34 ردود على هذا الموضوع

[طائر السكون]

Tweet

فان كنت أخي القاريء

جريء و صادق و صريح جدا

و شجاع بكل ما تعني هذه الكلمات من معنى

جاوب على هذه الأسأله بكل صدق و شفافيه

و بدون أي مكابرة و كن صريحا

و اعتبر أن الموضوع لا يراه غيرك

و لا يكون هدفك عكس صورة ايجابيه لشخصك

و لكن كن صريح

و اعلم أن لكل انسان عيوب و لا عيب أن تذكر عيوبك

انها قمة الشجاعة


و الأسئله موجهه لعامة الأعضاء :: شباب ... و بنات


1 - تعمدت الكذب في حياتك .!. لماذا .؟.


2 - تحب المظاهر .؟.


3 - تحب الصداقات .؟.


4 - تعرضت للخيانة ممن تحب ..؟؟..


5 - خنت من يحبك بصدق .؟.


6 - حبك الحالى !!! نهايته أليمة أو سعيده .!.


7 - ما هدفك من دخول المنتدى ..؟..


8 - حصلت على هذا الهدف ..!..


9 - هدفك في الحياه .؟.


10- يوم في حياتك .. تتمنى أن يعود .!. و لماذا ؟


11- يوم فى حياتك تتمنى ان لا يعود ولو تستطيع ان تمحيه من حياتك ستمحيه؟



12 - ما مفهوم كلمــة (( أحبك )) في معجمك .؟.

13 - كيف تقضي يومك .؟.

14 - مع من تحب أن تقضي يومك .؟.

15 - اذكر لي عضو:

_محبوب:
_ طيب:
_ تنتظر رده:
_ دمه خفيف:
_ دمه ثقيل:
_ نشيط:
_ردوده تفرحك:
_عصبي:

16 - هل ازعجتك باسألتي؟؟


قمة الشجاعه أن تقول ماذا يدور في ظلمات نفسك


كن صريحا و إيجابيا و كاشف نفسك و حاسبها

و لن تكون صغيرا بعين أحد و اعلم ...

أن كل انسان صغيرا كان أم كبيرا
لا يخلوا من العيوب أو من حب الملذات الدنيوية

فحاسبوا أنفسكم قبل أن تحاسبوا

و أتمنى أن يكون هنالك إنسان صادق يجاوب بكل صدق ...

بصراحه كده الموضوع منقول بس لانه عجبنى

Tweet

[سبرتو]

الصراحة انا شايف ان فى ثورة فى المنتدى اليومين دول من مواضيع الواحد مش عارف يرد عليها ولا كمان الردود اية دة الصراحة فى كام مشكلة اشتركو فى المنتدى عملوله ثورة تشجيع مالهاش حل انا مش عارف ارفع مواضيعى مش لاقى وقت ارد على المواضيع الجميلة ولا ارفع موضوعى وبعدين مواضيعك انتة يا عم الطائر بتفكرنى بفكرك الغريييييييييييب اول مرة اعرف ان فى حد فى علوووووووم بيعرف يفكر بس لما عرفت انتة مييين قلت اه دة انتة بتاع الانتخابات


المهم ان طولت الردو د بقى

1-نعم تعمدت الكذب لاننى اردت النجاة.

2- نعم فى حالة الناس المتكبرين احب ان اتظاهر عليهم لان الكبرعلى المتكبر صدقة .

3-نعم احب الصداقات جدا جدا واعشقها ولا احب الخيانة فى الصداقة او صداقة المصالح .

4-الحمدلله مش بحب لكن لو كان السؤال على رجل مثلى تعرضت للخيانة من صديق مثلى بس الحمدلله كل واحد راح لحالة .

5-الصراحة نعم برضة صديق اخر خنتة وكان هذا هوة المصلحة لانى اردت ان اتقدم علية فى العمل .

6-انا لا احب الحمدلله.

7-الاول كنت فاضى كنت عاوز ارفع عدد مشاركاتى سواء بالردود او بالمواضيع ومش مشكلة نوع الرد او الموضوع المهم اتقدم فى الترتيب وكمان عشان صديقى احمد كرينكل كان عاوزنى اشارك بس الصراحة بعد فترة بقيت مدمن المنتدى ومش بيبعدنى عنه غير الشديد القوى لدرجة انى بقيت احاول بقدر الامكان اى مكان اكون مشغلة دى اس ال او صيانة اخلى الصفحة الرئيسية هى صفحة المنتدى عشان نرفع ترتيبة المنتدى ومش مهم انا او اى عضو المهم المنتدى لاننا بنيجى ونغيب وكتييييييير اعضاء فاعلين قام عليهم المنتدى جم ومشيو وجم غيرهم وكدة بس الحمدلله دلوقتى بحاول دلوقتى اخلى المنتدى دة عالمى وبعدين يكون هوة وحة ربط للدول العربية بجد والحمد لله على قد ما هقدر اخدم المنتدى هخدم .

