19 ردود على هذا الموضوع

[ABOTASNEEM]

Tweet

بصراحة مش عارف أكتب إيه !!

بس خطوبتى دى كانت مشكلة جامدة جداً

لأنى مكنتش عايز أعمل خطوبة خالص

وده لأنه من الآخر .. مش مقتنع بالخطوبة من أساسه

هى مش كلها دبلتين .. نلبسهم وخلاص

ولا لازم نعمل حفلة خطوبة فى نادى ويكلف الشىء الفلانى

ونجيب دى جى ونشغل أغانى ونرقص .. وكل ده فى ميزان سيئاتنا طبعاً

وحاجات كتير زى كده

لا .. وبعد كده .. وبكل سهولة

ممكن الخطوبة تتفشكل (لا قدر الله)

علشان كده أنا عايز أوفر فلوس الخطوبة دى لخطيبتى ... تجهز بيها نفسها

وكمان نمنع السيئات دى .. لأنه ببساطة السيئات اللى عندنا كفاية

بس .. فين الكلام ده بقى

ومين اللى يسمعك .. ويقتنع بكلامك ده !!

طبعاً خطيبتى أول المعترضين على كلامى (بتحترمنى جداً)

مش هى بس .. كمان أهلها وأهلى قبلهم

(معترضين طبعاً)

وبعد العديد من المناقشات

اقنعت خطيبتى

بس أهلها كانوا عايزين يعملوا حفلة خطوبة

لكن بعد مناقشات عديدة .. اقنعتهم كمان بفكرتى

بس بصراحة مقدرتش اقنع أهلى (أمى وأبوية)

فرحت متجه لربنا سبحانه وتعالى

وقولتله يارب ساعدنى

بعدها رحت لحبيبة قلبى (أختى العزيزة) واتكلمت معاها

ولإنها بتفهمنى جداً وفكرها مقارب لفكرى

فهمتنى .. ووعدتنى إنها تساعدنى فى إنى اقنع أمى وأبوية

بس بشرط أننا نعمل خطوبة إسلامية علشان نرضى جميع الأطراف

وتانى يوم روحت من الشغل لقيت أختى عندنا فى البيت وكانت اتكلمت

مع أمى وأبوية واقنعتهم

وبالفعل اتفقت معاهم عندى فى البيت إننا نروح عند خطيبتى

ونتفق على ميعاد الخطوبة

تانى يوم من الموضوع ده .. خطيبتى ظهرت نتيجتها ونجحت

فكانت كمان دى مناسبة حلوة إننا نروح عند خطيبتى علشان نباركلها وكمان ننتفق على ميعاد الخطوبة

وبالفعل روحت أنا وأمى وأبوية عند خطيبتى وأهلها

وبعد ما باركنا وأخدنا واجبنا

وابتدينا نتكلم فى موضوع الخطوبة

كانت المفاجئة الكبرى

أمى فاجئت كل الحضور .. وقالت

بدل ما احنا كلنا متجمعين وعارفين إنه (عمر واسماء) مش عايزين يعملوا خطوبة

إيه رأيكم لو نلبس الدبل دلوقت وأدينا كلنا قاعدين ومتفقين

وبالفعل راحت مطلعة الدبل

والكل كان مبسوط وفرحان .. بكل بساطة .. والليلة كانت جميلة قوى

وبعد كده طلعنا نلف شوية فى البلد بعربية كانت مع خطيب أخت خطيبتى

(معرفش جابها منين)

وخلص حوار الخطوبة

(يوم الأربعاء 18/2/2009)

