126 ردود على هذا الموضوع

[طائر السكون]

Tweet

على رأى الست ورده<BR><BR><BR><BR><BR><BR>جرب و اوصفلى <BR>ربنا يرحمنا منها

Tweet

[سبرتو]

اية دة انتى يا ابلة فين اليوميات انا حارم نفسى من المنتدى اربع ايام كاملة عشان ارجع والاقى حلقة واحدة بس والله انا كنت دخل المنتدى عشان اقرأ اليوميات اول حاجة بس الصراحة لقيت فى واجب تانى افضل انى لازم اكتب تهنئة ودة بس الى خلانى ارد عهليكى تانى رد المفروض بكرة تنزلى بحلقتين من اللى هما والا مش هشترى منك القصة خااااااااااااااالص ومش هنتجها ولا اعملها فيلم ولا حاجة

مش كدة ولا اييييييييييييية

وكمان عاشن ما تزعلش يا بو تنسيم ويجعلة عااااااااااااااااااامر

[سحر العيون]

هههههههههه

ماشى حاضر هنزل الحلقه

متزعلش اوى كده

[سحر العيون]

الحلقة ((7))
يلا يلا يلا بسرعة على الحلقة السابعة ونشوف القمر اللى اسمها نور عملت ايه والشاب الجاااااامد أحمد بن عم هريدى



وبعد ما نور كلمت احمد في التليفون...وكانت زعلانة جدا لما سمعت صوت جارته...واحمد مكنش داري بالدنيا ساعتها ...من ساعتها احمد ابتدى يروح الكلية وكان متخاصم مع نور بعد كلمتها الجارحة ليه...انه مش استايل وشعره دايما منعكش....ابتدا ينتظم شوية في الدراسة لحد ما جت الامتحانات وده كان اخر يوم في الامتحانات

احمد بيكلم واحد صاحبه عن الامتحان

احمد : امتحان ممتاااااااز سهل مية
صاحبه : حرام عليك..ده انا مكتبتش حرف
احمد : ليه جلمك اتجصف ولا ايه
صاحبه : لأ يابني الامتحان مليان
احمد : يابوي ..مليان ايه انت هتجنني
صاحبه : في ايه دلوقتي
احمد : انت طلعت اول مسألة كام
صاحبه: محلتهاش
احمد : والتانية
صاحبه : 100
احمد : حمار
احمد : طب والتالتة
صاحبه : 2000
احمد : حمار
صاحبه : يوووه
احمد : طب والرابعة
صاحبه : محلتهاش
احمد : يا حمار هما تلاتة بس
صاحبه : انت اعد ولا هتسافر البلد
احمد : لأ هسافر انا مش ليا حد هنا

ولسة بيدور وشه....قرب عليه الملاك نور...وبصوت رقيق

نور : يارب تكون حليت كويس
احمد : ايوة الامتحان كان ممتاز
نور : لسة زعلان مني
احمد : وهزعل منك ليه...احنا بيننا ايه
نور : مفيش عادي بسألك ..انت ليه دايما عصبي
احمد : على فكرة انا لو مجبتش امتياز هيكون بسببك
نور : ليه بس...انا السبب
احمد : فاكرة الكام محاضرة اللي اتطردت فيهم بسببك
نور : هههههههههههههههههههههه
احمد : هههههههههههههههههههههههههههه
نور : وحياة اغلى ما عندك مش تزعل مني
احمد : طمنيني عملتي ايه في الامتحان
نور : بليز يا احمد متزعلش مني اسفة بجد
احمد :وحشتيني
نور : انا ؟
احمد: وحشتيني يا امي
نور : هههههههههههههههههههههههه
احمد :مالك اتخضيتي لما قلت وحشتيني
نور : وانا هتخض ليه
احمد : اسألي نفسك
نور : هه ظريف
احمد : امسكي نفسك شوية يا بت
نور : هههه خفيف
احمد : مش ملاحظة حاجة عليا
نور: لأ بس شايفاك مبسوط عن قبل كده الحمد لله
احمد : لأ لأ حاجة في شكلي
نور : الراجل مش بشكله
احمد : اااااااه والله....بعد ايه ...مش كان شعري متنعكش ومش بيتسرح
نور : انا مكنتش اقصد ...كنت بهزر معاك
احمد : اااااااااااااه بعد ايه بقى بعد ما جبت علبة كريم بامبرز ب 25 جنيه
نور : ههههههههههههههههههههههههه اسمه بالمرز
احمد : ايوة امسكي في التفاهات دي...يعني شعري وحش
نور : جميل
احمد : بجد؟؟
نور : جميل راتب ده ممثل ممتاز
احمد : ااه يا رخمة
نور : هههههههههههههههههههههههههه
احمد : انا هسافر اسبوعين وجاي تاني
نور : ليه كده خليك هنا
احمد : هستنى ليه؟؟
نور : نروح شرم الشيخ مع الجامعة
احمد : رحتها كتير كفر الشيخ
نور : شرم شرم
احمد : بتاعت البنات البلبوسة؟؟
نور : عيببببب
احمد : في ايه هو انا اللي بلبستهم
نور : خلاص بقى رد عليا عشان نروح ..اتصل بيا
احمد : ان شاء الله
نور : اوكي اشوفك على خير
احمد : كنت عايز اجولك حاجة مهمة اوووي من زمان
نور: ايه هي يا احمد قول قول
احمد : مش مسامحك على المحاضرتين اللي محضرتهمش بسببك
نور : مع السلامة يا احمد
احمد : سلام يا نور
وهو مروح بقى......عليا الطلاج لهروح الرحلة ....عاوزين نغير دو بقى
ياترى احمد هايطلع الرحلة والا ايه؟؟
ولو طلع ايه اللى هايحصل؟؟

