9 ردود على هذا الموضوع

[نجمة الكتب]

Tweet

السلام عليكم ورحمة الله وبركاته

اخواتي واخواني اعضاء ومشرفين منتدى ياللا يا شباب،

ازيكم، يا رب تكونوا جميعا بخير ....سامحوني اتأخرت كتير في دخول المنتدى

وحشتوني ووحشني المنتدى جدا جدا جدا ،



ندخل بقى في الكلام المهم احنا مش فاضيين.. ورانا مظاهرة :

اخواني الحكاية مش حكاية المنتدى الحكاية حكاية اللي ورا المنتدى...

الروح اللي فيه اللي بتخلينا نحس اننا اسرة واحدة واننا بنعمل حاجة وبنعبر عن نفسنا وبنشارك بعض......

معلومة او بيت شعر او ورداية عضو بيهديها للتاني او حتى نكتة ...كل دي حاجات بسيطة لكن ليها تأثير كبير فينا كلنا.



اكيد كلكم قريتوا الاعلان اللي مكتوب في المنتدى وانه بعد الشر هيتقفل يوم ١١\٨

وانا جاية النهاردة عشان اقول لأ والف لأ ...المنتدى ده لا يمكن يتقفل ومش هسمح انه يتقفل

اللي زيي بيحب المنتدى ده وحاسس انه بيته التاني وانه حتة منه يضم صوته لصوتي ويقول لأ

احنا بنقصر فيه اه وبنغيب عنه كتير كمان لكن نسيبه يتقفل لأ


...ادمن منتدانا الهمام بطالبك بالرجوع عن قرارك ده ..اولا لانه مش منتداك لوحدك

ثانيا عشان الاعلان ده لو ما اتشالش في خلال اربعة وعشرين ثانية من دلوقتي هيكون في خطر على حياتك

قد اعذر من انذر..

وبكررهالك تاني


لأ والف لأ.

Tweet

[تقوى القلوب]

خبر جميل يا احمد
ولو انى عارفه ان سبب مش سهل اللى خلاكم تقررو قرار قفل المنتدى ده
منعا للاحراج مش هنسالكم عن السبب لحد مانتو تقولوه بنفسكم

لكن حمد الله على سلامة منتدانا

[AMR DAWAM]

السلام عليكم
ازيكم اخواتى الاعزاء

بس ايه الكلام العجيب اللى انا قلااته ده ؟
يعنى اسيب المنتدى كام يوم ارجع الاقيه هيتقفل
بصراحة انا مش فاهم حاجة
هل سبب القفل لشئ خير من اجل المنتدى ؟ ام لمشكلة تواجه الادارة ؟
اتمنى الاجابة لانى مش مستوعب اللى بيحصل
وسلامى للجميع

ولا تنسونا من صالح دعائكم
************************************

[نجمة الكتب]

كلنا زيك يا عمرو مش مستوعبين

بس مهما كانت الاسباب اكيد احمد ممكن يلاقيلها حل وان شاء الله مش هيتقفل

كل الناس زعلانين جدا ومش مصدقين ... اتصرف بقى يا احمد ومهما كانت المشكلة حاول تحلها

المهم انه مش هيتقفل...لا يمكن يتقفل طول ما احنا موجودين باذن الله.

[NADA]

والله برافو عليكى يانجمه
مع انى زعلانه منك انت كمان علشان الغيبه الطويله دى
بس بجد وحشتينا كلنا وانا مبسوطه من الاعلان ده لانه خليكى رديتى علينا
وطبعا المنتدى مش هيتقفل يعنى مش هيتقفل والا هرتكب فيك يا احمد جريمة قتل

[ABOTASNEEM]

والله دايما جامعانا فى الخير

يانجمة الكتب

وكلنا معاكى فى المظاهرة

وان شاء الله مش هيتقفل

[سبرتو]

ازاى تعمل كدة يا احمد انتة فاكرة منتداك ولا حتى منتدانا دلوقتى بقى منتدى عالمى فية كل لدول وفى ناس من كل العالم ناطقين باللغة العربية
ولا انتة عاوز تلعب فى عداد عمرك وبعدين لو عملت كدة انتة محروم من تلاجة بيتنا للابد

[asmaa]

السلام عليكم ورحمه الله وبركاته

باذن الله المنتدي مش هيتقفل
لكن المهم نفهم ليه القرار ده
اكيد اكيد الادمن الغالي بتاعنا ليه رأي وعلشان كده نزل الاعلان ده
ان شاء الله يا احمد ربنا يوفقك وترجعلنا بالسلامه وتحل الموضوع ده
بجد مش هينفع المنتدي يتقفل الحمد لله حقق نجاح كبير
ومينفعش دلوقتي تقتل زرعه زرعتها في عز ماهي بتكبر
ولكل مشكله حل والله عارفين انه فيه عليك عبأ كبير
بس احنا واثقين في الادمن بتاعنا باذن الله ومش هيتقفل
ربنا يوفق الجميع والمنتدي الغالي طبعا

[AMR DAWAM]

طبعا من الظاهر كده ان المظاهرة نجت
ولكن هناك بعض الاشياء الغريبة التى حدثت فى الفترة الاخيرة

اعلان باغلاق المنتدى
بعدها الغاء كتابة اى مواضيع والاكتفاء بالردود
ودلوقتى الاعلانات دى كلها مش موجودة

ولنا الحق فى معرفة ما وراء كل هذا لو احنا فعلا كيان واسرة واحدة
ولا انت ايه رايك يا ادمن ؟؟؟؟؟؟؟؟؟
***************************

[ABOTASNEEM]

عذراً تم غلق الموضوع وسيتم نقله للأرشيف بعد يومين ..

وذلك لكى ننسى اى مواضيع تخص المشكله المشئومه