على قد لحافك مد صباع رجلك الصغير

[رجل من الصحراء 36]

على قد لحافك مد صباع رجلك الصغير

اردت ان اعرض عليكم موضوعا منتشرا كثيرا بيننا ان لم يكن فينا في بعض الاحيان

 

هذا الموضوع خطيير جدا ولكننا لا نعطيه اي اهتمام وقد يمر علينا كثيرا مرور الكرام

 

ولا نعطي لانفسنا ولو حتى بضعة دقائق للتفكير فيه وايجاد حل لمن يستخدموه ويمارسوه بل في اغلب الاحيان نكتفي بالسخرية والضحك عليهم.

 

هذا الموضوع هو عبارة عن عادة في كثير من الناس والتي نفسرها بمقولة(أنا لا اكذب ولكني اتجمل)

 

وكالعادة اسمحو لي ان اكسر حاجز اللغة العربية الفصحة حتى استطيع التحدث لان النقد الساخر (بيحب الحرية)

 

الانسان اللي بيعمل كده بنصفه بصفات مختلفه تؤدي لنفس المعنى يعني نقول ان الانسان ده (هتاش) او( بيفتي دايما) اوفي الصعيد يسمى( قباب) او نقول ان الشخص ده (بيفتح صدره) او (بيحب يغني علينا كتيير) او (هجاص) او خياله واسع وهكذا وهكذا وفي النهاية كل الطرق تؤدي الى روما البلد.

 

فتلاقي كثير بيعمل الموضوع ده بغرض الظهور بصورة جميلة امام الاخرين وهوعلى اقتناع تام ان الموضوع ده هوه اللي هيخليه في نظر الناس الشخص المثالي المحترم لا وايه من كتر اعتياده للموضوع بيعيش الدور ويصدق نفسه فعلا ويبدا يتعامل على اساس كلامه اللي بيقوله للناس ويخاف جدا لو حد شافه واكتشف حقيقته

 

قابلت كتيير من النوعيات دي اللي بتحب تعييش بلاش علينا والغريبة انهم بيبقوا معتقدين جواهم ان احنا مش بنحترمهم وده طبعا مش بيكون حقيقي وده اللي بيخليهم يعيشوا علينا زي مابنقول

 

فتلاقي واحد يقلك... ياخي الواحد مش عارف يعمل ايه ...... تقله ليه ياعم خير طبعا انت فاكره عنده مشكلة وعايز تساعده ....... تفاجا انه بيقلك اصلي ياخي زهقت من العربيات الواحد كل اسبوعين يغيرله عربية ومش عارف كده مش بقتنع بسهولة بس هعمل ايه ااهو الواحد عايش وخلاص...

 

ياسلااااااام ياد انت ... المشكلة انك انت عارف انه امكانياته اساسا متسمحش باللي بيقوله ولا حتى باللي اقل من اللي بيقوله بس طبعا بتسمعله.

 

ولا الاخ اللي تتكلم معاه وانت بتشكيله حالك يقلك بص متقلقش انت بس سيبلي الموضوع ده وملكش دعوة عارف فلان الفلاني عضو مجلس الشعب ......

 

ايوه طبعا هو في حد ميعرفهوش

 

اهو ده حبيب هارتي ده معايا دايما كل يوم عارف على كده لسه ماشي من هنا من خمس دقايق بس لو قدمت شوية كنت عرفتك بيه لالالالا اعتبر موضوعك خلصان.

 

وطبعا انت تفرح وتحط في بطنك شادر بطيخ وتيجي تتصل بيه تتطمن تلاقيه يقلك اصلي والله مشغول قوي او اصل الراجل الايام دي في مؤتمر بس اول مايوصل اعتبر موضوعك خلاص او يقلك يباشا عيب عليك كلمتهولك بس هيه العملية هتاخد وقت زي مانت عارف وهكذا طبعا لغاية في النهاية متكتشف ان البطيخ كله اللي حطيته في بطنك اقرع وان الراجل ده بيهتش عليك وانك لوكنت استثمرت الوقت اللي ضيعته في اعتمادك على الشخص ده في انك سعيت وعملت اللي تقدر عليه ساعتها اكيد كنت هتكون احسن.