عايزين تعرفواا استونى مع الحلقة ((8))قريبااا

[سبرتو]

اممممممممممممممم هفضل مستنى كتييييييييير



يادى العطلة انا قربت اصرف لوسى وهشوفلى سيناريو تانى بقى اشترى منة اى قصة عاوزين نعرف بقى هيحصل ايييييييية ؟؟؟؟؟؟؟؟؟؟؟

[سحر العيون]

انت طماع اوى على فكره

[سحر العيون]

الحلقة ((8))

ازيكم ياشبااب
معلش اتاخرت عليكم




الحلقة اللى فاتت خلصت على انهم كانوا بيمتحنوا امتحانات الترم
وبعد ما احمد خلص امتحانات هو ونور وقال لنور انه هايفكر فى ا انه يطلع الرحلة والا لاا

يالااا نبدأ الحلقة

نور اتصلت باحمد تساله وكانت خايفة اوى لابو احمد الحاج هريدى يديهاا كلمتين والا حاجة فى التليفون

نور:الوو ..احمد موجود لو سمحت؟؟
ابوه:احمد ولدى؟؟ليه مين عايزه؟؟
نور:ممكن تقوله نور زميلتك فى الجامعة؟؟
ابوه:زميلته...ياااابوى عليك يااحمد ياولدى طالع لابوك بتاع نساوين

والحاج هريدى نده لاحمد يكلم نور

نور:الوو ازيك ياحمد عامل ايه؟؟
احمد:كويس جداا كويس خالص صحتى رجعت لى بعد ما اكلت من وكل امى
نور :طب الحمد لله ..ياترى فكرت فى موضوع الرحلة؟؟
احمد:ايوة وجولت لابوى كماان بس كان عايز يجى معاى عشان يتفرج ع النساوين
نور:لا طبعاا ياحمد ماينفعش

وبعد مادار خوار بين نور واحمد ونور قالتله على ميعاد الرحلة

وجه يوم الرحلة

نور : هو احمد اتأخر كده ليه
ريم : انتي مالك مش على بعضك ليه؟؟
نور : وانتي مالك
ريم : مش عارفة مهتمة بواحد زي ده ازاي؟؟
نور : ملكيش دعوة بقاااا
ريم : صحيح عملتي ايه في العريس اللي اتقدملك؟؟
نور : رفضته طبعا..انا لسة مش عاوزة ارتبط دلوقتي

ولسة الاتوبيس هيتحرك كان احمد وصل ونور تنفست الصعداء

احمد : ايه يا جماعة انتوا كنتوا مستنيين حاجة ولا ايه؟؟
ريم : ابدا كننا مستنيين القطر
احمد : هو احنا هنسافر في الاتوبيس ولا فى الجطر؟؟
ريم : يااااربي
نور : ههههههههههههههههههههههههه جامدة دي يا احمد
احمد :اي خدمة يا نور ابقي تعالي كل يوم
نور : اجي فين
احمد : لا لا متاخديش في بالك

والكل ركب الاتوبيس وفجأة احمد بيطلع من شنطته طبلة كبيرة
وشغال ضرب عليها لحد ما وجع دماغ الناس كلها والكل زهق منه

احمد : ايه يا رحلة فجر((فقر)) مالكم ساكتين ليه محدش بيرجص ليه هطبل وهرجص في نفس الوقت ولا ايه
نور : ابدا يا احمد بس الطبلة صوتها عالي اووووي
احمد : مانا عارف ان صوتها عالي...مكنتش اعرف انها هتضايقكوا كده
نور : عامة انا مش مضايقة انا مبسوطة بيها

