري المرور اللي واقف ماسك دفتر المخالفات وشغال يكتب يكتب ويكتب مع انه مش بيبص اصلا على نمر العربيات مش عارف بيكتب ايه ,ده ان كان بيعرف يكتب اصلا ماعلينا وغيره من الاشارات العطلانة والمطبات اللي بتقطم وسط العربية يعني بعد المطب تتجه فورا وبنفس راضية الى المدينة الصناعية لاصلاح عربيتك الغالية وبرده مفيش مانع وانت رايح تصلحها تخدلك مخالفة رادار عادي يعني متقلقش))

 

ولا الروتين ياعيني عليه.........>>>>>>>>>>

 

((بص يااستاذ انت تروح بالطلب ده عند الاستاذ حمروش وتخليه يحطلك عليه طابع ب6 جنيه و88 قرش الا نص مليم, وبعدين تعديه على الاستاذ حرفوش بتاع المراجعة عشان يمضيلك عليه وتاخده بعد كده الدور العاشر عند الحاج مرووش عشان يختمهولك بختم المصلحة ثم ترجعلي تاني هنا عشان ااشرلك عليه ده طبعا بعد ماتعدي على الاستاذ فرفوش عشان يمضيلك على الاستلام وبعدين كده زي الباشا تنزل الارشيف وتحط هناك الطلب وتاخد رقمه عشان ان شاء الله تيجي تسال عليه وتخلص مصلحتك اول مايتمضي من المدير.

 

ههه ابقى قابلني احم احم عفوا)).

 

او الضحك على الدقون.............>>>>>>>>>>>>

 

(( بص ياباشا عليا بكذا دي واقفة عليا بعشروميت جنيه بس عشان انت يعني وشك سمح وصاحب محل هعملك خصم, و لو حد غيرك ابدا مهما عمل مش هنزله قرش واحد اه ياباشا دي بضاعة جاية طازا من بلاد بره اصلية, يعني مش هتلاقي منها في السوق و هتلبس وتدعيلي.

 

ههه المشكلة انه اساسا بيبقى بايع بضاعة اتلبست قبل كده تلات اربع مرات بس هتعمل ايه بقى ماحنا طول عمرنا زباااااين))

 

 

وغيره وغيره..........>>>>>>>>>>>>>>>>>>>>>>>>>>

 

 

الحقيقه هى ان مفيش اي حد يقدر ينكر ان المشاهد دي حقيقيه ومستمره ونقدر نشوفها ونسمعها

 

كل يوم ومش هنرد عليها الا الرد السلبى المعتاد (اه والله عندك حق هو دا الشعب المصرى).........بس. ثواني اقف عندك رايح فين>>>

 

الشعب المصرى هو الشعب اللي فيه الكثير والكثير ممن يستحقون الاحترام والتقدير

 

الشعب المصرى والمصريين دول ذكرهم رسول الله (ص)ووصفهم بانهم خير جنود الارض

 

الشعب المصرى اللي تحمل على مدار السنين كل الحروب والصراعات فى المنطقه سواء كانت تمسه من الدرجه الاولى او تمسه بمكانته العربيه والاقليميه

 

الشعب المصرى هو زويل ومحفوظ والبردعى ومجدي يعقوب والباز وغيرهم من العظماء المصريين على مستوى العالم.

 

الشعب المصرى هو الشباب الواعى المثقف القادر على تغير الحال الى صالحه والى الاحسن

 

الشباب اللي منهم بيقرا كلماتى دلوقتي وعينهم على مستقبل افضل لهم ولبلادهم

 

الشعب المصرى هو اللي كتير من الاوقات مش بيلاقي اللي يسد رمقه بعد يوم من التعب والجهد فى العمل

 

وعلى الرغم من ذلك يقسم الطعام والملبس مع اخوة لهم فى الدين والعروبه تحت القصف فى غزه ويساندهم باكثر واغلى من ده وهوالدعاء..

