اذهب الي المحتوي
منتديات ياللا يا شباب
عاشق الصداقه

القاهره 2050 ... حوار بين الجده والحفيده مضحك جداً جداً

Recommended Posts

المكان أحد أحياء القاهرة

 

الزمان يوم من أيام صيف عام 2052

 

حفيدة في سن المراهقة (12 سنوات) تجلس مع جدتها (70 سنة) ويدور بينهما هذا الحوار:

 

__________________________________________________________

 

الحفيدة: تيته ميرو إزيك..بقى لي زمان ما قعدتش معاكي

 

الجدة: وهو أنا عارفة أتلم عليكي خالص.. ده أنا قاعدة زهقانة قوي ومش لاقية حاجة تسليني

 

الحفيدة: ومابتفتحيش الدش ليه يا تيته

 

الجدة: التليفزيون بقى ممل خالص مافيهوش غير 9700 محطة بس!.وأنا كمان ما بعرفش أغير المحطات!

 

الحفيدة: وإيه الحلاوة دي؟ حلو البادي اللي انتي لابساه ده..بس ده موضة قديمة قوي ياتيته !

 

الجدة : يا بنتي أنا ست دقة قديمة وبالبس زي ما جيلنا الصاعد اتعود وحسب التقاليد القديمة بتاعتنا

 

الحفيدة : أيوه بس مش حاسة إنك مخنوقة وانتي لابساه؟

 

الجدة: أبداً ده هو ده اللبس المحتشم اللي مفروض الكل يلبسه ويحافظ عليه..فين أيام زمان لما كنا نلبس البادي اللي مبين البطن والظهر بس، مع البنطلون السترتش الجلد …كانت حاجة آخر روشنة

 

الحفيدة : ياه يا تيته.. ده انتوا كان ليكم تقاليد غريبة خالص !

 

الجدة : وهو انتي فاكرة إن أيامكم دي أيام؟ يا بنتي أيامكم دي ما يعلم بيها إلا ربنا .. فين أيام سنة 2002، هي الواحدة فينا كانت تستجري تشرب سيجارة البانجو ولا تسحب لها سطر بودرة قدام أبوها؟ طب ده الدنيا كانت تتقلب ساعتها وما تتعدلش .. أمال إيه .. كان فيه حاجة اسمها أخلاق

 

الحفيدة: معقول يا تيته؟ للدرجة الفظيعة دي!!؟

 

الجدة: أمال انتي فاكرة إيه .. وبعدين كانت الست من دول ما تلبسش اللبس الخليع بتاع اليومين دول..يعني الجيبة كان ما يقلش طولها عن شبر وربع .. وكانوا الستات يلبسوا فوقيها بلوزة باستمرار ..مش زي دلوقتي! حسبي الله ونعم الوكيل!

 

الحفيدة : يا خبر .. وإيه كمان ياتيته

 

الجدة: ح أقول لك إيه ولا إيه يعني خدي عندك مثلاً .. زمان كنا نسمع الطرب الأصيل لمطربين حقيقيين زي مصطفى قمر وعمرو دياب وطبعاً كانت سيدة الغناء "شاكيرا"، وكانت الأغنية مدتها أكثر من دقيقتين متواصلين من الطرب الأصيل والموسيقى الهادية الراسية اللي تعمر النافوخ بصحيح كانوا مطربين روشين وآخر طحن، حسبي الله ونعم الوكيل!

 

الحفيدة : وبعدين ياتيته

 

الجدة : وبعدين كنا نسمع على حاجة اسمها اسطوانات ليزر، ودي صحيح انقرضت، بس كان ليها طعم عن دلوقتي، يا سلام لما كنا نحطها في الووكمان ونعلقها في حزام البنطلون كده ونمشي في الشارع كده، كانت أيام جميلة. حسبي الله ونعم الوكيل!

