اذهب الي المحتوي
منتديات ياللا يا شباب

سجده

مشرفي الأقسام
  • Content count

    849
  • تاريخ الانضمام

  • تاريخ اخر زياره

  • Days Won

    7

سجده last won the day on January 1 2016

سجده had the most liked content!

11 متابعين

عن العضو سجده

  • الرتبه
    core_member_rank_10
  • تاريخ الميلاد 24 فبر, 1988

core_pfieldgroups_2

  • core_pfield_8
    أم الدنيا
  • core_pfield_9
    النت ، كتابه خواطر ومقالات ، تعلم كل ما هو جديد
  • core_pfield_2
    بنت - مصــر

core_pfieldgroups_3

  • core_pfield_13
    لا يوجد
  • About Me
    وسام التميز
  1. العيد باقي عليه أيام و كل بيت وله عاداته من تنضيف و كحك و دي حاجه كدا تحسها متوارثه عبر الاجيال يعني الكحك لازم يتعمل مهما كانت الظروف.. تنفيضه العيد خط أحمر والله لو لسه قالبه الشقه نقلبها تاني عالعيد،، يعني الناس تقول علينا إيه اللي مقلبوش عالعيد أهم.. السجاد يتغسل حتي لو لسه مغسول واللا العيال يزفوكي اللي عيدت بسجاد مش مغسول آهي.. كل دي عادات جميله- مع اختلاف الاراء- و بتحسسنا فعلا بفرحه العيد و كلها مباحات و الحمد لله لكن من اكتر الحاجات اللي لاحظت إصرار عليها في إقتراب العيد مع خطورتها و عِظم ذنبها هو موضوع "النمص" طبعاً البنات-إلا من رحم ربي- حواجبها إترفعت تلقائي إعتراضاً علي الكلام من قبل ما يبتدي طيب أنا مش هرفع حواجبي و يبقي حاجب بحاجب و أشمت الناس فينا.. نزلي حواجبك يا ست البنات ايوا انتي يا سكر.. ايوا يا حفيده عائشة - أنا آه حواجبك اترفعت نزليها و قولي لا إله إلاّ الله -أنا حفيده عائشة أيوا يا ست الكل مش قولتي لا إله الا الله،، تعالي نتكلم براحه اولا: اُشهد الله إني احبك في الله - هو انتي تعرفيني لأ.. بس بحبك و بخاف عليكي جدااااا كمان لأنك مسلمه - لسان حالها بيقول "هتثبتني بكلمتين و أحبك و بتاع متعرفش إن حواجبي خط احمر زيها ذي الشقه بالضبط لازم تتقلب عالعيد بس خليني معاها للأخر " بصي يا قمر،، شكلك سرحتي مني -ها.. لا لا سمعاكي طيب رسولنا و شفيعنا و قدوتنا محمد صل الله عليه وسلم قال لعن الله الواشمات و المستوشمات و المتنمصات... - عارفاه.. عارفاه الحديث ما شاء الله بارك الله فيكي.. طيب فهماه؟؟ عارفه يعني إيه "لعن"؟؟ - يعني طرد من رحمه ربنا،، لو مرحمناش مين هيرحمنا لو مرحمناش مش هندخل الجن..... -إييييييييييييه!!!! إنتي هتفتي و تقولي مين يدخل و مين ميدخلش!!!!!!! لا لا اهدي بس مش أنا اللي بقول - و أعمالي؟؟!!! دنا صوامه قوامه و بعدين مهو ربنا بيقول و نودوا ان تلكم الجنه التي أورثتموها بما كنتم تعملون إهدي بس وصلي علي النبي -عليه أفضل الصلاة والسلام الرسول الكريم قال "لن يدخل الجنه أحداً عمله" قالوا : ولا أنت يا رسول الله؟ قال: "ولا أنا، إلا أن يتغمدني الله منه برحمه - طيب و الايه الكريمه أنا فهماها غلط؟؟ لأ إنتي فاهمه الاتنين و مخك حلو و ست البنات كمان.. إسمحيلي بس أوضحلك حاجه.. - إتفضلي،،، أما نشوف اخرتها-دا لسان حالها طبعا متقدرش تقولي كدا- الحديث قال ان اصل دخول الجنه برحمه الله الايه اللي انتي ذكرتيها بتقول ان الاعمال سبب في دخول الجنه وربنا هو اللي بيعين و يوفق للاعمال الصالحه برحمته برضو مش بذكائنا و لا نصاحتنا،، أعمالك سبب دخول الجنه بس مش ثمن للجنه لو عشتي عمرك كله صوامه قوامه متصدقه و مبتعمليش ولا معصيه دا مشة هيكون ثمن و مقابل ساعه واحده في الجنه مش تخليد في الجنه كمان و ما أدراكي ما الجنه و نعيمها فيها ما لا عين رأت ولا أُذن سمعت و لا خطر علي قلب بشر.. إزاي أعمالك -إن صحت كلها - تكون ثمن الجنه؟؟؟!!!!! فهمتي؟؟؟ -؟؟!!!!! هبسطهالك،، معلمتي ضربتلنا مثل حلو أوى علي الموضوع دا قالتلنا "تخيلو لو في موظف بيشتغل عدد ساعات معينه 5 ساعات مثلا و مرتبه 1000جنيه،، جه الموظف دا إشتغل بجِد و إجتهاد لحد ما وصل 7 ساعات شغل،، فصاحب الشغل حب يكافئه فأعطاه مرتب 5 مليون جنيه... تفتكري يستحقها؟؟؟ - لأ دا صاحب الشغل دا كريم أوي أومال أخد الفلوس دي كلها ليه؟؟؟ - مش عارفه يمكن عشان هو إجتهد صح.. هو مجتهد،، إجتهد بس عمره ما كان اجتهاده و الساعتين الزياده اللي اشتغلهم- أعمالك- ثمن ال 5مليون جنيه -الجنه- فهمتي؟؟؟؟ - فهمت.. مهما عملت من اعمال هي سبب دخول الجنه لان مش هينفع ادخلها بلا عمل بس أعمالي مهما صلُحت مش ثمن للجنه الابديه الجنه هندخلها فقط برحمه ربنا الله يفتح عليكي و يبارك بعمرك يارب،، أنا مغلطش أما قولت عليكي ست البنات نكمل -كملي الحديث الأولاني فوق خالص بقي بيقول إن اللعن هو الطرد من رحمه الله و من الملعونات المتنمصات إنتي بقي تخيلي انه مش مجرد نزع شعيرات دا نزع من رحمه الله اللي.... -اللي اصلا هتدخلنا الجنه الله يفتح عليكي عارفه إنتي بقي المشكله ان لو مش جنه هيكون نار مفيش حاله او حد في النص بقولك إيه.. ما تدخلي كدا تحطلنا إيدك علي البوتاجاز - دي إتجننت بينها طب بلاش إطفي التكيييف و المراوح النهارده و قضيها كدا... - أظن الرساله وصلت السكر اللي بتقول المسلمين هيدخلو الجنه في الاخر برضو بعد عذاب النار - عرفتي ازاي إني هقول كدا؟ حفظاكو يا بنات حوا حفظاكو.. ونتي بذات مش هرد عليكي خلي جلدك ينضج في النار و يستبدل بغيره وذوقي العذاب و هناك مفيش صن بلوك يا أم الفكاكه واقفه بعيد ليه تعالي يا سكر جنبي هنا.. الجو حر النهارده أأاااااااااااااه طب ما تروحي تقلعي الطرحه وأهو الجو حر و الدنيا صيام - إنتي إتجننتي ليه!!!؟؟هتحسي بإنتعاش كدا لما تلبسلنا حاجه خفيفه شويه - لا طبعا حرام الله.. طب مهو النمص حرام دا مش حرام و بس و خطورته ذكرناها.. اشمعني بقي هناخد من الدين اللي علي مزاجنا واللا عشان التقاليد متسمحش تقلعي حجابك و تخرجي بلبس خفيف لكن تسمح بنمص حواجبك سكتي ليه؟؟ إكتشفتي إنك لبساها عشان العرف مش الدين لو كان عشان دينك كانو الاتنين بقو واحد يا اُخيتي: إنه من الخزي ان تكون مرجعيتنا التقاليد و العادات مش الدين .. صح؟ - صح -طيب...... إستني عاااارفه -عارفه ايه هتقوليلي اللي قال ان النمص هو ازاله الحاجب و ان ازاله الشعر الزائد حلال و بالمره كمان ازله الشعر من فوق الحاجب حلال و من تحته حرام يا أختاه: الحاجب معروف شرعاً و طبياً و عند بتوع الكوافيرات و هاتي اي عيل هيشاورلك عليه بس حاسبي ايده تدخل في عينك الحاجب هو العظمه التي تعلو العين و الشعر اللي عليها.. ها واضحه دي أظن و النمص هو إزله الشعر دا سواء بقي إزله نصه إزلته كله ولا كام شعرايه منه كله واحد ويا حبيبتي: كل دا إسمه تحايل.. كلمه الحرام كبيره أوي يا قلب اختك و عشان كدا مبتتجزئش بلاش نبقي عاملين ذي أصحاب السبت و ربنا قال " يَا يَحْيَىٰ خُذِ الْكِتَابَ بِقُوَّةٍ ۖ.." - يعني إيه؟؟ يعني إنتزعي كلمه الحق.. و فعل الحق.. و قول الحق إشمعني يعني شعرك بتنتزعيه بسهوله ها؟ ها؟ إفتكري انه مش نزع شعيرات دا نزع من رحمه الله نزع من الجنة إنتي خايفه علي شكلك صح؟ - عرفتي إزاي؟؟؟!!!! منا انثي زيك هو انتي بتكلمي اخوكي عشان تتجوزي.؟؟؟ الزواج رزق و الله هو الرازق عشان زوجك.. خايفه؟؟ خايفه ازاي ونتي معاكي رب الكون؟؟؟!!!!! اقولك علي حاجه سمعتها قبل كدا.. واحده كانت بتحب زوجها جدا و بتحاول ترضيه و تلفت نظره بكل الطرق عشان ميبصش بره.. صبغ شعر و اجمل لبس ومانيكير كل دا حلال مقولناش حاجه المشكله إنها بقت بتتفنن في عمل حواجبها عشان تغير من شكلها و ميملش منها.. النهارده حواجبها رفيعه بكره طخينه بعده شالتها خالص و رسمت حواجب غيرها بعده مهبب بهباب اسود .. ياما.. ياما الاخوات نصحوها ووضحو ليها إن دا حرام و معصيه بس هي كانت بتخاف.. بتخاف يبص بره.. يا بنتي يهديكي يرضيكي.. في أساليب تجميل كتير غير اللي بتعمليه دا.. وهي أبداً لو معملتش حواجبها وغيرت كل كام يوم هيبص بره.. وكأنها كدا بمنتهي التحدي بتقول مش عايزه الجنه المهم هو عارفه كانت نتيجه دا إيه؟؟ سابها.. سابها و راح اتجوز صاحبتها.. سابها بعد كل اللي عملته عشانه و بعد حرصها عليه و بعد الذنوب اللي شالتها عشان ترضيه و للعلم صاحبتها شبها بالضبط يعني مبصش بره عشان إهمال و لا عشان حاجه مختلفه عن اللي عملته ذي ما كانت معتقده عارفه ليه دا حصل؟؟ لإنها حرصت علي رضاه قبل رضا الله و لم تُرضي الله فيه عشان كدا جه العقاب برضو فيه حبيبك النبي قال إن الله لا يقبل من العمل إلا ما كان له خالصاً و ابتغي به وجهه صاحبتنا كانت بتتجمل عشان ترضي زوجها مش عشان ترضي الله بحسن تزينها له لا دي كانت بتعصي الله هيبص بره.. قادر ربنا يحليكي في عينه- دا لو هتبقي وحشه اصلاً- و ميشوفش غيرك من النساء إنتي أطاعتي رب الكون القادر يقول له كن فيكون إدعي الله و الدعاء سبب في تغيير القدر عارفه لما عيل يغلبك و تروحي تشتكي لأبوه و يقولك سبيهولي.. هو كدا بالضبط مع الفارق الكبير طبعاً اللي هو انا جبتهالك من فوق يا معلم كمان خدي بالاسباب.. حاوريه.. إقنعيه مقتنعش.. إرفعي حاجبك ذي ما كنتي رفعاهولي في الاول ونا هرفع معاكي.. لا طاعه لمخلوق في معصيه الخالق ونا مش بعصيكي علي زوجك..زوجك هو أحق الناس بالطاعه بس زوجك الكيوت الامور اللي بيقولك يا بيبي في الاخره هيقول نفسي.. نفسي شكلك مش حلو شكلك مش عارف ايه كلمتين مالهمش تالت.. "هل أنتم مغنون عنا نصيبنا من النار" في واحده هناك أهي مش مقتنعه و حواجبها لسه مرفوعه ... تعالي.. تعاليلي.. قربي - أنا بس كنت بقول: آااااااا تتتتن امممم ..... لا أنا اللي هقولك.. مش مقتنعه نتقابل في الأخره
  2. سجده