واتفقنا نخلى بقى الفرح الكبير .. فى ليلة الدخلة إن شاء الله

طب إيه علاقة القصة دى بمشروع خطوات للتنمية والإيمان !؟

العلاقة إنه موضوع حفلة الخطوبة ده منتشر جداً ما بين الناس

وأصبح من ضمن العادات والتقاليد

بالرغم إنه كله مظاهر ومنظرة كدابة وذنوب وخلاص

فياريت لو نقدر نغير من فكرنا فى الموضوع ده ونغير فكر اللى حوالينا

وخليكم متأكدين إنكم لو بجد مقتنعين بالفكرة دى وقولتوا يارب واخذتوا بالأسباب

ربنا هيساعدكوا .. زى ما ساعدنى

فيارب نقدر نغير فكرنا وفكر الناس من حولنا

ونتقدم خطوة فى طريقنا للتنمية والإيمان

ضمن

مشروع خطوات

ــــــــــــــــــــــــــــــــــــــــ

أتمنى معرفة أرائكم حول تلك الفكرة ومدى صحتحها

وكذلك مدى إمكانية تنفيذها ؟

ــــــــــــــــــــــــــــــــــــــــ

اللهم اجعلنا ممن يقولون فيعملون

ويعملون فيخلصون

ويخلصون فيقبلون

سبحانك اللهم وبحمدك .. أشهد ألا إله إلا أنت .. استغفرك وأتوب إليك

Tweet

[بنت مصرية]

اولا طبعا احب اقول الف مليون مبروك
علي الخطوبة السعيدة دي يابو تسنيم
ربنا يارب يبارك لكما وعليكما ويجمع بينكما في خير
.....
طبعا انا اتفق معك تماما في موضوع حفل الخطوبة ...حفل الخطوبة غريب وتقالعيه غريبة
الفرحة الكبيرة تكون يوم الفرح
ولكن موضوع حفل الخطوبة ده مرفوض بسبب ان لاقدر الله لم يحصل بين العروسين نصيب
ماذا سيجنيان بعدها
الأفضل ان تكون تجمع عائلي يقتصر علي العائلتين واقرب الأقربون

ومرة اخري انا سعيدة جدا جدا جدا جدا ...لهذه الخطوة الجميلة جدا ...يارب عقبال مانفرح بيكم الفرحة الكبيرة يارب
قريبا باذن الله
اخي ابو تسنيم وحبيبة قلبي اسماء
الف مليون مبروك لكما

اقتباس

اللهم اجعلنا ممن يقولون فيعملون

ويعملون فيخلصون

ويخلصون فيقبلون

سبحانك اللهم وبحمدك .. أشهد ألا إله إلا أنت .. استغفرك وأتوب إليك

[حياتى من اجل ربى]

انا فرحااااااااااااااااااااااااااااااااانه جدا بالخبر ده


الحمد لله رب العالمين على التيسر ده
الله ربنا كريييييييييييييييييييم اوى
ربنا بتمملك بخير يارب ويسعدك ويهدى بيك ويرزقك من حيث لاتحتسب
انا رائ ان مافيش احسن من هدى محمد صلى الله عليه وسلم
اسرو الخطبه واعلنو النكاح
جزاك الله خيرا ووفقك الى كل خير
ووجعلك من السعدااااء
يااااااااااااااااااااااااااااااارب

[مصطفى بهجت]

ألف مليوووووووون مبروووووووووووك لاخويا وحبيبي عمر و لأختنا أسماء ..
خطوبة سعيدة ومباركة بإذن الله ..
ربنا يسعدكم ويوفقكم ويحميكم من كل مكروه ..
وعقباااااااااااال كل أعضاء منتدانا الغالي ..

..........

طبعا يا أبو تسنيم أنا معاااااك في رأيك بدون تردد ..
وبصراحة بحيي والدتك على قرارها السريع ..
ربنا يقدرنا كلنا نقدر نعمل زيك كده ..
إنت عارف اليومين دول حكاية خطوبة ع الضيق ف البيت كتيير حيرفضها ..
قليل اللي يفكر في وقتها إنها ذنوب و مصاريف وغيره ..
لكن ربنا يصلح الأحوااااااااال ..
شد حيلك يا بطل علشان تعمل فرح قريب بإذن الله تعالى ..
وفقك الله إلى ما فييه الخير ..