 

وتلاقي واحد معاك في الشغل وبتتكلم معاه وانت طبعا طالع عينيك ومش عارف مرتبك تصرفه على ايه ولا ايه عليك التزامات وعليك اقساط وعايز تدخل جمعية وعايز وعايز ومش عارف اساسا هيبقالك ايه تصرف منه على نفسك وتبقى شايل الهم والطين وتيجي تقله وتشكيله عشان يشاركك همك كنوع من تخفيف حدة المشكلة على اساس انكم شغالين مع بعض وفي نفس المشكلة. تلاقيه بكل ببساطة يقلك ياراجل هوه انت فاكر ان انا محتاج الشغل ده انا اساسا جاي اشتغل هنا بس عشان اضيع وقت بدل مانا قاعد في البيت اهو اديني بتسلى ده الفلوس اللي الواحد بيطلعها للعمال اللي عندينا في الارض تعيش 100 شركة زي اللي احنا شغالين فيها دي.

 

ولا اللي يحكيلك على بطولاته في انه يفهم كل حاجة في الدنيا وانه محدش يقدر يجاريه في اي حاجة وانه واخد اعلى الشهادات المعتمدة من اكبر الجامعات العالمية وهوه اساسا مكملش تعليمه.

 

وهكذا وهكذا كتير من المواقف اللي الواحد مر بيها شخصيا مع ناس زي كده واكيد كلنا مرينا بالموضوع ده

 

بس اكتر موقف بيضحكني كل ماافتكره انه كان فيه واحد اتعرفت عليه ايام الجامعة وكان من الطلبة المعيدين في كلية الحقوق اللي دخل مع دفعته بتاعة ثانوي ووقع منهم في السكة بتاع عشرة او 11 سنة . طبعا هوواضح عليه جدا انه سنه كبيير. وفي مرة ناس بلدياته كان جايين يسالو عنه وهو مكنش موجود ساعتها. وانا اللي استقبلتهم وبديهي اول سؤال ليا من بلدياته بعد الترحيب واخذ واجب الضيافه .

 

قلي انت على كده صاحب حجاج بيه المحامي؟؟

 

انا سمعت كلمة حجاج بيه المحامي دي وبصراحة مقدرتش امسك نفسي من الضحك لاني ترجمت على طول ان الباشا مفهم الناس عنده في البلد انه محامي وان شغله في بلد تاني وانه مشغول جدا في القضايا بتاعته.

 

والناس ياعيني جايين يشوفوا الباشا اللي هيحللهم مشاكلهم . وطبعا هما ميعرفوش انه مش قادر يحل مشاكله وبيتسنكح على قفايا انا.

 

وعشان مطولش عليكم انا كتبت الموضوع ده لاني فعلا نفسي الاقي حل للمشكلة دي احنا ليه لازم نكدب على الناس ونظهر بصورة غير صورتنا عشان فاكرين ان ده هوه اللي هيخيلنا في نظرهم محترمين وبنسميها تجمل او كذبة بيضة .

 

وليه بنخترع ونتخيل حاجات ونعيشها بالفعل ونزعل جدا من بعض لوحد قال علينا حاجة مخالفة للي بنعمله مع ان الحاجة المخالفة دي هي الصح.

 

ليه الصراحة بقت متعبة والكذب هو اللي بقى اريح.

 

ليه الاحترام والاعجاب بقى بس للي معاهم عربيات وفلوس وفيلات وبيلبسوا من افخم المحلات والموديلات.

 

ليه لما حد يقلنا حقيقتنا ويواجهنا بيها بنزعل منه ولما يضحك علينا ويقول عكس حقيقتنا نحبه.

 

ياترى العيب في مين في اللي بيعمل كده ولا في اللي بيصدقه ولا في اللي بيخليه يستمر على الرغم من علمه انه ده غلط.

