اذهب الي المحتوي
منتديات ياللا يا شباب
رجل من الصحراء

مشي حالك حالك يمشي

Recommended Posts

في لحظة من اللحظات قررت ان اكتب هذه الابيات

نظرا لما تعرضت له من فقدان للامل واتضح لي اننا في زمن يرفض اصحاب المباديء و يرحب بكل من هو منافق و ياكل على كل الموائد ويجاري كل الاوضاع حتى يصل الى غرضه المطلوب

ولعل اكثر مادفعني لهذا هو موقف حدث منذ ايام مع احد اصدقائي بالعمل وهو من ذوي المباديء التي انقرضت ولم يعد لها اثرا منذ فترة كبيرة.

فلقد نصحه مديره بان لا يستمر بمبادئه هذه لانها عديمة الفائدة بل يجب ان يساير الوضع حتى يحصل على كل مايريد.

اي باختصار كما نقول بالعامية (مشي حالك ... حالك يمشي)....

مشي حالك حالك يمشي

واياك ترفض واياك تمشي

متقلش ده عيب ومبعملشي

ما هي حالة بلدك متطمنشي

صحصح واعقل واسمع مني ومتشتمشي

مصلحتك من غير تسييس ونفاق مبتكملشي

من غير واسطة او حتى فلوس مش راح تمشي

او ممكن غدوة في مطعم شيك مع رحلة كبيرة ميمنعشي

حتى بكباية شاي وساعات بسيجارة كله بيمشي

يابني افهم بقى بطل اوهام ومتحلمشي

زمنك ده خلاص فترة وعدت ومبتدمشي

يعني خلاصته بمبادئك دي متاكلش معانا ولا تنفعشي

وان كنت مصمم تبقى شريف يبقى استحمل ومتندمشي

واياك تيجي تقول الحقني مصلحتي ياناس مبتخلصشي

فاركز بقى واهدى وروق خليك حبوب ومتعندشي

وهقلهالك وهعدهالك تاني وتالت ومهسكتشي

مصلحتك من غير تسييس ونفاق مبتكملشي

من غير واسطة او حتى فلوس مش راح تمشي

مش راح تمشي ..... مش راح تمشي

شارك هذه المشاركه


رابط المشاركه
شار ك علي موقع اخر

يخرب بيت عقلك يابشمهندس

 

والله خطير خطير خطير

 

عندك قدرة غريبة على انك توصل اللى بيدور فى ذهنك

 

بكلام بسيط وعامى .. وكمان شعرى

 

رائع رائع رائع

 

-------------------------

 

وأكيد طبعاً اللى مع ربنا .. ربنا هو اللى بيسره كل أموره

 

فإن شاء الله ربنا يسرنا كل أمورنا بدون ما نكون فى حاجة

 

إلى أن نسيس أمورنا باللى بالى بالك .. اللى انت بتقول عليه

شارك هذه المشاركه


رابط المشاركه
شار ك علي موقع اخر

الشعر بصراحة جميل جدا جدا

وفعلا يارجل من الصحراء اشعارك دائما توصل

الكثير من المعاني

لانها سهلة وبسيطة ومؤثرة

 

%%%%

ولكن بالنسبة للموضوع الذي يدور حوله الابيات

هل تعلم ان ماانت فيه هذا انت وغيرك من الكثيرين

هو بلاء من الله سبحانه وتعالي ؟؟!!

منذ الأزل يوجد الخير والشر

توجد الأخلاق الحميدة وعكسها

وهكذا هي الحياة دائرة تعيد نفسها مرارا وتكرارا

ولكن كلما تقدم الزمن كلما كثر الشر والبلاء

سيأتي علي الناس زمن يكون فيه القابض علي دينه كالقابض علي قطعة من جمر

زماننا فيه من هذا المثل

 

انه بلاء من الله يريد ان يري هل سيصبر عبدي؟؟

هلي سدعوني ؟

هل سيبقي علي ديني؟

هل سيحافظ عليه ؟

انه بلاء عظيم

وانه مجاهدة للنفس كبيرة

ولكن صدقني ان كنت مع الله لن تخسر ابدا

اصبر ..واصبر ..واصبر

لابد ان يرزقك الله خيرا

الحياة طريق صعب ولكن العبرة بالنهاية

وتذكر ان الدنيا لا تساوي عند الله جناح بعوضه

اننا علي هذه الحال دائما في تخوف من ذنوبنا التي تحدث منا بدون قصد وذنوبنا اليومية

في يومنا

فنجني علي انفسنا ونذهب للنهلكة بايدينا !! لااله الا الله محمد رسول الله

اتعظ من الانبياء

فهم كانوا اشد الناس بلائا

ان الله لايضيع اجر من احسن عملا

كما قال لك عمك صابر من قبل

يافرحتي بالدنيا مبسوط وعايش وكله تمام

ولكن يوم ياتي الحساب لااجد زاد يبلغني..والعياذ بالله

اسال الله ان يثبتك انت واخواني

وان يفرج عنك الهموم ويقدر لك الخير ويبعد عنك الشياطين

اللهم آمين

اتمني المرة القادمة ان اجد شعرا عن موضوع عن الصبر ونتيجته

باذن الله التي ستكون خير

تم تعديل بواسطه بنت مصرية

شارك هذه المشاركه


رابط المشاركه
شار ك علي موقع اخر

لا حول و لا قوة الا بالله

 

 

 

......................