    محاضره غُسل

    كل ما تتاح لدي فرصه لحضور محاضره غُسل لا اضيعها ابداً .. أنام لشرح الغُسل علي و ألبس الكفن و يقفل علي وكأني ساُدفن.... لا أهل.. ولا ولد.. ولا سكن.. بمفردي أنا و العمل من ربي؟...وما ديني؟..... وما هذا الرجل الذي بُعث فينا؟ كيف صليت؟...وكم حفظت من القرآن؟ تصدقت و زكيت أم حرصت و بخلت؟ حينها اصرخ من قلبي.... ربارْجِعُونِ لَعَلِّي أَعْمَلُ صَالِحًا فِيمَا تَرَكْتُ يُفك الكفن وأرجع للدنيا.. وُلدت من جديد.. لبست الكفن مرات و مرات وفي كل مره يُفك اُسئل عن احساسي ولا رد... ولا حركه.. ولا حياه حاولت ترجمه احساسي في كلمات تبدو غير منمقه لكنها كُتبت بماء العين حتي صورتي كانت حقيقيه غير كل صوري التي احرص فيها علي مظهري كانت بلا ابتسامه زائفه كانت واقع و سنعيشه في محاضره غُسل طلبت جسداً معلمتي تقدمت أنا و كان الشرح علي عملي غُسلت بملابسي و ألبسوني كفني تأثرت نفسي و بالكاد حملتني قدمي ورأيت فيهم من اُذهل و من يبكي و في يوم مثل هذا ساُقبض إلي ربي ستنزع ملابسي و يكون الغسل شرعي ساُحمل إلي قبري و يتساوي عندي ما يُفرح و مايُبكي سيكون هذا مسكني ولا أدري من سيُؤنسني سيذهب الكل و يبقي قرآني و صومي وينقطع عملي إلا من علم و صدقه أو دعاء ولدي ساُسئل عن ربي و عن ديني و تُري ما قولي؟ سأري مقعدي إن كان جنه أو كان نار فيا ويحي سأصرخ و أبكي و من سيسمعني؟ فهل سيشفع لي عملي؟؟؟؟ و هل سيقبل توبتي ربي؟؟ في محاضره غُسل طلبت جسداً معلمتي تقدمت أنا و كان الشرح علي عملي غُسلت بملابسي و ألبسوني كفني تأثرت نفسي و بالكاد حملتني قدمي ورأيت فيهم من اُذهل و من يبكي و في يوم مثل هذا ساُقبض إلي ربي ستنزع ملابسي و يكون الغسل شرعي ساُحمل إلي قبري و يتساوي عندي ما يُفرح و مايُبكي سيكون هذا مسكني ولا أدري من سيُؤنسني سيذهب الكل و يبقي قرآني و صومي وينقطع عملي إلا من علم و صدقه أو دعاء ولدي ساُسئل عن ربي و عن ديني و تُري ما قولي؟ سأري مقعدي إن كان جنه أو كان نار فيا ويحي سأصرخ و أبكي و من سيسمعني؟ فهل سيشفع لي عملي؟؟؟؟ و هل سيقبل توبتي ربي؟؟