 

الحفيدة : حكاويكى ممتعة قوي يا تيته .. ثانية واحدة بس لما أصحي سمسم صاحبي فى المدرسة لأنه بايت معايا في الأودة من امبارح ..أصل الإنسان الآلي بتاع الصحيان بايظ ولازم نصلحه النهاردة

 

الجدة: طيب ياحبيبتي روحي

 

(بعد عدة دقائق)

 

الحفيدة: هيه يا تيته.. وبعدين

 

الجدة : أحلى أيام بقى كانت أيام الدراسة، الفصل كان على أيامنا رايق وعدد التلاميذ فيه ما يزيدش عن ستين سبعين تلميذة، وكنا ساعتها بنعرف نفهم الدرس كويس مش زي دلوقتي، وكانت الشوارع أيامها فاضية يعني كانت إشارة المرور تقعد ساعة إلا ربع بس لأن مصر كلها كان تعدادها 70 مليون مش أكثر، تخيلي بقى الروقان اللي كنا فيه؟ حسبي الله ونعم الوكيل!

 

الحفيدة : 70 مليون بس؟!!

 

الجدة : أمال إيه .. عشان كده كانت كل حاجة رخيصة ، يعني مثلاً كيلو اللحمة يوم ما يضربه الدم كان يبقى بخمسة وعشرين جنيه أو بتلاتين جنيه، وكان أتخن جوز جزمة بـ 250 جنيه، وكان الواحد يقدر يشتري شقة تمليك بـ 150 ألف جنيه بس..وكان الدولار بخمسة جنيه بس تخيلي بقى؟

 

الحفيدة : ما هو علشان كده الجواز على أيامكم كان سهل خالص، إحنا بقى خلصنا من العُقد دي

 

الجدة : أُمال إيه .. ده احنا الواحدة مننا كانت بمجرد ما توصل سن 17 سنة تبتدي تفكر في الجواز العرفى على طول، وما كانش عندنا الأفكار الغريبة اللي بتعملوها دلوقتي، أنا شخصياً شايفة إن ده أوفر شوية، ده احنا يا بنتي على أيامنا كان لا يمكن البنت تتأخر بره البيت عن الساعة أربعة صباحاً، طب ده باباها كان ممكن ساعتها يخاصمها !

 

الحفيدة : ياي! ده انتوا كنتوا متزمتين خالص ياتيته !!!

 

الجدة : يا بنتي إحنا اتربينا على الأخلاق والفضيلة والعادات والتقاليد . يعنى كان أهل الفن محتشمين جداً وكانوا دايماً يطلعوا بالمايوهات البيكيني، والمذيعات كانوا يقعدوا جنب الضيف مش على ركبته زي دلوقتي.. هيـ يـ يـ يـ ـه الله يرحم دي أيام.. فكرتيني بالذي مضى حبي الله ونعم الوكيل!

 

(تمسك الجدة بتليفون محمول في حجم علبة الكبريت)

 

الحفيدة : ح تكلمي مين يا تيته

 

الجدة : الحقيقة أنا كنت موصية الجزار على اتنين كيلو لحمة و اديته 600 دولار عربون وعايزة أطلبه أشوف إذا كانت اللحمة وصلت ولا لأ ..

 

الحفيدة: (تنهض من مكانها) تشاو سي يو تيته!

 

الجدة: سي يو

 

وبعد مرور عدة ساعات انتابت الجدة خلالها غيبوبة بسبب الشيخوخة

 

و في المساء دار هذا الحوار بين الجدة والحفيدة:

 

الجدة: إنتي كنتي فين يا فتفت؟

 

الحفيدة :أصل إحنا أخدنا الولد من الحضانة ..

 

الجدة : ولد !! ولد إيه اللي أخدتوه من الحضانة؟

 

الحفيدة : آه صحيح أنا نسيت أقول لك .. أصل أنا جبت ولد من سمسم صاحبي

 

الجدة: يا بنتي مستعجلين على إيه مش لما تتجوزوا ؟ حسبي الله ونعم الوكيل!

 

الحفيدة : يا سلام عليكي يا تيته.. إنتي عليك تحكيمات غريبة..طيب إيه اللي يمنع نخلف من غير جواز أنا شخصياً عملتها ونفعت

 

الجدة : مشكلتي إني ما باعرفش أزعل منك يا فتفت يا عكروتة ..وسميتوا المحروس إيه بقى

 

الحفيدة : سميناه (دوت كوم) ..