 

وياترى ده الاسلوب دلوقتي المتبع عشان الناس تحترمني؟

 

وياترى اللي بيعمل كده هيفضل يكدب او يتجمل على حد قوله لغاية امتى؟

 

ارجو منكم ان تشاركوني اراكم وفعلا محتاج حل للموضوع ده

 

 

 

 

 

[حياتى من اجل ربى 22]

لالالالالالالالالالالالالالالالالالالالالا

كده مينفعش انا هروح فين من موضوعاتك المتميزه دى بقى

يا ابنى انت خساره فى البلد دى

رااااااااااااااااااااائع وهو فعلا((شر البليه مايضحك))

المهم بقى انا عايزه اقولك ان ده تقريبا زى اخر موضوع اللى انا كتبته

بس فعلا كلمه خطييييييييييره جدا((انا لا اكذب ولكنى اتجمل))

مع ان الرسول صلى الله عليه وسلم سال يارسول الله هل يزني المؤمن قال قد يكون ذلك قال هل يسرق المؤمن قال قد يكون ذلك قال هل يكذب المؤمن قال لا ثم أتبعها نبي الله صلى الله عليه وسلم : (إنما يفتري الكذب الذين لايؤمنون)0 0

والله انا مش عارفه اقول ايه غير ان احنا بناخد عندنا فى الجامعه ان دى بتبقى حاله نفسيه((عقده نقص يعنى ))هو حاسس بيها عايز يعيش على الناس

جزاك الله خيرا على الموضوع الجميل اسال الله ان يرزقنا الصدق والسعاده والسير على سنه نبيه صلى الله عليه وسلم وان يوفقنا الى ما يحبه ويرضاه ويصلح حال الاسلام والمسلمين

ويحققلك كل تتمنى

تقبل مرورى المتواضع على موضوعك المفيد والذى سعدت كثيييييرا ان اكون اول من ابدى رايه فيه

شكرا لك

[sheryf 0]

اخي العزيز : الرجل الصحراوي

اولا احب ان اشكرك على تطرقك لموضوع يمس مجموعة الهتاشين اللي لقيناهم انتشروا في كل مجتمع ندخله . وجزاك الله كل الخير عن موضوعك الناقد الساخر الهادف في نفس ذات توقيت اللحظة

في موضوع كنت على وشك طرحه حالا ولكني عندما قرأت موضوعك قررت ان اشاركك الرد بهذا الموضوع.

تميّزك من تقديرك لذاتك

جزمتك نوعها إيه؟

قميصك ماركته إيه؟

موبايلك بكام؟

بعض الناس يتسائلون دوما عن هذه الأشياء.. بالتأكيد قابلت هؤلاء إن لم تكن – أنت نفسك – واحدا منهم

لو كنت من المهتمين بهذه الأشياء وتستهويك آخر الموديلات والصيحات فهذا الموضوع مناسب لك تماما

ما هي قيمتك؟

ما هو منبع تقديرك الذاتي؟

كل شخص منا يبحث عن التقبل والتقدير الذاتي.. وهو ان تشعر أنك شخص: مهم – متميز – رائع

ماهو منبع هذه الأحاسيس بالنسبة لك؟

كل منا له مصدر للتقدير الذاتي يستمد منه تقبله لنفسه .. يعني هناك أشياء حين تحدث, تشعرك بأنك شخص رائع و راض عن نفسك تماما.. فلنتأمل معا هذه الأشياء

*******

تقبل الآخرين

البعض منا يشعر انه رائع إذا ما أعجب به الناس وشهقوا انبهارا به

لو كنت من هذا النوع من البشر و كان هذا هو مصدرك الوحيد لتقبل نفسك.. فاعرف أنك – واسمح لي – أي كلام

انظر في تاريخ البشرية كلها.. لن تجد شخصا واحدا أجمع الناس على تقبله و حبه.. لا بد من أشخاص لا يتقبلونك.. هذه هي طبيعة الحياة