  3. في ﻋﻬﺪ ﻋﻤﺮ ﺑﻦ ﺍﻟﺨﻄﺎﺏ ﺟﺎﺀ ﺛﻼ‌ﺛﺔ ﺃﺷﺨﺎﺹ ﻣﻤﺴﻜﻴﻦ ﺑﺸﺎﺏ ﻭﻗﺎﻟﻮﺍ ﻳﺎ ﺃﻣﻴﺮ ﺍﻟﻤﺆﻣﻨﻴﻦ ﻧﺮﻳﺪ ﻣﻨﻚ ﺃﻥ ﺗﻘﺘﺺ ﻟﻨﺎ ﻣﻦ ﻫﺬﺍ ﺍﻟﺮﺟﻞ ﻓﻘﺪ ﻗﺘﻞ ﻭﺍﻟﺪﻧﺎ ﻗﺎﻝ ﻋﻤﺮ ﺑﻦ ﺍﻟﺨﻄﺎﺏ: ﻟﻤﺎﺫﺍ ﻗﺘﻠﺘﻪ؟ ﻗﺎﻝ ﺍﻟﺮﺟﻞ : ﺇﻧﻲ ﺭﺍﻋﻰ ﺇﺑﻞ ﻭﻣﺎﻋﺰ.. ﻭﺍﺣﺪ ﻣﻦ ﺟﻤﺎﻟﻲ ﺃﻛﻞ ﺷﺠﺮﻩ ﻣﻦ ﺃﺭﺽ ﺃﺑﻮﻫﻢ ﻓﻀﺮﺑﻪ ﺃﺑﻮﻫﻢ ﺑﺤﺠﺮ ﻓﻤﺎﺕ ﻓﺎﻣﺴﻜﺖ ﻧﻔﺲ ﺍﻟﺤﺠﺮ ﻭﺿﺮﺑﺖ ﺍﺑﻮﻫﻢ ﺑﻪ ﻓﻤﺎﺕ ﻗﺎﻝ ﻋﻤﺮ ﺑﻦ ﺍﻟﺨﻄﺎﺏ : ﺇﺫﺍ ﺳﺄﻗﻴﻢ ﻋﻠﻴﻚ ﺍﻟﺤﺪ ﻗﺎﻝ ﺍﻟﺮﺟﻞ : ﺃﻣﻬﻠﻨﻲ ﺛﻼ‌ﺛﺔ ﺃﻳﺎﻡ ﻓﻘﺪ ﻣﺎﺕ ﺃﺑﻲ ﻭﺗﺮﻙ ﻟﻲ ﻛﻨﺰﺍً ﺃﻧﺎ ﻭﺃﺧﻲ ﺍﻟﺼﻐﻴﺮ ﻓﺈﺫﺍ ﻗﺘﻠﺘﻨﻲ ﺿﺎﻉ ﺍﻟﻜﻨﺰ ﻭﺿﺎﻉ ﺃﺧﻲ ﻣﻦ ﺑﻌﺪﻱ ﻓﻘﺎﻝ ﻋﻤﺮ ﺑﻦ ﺍﻟﺨﻄﺎﺏ: ﻭﻣﻦ ﻳﻀﻤﻨﻚ ﻓﻨﻈﺮ ﺍﻟﺮﺟﻞ ﻓﻲ ﻭﺟﻮﻩ ﺍﻟﻨﺎﺱ ﻓﻘﺎﻝ ﻫﺬﺍ ﺍﻟﺮﺟﻞ ﻓﻘﺎﻝ ﻋﻤﺮ ﺑﻦ ﺍﻟﺨﻄﺎﺏ : ﻳﺎ ﺃﺑﺎ ﺫﺭ ﻫﻞ ﺗﻀﻤﻦ ﻫﺬﺍ ﺍﻟﺮﺟﻞ ﻓﻘﺎﻝ ﺃﺑﻮ ﺫﺭ : ﻧﻌﻢ ﻳﺎ ﺃﻣﻴﺮ ﺍﻟﻤﺆﻣﻨﻴﻦ ﻓﻘﺎﻝ ﻋﻤﺮ ﺑﻦ ﺍﻟﺨﻄﺎﺏ : ﺇﻧﻚ ﻻ‌ ﺗﻌﺮﻓﻪ ﻭﺃﻥ ﻫﺮﺏ ﺃﻗﻤﺖ ﻋﻠﻴﻚ ﺍﻟﺤﺪ ﻓﻘﺎﻝ ﺃﺑﻮ ﺫﺭ ﺃﻧﺎ ﺃﺿﻤﻨﻪ ﻳﺎ ﺃﻣﻴﺮ ﺍﻟﻤﺆﻣﻨﻴﻦ ﻭﺭﺣﻞ ﺍﻟﺮﺟﻞ ﻭﻣﺮ ﺍﻟﻴﻮﻡ ﺍﻷ‌ﻭﻝ ﻭﺍﻟﺜﺎﻧﻲ ﻭﺍﻟﺜﺎﻟﺚ ﻭﻛﻞ ﺍﻟﻨﺎﺱ ﻛﺎﻧﺖ ﻗﻠﻘﻠﻪ ﻋﻠﻰ ﺃﺑﻮ ﺫﺭ ﺣﺘﻰ ﻻ‌ ﻳﻘﺎﻡ ﻋﻠﻴﻪ ﺍﻟﺤﺪ ﻭﻗﺒﻞ ﺻﻼ‌ﺓ ﺍﻟﻤﻐﺮﺏ ﺑﻘﻠﻴﻞ ﺟﺎﺀ ﺍﻟﺮﺟﻞ ﻭﻫﻮ ﻳﻠﻬﺚ ﻭﻗﺪ ﺃﺷﺘﺪ ﻋﻠﻴﻪ ﺍﻟﺘﻌﺐ ﻭﺍﻹ‌ﺭﻫﺎﻕ ﻭ ﻭﻗﻒ ﺑﻴﻦ ﻳﺪﻱ ﺃﻣﻴﺮ ﺍﻟﻤﺆﻣﻨﻴﻦ ﻋﻤﺮ ﺑﻦ ﺍﻟﺨﻄﺎﺏ ﻗﺎﻝ ﺍﻟﺮﺟﻞ : ﻟﻘﺪ ﺳﻠﻤﺖ ﺍﻟﻜﻨﺰ ﻭﺃﺧﻲ ﻷ‌ﺧﻮﺍﻟﻪ ﻭﺃﻧﺎ ﺗﺤﺖ ﻳﺪﻙ ﻟﺘﻘﻴﻢ ﻋﻠﻲ ﺍﻟﺤﺪ ﻓﺎﺳﺘﻐﺮﺏ ﻋﻤﺮ ﺑﻦ ﺍﻟﺨﻄﺎﺏ ﻭﻗﺎﻝ : ﻣﺎ ﺍﻟﺬﻱ ﺃﺭﺟﻌﻚ ﻛﺎﻥ ﻣﻤﻜﻦ ﺃﻥ ﺗﻬﺮﺏ ؟؟ ﻓﻘﺎﻝ ﺍﻟﺮﺟﻞ : ﺧﺸﻴﺖ ﺃﻥ ﻳﻘﺎﻝ ﻟﻘﺪ ﺫﻫﺐ ﺍﻟﻮﻓﺎﺀ ﺑﺎﻟﻌﻬﺪ ﻣﻦ ﺍﻟﻨﺎﺱ ﻓﺴﺄﻝ ﻋﻤﺮ ﺑﻦ ﺍﻟﺨﻄﺎﺏ ﺃﺑﻮ ﺫﺭ ﻟﻤﺎﺫﺍ ﺿﻤﻨﺘﻪ ؟؟؟ ﻓﻘﺎﻝ ﺃﺑﻮ ﺫﺭ : ﺧﺸﻴﺖ ﺃﻥ ﻳﻘﺎﻝ ﻟﻘﺪ ﺫﻫﺐ ﺍﻟﺨﻴﺮ ﻣﻦ ﺍﻟﻨﺎﺱ ﻓﺘﺄﺛﺮ ﺃﻭﻻ‌ﺩ ﺍﻟﻘﺘﻴﻞ ﻓﻘﺎﻟﻮﺍ ﻟﻘﺪ ﻋﻔﻮﻧﺎ ﻋﻨﻪ ﻓﻘﺎﻝ ﻋﻤﺮ ﺑﻦ ﺍﻟﺨﻄﺎﺏ : ﻟﻤﺎﺫﺍ ؟ ﻓﻘﺎﻟﻮﺍ ﻧﺨﺸﻰ ﺃﻥ ﻳﻘﺎﻝ ﻟﻘﺪ ﺫﻫﺐ ﺍﻟﻌﻔﻮ ﻣﻦ ﺍﻟﻨﺎﺱ. عظماء كانوا ..
  4. السلام عليكم و رحمه الله و بركاته وحشتونيييييييييييييييييييييي كتير اوي ربنا يجمعنا علي خير يا رب شوفت حاجه كدا و قلت احكيلكو عليها (اسمحولي اتكلم بالعاميه) الموضوع دايقني جدا و انتو عارفيني انا مش بسكت المهم من حوالي 3 سنين الا شويه انتقلت لبيت الزوجيه اللي كان بعيد شويه عن بيت أهلي والمشكله مش في البعد و بس المشكله ان الطريق صعب شويتين و كنا بتطلع عنينا انا و جوزي يوم ما افكر ازور اهلي بحثا عن مطلع للدائري من اليمين للشمال و من هنا لهنا لحد اقرب مطلع للدائري و كمان يوم ما كان اهلي يفكرو يزوروني كنت عارفه ان اول كلمه هسمعها قبل ازيك؟ ،عامله ايه؟ هتبقي يا بنتي حرام عليكي مش ناويين يعملولكو نزله دائري بقي مممممممممم رحماك ربي ، الله المستعان مر وقت كتير و زي ما يكون الناس حست بينا و فجأه و في يوم جمعه سمعت امام المسجد يطلب من الناس التبرع لعمل مطلع للدائري وارتفع صوت الامام وَتَعَاوَنُوا عَلَى الْبِرِّ وَالتَّقْوَى وَلا تَعَاوَنُوا عَلَى الإِثْمِ وَالْعُدْوَانِ و الصدقه الجاريه و فضلها