 

الجدة : نعم .. دوت كوم؟ نظام هاي تك بقى؟ يعني لما تعوزي تنادي له تدوسي (إنتر) ولا إيه بالضبط ؟

 

الحفيدة : ها ها ها ها .. إيه الخفة دي يا تيته .. والله فكرة .. لما أعوز أنده له أدوس إنتر .. ولما أحب أقول له روح أودتك أدوس (ألت و إف4)

 

الجدة: وأخدتوه من الحضانة وديتوه فين بقى؟

 

الحفيدة : وديناه النادي الصهيوني بتاع الحي

 

الجدة : النادي الصهيوني بتاع الحي؟

 

الحفيدة : أيوه .. ده نادي جميل معمول برعاية كبار رجال الأعمال .. وتحت رعاية وزارة الزراعة وده بيعلم الأطفال حاجات ظريفة خالص ومصاريفه رخيصة جداً وبعدين الولد الكويس ممكن يبعتوه يكمل تعليمه في إسرائيل على نفقة وزارة الزراعة أصل (ميدو يوسف والي) وزير الزراعة ده راجل متفتح قوي. هه، أفتح لك التليفزيون يا تيته عشان تشوفي نشرة الأخبار

 

الحفيدة تضغط الريموت كنترول لنرى شاشة كبيرة بطول وعرض حائط الغرفة، وتظهر صوت مذيعة مصحوبا بلقطات للأنباء تقول:

 

المذيعة : هاي شلة! إليكم عناوين الأخبار

 

- أمريكا ترصد 25 مليار دولار لرأس تامر بن محمد بن أسامة بن لادن المتهم الأول في تفجير قصر السفير الأمريكي في أفغانستان

 

- واشنطن تتهم ليبيا بتفجير سفينة فضاء فوق كوكب المريخ

 

- وزير الاقتصاد د. فريد يوسف بطرس غالي يصرح: إعدام الفقراء هو الحل لخروجنا من عنق الزجاجة

 

- موافقة مجلس الشعب أخيرا على خصخصة معبد الكرنك

 

أخبار عربية:

 

- زهوة ياسر عرفات تطالب بانسحاب إسرائيل حتى حدود عام 2030، وإعلان الدولة الفلسطينية في مايو المقبل

 

- سيريلانكا والفلبين تطرد خمسة آلاف خادمة كويتية

 

- إسرائيل ترفض الإنسحاب من البصرة إلا بعد ضمان أمن مستوطناتها في بغداد

 

- اشتباكات على الحدود الإسرائيلية المغربية

 

أخبار الفن

 

- زفاف المطربة صباح على حفيد الفنان الراحل راغب علامة

 

- رئيس قطاع الإنتاج لم يستقر بعد على بطلة فوازير رمضان ويعقد إجتماع مع السيدة توتي محمد صفوت الشريف وزيرة الإعلام الجديدة لمناقشة هذه القضية

 

- الفنان محمد هنيدي يهاجم نجوم الكوميديا الجدد

 

المذيعة: فينيش باي

 

الجدة: لأ بقى حسبي الله ونعم الوكيل فيكم فعلا! (يغمى عليها)

 

الحفيدة : تيته..تيته!!

شارك هذه المشاركه


رابط المشاركه
شار ك علي موقع اخر

ههههههههههههههههههههههههههههههههههه

الموضوع جميل جدا جدا

بجد انا ضحكت من قلبي و طريقة النقد بالسخرية دي رائعة

 

خلاص ماعدش ينفع ناكل عيش في البلد دي ، ماينفعش كده

تقطيع الارزاق ده

شارك هذه المشاركه


رابط المشاركه
شار ك علي موقع اخر

هههههههه

 

إن شاء الله تكونى إنبسطتى بس أختى angel_of_mercy

 

وايه الغيبه الطويله قوى دى ..