وفجأة احمد بيطلع من شنطته زمارة كبيرة بتاعة الفرق الشعبية
وفضل يوجع دماغ الشباب كلهم بأصوات الالات الموسيقية الغبية دي
وفضل على هذا الحال لحد ما وصلوا

احمد : يا بووووي يا جدعان المنطجة هنا جامدة جوي جوي
نور : انت اول مرة تيجي هنا؟؟
احمد : لأ جيت قبل كده ايام الحرب
نور : حرب ايه يا احمد ..هو انت حضرت حروب؟؟
احمد:لا يا هبلة..حرب دى يعنى التار اللى على ابوى
نور:تااااااااااااار!!!!
احمد:ايوة تار جديم بس ماتاخديش فى بالك
نور:ربنا يستر
احمد : هو احنا هنعاود امتى يا نور؟؟
نور : يعني لسة اسبوع...انت زهقت ولا ايه
احمد : لا لا خالص بس انا مجبتش اكل كفاية
نور : احمد اكل ايه بس؟ هنا الاكل اوبين بوفيه
احمد : يعني ايه
نور : يعني تاكل اللي انت عايزه
احمد : يالهوي ياني يا جدعااااان
نور : انا هطلع اغير بقى
احمد : اوعي تجولي هتلبسي لباس البحر
نور : هههههههههههههههههه ايه يا احمد ده بس
احمد : صدجيني معرفكيش تاني
نور : انت هتنزل البسين بأيه ...معاك ماييوه؟؟
احمد : لأ انا ابويا جايبلي ترننج من السعودية هنزل بيه
نور : مينفعش يا احمد
احمد : بجولك من السعودية ..جامد جوى جوى
نور :طيب يلا نفطر بقى عشان جعانة
احمد : انتي على طول جعانة كده
نور : ههههههههههههههههه انا بحب الاكل اوي
احمد : انا اخر حاجة افكر فيها الاكل
نور : يعني مش هتفطر؟؟
احمد : في مش وخيار وعيش بلدي؟؟

نور كانت عاوزة تقوله ده عند ماما الكلام ده

احمد : كل ده اكل يا نااااااااااس ...هيخلص امتى ده بس
نور : كل على اد ما تقدر يا احمد
احمد : عليا الطلاج انا هاكل وكل لحد ما افرجع كده
نور :انا طالعة اغير ونازلة
احمد : تغيري ايه بس يا شيخة بصي على نفسك في المراية وشوفي الولية الجااامدة دي
يابووووووووووووووي انا لازم اروح اتعرف عليها دي لابسة مايوووووووووووووه جاامد جوي جوي



ياترى هايقولهاا ايه وهايحصل ايه؟؟
استنوا الحلقة الجاية وانتم تعرفواا



مع تحياتى
واشوفكم الحلقة الجاية
ان شاء الله

تم تعديل هذه المشاركة بواسطة سحر العيون: 26 September 2007 - 10:56 AM

[الرحال]

لا حول ولا قوة الا بالله

شوفتى بقى ياسحر العيون ازاى البت نور دى بوظت اخلاق الواد احمد

اهوووو فى الاول بطل يحضر و بعدين انطرد من المحاضرة و فى الاخر

اهووووو هايطلع شرم ياخبر ابيض شرم مرة واحدة

عشان تعرفى بس ان وراء كل شاب فاشل بنت روشة


هههههههههههههههههههههه

دومتى بود

[سحر العيون]

وراء كل شاب فاشل بنت روشة

مش كلهم

[سبرتو]

هاهااهاهاهاه الحلقة دى خطيييييييييييرة قوى قوى خلاص انا اشتريت الرواية دى بس بشرط احمد كرينكل هوة اللى يمثل دور احمد دة

[سحر العيون]

ههههههههه
عجبتك
ولسه استنى اللى جاااااااااااااااى

[سحر العيون]

ازيكم ازيكم
فاكرين الحلقة اللى فاتت
احمد سافر الرحلة مع نورررر
ووصلوا الفندق وشاف الولية ام كلسوون

تعالواا بقاا نشوف حصل ايه؟؟

الحلقة ((9))