و بعد الصلاه لقيت ولد صغير بيديني ورقه مكتوب عليها تبرعو لعمل مطلع و نزله للدائري أنا جوايا قلت هيييييييييييييييييييييييييييييييييييييي و هيبقي لينا مطلع و هروح بيتنا من غير بهدله و و و وو بجد كنت مبسوطه جداااااااااااااااااا يوم ورا يوم بدأ المشروع و كان كل يوم جمعه تنزل ورقه بأسماء المتبرعين من جنيه لكام ألف و كأنها لوحه شرف شويه و أكتمل المشروع اللي كان بالنسبه لينا زي بيبي اتولد علي ايد كل واحد فينا انا عن نفسي بالاضافه لفرحتي الكبيره كنت فخوره جدا ان حاجه زي دي كانت بأدينا بدون انتظار ان حد من الساده المسئولين يعبرنا او ان الحكومه اللي كانت ساعتها ( و مازالت يعني ) في الطناش تفكر فينا كنت بطلع الدائري و ايه رأسي طولها مترين مش هطول عليكو فجأه و انا في الطريق لبيتنا و عند مطلع الدائري اللي اتسمي بأسم البلد و جدت علي جانبي الطريق كميه لا تعد و لا تحصي من الزباله ( سوري يعني بس هي اسمها كدا لان القمامه حاجه تانيه غير اللي انا شفته) يا نهار ابيض ايييييييييييييه دا؟ مين اللي عمل كدا؟ و الكلام دا كان امتي؟ دا انا لسه كنت هنا من كام يوم كانت زي الفل مين اللي جه من بيتهم لحد هنا عشان يرمي كدا؟ مين ؟ شاورولي عليه بس ؟ ليه كدا بس تهدو فرحتي مين ؟ مين ؟ وجدت ان الشخص دا مش بعيد ، الشخص دا فينا و من نفس البلد اللي تكاتفت و عملت المطلع فينا اللي بني و عمر و فينا اللي بأيده بيبهدل فينا اللي بيبني الحلم و اللي بيكسره و الكلام دا مش منحصر علي اللي شفته و عايشته بس دا في كل مكان و في كل مؤسسه و في كل شارع و بيت في البلدي دي فينا اللي بيبني و فينا اللي بيهدم ، فينا السلبي و فينا الايجابي فينا اللي بيخاف علي البلادي و فينا اللي عايز منها مصلحته و بس لكن الغريبه لو دورنا جوه صاحب المصلحه دا او جوه اخينا اللي بهدل المشروع دا هتلاقيه بيعشق تراب البلد دي حتي لو سيئ التصرف كلنا بنعشق ترابهااااااااااااااااااااااااااااا فاهمين بنعشقهااااااااااااااااااااااااا اخوان ، سلفيين ، لبراليين ، يساريين او حتي علمانيين كلنا كلنا مصر مصر اللي مش هتقف علي حد مصر لا وقفت علي فاروق اللي كرهته و اجبرته علي الرحيل و لا وقفت علي جمال اللي حبه الملايين مصرلا وقفت علي حسني ولا اكيد اكيد هتقف علي مرسي واللي السيسي( للعلم انا مش بفتح باب نقاش في الموضوع دا) مصر هتقف بس لو فينا السلبي لو فينا المتخاذل لو فينا العدواني اللي بيدور علي الخلاف و خلاص اسألو انفسكم اد ايه بتحبو البلدي و ارجوكم ارجوكم اد ما بتحبوها حافظو عليها اعتذر جدا للاطاله و سوء تنسيق الموضوع لضييييق الوقت الله المستعان و جزاكم الله خيراااااا