 

 

ياللا شباب هنعمل دعوة عامه علشان نرد على كل اللي بيشكك فى مصر وشعبها.

 

علشان نرد على كل اللي بيحاول انه ينتقص من حق هذا الشعب الحر والأبى.

 

الشعب المصرى يستحق منا ذلك واكثر.............ولا ايه ياشباب؟؟

شارك هذه المشاركه


رابط المشاركه
شار ك علي موقع اخر

اشكرك على هذا الموضوع الجميل والحيوى اخى رجل من الصحراء

 

 

وطبعا الشعب المصرى يستحق كل تقدير واحترام

 

 

حتى ولو وجد بعض النقد

 

 

لانه كما يعلم الكل منا انه شعب ذو حضارة وتاريخ

 

 

وانه الشعب الوحيد الذى له السبق فى كثير من الاشياء مثل التحنيط والطب والهندسة وغيرها من العلوم الكثيرة جدا التى لا تحصى ولا تعد

شارك هذه المشاركه


رابط المشاركه
شار ك علي موقع اخر
جنبك يااستاذ جنبك يامدام خش شوية ورا العربية لسه فاضية وطبعا ابقى قابلني لو في يوم سمعت كلمة العربية اتملت اصلا

 

والله عندك حق فعلا بنسمعها كتير جدا

بتبقى العربيه مش شايفه تمشى ويقولوا العربيه فاضيه لسه جوه

 

جزاك الله كل خير

 

انت بقيت مشهور عندى بالنقد الساخر زى عمنا الكبير احمد فؤاد نجم

شارك هذه المشاركه


رابط المشاركه
شار ك علي موقع اخر

الله الله الله الله الله الله عليك يا صااااااااااحب النقد الساخر

اخى الكبير

:present::keda::keda::keda::keda:

الموضوع لو قولت عليه راااااائع يبقى ظلمته

بجد تحفه تحفه تحفه

:keda::keda::022::022:

فعلا جميييييييييييييييييييييييييل

النقد رائع ولكن المهم ان يكون بناءا وليس هادما يحول نفسيتنا الى شعب مدمر

لو لم اكن مصريا لوددت ان اكون مصريا

انا للاسف مصريه جاهزه :022:

على العموم الموضوع ده جيه فى وقته

اشكرك اخى واسال الله ان يجعل كل ما تكتب فى ميزان حسناتك وان يهديك الى كل ما يحبه ويرضاه وان يصلح حال بلادنا ويحول كل ما يسئ اليها الى حسنات

وعلى رايك

البلد دى احسن من غيراها

تقبل تقديرى لتميزك الرائع

شارك هذه المشاركه


رابط المشاركه
شار ك علي موقع اخر

اختي بطوط

اشكر مرورك الذي شرفني كثيرا

واتمنى ان يكون قد نال الموضوع اعجابك

................................................................................

................................................................................

.

.............

اختي تقوى

سعيد جدا بردك ومرورك وتشرفت كثيرا

واشكرك فانا من محبي احمد فؤاد نجم

تحياتي وتقديري الشديد فانت ايضا متميزة وراائعة

................................................................................

................................................................................

.

...............

اختي الصغيرة

طبعا يعني مواضيعي تتميز بمرورك وردك عليها

واتشرف كثيرا بذلك

وسعيد جدا بدعائك المستمر لنا

واتمنى ان يسود الاستقرار بلادنا ان شاء الله

شارك هذه المشاركه


رابط المشاركه
شار ك علي موقع اخر

حبيبى الرائع بشخصيته وموضوعاته

والله إنى أحبك فى الله :present: وأشهد الله والجميع على ذلك

 

الموضوع رائع بحق ، والشعب المصرى شعب جميل (جدع) مشهور بلطفه وجماله بين الشعوب العربية والغربيه أيضاً