هناك رجل اعمال شهير قال حكمة أعجبتني بشدة

قال: اللي مالوش أعداء, يبقى هفأ

لا بد من أعداء لك .. لن تستطيع – مهما حاولت – أن تجعل الناس كلهم يتقبلونك

لو كان هذا هو مصدر سعادتك الوحيد.. فاعلم أنك لن تكون سعيدا أبدا

*******

ماركة

يسعى البعض لامتلاك كل ما هو جديد و نادر لمجرد انه جديد ونادر

احدث موبايل – احدث سيارة – أغلى الملابس لأشهر مصممي الأزياء

يستمد البعض أهميتهم من الأشياء التي يمتلكونها.. أي أنه سيشعر بالسعادة – فقط – إذا امتلك ذلك الموبايل الذي لم يعرض في أسواق مصر بعد.. إذا ركب سيارة من أحدث موديل

مشكلة هذا النوع من البشر شيئين

أولا: سعادتك مؤقتة

ببساطة لأن موبايلك الذي لم يعرض في اسواق مصر بعد, سيعرض في أسواق مصر قريبا.. والسيارة من احدث موديل, سيظهر موديل جديد منها العام القادم

ومهما امتلكت في حياتك ,وستجد شخصا يمتلك ما هو أحدث منك .. لن ترضى بما لديك ابدا

ثانيا: ستدمر نفسك

ستستمد اهميتك من أهمية ما تمتلكه.. هل تعتقد انك مهم لمجرد انك ترتدي قميصا من ماركة شهيرة؟

هل هذا هو مقياسك الوحيد لتقدير نفسك؟

في حلقة عن هوس الشراء.. يقول خبير التنمية الذاتية الشهير د.فيل ماكجرو: لا أعرف ماركة الجاكت الذي ارتديه.. لقد اعجبني شكله فاشتريته.. لا أبحث عن أسماء مشاهير المصممين فهذا لا يهمني

لن يكتسب د.فيل المليونير أهميته من اسم مصمم الجاكت.. بل الجاكت هو الذي سيكتسب اهمية لأن من يرتديه هو د.فيل

ببساطة حاول أن تشعر انك أهم من ماركة القميص الذي ترتديه او الموبايل الذي تحمله.. هي اشياء تؤدي وظيفة لك.. لو تحكمت في حياتك.. فلا تسمح لنفسك ان تكون بهذه الهيافة

يجب ان تكون أنيقا و تمتلك أشياءا متميزة.. لكن لو لم تكن هذه الأشياء مهمة فعلا بالنسبة لك, ووجدت أنك تنفق ما يفوق قدراتك في شراء هذه الشياء لمجرد أنها من ماركة شهيرة, فأنت في مشكلة

*******

حين أرى طالبا لم يعمل بعد وفي حاجة لكل قرش كي يبني حياته.. حين اراه أنفق الآلاف كي يحمل موبايلا حديثا به إمكانيات لا ولن تفيده في شيء.. يرتدي تي- شيرت غير انيق, دفع فيه المئات لمجرد انه من ماركة شهيرة.. و يرتدي حذائا مخصصا لمتسلقي الجبال رغم انه لن يرى جبلا في حياته

وقتها اعجب جدا جدا جدا باصحاب هذه الشركات الذي استطاعوا إقناع الناس بامتلاك مالن يفيدهم أبدا..لمجرد أنه يحمل علامتهم التجارية

*******

الإنجاز

يجب أن ينبع تقديرك الذاتي من نفسك.. من إنجازاتك.. من ذاتك

لا تستمد تقديرك من الأخرين لأنهم سيخذلونك

لا تستمد أهميتك مما تمتله لأنك لن تمتلك كل شيء

تقديرك الذاتي نابع من ذاتك.. لو خذلك احدهم أو ظهر موديل جديد, ستظل سعيدا لأنك شخص متميز أصلا بأعمالك وإنجازاتك وعلاقاتك

 

ارجو ان يكمل الموضوعان الهدف المنشود في القضاء على الهتاشين

 

 

[رجل من الصحراء 36]

اختي (حياتي من اجل ربي) شرفتيني كثيرا بردك ويسعدني جدا انك اول من ابدى رايه في الموضوع

واحنا بنتعلم منك يااستاذة وعلى فكرة انا قرات موضوعك الاخير ورديت عليه

وربنا يوفقنا دائما الى الخير ان شاء الله

تحياتي وتقديري

................................................................................