ملفات مرفق

•  ____________.bmp   118.24كيلو بايت   68 عدد مرات التحميل

[رجل من الصحراء]

طبعا يعني خطوة مفاجاة وفي الجون وعملتها من ورايا ماشي تتردلك في الفرح
وبرده هتجوز قبلك متحاولش الا اذا عملتها كمان من ورايا والله خايف بكره الاقيك متجوز مانا عارفك تعملها
يعني ياصديقي وحبيبي ابوتسنيم مش عارف اعبر عن مدى فرحتي باللي حصل وفعلا ربنا كبيير وميسر للاحوال بشكل لا يستوعبه عقولنا ويمكن انت عارف اني كنت بناقش الموضوع ده في المنتدى في اخر موضوع ليا وسبحان الله انت كده اصلت الفكرة باللي حصل معاك ده
طبعا تحياتي الشديدة والكبيرة واحترامي وتقديري وحبي لوالدتك الغالية
اسال الله ان يحفظها لكم ويدوم عليها الصحة والعافية ان شاء الله
وعجبتني الحتة دي اوي

اقتباس

وخليكم متأكدين إنكم لو بجد مقتنعين بالفكرة دى وقولتوا يارب واخذتوا بالأسباب

ربنا هيساعدكوا .. زى ما ساعدني

فعلا احنا من جوانا لو مقتنعين وعارفين الصح وقلنا يارب اكيد ربنا هيحققلنا اللي عايزينه ويساعدنا
اخي الحبيب وصديقي ابوتسنيم يارب يتمم لك على خير ويرزقك الذرية الصالحة ان شاء الله ويرزقكم دوام الصحة والعافية والاستقرار والسعادة وحسن الطاعة والتدبير
بارك الله لك فيها وبارك الله لها فيك وبوركتم جميعا
والف الف الف الف مليووووووووووووووووووووووووووووووووون مبرووووووووووووووووووووووووووووووووووووووووك
اخوك
رجل من الصحران

[ثابت على قيمى]

مبروووووك
عقبالى

[NADA]

ألف ملييييييييووووووووون مبروووووووك كتيييييييير أووووووى

بجد يعنى فرحتلكم خااااااالص ,, ربنا معاكم والله

الحمد لله زادووو أهو ,, ف تقدم

عقبالكم كلكم لما أفرح فيكم ,.., أقصد بيكم يعنى

صور مصغرة مرفقة

• 

[الجندى المجهول]

الف مبروك على النجاح والفين تلاته مبروك على الخطوبه وعقبال الفرحه الكبيره


موضوع حفله الخطوبه عندنا زيه زى حاجات كتير ملهاش لازمه فى الجواز

[ABOTASNEEM]

اخوتى الكرام

بدون ذكر اسماء

اشكركم جميعا

وعقبال ما افرح بيكم كلكم

واسألكم ان تدعوا لى بظهر الغيب

بالهداية والثبات

وجزاكم الله خيرا جميعا

[اعتز بحجابى]

الف مليون مبروك
انا بدخل علشان ابارك بس
كل اما حياتى تقولى على خبر حلو
ادعولى بقى علشان عندى 700 حاجه قبل جوازى المفروض تتعمل
وعندى امتحانات اخر السنه شغاله
يعنى بجد ربنا يكون فى عونى
مبروك يا استاذ عمر وعقبال جوازك

[ABOTASNEEM]

اشكرك اختى اعتز بحجابى

وربنا يكون فى عونك

ويساعدك

[Shetos]

فى البداية ألف ألف ألف ألف مبروك للخطوبة السعيدة..

وإن كنت ناوى....عشان معرفاش الناس فى ساعتها..بسعادى الندالة تقوى الصداقة..

ربنا يتمم على خير يا حبيب قلبى..

وإن كان صعبان عليا بنت الناس اللى إتخمت فيك..لها الله..

أتفق معك تماماً فى موضوع الخطوبة الإسلامية..

وإن كنت أفضل أن تكون الخطوبة على الضيق بالبلدى عشان لو لاقدر الله ربنا متممش ميكونش فيه ضرر على البنت..