بل ومن أكثر الشعوب التى يحبها الزوار الأجانب والعرب لمعاملتهم الطيبه فى معظم الأوقات وشهامتهم الدائمة فى بلادهم أو فى بلاد أخرى

 

المشكلة ليست فى الشعب المصرى .. فعندما يتربى طفل فى بيت لصوص ثم يسرق لا نستطيع لومه .. لأنه تربى على ذلك

أغلب الشعب المصرى يتربى على الروتين والنصب و (الضحك على الدقون) ليس فى بيوتهم فقط .. وإنما فى الشوارع والمصالح وفى كل مكان

 

ما هو واجب علينا .. ليس تغيير فكر الآخرين عن الشعب المصرى .. بل يجب علينا نحن الشباب تغيير هذه العادات بواقع عملى .. بإصلاح أنفسنا ومن حولنا حتى نتخلص من كل هذه العيوب

حينها .. عندما يتحدث أحد بحرف عن الشعب المصرى سيكون كاذباً

عندها يستطيع فقط من يخطىء بحق مصر .. أن يخطىء بالحكومه المصريه - هذه التى لن نستطيع تغييرها وتغيير تعاملها وسياستها

 

بعيداً عن كل هذا .. موضوعك رائع بحق

الشعب المصرى هو زويل ومحفوظ والبردعى ومجدي يعقوب والباز وغيرهم من العظماء المصريين على مستوى العالم

لو كنت قد ذكرت من بين العظماء كما يذكروهم دائماً (أم كلثوم - .......) لم أكن لأرد على موضوعك :keda:

لكنك حقاً .. من شباب ياللا يا شباب - العقل المضىء والقول الراجح بإذن الله

تحيتى وإحترامى وحبى صديقى الحبيب

شارك هذه المشاركه


رابط المشاركه
شار ك علي موقع اخر

اخي وحبيبي احمد

ردك اكثر من راائع وصدقت في كل ماقلت

تشرفت كثيرا بمرورك وردك وسعيد جدا بذلك

لو كنت قد ذكرت من بين العظماء كما يذكروهم دائماً (أم كلثوم - .......) لم أكن لأرد على موضوعك

لكنك حقاً .. من شباب ياللا يا شباب - العقل المضىء والقول الراجح بإذن الله

تحيتى وإحترامى وحبى صديقى الحبيب

اشكرك على هذه الكلمات الجميلة التي تشرفت كثيرا بها

احبك في الله

واحب منتدايا العزيز كثيرا

تحياتي لك اخي

شارك هذه المشاركه


رابط المشاركه
شار ك علي موقع اخر

بجد دموعى نزلت منى غصب عنى وانا بقرا كلامك

 

مش عارفة ليه بزعل أوى من اللى بيحصل ده

 

أنا نفسى مصر تبقى أحلى وأحسن حاجة ,, ليه اتغيرت كده

 

هى مش اتغيرت ,, احنا اتغيرنا فغيرناها ,, ولا احنا كمان مش اتغيرنا وحد غيرنا

 

بدلونا ببضاعة صينى ,, أنا فعلا ملاحظة إن الناس عنيها اضيقت شوية

 

ربنا يارب يصلح حالنا وحال كل الناس والامم المطحونة والقوية هى كمان علشان تبطل افترا شوية

 

بجد حاجة صعبة ,, بزعل جدا أوى والله

 

 

شكرا ليك رجل الصحرا وربنا يكرمك يارب ونقدر نعمل حاجه كويسة لبلدنا وديننا

شارك هذه المشاركه


رابط المشاركه
شار ك علي موقع اخر

دموعك غالية علينا ياندى لانها دموع مصرية اصيلة

انا عندي الامل في شباب ياللا شباب اننا نعمل حاجة كويسة ان شاء الله للبلد

شكرا يااختي الفاضلة لمرورك الذي شرفني كثيرا وميز موضوعي المتواضع

شارك هذه المشاركه


رابط المشاركه
شار ك علي موقع اخر

صديقي الجميييييل بجد بجد بجد موضوع أكثر من راااااائع ..