 

 

بالنسبة للقصيد .. يعطيك ألف ألف ألف صحّة

 

 

 

و بالنسبة للوضع السائد في بلداننا .. (الي انت حكيت عليه بكل دقة في شعرك هذا)

 

طبعا - و كما قالت اختي بنت مصرية - انا اوافقها في الرأي

 

 

ثم انه لازم الواحد يتمسك بمبادئه .. على الأقل هكذا يكون فمّة أمل في الاصلاح في يوم من الايام

شارك هذه المشاركه


رابط المشاركه
شار ك علي موقع اخر
وان كنت مصمم تبقى شريف يبقى استحمل ومتندمشي

 

واياك تيجي تقول الحقني مصلحتي ياناس مبتخلصشي

 

فاركز بقى واهدى وروق خليك حبوب ومتعندشي

 

كلمتين وغيرهم ما هقولشي ..

نصيحه يا صاحبي إصبر ولا تزعلشي

ربك هيفرجها ولعباده بكره ما تحتاجشي

مادام خلقك لرزقك عمره ما هينسي

ده رزق الله واسع ما يخلصشي

 

إيه رأيك مش أنفع أنافسك في السوق .. :smile:

ماتسيبك من المنتدي وتيجي نعمل شريط يكسر الدنيا :smile: ...

 

لكن بجد أنا عاوزك تركز في ترتيبات الفرح دع الهموم وعيش فرحتك حالياً ..

الهموم قاعده علطول لكن الفرح بتعيشه مرة واحده بس ...

 

وأحب أضيفلك معلومه بسيطه جداً قالهالي واحد مش متعلم ..

قاللى شوف سبحان الله ربنا لما خلقنا جعل الأخذ بالأسباب لكل شيئ ..

طيب في أسهل من الأكل في الدنيا ..

حتي اللقمه اللي بتاكلها لازم تتعب في مد إيدك وتجيبها وكمان تمضغها كويس مش بتاكلها جاهزة كده ولو حصل غير كده يجيلك تلبك معوي ..

ده مثال بسيط جداً جداً لعدم الأخذ بالأسباب ...

يعني لازم تتعب وتقاسي وتعافر علشان في النهايه توصل للمكان اللى تستحقه ..

أوعي تسلم إنت باشمهندس غصب عن الكل خليك ثابت علي موقفك ..

وكان فاضل سؤال واحد بس ....

عندك غره عشان تثبت ولا أبعتلك قزازة صمغ من هنا ؟؟؟ :smile:

إضحك كده وربك هيفرجها ...

شارك هذه المشاركه


رابط المشاركه
شار ك علي موقع اخر

الله الله

بجد الله اكبر عليك كنت مخبى الكلام الحلو ده فين

الشعر رائع والمعانى فى الجون

بص يا باشا

الدنيا ربنا خلقنا فيها علشان

بسم الله الرحمن الرحيم

أحسب الناس أن يتركوا أن يقولوا آمنا وهم لايُفتنون . ولقد فتنا الذين من قبلهم فليعلمن الله الذين صدقوا وليعلمن الكاذبين"

صدق الله العظيم

قد الكلام ده عيشها

مش قده اعمل اللى يعجبك

بس انا عارف انك قد الكلام ان شاء الله

ربنا يكرمك

تم تعديل بواسطه الجندى المجهول

شارك هذه المشاركه


رابط المشاركه
شار ك علي موقع اخر

حبيبي ابوتسنيم

شكرا لمرورك وطبعا ونعم بالله وربنا معانا كلنا , بس برده ارجع واقلك اني هتجوز قبلك :smile: :smile: :smile:

................................................................................

..................

بنت بلدي الاخت الصغيرة سنا والكبيرة مقاما بجد دايما تهوني عليا بكلامك ربنا يجزيك كل خير ويكرمك

وان شاء الله ادعيلي المواضيع الجاية يبقى فيها تفاؤل وامل.

................................................................................

...................................................

الرام اختي الفاضلة مرورك يسعدني دائما بجد بجد بجد يعيشك برشا برشا برشا

................................................................................

.............................................

كلمتين وغيرهم ما هقولشي ..

نصيحه يا صاحبي إصبر ولا تزعلشي

ربك هيفرجها ولعباده بكره ما تحتاجشي

مادام خلقك لرزقك عمره ما هينسي

ده رزق الله واسع ما يخلصشي

 

هههههههه لا حلوة

 

إيه رأيك مش أنفع أنافسك في السوق .. smile.gif

ماتسيبك من المنتدي وتيجي نعمل شريط يكسر الدنيا chair[1].gif ...

 

 

تمام ياباشا الله ينور فكرة حلوة برده اهي سبوبة ناكل منها عيش وخضار

 

منور ياعلاء بيك

................................................................................