................................................................................

.

.............................

 

(شكرا لاضافتك اخي شريف)

تم تعديل January 31, 2009 بواسطه رجل من الصحراء

[الحياه 20]

دائم التميز بأذن الله

ولكن

أدعي الله معي أن يرحمنا من التعامل مع هذه النوعيه

وكفايه

عشان أنا بأيت بطول في الردود الأيام ده

[«۞۩ أبو سليمان ۩۞» 179]

الكذب هو كذب يعني مفيش ابيض و لا احمر و لا شفتشي و لا الالوان دي

 

اللي بيعمل كده عنديه نقطة ضعف عاوز يداريها

 

الوحيد اللي ممكن يخليه يمتنع عن العاده دي هو الصديق الوفي

 

يحاول معاه بطرق غير مباشره عشان ميكرهوش ,,,, واحده واحده و هيقدر يغير تفكيره و كذبه

 

موضوع متميز رجل من الصحران

[رجل من الصحراء 36]

اختي الحياة شرفتيني بردك الجميل وطولي زي مانت عايزة

اخي دكتور عبقرينوا سعيد جدا بردك الذي انار موضوعي

تقبلوا تحياتي

[صناع الحياه 14]

"يشقي المرا اذا كان حجم شهرته اكبر من حجمه "

[رجل من الصحراء 36]

صدقت اخي صناع الحياة وبارك الله فيك وجزاك كل خير

وسعيد جدا بمرورك وكلماتك الجميلة تحياتي وتقديري

[رجل من الصحراء 36]

"يشقي المرا اذا كان حجم شهرته اكبر من حجمه "

[رجل من الصحراء 36]

هل من اراء اخرى

[NADA 34]

بصرحة مفيش كلام ممكن أقوله بعد كل ده

 

رحم الله امرؤ عرف قدر نفسه

 

متميز ف كل أفكارك وطرحك للمواضيع دائما

 

وزى ما قالت حياتى إن دى عقدة نقص

[lovelife 2]

ممتاااااااااااااااااااااااااااااااااااز مقدرش اقول غير استمر

[رجل من الصحراء 36]

شكرا لمرورك اخي الكريم شرفت

تحيتي

[NADA 34]

هو انا ردودى لابسة طقية الاخفا ولا حاجة ؟؟

 

حاضر يا رجل الصحرا ,, بس خليك فاكرها

[رجل من الصحراء 36]

هو انا ردودى لابسة طقية الاخفا ولا حاجة ؟؟

 

حاضر يا رجل الصحرا ,, بس خليك فاكرها

 

اختي ندى معلش بقى العتب على النظر

حكم السن الواحد دلوقتي داخل على 5676 سنة يعني خلاص بقى كبرنا smile.gif smile.gif

وبعدين ده من كتر تميزك وروعتك في الرد نستيني حتى ارد عليكي

منورة الموضوع والمنتدى ايتها العضوة والادارية النشيطة (برده مش بحسد انا بنق بس)

تقبلي مني فائق احترامي وتقديري present.gif

[رجل من الصحراء 36]

مرض يمكن علاجه ام عادة غلبت الطبع؟

[شهد 2010 4]

مرض يمكن علاجه ام عادة غلبت الطبع؟

[/quo

 

 

اولا احييك على قلمك المبدع الجمله دى مع انها صغيره لكنها تحمل الكثير

 

الرد على سؤالك مرض يمكن علاجه مش اقدر اقول غير ربنا قادر على شى

 

 

يهدى من يشاء

 

ام عاده غلبت الطبع

 

فى ديه اقولك الطبع غلاب

 

 

جزاك الله كل خير على مواضيعك الهادفه التى تهم حياتنا

 

تقديرى لك

[رجل من الصحراء 36]

شرفتيني اختي

منورة الموضوع

[رجل من الصحراء 36]

:)

[سجده 44]

و الله ما نجي من نجي من أهل الجنه ال بالصدق

 

و ما هلك من هلك من أهل النار الا بالكذب

 

 