  5. موضوع جميل جدا وحيوي و انا شايفه ان الست الغير نظيفه بالاضافه للكلام دا كله بتكون زي ناشري الفساد في الارض لأنه صلى الله عليه وسلم يقول: ((من سن في الإسلام سنة حسنة كان له أجرها وأجر من عمل بها من بعده لا ينقص ذلك من أجورهم شيئا، ومن سن في الإسلام سنة سيئة كان عليه وزرها ووزر من عمل بها من بعده لا ينقص ذلك من أوزارهم شيئا)) خرجه مسلم في صحيحه. لانك المعلم و القدوه و والله بقولها عن تجربه اوعي تستهوني بالطفل ابدااا زي ما بتعملي هيعمل و الله لوعندك كحه حتي هيعمل زيك و اكيد لو مش نظيفه ولادك هيكونو كربونه منك انا عن نفسي اكتر حاجه بكرها الاطفال الغير مرتبين و عندي هوس شويه في الاموضوع دا ، يمكن بتعب ولادي شويه بس خلاص الطفل بيتعود علي كدا جوجو حبيبتي مثلا لو باكلها و غصب عني رزايه وقعت مني عليها الاقيها بتشاورلي بصي يا ماما بصي (زي ميكون بتقولي ايه اللي بتعمليه دا ، انا ربيتك علي كدا) بس و الله بفرح بيها طولت عليكو بس و الله يا دودو الواحد يلاقي الوقت بس ، ربنا يعين و يكرم يا رب
  6. الله يبارك فيكي ام رودينا للمعلومات القيمه و يبارك لنا في اولادنا يارب العالمين فعلا انا معاكي في الكلام كله خصوصا موضوع الفنيات في الرضاعه لان من الممكن ان تكون الام بصحه جيده و لبنها كافي و الحمد لله لكنها ترضع بطريقه خطا لا تكفي صغيرها بل من الممكن في بعض الاحيان ان تضره ربنا يعين الجميع علي التربيه و التغذيه السليمه
  7. ما شاء الله ... ما شاء الله ولا قوه الا بالله دايما تاتينا امي باللاخبار الساره ، ربنا يسعد ايامك يا رب :yahoo: :yahoo: يا أغلى الناس والغاليين مبروك عليكم أحلى الحلوين الله يديمها لكم يا رب ويجعل دربها اليقين الف مبروووك ماما دودو و مستر علي و الله فرحتوني جدا و ادخلتو علي قلبي السرور كدا انا خالتو تاني مره :yahoo: :yahoo: يله رودي اكبري بسرعه عشان تنوري المنتدي اللهم أنبتها نباتاً حسناً، واجعلها قرة عين لوالديها واحفظها وبارك فيها واجعلها من أهل الصلاح والتقوى و أرزق كل من حرم من المسلمين..
  8. حبيبي يا رسول الله

