اذهب الي المحتوي
منتديات ياللا يا شباب

ضفضدع مضيع نضارته

Members
  • عدد المشاركات

    42
  • انضم

  • تاريخ اخر زيارة

عن العضو ضفضدع مضيع نضارته

  • الرتبه
    core_member_rank_5
  • تاريخ الميلاد 08 يول, 1987

البلد

  • الإقامة
    مصرى مضفضع
  1. ربنا يوفقك وييسرلك الخير حيث كان يارب ...عسى غيابك خير ان شاء الله

  2. ربنا يوفقك ويكرمك ويعزك ويعلي شأنك ويرفع قدرك يارب

  3. على فكرة أنا لقيت نضارة ضفدعك هههههه

    جملك الله برقة النسائم ..

    وطيب ذكرك بطيب المسك ..

    وثبت همتك بثبات الجبال الراسيات ..

    وأسكن نفسك حياة دائمة الاشراق ..

    ورسم على محياك بسمة صادقة ..

    وسقى روحك إيمانا متصل الوثاق ..

    وغفر الله لنا ولك ولوالديك ..

  4. يا جماعه انا عايز اتجوز واستقر اصدقائى الاعزاء تحية طيبة عطرة اما بعد اكيد الكل تعجب من عنوان الموضوع بس بصراحة لا يوجد ما يدعى للتعجب مش مصدقين لا صدقوا بجد لاننا اصبحنا فى زمن العجائب ندخل فى المهم والمفيد عندما كتبت عنوان الموضوع هكذا كان بقصد وقصد واضح وصريح ونبدا الحكاية وكان يا مكان كان فية شباب زمان فى زمن غير الزمان كانت الحياة بسيطة وسهلة كان لما يحب الشاب من دول يجرى يتقدم ويخطب اللى بيحبها والامور تمشى على خير ما يرام كان الشاب من دول لما يجى يسال والد العروسة على طلباتة يقولة يا ابنى احنا بنشترى راجل والمهم انك تصون بنتنا ويتم الجواز فى حدود المتاح للعريس والحياة تستمر كلام جميل وفعل اجمل تعالوا بينا بقى فى جيلنا الحالى لما الشاب المسكين يحب ويفكر انة يرتبط بالانسانة اللى حبها اولى الخطوات يروح يتقدم للخطوبة ودة الطبيعى فاذا بالمقولة الشهيرة فى مثل هذة المناسبة تتكرر والشاب يقول لوالد العروسة طلباتك يا عمى يقولة عاوز شبكة ب 10 الاف جنية ومأخر زيهم دة على اقل تقدير وشقة اربع غرف او ثلاثة مش حتفرق كتير والفرش يكون على اعلى مستوى وطبعا الباقى طيب وسط الظروف اللى بيعيشها شبابنا هذة الايام هل دة يعتبر طبيعى بالنسبة لية لية ميكونش فية بعض التنازلات فى هذة الامور ولية التشدد دة من الاباء فى الطلبات اسف جدا طولت عليكم بس الموضوع غاية فى الاهمية ومحتاج لمناقشة افى انتظار ارائكم تحياتى وليد
  5. شكرا لكم اتمنى ان ينال الموضوع اعجابكم وان من مواليد يوليو
  6. فعلا عندكم حق بس تعرفوا ان الناس اللى بتاخد اقل من الف دى بتكون تحت خط الفقر ربنا يعيننا كلنا يارب
  7. <h2 align="left">كفاااااااااااااااااااااااااااااااية!!!!!</h2> شكرااااااااااااااااااااااااااااا
  8. روح و ريحان نثرته لأحباب الرحمن أسأل الله يشملك بالغفران و أن يجعل بسمتكم عادة وحديثكم عبادة و عيدكم سعادة و خاتمتكم شهادة