مصر فيها قصص وحكايات عليها العجب العجاااااااب ..

كلامك كله في محله بصراحة .. وده اللي بيحصل و أكتر منه كمان ..

لكن من الأفضل إننا ما نعملش نفسينا مش شايفين ..

ونقول إحنا مصر تماااااااااام وكله ميه الميه ..

عايزين نفكر إزاي نحل المشاكل دي كلها ..

مش عايزين نقول مثلا مصر خرجت زويل والبرادعي و عندينا التعليم كله مشااااااكل ..

إحنا كلنا عيوووووب ما ليها أول ولا آخر .. وعندنا سلبية غير عادية ..

كل واحد يا عم وأنا مالي خلينا ف حالنا وملنااااش دعوة ..

وده اللي جايبنا ورا يا صديقي العزيز ..

لكن زي ما إنت قولت .. الأمل كله في شباب يا للا يا شباب ..

تقبل مروري المتواضع ..

تحياتي ..

شارك هذه المشاركه


رابط المشاركه
شار ك علي موقع اخر

اولا اشكر مرورك الذي شرفني كثيرا يااخي وحبيبي مصطفى

واسعد جدا بذلك دائما واسال الله لك التوفيق والنجاح دائما ان شاء الله ياكبير الصحفيين قبلي

لكن من الأفضل إننا ما نعملش نفسينا مش شايفين ..

ونقول إحنا مصر تماااااااااام وكله ميه الميه ..

عايزين نفكر إزاي نحل المشاكل دي كلها ..

وده غرضي الفعلي من الموضوع يادرش

ويارب نقدر نعمل حاجة مفيدة لبلدنا ان شاء الله

تحياتي وتقديري

شارك هذه المشاركه


رابط المشاركه
شار ك علي موقع اخر

موضوع متميز جدا من اخونا رجل من الصحراء

الموضوع بيناقش قضية مهمة جدا

وكمان ردود الشباب جميلة جدا جدا

هختصر ردي في

ان العالم كله عنده مشاكل

كل دول العالم عندها مشاكل مهما وجد التطور يبقي هناك مشاكل

ومصر دولة ي اي دولة في العالم

يمكن فيه مشاكل كتير

بس احسن حال من دول ممكن نقول عليها كبيرة وليها مكانه اقتصادية عالية

احنا في ادينا حلول كتير

بحب دايما اوصف حال مصر بجملة قالها شكسبير علي نفسه

لما اتسال ايه رياك في ان عندك دقن طويلة وراس اقرع

فقال غزارة في الإنتاج وسوء في التوزيع

جزيت خيرا

وتقبل مروري وردي المتواضع

الموضوع صعب بس مش مسحيل

شارك هذه المشاركه


رابط المشاركه
شار ك علي موقع اخر

جزاك الله كل خير بجد موضوع جميل

 

بس اللى انا زعلانه منه اللى المصريين عملوه النهارده فى البعثه الجزائريه

 

ده كان حدث مؤسف :crying: اخجلنى كثيرا

 

كنت اتمنى تكون اخلاقنا اعلى من كده بس على رايك

 

هو ده الشعب المصرى

 

جزاك الله كل الخير رجل الصحراء وجعل كل ما تكتب خالص لوجه الكريم

شارك هذه المشاركه


رابط المشاركه
شار ك علي موقع اخر

ربنا يهدينا جميعا لصالح الاعمال

شكرا شهد

شارك هذه المشاركه


رابط المشاركه
شار ك علي موقع اخر

Join the conversation

You can post now and register later. If you have an account, sign in now to post with your account.

زائر
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×
×
  • اضف...

Important Information

By using this site, you agree to our Terms of Use, اتفاقيه الخصوصيه, قوانين الموقع, We have placed cookies on your device to help make this website better. You can adjust your cookie settings, otherwise we'll assume you're okay to continue..