  9. اهلا و سهلا اختي بك في بيتك و منتداكي ياللا يا شباب نرجو من الله تعالي ان تستفيدي معنا بكل ما هو خير .. اختي اتمني منكي تغيير الصوره الشخصيه لانها مخالفه لقوانين المنتدي .. ننتظر منك جديد الفاعليات و جزاك الله خير

  10. سجده

    أبا القاسم ...لبيك

    اسمعوني جيدا فتلك كلمات من مسلم حر وانصتو الي نحن لن نرد عليكم بمثل ما فعلتم لأننا مسلمون وانبيائنا ورسلنا وقرأننا يحثنا على الاحترام ومحاربة من يعتدي على جزء ولو بسيط من مقدساتنا وديننا الحنيف والله لو ثرنا وزاد غضبنا لمتم خوفا من اصواتنا الهادره وغضبنا وقوة وحدتنا فإننا مسلمون مسلمون كلمتنا واحده حتى لو تفرقت الشعوب فأننا على ديننا متفقون فأحذرو اشد الحذر من الطريق الذي تمشونه ان كنتم تعتقدون بأننا سوف نصمت فقد خانكم ذكائكم لان من مبادء ديننا عدم السكوت عن الحق وقوله حتى لو بشق تمره لن نصمت ولن ننسا ولن نسامح هذه المره واقسم بالله العظيم لن تنتهي احرفي وكلماتي حتى تعلمو انه الحق من ربي ، اذا كانت هذه هي حريتكم التعبيريه فهي ليست حريتنا وليس لنا دخل بها اذا كنتم ستمشون هذه الطريق فتقبلو منا احر كلمات وفعل وسوف تقوم نار لن تطفئها كلمات اسف ولا جزاء بدنيا اتنفس اسلامنا وديننا ونبينا هي وحدتنا فمن اساء اليها اساء لنا جميعا بأمي وأبي يا رسول الله منقول بتعديل
  11. سجده

    أبا القاسم ...لبيك

    أبا القاسم..لبيك أنادي وفي القلب حَرُّ اللهيب أذابت فؤادي معانـي الغـرام وفي دين طـه شفاء السقـام فمن سار في درب طه استقـام على بابكم يـا رفيع المقـام أحييك يا سيدي يا رسـول الله أحييك يا سيدي باحترام.. لبيك رسول الله فـداك أبـي وأمــي.. يــا رســـول الله دونك روحى و دمـي.. يــا رســـول الله نحـرى دون نحـرك.. يا رسول الله روحــي تـفـديـك.. لبـيـك رســول الله مـا هـنـا إلا لـمـا..غابـت سيرتكـم عنـا لا نملـك أن ندفعهـم..وملـوك العالـم كنّـا فلنرجع عهد الإسـلام ..ولنوقف صمت النّـوام ولتنهض أمـة سيدنـا..بالإيمـان والإقــدام قد رسموك استهـزاء ..ما عرفوا رحمة قلبـك لم يدروا كـم نهـواك ..نرجو الفردوس بقربك لو عرفوا الطلقاء بمكة ..لو سمعوا بيهود الجار لاشتـاقـوا لنبـيـي ..وأضاء فؤاد منهم وأنار روحــي تـفـديـك ..لبـيـك رســول الله فـداك أبـي وأمـي ..يــا رســـول الله دونك روحي و دمـي ..يــا رســـول الله نحـرى دون نحـرك ..لـــبـــيـــك رسول الله إلاك رسول الله ..إلاك رســــول الله روحــى تـفـديـك ..تفديـك رســول الله وصلى الله على محمد وعلى آله وصحبه أجمعين صلوا عليه وسلموا تسليما كثيرا اللهم اهدي من اساء لنا و بلغهم هدي نبينا
  12. اهلا و سهلا اختي بك في بيتك و منتداكي ياللا يا شباب نرجو من الله تعالي ان تستفيدي معنا بكل ما هو خير .. اختي اتمني منكي تغيير الصوره الشخصيه لانها مخالفه لقوانين المنتدي .. ننتظر منك جديد الفاعليات و جزاك الله خير