 

أنا لو أعرف ان الموضوع ده اللى هيعجبك وتكتبى علشانه .. انا اكتبلك كل يوم موضوع فكاهى :red:

 

أوعى تصدقى .. ده تثبيت بس :red:

 

لا بجد وحشنا تواجدك معانا قوى .. ويا ريت متكرريش بعدك ده عن المنتدى ..

 

وجودك معانا بروحك الجميله بيفرق كتيييييييييييير ..

 

تحياتى اختى .. ومبسوط ان الموضوع عجبك :red:

شارك هذه المشاركه


رابط المشاركه
شار ك علي موقع اخر

مرسي اوي علي الترحيب الجميل ده منك اولا و من بقية الاعضاء

بس انا كنت في معركة مع الامتحانات و الحمدلله لسه خارجة طازة

باقل الخسائر الممكنة

و طبعا الموضوع عاجبني لسببين:

 

اولا لانك اللي كتبه ( اوعي تصدق ... ده تثبيت بس )

 

ثانيا لانك عارف اني بحب النوع ده من الكتابات اللي بتتناول مشاكلنا بدون

ارتفاع في الضغط او انخفاض في السكر

 

بس الموضوع قشطة ياباشا

شارك هذه المشاركه


رابط المشاركه
شار ك علي موقع اخر
اولا لانك اللي كتبه ( اوعي تصدق ... ده تثبيت بس )

هههههههههههههههههههههه

 

بس بجد والله وحشتنا مواضيعك ..

وحمد الله على السلامه يا ستى من الامتحانات ..

يا ريت والنبى تكتبى الحوادث اللى حصلتلك فيها

فى يوميات طالبه طب انتساب .. فاكراه .. موضوع جباااااااااار ..

علشان خاطر كل المنتدى .. كمليه ..

وادخلى البهجه لنفوسنا بمواضيع تانى من مواضيعك الجميله دى ..

منتظرين يوميات امتحاناتك .. ومواضيعك الجديده .. ومش هنقبل أعذار :red:

 

تحياتى لكى اختى

شارك هذه المشاركه


رابط المشاركه
شار ك علي موقع اخر

حلو اوى يا احمد

ربنا يسترها الواحد مش عارف ازمة القماش دى

هتفضل كتير ولا ايه!!!!

وحمدا لله على سلامتك يا انجل

المنتدى منور بجد

شارك هذه المشاركه


رابط المشاركه
شار ك علي موقع اخر
ربنا يسترها الواحد مش عارف ازمة القماش دى

هتفضل كتير ولا ايه!!!!

 

ههههههههههههههههه

 

اهلا بأختى ندى .. مبسوط ان الموضوع عجبك ..

 

بجد منوره المنتدى بعد غيابك عنه :red:

 

تحياتى أختى الغاليه على المنتدى ندى :red:

شارك هذه المشاركه


رابط المشاركه
شار ك علي موقع اخر

هههههههههههههههههههههههههههههه

انا بقا رايح سنة 2200 بيقولك النظام هناك حاجة تانى

فينش باى

شارك هذه المشاركه


رابط المشاركه
شار ك علي موقع اخر

ههههههههههههه سنة 2200 هتكون الحياه جيم اوفر

شارك هذه المشاركه


رابط المشاركه
شار ك علي موقع اخر

موضوع جميل جدا يا عاشق الصداقة

فعلا سلمت يداك

وزي ما بقول اخويا احمد سيف

الحياة ساعتها ممكن تكون game over

هههههههههه

شارك هذه المشاركه


رابط المشاركه
شار ك علي موقع اخر

شكراً لمروركم جميعاً ..

 

ويا رب ابسطكم دايماً :llll:

شارك هذه المشاركه


رابط المشاركه
شار ك علي موقع اخر

ستارت هاى ..

 

جامد جداً يا كرينكل ومنتظرين يوكياتك يا انجل :)

 

فينش باى ..