كم أن الخطوبة مش أكتر من وعد بالزواج..

مش عارف ليه الناس بتعمل ليله كبيييييييييييييييرة جداً فى الخطوبة..

رائــــــــــتع كالعادة وهام للغاية أبو تسنيم..

والف مبروك مرة أخرى يا حبيب قلبى

[ali desoky]

اخي الحبيب عمر ( ابو تسنيم)
ربنا يكرمك ان شاء الله
ويتمملك فرحتك علي خير ان شاء الله

بصراحه كده موضوع الخطوبه ده واللي بيتعمل فيه
بقي شيء رزل قوي
فرح ونادي وتصوير فيديو ومعازيم
كل دي طبعا مصاريف ملهاش لازمه
غير انه لاقدر الله لو حصلت مشكله
هتكون علي راس العروسه
لاننا في بلد شرقي وصعيدي هنا
نعتبر ان البنت ما دامت اتخطبت تبقي خلاص وكانها اتجوزت
لاننا نرفض مبدأ فض الخطوبه لانه عيب
لذا فالطامه الكبري ستكون علي البنت المسكينه التي لم تفعل شيئا سوي
انها تبعت اهواء اهلها واصحابها

ربنا يكرمني ان شاء الله
ومش هاعمل خطوبه خالص
هم دبلتين ..... بس مش عارف هجيب منين عربيه زيك

اخي العزيز تقبل تحيتي واحترامي

[ام تسنيم]

]شكراً لكم يا اخوتى على تلك الردود الجميله وبما انى اول مره اشارك
قلت ان ده انسب موضوع

• انتو عارفين ان اوقات الواحد يكون مقتنع بحاجه من غير ميعرف سبب اقتناعه وده اللى حصل لما عمر سالنى عن سبب مقنع لعمل كل مراسم اى خطوبه ،،]

[ABOTASNEEM]

شيتوس & على الدسوقى

اشكر مروركما الكريم

وكذلك اسأل الله ان يجعلكم ازواج صالحين ويرزقكم زوجات صالحات

ويرزكم ذرية صالحة .. ويستخدمكم ولا يستبدلكم

----------------------------------------

مدام أبو تسنيم

بداية .. نورتى المنتدى

وكمان نورتى الموضوع ده بوجه خاص
(لأنه الموضوع ده يخصك ويخصنى طبعاً)

وانا بشكرك قدام كل الناس لأنك كنتى معايا فى قرارى وكنتى مساندانى وواقفة معايا وموافقانى

ويارب ربنا يتمملنا على خير

[الرّام]

ربي ييّسرلك امورك و يسهّلك في كل ما هو صعيب

يااااااااااااااااا رب

تم تعديل هذه المشاركة بواسطة الرّام: 17 November 2009 - 02:09 PM

[ABOTASNEEM]

أشكر مرورك الكريم أختى الرام

وأسألك دوام الدعاء لى بظهر الغيب

[شيرين النحاس]

ألف مليوووووووووووووووووووووووووووووووووون مبروووووووووووووووووووووووووووووووووووووووووك هي طبعا متأخرة بس انا ماعرفتش غير بالصدفة عالعموم ماتنساش تعزمنا عالفرح وربنا يوفقكم وكده انتو اخترت اسم اول بنت تسموها تسنيم اسم جميل جدا ربنا يتمم لكم علي خير وتجيبو علماء صغيرين

[ABOTASNEEM]

أختى شيرين النحاس

شكراً ليكى خالص

وعقبال كل الأعضاء يارب

وكل شباب وبنات المسلمين أجمعين

[nagla fathi]

الف مبروووووووووووووووووك وربنا يتمملكم على خير

اتفق معاك فى موضوع الخطوبه لان الاصل فى الاشهار فى عقد القران وليس اشهار الخطوبه

واحب ان اشكرك جدا لان حضرتك من عرفتنى بهذا المنتدى ونورتنا فى سوهاج والله واستفدنا من حضرتك كتير