  13. اهلا و سهلا اختي بك في بيتك و منتداكي ياللا يا شباب نرجو من الله تعالي ان تستفيدي معنا بكل ما هو خير .. اختي اتمني منكي تغيير الصوره الشخصيه لانها مخالفه لقوانين المنتدي .. ننتظر منك جديد الفاعليات و جزاك الله خير

  14. سجده

    مين بيسجل ذكرياته ؟

    جزاك الله خيرا نور علي موضوعك الجميل الذكريات شئ مهم جدا في حياه كل انسان و انا شايفه عموما ان لولا الذكريات او الماضي بحلوه و مره لما كان الانسان اكمل حياته بخبره اكثر و اصبح اكثر فاعليه اما بخصوص تسجيل الذكريات فانا كنت فعلا بعمل دا و انا صغيره سجلت اول يوم صمت فيه و كنت و مازلت بحتفظ بورق النتيجه للأيام المهمة في حياتي بحتفظ بكل شهاداتي و كنت غالبا لما بسجل يوم مش حلو كنت لما ارجع ليه اقطع الورق كان في احساس انه علم جوايا اكتر من علامه الحبر علي الورق بس طبعا بعد روتين الحياه اصبح في طرق و وسائل اسرع من الكتابه يعني يكفي كاميره موبيل في ايدك تقدري تسجلي كل اللي عايزه و دا اللي انا بعملو حاليا الصور و الفيديو اصبحو اسرع طبعا، بحاول اصور بنتي و بنت اختي صور كتيره جدا و في فيديوهات و فضايح ليهم كتير أكيد لما يعدي العمر بنحس ان الحاجات دي اصبحت كنز لان انا والدي عمل معايا كدا ، و محتفظه بكل دا يمكن لو عرفت ان في حد في الهند عنده صوره ليا هروح اجيبها و احتفظ بيها بردو و بمناسبه الذكريات حبيت اسجل معاكم صوره جوجو في اوي عيد ميلاد ليها عقبال 100 سنه يا قلب ماما
  15. كثير من المواقف تمر في حياتنا ، نتعلم منها الكثير و الكثير كل هذا طبيعي و يحدث معنا يوميا لكن الغريب حينما تنظر لمن تعلمت منه ، حين تراه بحاجه لتعلم الكثير والكثير حين تراه اصغر منك بل تراه اصغر و اصغر و اصغر ربما لا يستطيع فعل أي شئ بدون مساعدتك و مع ذلك تري فيه معلمك و تري في فطرته التي تتناسب مع اي سن موجهك بل أملك و فرحتك و بسمتك و دموعك منذ ايام مضت حدث لي موقف غريب لم اتوقعه ابدا و لا اتوقع من علمني فيه كنت في هذا اليوم في منزل أبي ، استيقظت لأصلي الفجر و كذا أمي كانت مستيقظه طلبت منها ان تجلس بجوار بنتي (جني) حتي أتوضأ كانت جني علي السرير و بجوارها أمي و علي غير العاده فهي لم تبكي عند انسحابي بعيد عنها توضأت و ارتديت اسدالي ، بدأت جني تنظر لي و تضحك و ما ان وقفت علي سجاده الصلاه إلا و وجدت ضحكاتها تتعالي و تصدر أصوات وهمهمات غير مفهومه حتي ان أختي استيقظت علي صوتها لم ألقي بالاُ لكل ما يحدث و ركزت في صلاتي فقد كنت مطمئنه لوجود امي بجوار جني و ما ان انهيت صلاتي الا و وجدت جني بنتي تصفق لي تصفيق حاد و معه اجمل ضحكات ممكن تروها بالعالم وجدت امي واختي ينظرن لجني نظره كلها حيره و استغراب قالت لي امي انها كانت نتظر لكي في كل حركاتك و سكناتك و تتمايل معك حين تركعي تميل بجسدها و حين ترفعي ترفع و عندما سجدتي كادت ان تسقط من علي لبسرير لتقلدك و توازي حركاتك خلعت إسدالي بسرعه و اقتربت من بنتي اريد ان احضنها و اقبلها لكني وجدتها تدفعني عنها و تبكي قلت لها: (جوجو حبيبي أنا ماما) ولكنها كانت تدفعني عنها بقوه و إذا بها تسحب الاسدال من تحتي و هي تبكي و ما ان وضعته علي رأسها الا و رجعت لها بسمتها وظلت بنتي تنظر لي و تبتسم و تقول لي ( ماما ، ماما ) و تبعث لي بالقبلات عبر الهواء عندها سقطت دموعي انا و كل من حولي ( فقد كان البيت كله مستيقظ في هذا الوقت من صوت جني ) جني عمرها 10 أشهر و تريد ان تصلي الفجر و ربما غيرها او وربما امها قد تفوتها صلاه و صلاوات للفجر دي صوره جني و هي بالحجاب أدعو الله يحفظلي بنتي و يصونها و يعينني علي تربيتها أما أنا فما اشعر به يجعلني أقول لا تـــعلـــيق
×