الموضوع دا فعلا مستفز جدا و الابشع من اللي حضرتك ذكرته أن تكون انت و أخينا الكداب دا في موقف معين و تسمعه بيحكيه كأنه فيلم تاني أساساً

 

لدرجه أني و الله بفقد أعصابي ( يعني حضرتك كنت في قطن في ودانك يعني واللا لسه مصحينك من النوم

 

ليه ... ليه الاسلوب دا

 

طب أنت أساساً مستفيد أيه؟ ،، و الله حتي لو هتستفيد من الموضوع دا حاجه حاول تقيسها كدا و شوف هتخسر أيه ؟ ،، نفسك و دينك و أخلاقك اللي ممكن تسمحلك بأي حاجه بعد كدا

 

لما بعنف أي حد يكدب عليا الناس تقول الموضوع مش مستاهل كل دا ،،، يا جماعه دا كدب يعني ممكن بعد كدا يعمل اي حاجه ممكن حتي يخون لان كدبه في حد ذاته خيانه

 

لما أنا أكون مسلمه للكلام أو مأمنه اللي بيحكي أنه بيقول الصدق و بعد كدا يكدب يبقي هو خان الامانه دي و اللي يخون في الصغيره يخون في الكبيره

 

ليه لما أقول أني قاطعت صحبتي لانها كدبت بتبقي حاجه غريبه و لما أقول اني قاطعتها لانها خانتني تبقي كدا حاله طبيعيته ،،، ما الاتنين أساساً واحد

 

و كأن الكدب دا حاجه كدا طبيعيه ،، عادي يعني حقنه كدا واللا شكه دبوس مش مساهله الهوليله اللي أنتي عاملاها

 

مش عارفه ليه أحنا بقينا بنهون الذنوب هو أحنا أساسا ناقصين ،، إذا كان اللي بيكدب عنده مشكله فالمشكله الاكبر في من يهون له ما فعل و يسمح لنفسه ان يكون قبر يدفن فيه الحقيقه

 

 

ربنا يهدي و يصلح الحال يا رب و يعينا علي الدنيا بكل ما فيها

 

جزاك الله خيراً أخي لموضوعك الملموس بكل ما فيه

[ام آدم 0]

فعلا الطبع غلاب.وعشان الناس دي تبطل العاده السيئه دي اكيد هتحتاج لوقت.فانا شايفه الحل اننا لو نعرف حد كده لازم نساعده وناخد بايده. ونقنعه اننا بنحبه لشخصيته واخلاقه.مش عشان مركزه او مادياته.وطبعا ندعيله ربنا يهديه ويتوب عليه.

جزاك الله خيرا فعلا موضوع متميز.

[Dr.A7MD 130]

الانسان اللي بيعمل كده بنصفه بصفات مختلفه تؤدي لنفس المعنى يعني نقول ان الانسان ده (هتاش) او( بيفتي دايما) اوفي الصعيد يسمى( قباب) او نقول ان الشخص ده (بيفتح صدره) او (بيحب يغني علينا كتيير) او (هجاص) او خياله واسع وهكذا وهكذا وفي النهاية كل الطرق تؤدي الى روما البلد.

 

فتلاقي كثير بيعمل الموضوع ده بغرض الظهور بصورة جميلة امام الاخرين وهوعلى اقتناع تام ان الموضوع ده هوه اللي هيخليه في نظر الناس الشخص المثالي المحترم لا وايه من كتر اعتياده للموضوع بيعيش الدور ويصدق نفسه فعلا ويبدا يتعامل على اساس كلامه اللي بيقوله للناس ويخاف جدا لو حد شافه واكتشف حقيقته

 

 

والله كلامك فن الفن يا جميل

 

كأنك فاتح دماغى وشايف اللى فيها

 

سيبك أنت .. أهم حاجة فى الدنيا دى الستر

 

وربنا يحفظنا من الأشكال [ مقص الرقيب ] دى

 

شد حيلك عشان تخاوى بتول ونجوزها قريب

 

تم تعديل July 11, 2010 بواسطه Dr.A7md

[رجل من الصحراء 36]

منور يابوحميد

وربنا يهدي