  9. لو شاطر .. تعرف تعيش فى مصر بـ 1000 جنيه فى الشهر !!! بيان المصروف اليومى والشهرى : - عيش بلدي : 1 جنيه يومياً = 30 جنيه شهرياً (بس لازم تلحق دورك فى طابور الفرن وتلحق شغلك فى نفس الوقت ربنا معاك ) - حليب : 4 جنيه يومياً = 120 جنيه شهرياً ( عدد واحد لتر يومياً ويارب ميطلعش بودرة سيراميك ويكفى العيال ) - فول : 8 جنيه إسبوعياً = 32 جنيه شهرياً ( كيلو فول اسبوعيا يعنى 125 جرام يوميا رضا والحمد لله ) - جبنة بيضاء : 20 جنيه إسبوعيا ً= 80 جنيه شهرياً ( كيلو في الأسبوع 125 جرام يوميا انت عايش ) - بيض : 5 جنيه إسبوعياً = 20 جنيه شهرياً ( عبارة عن 10 بيضات فى الاسبوع يعنى لو اربع افراد يبقى بيضه ونص يومياً للأربعة أفراد ) - خضار : 10 جنيه إسبوعياً = 40 جنيه شهرياً ( عبارة عن صنف واحد بس + كيلو طماطم + ليمونه وحزمة جرجير أسبوعيا ) - فاكهه : 5 جنيه إسبوعياً = 20 جنيه شهرياً ( عبارة عن كيلو برتقال أو قشر موز مرة أسبوعيا عشان العيال تفتكر إسمه ) - شاى : 10 جنيه شهرياً ( لزوم الكيف اللى بيذل والضيوف الرزلين ) - سكر : 4 جنيه إسبوعياً = 16 جنيه شهرياً ( عدد واحد كيلو أسبوعيا .. لزوم الكيف اللى بيذل والضيوف اللى معندهمش دم ) - أرز : 4 جنيه إسبوعياً = 16 جنيه شهرياً ( عدد واحد كيلو أسبوعيا للعائلة كلها .. يعنى 125جرام يوميا للأسرة ومتوسط الفرد 40 جرام ) - زيت طعام : 10 جنيه إسبوعياً = 40 جنيه شهرياً ( لتر اسبوعيا علشان تشرب بق على الريق يزيت معدتك ويستعمل كبديل للخضروات ) - مكرونة : 8 جنيه إسبوعياً = 32 جنيه شهرياً ( عبارة عن عدد 4 كيس 400 جرام أسبوعيا .. خلى العيال تنبسط ) - دجاج : 20 جنيه إسبوعياً = 80 جنيه شهرياً ( عدد واحد دجاجة أسبوعيا للعائله .. أظن معقول ) - لحم : 30 جنيه إسبوعياً = 120 جنيه شهرياً ( عدد واحد كيلو لحم أسبوعيا لزوم صنف الخضار والليمونه وحزمة الجرجير.. ألف هنا وشفا ) - بقوليات : 10 جنيه شهرياً ( عبارة عن كيلو واحد بس شهريا ونقى اللى بتحبه براحتك .. عدس - لوبيا - فاصوليا ) - توابل : 10 جنيه شهرياً ( عبارة عن دقيق + ملح + كمون + فلفل + كسبرة + وممكن تديها خل براحتك ) - صابون : 15 جنيه شهرياً ( عبارة عن صابونه واحدة للحمام + صابون مواعين + مسحوق للملابس ( النظافة عموما ) - مواصلات : 2 جنيه يومياً = 60 جنيه شهرياً ( بعد طابور الفرن تركب أتوبيس الهيئة ذهاب وعودة وبهدله لفرد واحد يوميا ) - حلاق : 10 جنيه شهرياً ( عبارة عن حلاقة الشعر + ماكينات حلاقة الذقن ( طبعا متنساش انت جبت صابونه للحمام هى هى الصابونه اللى هتحلق بيها دقنك ( نعيما ياباشا ) - مصروفات مدرسية : 10 جنيه إسبوعياً = 40 جنيه شهرياً ( عبارة عن مصروفات المدرسة + مصروف العيال اليومى + كراسات وأقلام