.............................

 

 

الله الله

بجد الله اكبر عليك كنت مخبى الكلام الحلو ده فين

ا

ابوحميد حبيبي فينك ياراجل وحشنا كتيير

منور ياحمادة

شارك هذه المشاركه


رابط المشاركه
شار ك علي موقع اخر

مبدع مبدع مبدع مبدع

مع انى ردى جيه متاخر اووووووووى

بس فعلا راااااااااااااائع

مش عارفه يعنى اقول ايه بجد الدنيا بقى حالها صعب اوى

ربنا يحفظنا ويحمينا

وييسرلك حالك اخى الكبير يارب

واسمع عنك كل خير يارب قريب وتمسك شغل كويس جدااااااا انت وعمر يااااااااااااارب

بدعيلكم دايما ومش بنساكم

ان شاء الله ازمه وهتعدى

جزاك الله خيرا ويسر لك

وربنا يتمملك بخير

شارك هذه المشاركه


رابط المشاركه
شار ك علي موقع اخر

سيبها على ربنا وهو هيحلها فان اراد شيئا يقول له كن فيكون ولو ربنا عايز الموضوع يمشي هيمشي وتاكد ان ربك هيخترلك الخير والخير فيما اختاره الله وكمان لازم نتمسك بمبدئنا لنهايه عشان احنا اختارنا من البدايه ان نكون في الطريق الصح ازاي نسيبه ونروح للغلط

شارك هذه المشاركه


رابط المشاركه
شار ك علي موقع اخر

مشي حالك حالك يمشي

يابني افهم بقى بطل اوهام ومتحلمشي

زمنك ده خلاص فترة وعدت ومبتدمشي

يعني خلاصته بمبادئك دي متاكلش معانا ولا تنفعشي

وان كنت مصمم تبقى شريف يبقى استحمل ومتندمشي

واياك تيجي تقول الحقني مصلحتي ياناس مبتخلصشي

فاركز بقى واهدى وروق خليك حبوب ومتعندشي

وهقلهالك وهعدهالك تاني وتالت ومهسكتشي

مصلحتك من غير تسييس ونفاق مبتكملشي

من غير واسطة او حتى فلوس مش راح تمشي

 

راااااااااااااائع والله بجد

بسم الله ماشاااء الله عليك يا اخويا

ربنا يفرج همك وكربك

يااااااااااااااااااااااارب

ويصلح بالك ويملئ قلبك براحة بال

ليس لها نهايه

تقودك للاصلاح فى الدنياوطريق الخير

والجنه فى الاخرة

تقبل فائق التقدير لحضرتك

تم تعديل بواسطه دفءُ الأٌنْــــــــسِ

شارك هذه المشاركه


رابط المشاركه
شار ك علي موقع اخر

***************ماشاااااااااااااااااااااااااااااااااااااااااااااااااااااااااااااا

اااااااااااااء الله ***********

بجد ربنا يبارك في حضرتك وييسر ليك امورك كلها يارب كلمات معبـــــــــــــــــرة جدا

من ترك شيئاااااااا لله عوضه الله خير منه

الانسان اللي حضرتك بتكلم عليه ده اسال الله العظيم رب العرش الكريم ان يجعل له في كل خطوة سعاده ويرزقه من حيث لا يحتسب

ماشاء الله امثلة بجد يتفرح بيها فعلا لسه في خير في الدنيا ونماذج مشرفة

اللهم ردنا اليك مردا جميلا

من ارضي الناس في سخط الله سبحان الله ربنا بيسخط عليه ويجعل الناس تسخط منه والعكس

فالانسان الجميل ده ارضي ربنا بسخط الناس فربنا هيرضي الناس عنه وهيفرج همه وهيسعده

وكل خير هيقدمه ليه

لان فعلا الحياة صعبه وللاسف اصحاب العقول المريضة مفكرين اننا لاااااااااااازم نتنازل عن المباديء بتاعتنا عشان نقدر نعيش

وللاسف الناس تركوا منهج الله واخذوا يشرعون لانفسهم قوانين وضعية

يعني زي ما حضرتك بتقول كده مشي حالك حالك يمشي ما هو ربنا مش بيرضي بالظلم ويبرروا الموقف

حسبنا الله ونعم الوكيل

*****************************

 

شارك هذه المشاركه


رابط المشاركه
شار ك علي موقع اخر

اخواتي في الله

شرفتموني كثيرا بردودكم الجميلة

ربنايبارك فيكم ويحفظكم

تحيتي وتقديري

شارك هذه المشاركه


رابط المشاركه
شار ك علي موقع اخر

رووووووووووعة ياباشمهندس

 

تسلم ايدك

**************

شارك هذه المشاركه


رابط المشاركه
شار ك علي موقع اخر

Join the conversation

You can post now and register later. If you have an account, sign in now to post with your account.

زائر
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×
×
  • اضف...

Important Information

By using this site, you agree to our Terms of Use, اتفاقيه الخصوصيه, قوانين الموقع, We have placed cookies on your device to help make this website better. You can adjust your cookie settings, otherwise we'll assume you're okay to continue..