شارك هذه المشاركه


رابط المشاركه
شار ك علي موقع اخر

اه الحلاوه ده كلها انا مش ادره اتصور احنا اعدين هنا ازاى انا بدعوا للهجره الجماعيهلنذهب جميعا لعام 2200او اى عام اخر به كل حجه مشيه تمام

شارك هذه المشاركه


رابط المشاركه
شار ك علي موقع اخر

لا لا لا يا جماعه نسيتوا تذكروا المجهود الجبار لجماعة الاخوه المنحرفين

وبعدين دا ايزي خالص انتوا مستغربين ليه ياي دا انتوا بلدي اوي لسه عايشين في زمن2008

شارك هذه المشاركه


رابط المشاركه
شار ك علي موقع اخر

هههههههههههههههههههههه

 

 

 

 

والله ضحكت لما قلت يابس

 

 

 

 

جميل تلاتة قوى ياكرينكل

 

 

 

 

ومتقدين المواضيع الجميلة دى

 

 

 

 

تقبل مرورى أخى فى الله

 

 

 

 

 

 

 

 

 

 

 

بدوسة

شارك هذه المشاركه


رابط المشاركه
شار ك علي موقع اخر

شكراً أحبائى لمروركم الجميل ..

أتمنى اسعادكم وإفادتكم دائماً :crying:

شارك هذه المشاركه


رابط المشاركه
شار ك علي موقع اخر

 

هاي شله

هههههههههههههههههههه

بجد تسلم ايديك ادي الاخبار ولا بلاش مش دلوقتي اخبار تسد النفس

ما علينا

ما تيجوا يا شله نروح 2035 نشوف الوضع هناك يمكن يعجبنا بدل الهم اللي احنا فيه ده

فنش باي

شارك هذه المشاركه


رابط المشاركه
شار ك علي موقع اخر

هههههههههههههههههههههههههههههههههههههههههههههههههههههههههههههههه والله الموضوع دي رائع جدا واحلي حاجة فية الجدة الفري خالص علي ايامها ربنا يستر علي الجيل الي جاي ويسترها معانا وعلي راي الجده حسبيا الله ونعم الوكيل :cool::lol::lol:

شارك هذه المشاركه


رابط المشاركه
شار ك علي موقع اخر

ههههههههههههههههههههههههههههههههههههههههههههههههههههههههههههههه

الموضوع ده حلو قوي

شارك هذه المشاركه


رابط المشاركه
شار ك علي موقع اخر

هههههههههههههههههههههههههههههه

فظيعه قوووووى

 

ربنا يستر علينا

شارك هذه المشاركه


رابط المشاركه
شار ك علي موقع اخر

انا كنت داخلة اقولكو

 

7

7

7

7

7

7

7

7

7

7

7

7

7

7

7

7

7

7

7

7

7

7

7

7

7

7

7

7

7

777

7

7

7

7

7

7

7

 

 

فنش باى

 

ههههههههههههههههههههههههههههههههههههههههههههههههههه

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

موضوع جميل بجد تسلم ايدك

شارك هذه المشاركه


رابط المشاركه
شار ك علي موقع اخر

هههههههههههههههه

 

 

شكرا اخوي عاشق الصداقة فعلا من مدة ما ضحكت مثل الحين

 

لكن وانا اضحك توقفت على عدة نقاط ومنها

 

<script language="Javascript"></script> <script language="Javascript"></script>

 

هل فعلا لو كان ه الشي صحيح حيقدرون يوصلون الحدود المغربية

 

هذا معناته انهم قدرو على مصر و ليبيا و الجزائر و تونس

 

والله ظليت افكر فيها وايد .. ليش العرب ساكتين على وضع فلسطين

 

لو ظلو ساكتين فيوم من الايام ممكن يوصلو سواءا 2050او حتى 2100

 

الروائع العربية

شارك هذه المشاركه


رابط المشاركه
شار ك علي موقع اخر

×
×
  • اضف...

Important Information

By using this site, you agree to our Terms of Use, اتفاقيه الخصوصيه, قوانين الموقع, We have placed cookies on your device to help make this website better. You can adjust your cookie settings, otherwise we'll assume you're okay to continue..