وجلاد ... إلخ ) - دكتور : 30 جنيه شهرياً ( نمرض بالدور طبعا .. عدد أربعة أفراد × مرة واحدة للفرد كل 4 اشهر وربنا يستر ) - أدوية : 50 جنيه شهرياً ( أكيد طبعا العلاج بالدور وربنا يستر واثنين ما يمرضوش فى وقت واحد .. تبقى كارثة ) - فاتورة التليفون : 10 جنيه شهرياً ( اشتراك الهيئة فقط .. هنرد بس ومش هنتكلم .. ماعدش ينفع كلام ) - فاتورة المياه : 10 جنيه شهرياً ( للأسف ده لو فلوسك على أدك ويبقى لازم تشرب مياه ملوثة بالمجارى ) - فاتورة الغاز : 5 جنيه شهرياً ( الحمد لله .. غاز طبيعى .. الله يكون فى عون اللى عنده أنابيب (10 جنيه للأنبوبة) وممكن تطلع فاضية ) - فاتورة الكهرباء : 20 جنيه شهرياً ( لمواكبة التطور ... غساله ملهاش مسحوق .. تلاجة فاضية .. بوتجازيستخدم مرة كل أسبوع ) - قمامة : 10 جنيه شهرياً ( ودى إجبارى طبعا ومن الواضح إن العيشة دى ما فيهاش أكل أساساً .. يبقى القمامة هتيجى منين ؟ ) - بواب : 15 جنيه شهرياً ( ماهو من حقه يعيش هو كمان .. لو عشرشقق يبقى 150 جنية شهريا .. خليه يهيص ) - صيانة : 30 جنيه شهرياً ( لإصلاح الأجهزة بالدور .. غسالة - سخان - بوتوجاز - مروحة - ثلاجة - سباكة - لمبات إنارة .. الخ ) - ملابس : 100 جنيه شهرياً ( عبارة عن الصيفى والشتوى داخلى وخارجى واحذية وشرابات وكلونات واتصرف بقى ) ------------------------------------------ الإجمـالى : 1081 جنيه شهرياً ----------------------------------------- أكيد اللى ها يخليك تعرف تعمل الكلام اللى فوق ده ها يخليك تتصرف وتضغط مصروفاتك شويه علشان تبقى الحسبة 1000 جنيه بس .. أقولك نصيحة ؟ : ما تمرضش وما تخدش أدوية وشيل 80 جنيه معلش ربنا يقويك وينصرك على من يعاديك ويكفيك شر المرض إيجار الشقة طبعا قانون جديد وللأسف مالهوش قانون .. كل واحد وبخته .. ومش ها نحسبها كل واحد يقعد عند أمه . وبالمناسبة .. عيد الام ربنا يخليها ويديها الصحة .. كل سنة وهى طيبة عيد الكحك .. مضر ومالهوش لازمة عيد اللحمة .. مضر ومالهوش لازمة حلاوة المولد .. السكر مضر ومالهوش برضه لازمة .. ولو على الحلويات رمضان كريم وخيره كتير أخ خ خ نسيت احسب زكاة الفطر بس مش عارف هادفعها ولا هاخدها ؟ عموما هاقولكم على قائمة الممنوعات والمحظورات .. متقربوش منها علشان تعرفوا تتنيلوا وتكملو الشهر ممنوع .. الحلاوة والمربى والعسل والزبدة وكافة أنواع الجبن عدا ما ذكر فى التعيين ( الجبنة البيضا ) ممنوع .. المعلبات .. تونه - بلوبيف - لانشون - سالمون - وطبعا البسطرمة والزيتون والمخللات أوعى قلبك يحن لعيل من العيال وتجيبله شيبسى ولا بيبسى أو كراتيه ونايتى ولاعسلية ولا بسكوت ولا شيكولاته .. إياك ومنتجات العيال الصغيرين حتى لو حليب بالفواكه أو لبان وجيلى كولا وهوهوز .. حتى