70 ردود على هذا الموضوع

[El-Saher Fantasy]

Tweet

اللهم إني اسألك باسمائك الحسنى وباسمك الأعظم الذي إذا دعيت به أجبت وإذا سألت به أعطيت
أن توفق اختنا زهرة الجنة إلى ما تحبه وترضاه
وتكتب لها الخير حيث كان
وتشفيها وتمتعها بصحتها ابدا ما احييتها
إنك ولي ذلك والقادر عليه

Tweet

[زهرة الجنة]

اخوتى واحبابى فى الله
حاولت الايام اللى فاتت انى اطمنكم عليا
مش فى الصفحة دى
لا عن طريق مشاركات بسيطة
حاولت من خلالها انى احس انى معكم
وننسى موضوع المرض ده شوية
لكن يبدو انه بيفرض نفسه عليا
لقد مرت الايام بسرعة واقترب موعد الجرعة الثانية من العلاج
بدات التحاليل
والعلاج السبت القادم ان شاء الله
مخبيش عليكم انا خايفة فعلا
يمكن المرة الاولى كنت خايفة من المجهول
ويمكن كان عندى امل ان اعراض العلاج تكون خفيفة
لكن المرة دى انا عارفة اللى هيحصلى كويس
الحمد لله والله انا حامدة ربنا من قلبى
غيرى يتمنى يكون لحالته علاج مهما كان صعب
وان شاء الله هى فترة وهتعدى بحلوها ومرها
لكن كل اللى قدرت اعمله انى اسأل الله التخفيف والصبر
وانى اقول لكم من جديد
محتاجة دعواتكم
حقيقى محتاجاها جدا
ادعو لى يا احسن صحبة عرفتها فى حياتى
ادعولى
ادعولى
ان شاء الله هبقى اعرفكم اخبارى دايما فى الصفحة دى

استودعكم الله

[Shetos]

اسأل الله العظيم رب العرش العظيم ان يشفيكى ويكتب لكى اليسر فى علاجك..

وأن يهون عليكى..

شفاكى الله وعافاكى أختنا زهرة الجنة..

نرجو ان تتابعينا بأخبارك يومياً إن أمكن..

فى رعاية الله وحفظه..

[زهرة الجنة]

اخواتى واحبائى فى الله
اكتب لكم الان وانا فى حالة لا يعلمها الا الله
فانا حتى لا استطيع الكلام
فانا الان فى اسبوع العلاج
وغدا اخر ايام هذه الجرعة من العلاج
وبعدها فترة راحة حتى الجرعة التالية
لا اعلم هل نسيتونى
امازلتم تدعون لى
ارجوكم لاتحرمونى دعاءكم

فانا فى اشد اشد الحاجة اليه

اسفة لااستطيع ان اكتب اكثر من هذا

استودعكم الله

[«۞۩ أبو سليمان ۩۞»]

اختي ريي يتم شفائك و يرجعك الى اهلك و ناسك و الينا

بكامل الصحة و العافية

ربي ييسر عليكي كل عسير و يشفيكي من كل داء و يرزقكي الصبر على البلاء

اللهم آمين

[ali desoky]

ربنا يشفيك ان شاء الله

وييسر ايام العلاج عليكي

وتعودي الينا بكل صحه ان شاء الله

[AMR DAWAM]

ربنا يشفيكى يارب ويهون عليكى كل عسير وييسره
ويارب ترجعى لنا احسن من الاول يارب
ويشفيكى
احنا عمرنا ما نقدر ننساكى وبندعيلك باستمرار

ربنا يهون عليكى
*******************

[«۞۩ أبو سليمان ۩۞»]

شفاكي الله و عافاكي اختي

ربي يكرمك بالشفاء العاجل ,,,

دعواتنا لكي دائما بأن يتم الله شفائكي و ترجعي الى اسرتك في صحة افضل من الاول

ربنا ييسر لكي جرعات علاجك ,,, و تمر عليكي سهلة من غير الم او تعب

اللهم آمين

يا ريت نسمع آخر اخبار علاجك اختي

تم تعديل هذه المشاركة بواسطة Dr Abcarino: 18 July 2009 - 08:05 PM

[زهرة الجنة]

اخوتى فى الله وحشتونى كلكم بجد
اسفة لانى مش بقدر اعرفكم اخبارى اول باول
وزعلانة قوى انى مش بقدر اشارك معكم فى المنتدى
بس بجد غصب عنى
انا بشوف مواضيعكم الجميلة ونفسى ارد
او اكتب لكم حاجات جديدة بس طبعا انتو عارفين الظروف
الجرعة اللى فاتت تعبتنى جدا
وبعد مافقت شوية طلبو منى تحاليل وحاجات شغلتنى عنكم
واهوه لما خلصت التحاليل جه ميعاد الجرعة الجديدة
انا بجد خايفة اوى
كل مرة بحس انى خايفة اكتر من المرة اللى قبلها
يمكن لانى كل مرة بتعب اكتر
المهم انى هبتدى جرعة جديدة الاسبوع الجاى
دعواتكم معايا يا اخوتى
ادعولى بالتيسير والصبر والرضا
انتو متتخيلوش اسبوع العلاج ده بيبقى عامل ازاى

لكم منى كل الحب والتقدير
استودعكم الله

[ABOTASNEEM]

ربنا يكتبلك ويسرلك الشفاء إن شاء الله

[سلمى @]

اسال الله العظيم ان يشفيكى و يعافيكى و يصبرك

[زهرة الجنة]