أحمد شاف الوليه ام مايوه اتجنن عليها راح رايح وراها

واختفى من قدام نور فى ثوانى

أحمد: ايه يا وليه المايوه الدامد ده وايه الشياكه دى كلها
الوليه: ايه الاشكال البيئة دى
أحمد: بيجة ؟ طب والله انتى اللى بيجة ومعفنة كمان وريحتك منتنه وشكلك من اللى بيستحموا من العيد للعيد
الوليه: تصدق بقى لو مسكتش انا هندهلك اللى يعرفك شغلك كويس
أحمد: ههههههه هتندهى مين يعنى بالماااايوه اللى انتى لابساه ده
الوليه: لا دا انت قليل الادب ومش متربى وعايز اللى يربيك ..
أحمد:اه جولى كده بقى ان انتى من الاول عايزةتتوهى فى مواضيييييع تانيه اه يا لجيمه
الوليه:يا تااااااااامر يا أدهاااااااااااااااام
أحمد: يطلعوا مين ان شاء الله سى تامر وسى ادهم دوووول ولادك العفاريت الصوغنانين ولا الكلاب البلوكسر بتوعك
الولية: بلوكسر ههههههههههههههههههههههه
أحمد: بتضحكى على ايه يا وليه دلوجيت
الولية: ( ولية ) انا هعرفك دلوقتى على قلة ادبك والسفاله اللى انت فيها دى
أحمد: طب والله انتى بوج على الفاضى
.. بسم الله ماشاء الله على تامر وادهم وهما رايحين لمامتهم كل واحد فيهم عامل زى السوبر جيت ..
تامروادهم: ايوااااااا يا ماما كنتى بتندهى علينا
الولية: ايوه ياحبايبى الكلب ده كان عمال يقل ادبو معايا وقال عليكوا انكوا عفاريت صوغنانين وكلاب بلوكسر
تامروادهم: انت قولت كده علينا يااااااااااااه
أحمد: عليا الطلاج ما حصل الكلام ده يا عم البلدوزر انت وهو كل اللى حصل انى كنت بجولها الساعة كام يا هانم
مامة تامر وادهم بتوجه الكلام لأحمد بس بحنيه زى ما انتوا عارفين
الولية: هانم اه يا كداب دى عمرها ما طلعت من بؤك خالص ليا يا عديم النظر
وكمان يا حبايبى كل شوية يقولى يا ولية
تامروادهم: احنا ماما يتقالها يا ولية دا انت هتموت النهارده
أحمد: يا رداله استنوا بس كده واهدوا طب انا هجول ايه اللى حصل
تامروادهم: واحنا هنستناك لما تحكيلنا ايه اللى حصل يا عم الكتكوت وبعدين ايه برطمان الكاتشب اللى انت واقع فى ده
حد يلبس بنطلون احمر؟؟
أحمد: لو سمحت يا أخ متقولش كتكوت دى وبعدين انت عندك عمى الوان ولا ايه
تامروادهم: انت كمان بترد على اخويا دا احنا هنعملك شمسية
أحمد : يااااااه عليكوا هو الواحد ميعرفش يهزر معاكوا كده اااابدآآآآ
نور: أحماااااااااااااااااد
أحمد: ايون يا نور انا هنا واقف مع ناس صحابى
تامروادهم: صاحبك مين دول ياااااه دااحنا هنفرمك دلوقتى
أحمد: لأ والنبى يا كابتن اصلها الموزة بتاعتى ومش عايزها تشوفنى وانا بتفرم
نور: ايه يا احمد انت اختفيت مرة واحدة كده ليه وجريت ورا الست اللى كنت بتقول عليها وليه هههههههه
وعملت ايه معاها بقى يا سيدى فى الاخر ... بس انا زعلانه علشان تسيبنى وتقوم تجرى وراها كده
أحمد: طب بجولك ايه دلوجتى اجرى انزلى البحر شوية وانا هحصلك
نور: لأ انت بجد عملت معاها ايه ومش تعرفنا على صحابك . انما انت مقولتليش انك ليك صحاب هنا
أحمد : ما اصل انا لسه متعرف عليهم دلوجتى
... ام تامر وادهم كانت بتجيب حاجه ورجعت لهم تانى
نور : الحق يا احمد الست ام مايوه اللى كنت بتقول عليهها جايه هناك اهيه
أحمد: يا بت اجفلى خشمك ده بدل ما اقطعلك لسانك
وهنشوووووف ايه اللى حصل الحلقة الجايه لما ام تامر وادهم راحت لهم
واستنونى الحلقة الجاية
شوفواا احمد هايحصل له ايه


مع تحياتى
واشوفكم الحلقة الجاية
ان شاء الله

تم تعديل هذه المشاركة بواسطة سحر العيون: 26 September 2007 - 11:01 AM

[ديدو]