الشيتوس يتفرج على الكرتون بتاعه فى التليفزيون ومتخليهوش يتفرج على الاعلانات بين الفاصل ممنوع اللحوم بانواعها .. البوفتيك والاستيك والرقبة والموزة واللوزة كله كلام فاضى خليك فى تعيينك الاسبوعى .. ومتنساش ان البانيه والفيليه من الممنوعات .. وماتقربش وماتمشيش فى الشارع جنب كنتاكى وهاردييز وهاربيز وتكه ومؤمن وكوك دور .. وإياك من السندوتشات عموما زى الطعمية والبطاطس والباذنجان والحاجات الحلوة دى مش مطلوبه تعملك حموضه وهتحتاج فوار وإحنا ماعملناش حسابه فى مشتروات الدوا .. وطبعا مش محتاج أقولك وافكرك انك ممعكش فلوس علشان يبقى نفسك فى سندوتش فرنساوى مليان كبدة اسكندرانى ولا مخ . خليك واقعى وانسى المحمر والمشمر واللب والسودانى والتسالى بانواعها والمحمصات والمقرمشات والمكسرات بأنواعها .. بالعربى أنت زى العصفورة تاكل عيش ودنيبة رز وتشرب ميه .. عمرك سمعت عن عصفورة ركبت دش أو وصلت نت او حتى فكرت تاكل ترمس او تشرب حمص كله كلام فاضى ممنوع ياسيد اهم حاجة ماتروحش لدكتور ومتجبش مدرس ولا ادوية وإياك من المعجنات زى البيتزا والفطائر ومش محتاج افكرك ان البسبوسه والجلاش والكنافة والقطايف والجاتوة والشاتوة والتورت وام على وصوابع زينب ورموش الست والكحك والغريبة ممكن تستغنى عنهم طبيعى انك مش هتقرب من الفواكهة خالص زى البرقوق والمانجو والبطيخ والفراوله والكيوى والخوخ والعنب والتفاح حتى الكاكا والحرنكش والنبأ والقصب والدوم والتوت ممنوع سيادتك وطبعا معجون الاسنان والحلاقة والشامبو والبلسم كلها رفاهيات ماليكش فيها زى البصل والتوم والبطاطس كلها أساسيات ماليكش فيها برضه .. وماتنساش تبعت الميل للناس اللى تعرفهم هما اكيد زيك محتاجين شوية نظام مش اكتر هما غلابة .. وفكرهم يقولوا لعيالهم لو شافوا مسلسل فى التليفزيون مليان بهرجه إن دى قصص خيالية كانت فى العصور القديمة فترة من الزمن وإن الواقع زى ماهما شايفيين دلوقتى . حتى الإعلانات حاولوا تفهموهم إنها مجرد ألوان مبهرة وتكنولوجيا فى علم التصوير وتخيلات ممكن تحصل بعدين زى ماحصل فى امريكا وكندا وفرنسا والمانيا واوروبا كلها .. وان الحجات دى علشان لما الناس دى ييجوا عندنا يلاقو منها ويعرفو يعيشو هى مش لينا دى ليهم هما أصحاب البلد ولازم ينبسطو عموما لو على الكلام مش هايخلص روح بقى الحق طابور العيش لايفوتك .. تبقى مصيبة لو أنا اللى عطلتك ورحت لقيت الفرن شطب وتقعد طول اليوم تدعى عليا .
×
×
  • اضف...

Important Information

By using this site, you agree to our Terms of Use, اتفاقيه الخصوصيه, قوانين الموقع, We have placed cookies on your device to help make this website better. You can adjust your cookie settings, otherwise we'll assume you're okay to continue..