اخوتى فى الله
وحشتونى كلكم جدا
كتير منكم بيطلب يعرف اخر اخبار علاجى
اعذرونى والله مش بقدر ادخل كتير من كتر اللى بمر بيه
اخر مرة قلتلكم انى هبتدى جرعة جديدة من العلاج الاسبوع الماضى
وهو ما لم يحدث لانى عملت تحاليل
ووجدت حالتى الصحية لن تتحمل الدواء
فاخذت بعض المقويات الاول وهبتدى الجرعة الاسبوع ده ان شاء الله
دعواتكم يا صحبة الخير
ارجوكم لاتنسونى
لانى بجد
محتاجة دعواتكم
استودعكم الله

[ali desoky]

اختي الغاليه
ربنا يكرمك ان شاء الله
ويشفيكي ويخفف الم المرض عنك

ربنا يسهلك العلاج ان شاء الله
وترجعي تاني تطمنينا ان بخير

ربنا يجعل شهر رمضان شهر الرحمة والمغفره وشهر شفاؤك ان شاء الله

[«۞۩ أبو سليمان ۩۞»]

ربنا يشفيكي و يعافيكي اختي

ربنا يرزقك الصبر و التحمل للعلاج

ان شاء الله يتم العلاج بسلام و ترجعي افضل من الاول

[MidooDj]

شفاكى الله وعفاكى الختى الكريمة

[AMR DAWAM]

شفاكى الله وعافاكى اختى الكريمة زهرة الجنة

ان شاء الله ينتهى الالم قريبا

ما وقع بلاء الا بذنب وما رفع الا بتوبه

الحمد لله ان الله ابتلاكى فى الدنيا
وسيعوضك برحمته فى الجنة

************************

[زهرة الجنة]

اخواتى الاحباء كل سنة وانتم طيبين بمناسبة الشهر الكريم
ربنا يعيده عليكم بالخير والبركة والصحة
اللى هى اعظم نعم الله على الانسان
الحمد لله انا بخير وقطعت جزء من مشوار العلاج
وعملت اشعة لتقييم الفترة اللى فاتت
يعنى فى تحسن بسيط لكن الحمد لله اننا مش بنرجع لورا
بس بجد ادعولى ربنا يقوينى على بقية العلاج
جسمى اصبح فى حالة انهيار ولم اعد احتمل حتى شكة الابرة
ده غير حالتى النفسية اللى اصبحت تحت الصفر بسبب رمضان
اه لو احكى لكم كنت بعمل ايه فى رمضان
دلوقتى بحلم انى اقدر اصوم ولو حتى جزء منه
بس انا عارفة ان ربنا هيسامحنى على تقصيرى لانه اعلم الناس بحالى
ادعولى والله محتاجة دعواتكم قوى قوى
استودعكم الله

[سندريلا]

اسال الله العظيم رب العرش العظيم ان يشفيكي
اسال الله العظيم رب العرش العظيم ان يشفيكي
اسال الله العظيم رب العرش العظيم ان يشفيكي
اسال الله العظيم رب العرش العظيم ان يشفيكي
اسال الله العظيم رب العرش العظيم ان يشفيكي
اسال الله العظيم رب العرش العظيم ان يشفيكي

اسال الله العظيم رب العرش العظيم ان يشفيكي
اهلا بيكى فى منتداكى وبيتك الثانى
انا من اول ما قرأت كلامك وانا بدعيلك وهدعيلك فى كل صلاة
وانا عاوزاكى تطمنى عارفة لية
لانك حافظة للقرأن
وان شاء اللة النتيجة تكون مبشرة
ابقى طمنينا
اللهم ثبتها على الطاعة والايمان والصبر

[زهرة الجنة]

جزاكى الله كل الخير اختى سندريلا
حقيقى مش عارفة اشكرك ازاى
لان بعد المساندة الكبيرة اللى حسيت بيها من اعضاء المنتدى
اصبحت الصفحة دى شبه مهجورة
بعد ما الكل وقف جنبى ودعالى وطلبو منى كتابة اخبارى اول باول
اصبحت اكتبها ولايقراها الا النذر القليل
يمكن لانى بتاخر فى الرد بسبب ظروفى الصحية
يمكن دى طبيعة البشر انه بينسى بسرعة
او انه بيحس انه عمل اللى عليه فى الموضوع ده
وبيدور على موضوع جديد يشارك فيه
ايا كان انا مش زعلانة منهم وعمرى ما اقدر انسى وقفتهم معايا
كل اللى بتمناه انهم يكونو لسه فاكرنى وبيدعولى
اما انا فكل مرة العلاج بيتعبنى اكتر من الاول
ايام رمضان كانت صعبة جدا عليا
غير انى منعت من الصيام تماما
اما ايام العيد فالله وحده كان اعلم بحالى وقتها
كانت صعبة حقيقى
لدرجة انى اصبحت مرعوبة من ايام العلاج
اللى قربت اوى- فاضل اسبوع على الجرعة الجديدة
وبعدها هيكون فى تقييم للموضوع كله
اتمنى ان يكون هناك من لايزال يهتم بامرى
ويدعو لى
استودعكم الله

[الرّام]

"زهرة الجنة" يا اختي لا تقولي مثل هذا الكلام ... لان دعاء كل اخ و اخت ليكي على طول يكون بظهر الغيب

صحيح يمكن ما يكتبولكش ردود ( و يمكن انت عندك حق لان كلماتهم الي انت تقريها تخفف عليك شوية و تريحك) لكن كوني واثقة ان الكل يدعيليك يا اختي

ربي يشفيكي يا رب


ما تخافيش .. مادام ربي معاك ماعادش تخافي من حتى شيء

حبيبتي .. انا ندعيلك على طول

حبيبتي .. ديما قولي "الحمد لله على كل شيء"

ربي يشفيك و يبعد عليك كل أذيّة ان شاء الله

تم تعديل هذه المشاركة بواسطة الرّام: 05 October 2009 - 08:50 AM