انا قولت قبل كدة انا اللى بتعلمة من المنتدى دة عمرة متعلمة من منتدى تانى لانى معايا ناس ربنا يبارك لهم لافادتهم لينا وشكرا على الشىء الجميل دة

[طائر السكون]

و الله العظيم انا اول حاجه بدخلها هنا
و برااااااافو
لما تخلص خالص
و الكلام بجد
انا بكتب سيناريوهات مسرح
و ليا معارف بيمثلوا و بيخرجوا
و انا فى فريق الكليه للمسرح
لما تخلص وعد احاول اعملها مسرحيه

[zoro_hf]

هههههههههههههههههههههههههههههههههههههههههههه
هو لسه فى كده من الناس بس بقول اية يا كربنكل شكله الكلام عليك يا صاحبى
برايه يا احمد فى الجامعة بس بصراحة موضوع جميل وانا ميت من الضحك
بس الاخت سحر العيون لو كانت دراستك فى قنا كنت عرفتى قيمة الجامعة الحياة الجامعية
وبلدنا الحلوة قنا واحب اقول اغنية فى الموضوع ده
اصلى بلدنا الحلوة قنا فى سيدنا القناوى زروه لو كنت ناوى وشكرا على الموضوع الجميل ده ونتظر المزيد يا اخت سحر العيون انا بصراحة مستنى الحلقة الاخيرة علشان شكلى اعرف الواد ده صح يا كرينكل ورمضان كريم

[سحر العيون]

شكرا على كروركم الجميل
شكرا ليك ياديدو يارب تتعلم اكتر طول ما انت معانا


طائر السكون كل يوم بنكتشف فيكك موهبه جديده
خلاص اوك انا موافقه انك تاخدها تمثلها عندك فى الكليه
بس بشرط تعزمنى على العرض


زوزو انا جيت قنا كتير على فكره وشفت الحياه فيها
اولا لان اخويا كانت دراسته فى قنا تربيه رياضيه

وعلى فكره دا كان مشهور جدا فى الجامعه يعنى ممكن
انتو تكونو تعرفوووووه
وانا كنت بروح معاه الجامعه كتيررررررررر
ورحت واتفسحت فى سندريلا وبسمه الجنوب
وعند الساعه وفى عندكم واحت بتاع سندوتشات كبده
عند مديريه الامن كدا بس الكبده حكاااااااايه
وانا بجد قنا بموت فيا بلد جميله جداااااااااا
وخاصتا اللى مرسوم فى الارض على الاسفلت
وانت ماشى تلاقى مكتوب قناااااااااااا
وبعدين انا طفوقلتى كلها كنت فى اسوان
بعدها عشت فى اسيوط والوادى الجديد
واخيرا رجعت مسقط راسى المنصوره
وبتمنى انى اجى قناااااااااا تانى
وقريب بازن الله

شكرا على مروركم نورتو الموضوع

[طائر السكون]

فين الحلقات يا مدام
انا كده حفلس
يللا بسرعه بقى
و على فكرة انا عندى عرض كمان 10 ايام و حعرف دورى بكره
اللى عاوز ييجى اهلا و سهلا

[ABOTASNEEM]

الله الله الله

ده حلو اوى اللى حافظة قنا حتة حتة

ده احنا منعرفش الاماكن اللى حضرتك بتقولى عليها دى

بجد والله انا فرحت جدا لما عرفت انك جيتى قنا ةبتحبيها وبتحبى ناسها

وعلى فكرة اكيد انا اعرف اخوكى لانى اعرف ناس كتير فى كلية تربية رياضية

وياسلام بقى لو كان فى الاتحاد يبقى اعتبريه صاحبى وششش

واحنا بنتمنى انك تزورى قنا تانى

بس مش لوحدك .. اكيد د/ حلمى يكون معاكى

وان شاء الله يحصل قريب .. لاننا خلاص قررنا اننا هنيجى المنصورة

وانا بحب امشى على كبرى طلخة، واعهدى من الناحية التانية
وبعدين ارجع واشترى حلويات من واحد مشهور قوى عندكو بس للاسف نسيت اسمه

مستنيين الحلقة اللى جاية .. بسرعة

[سبرتو]

طيب وما تنساش يا عمر تاكل سندوتشات طعمية من عند مطعم مشهوووووووووور قوى قوى فى وش الجامعة وخطييييييير جدا جدا بس بلاش اسمة عشان الدعاية انتة اكيد عارفة وكل الناس اللى راحو المنصورة عارفينة

[سحر العيون]

هههههه
مؤمن
مش كده


تنورو المنصوره كلهاااااااااااااااااااا

حاضر هنزلكم الحلقه الجديده


من عنياااااااااااااااااااااااااااااااااااا