8-الحمدلله كل الاهداف وماشيين اهو.

9-اولا اخلص كلية وبعدين اتفرغ للعمل الحر وانا كنت كتبت قبل كدة انى نفسى اكون مالك لشركة عربية مائة بالمائة وتكون عالمية واكون مشهووووووووووور بس اهم شئ يكون معايا لاب توب سيمنز بروسيسور كور تو ديو 2يكون معايا بيجو 405كمان .

10-يوم اتمنى انة يرجع كان من حوالى شهر كان قبل ما ارجع باسبوع من سوريا لانى كنت صادقت واح صحبى قوى قوى وكان نفسى اعيش معاه اليوم دة مرة تانى الصراحة يوم من ايام العمر لانى بيت برة النزل وكانت مشكلة بس كان حتة ويم من الاخر .

11-يوم فى حياتى كان يوم فى معسكر كنت مشارك فية تقريبا كان من ست سنوات وكان يوم تلات لانى اتعرفت فية على واحد ما جانيش منة غير المشاكل بعد كدة .

12-مفهوم كلمة احبك يعنى اضحى باى شئ مقابل ان تكون سعيد اضحك لضحكتك واحزن لحزنك وافرح لفرحك لا اريك منى ما يغضبك ولا ابعد عنك ما يفرحك منى لا اكون عبوسا لك فتعتقد انى عقاب ارسل اليك ولا استخف لرأيك تحترمنى لانى اصونك واحترمك .

13-بالتفكييييييييييييييييير سواء بالعمل او بالدراسة او باى شئ اهم شئ ان لا اوقف التفكير وبعدين بنام .

14-احب اقضية فى البيت لانى طوووووووووول اليوم برة البيت وحتى لو كنت فاضى فانا بخلص مشاغل ججوة البيت يعنى وجودى زى قلتى .

15- عضو محبوب عبد اله عرابى صناع الحياة .
عضو طيب بلاك دريم طيب قوى قوى .
عضو انتظر ردة تقوى القلوب
دمة خفيف احمد سيف
دمة تقيل مش عارف (لانى ما اعتقدش ان فى حد دمة تقيل فى المنتدى )
نشييط قوى ابو تسنيييييييييييييييييم

ردودة تفرحنى عمرو دوام
عصبى هوة عارف نفسة لناى كذا مرة انبة على كدة بيتعصب دايما بس مش لاى شئ لا بيتعصب لما بيزعل على اصحابة لما يكون عندهم مكروة وافتكر موقف انة لما ظهرت نتيجة سنة تانية خنقنى خنقة لانة زعل لاننا اصحابة طلعنا بمواد وبعدين اكتشفت انة رسب اية الخنقة دى هوة عارف نفسة طبعا لما هيقرا كلامى .

فى النهاية معلش انا طولت خاااااااااالص فى الردود بس اعمل اية الموضوع بجد خطيييييير ويستاهل اكتر من كدة

وةانا اللى طولت عليك يا طائر السكوووووون وشكرا على النقل الممتاز .

[طائر السكون]

بما ان فى بنى ادم غالى عليا رد
عرفت انا مين يا سبرتو انا الزئبقى
تلميذكم انت و حنضل فى الانتخابات
دلوقتى بقى أرد على الموضوع الجامد اللى انا خفت اكون اول واحد يرد عليه


1 - تعمدت الكذب في حياتك .!. لماذا .؟.
مافيش بنى ادم يقولك عمرى ما كذبت تصدقه اعرف على طول انه اكبر كذاب و كذبت عشان انجى نفسى او يكون النهرب الوحيد الكذب

2 - تحب المظاهر .؟.
المظاهر من حيث اللبس و الاهتمام بالزينه الشخصيه فانا مدمن عليها يمكن اكتر من بعض البنات
بس من حيث الكبر فوقت اللزوم ده بيطلع و ببقى مراد باشا


3 - تحب الصداقات .؟.
دى اصلا الحاجه اللى مخليناى عايش


4 - تعرضت للخيانة ممن تحب ..؟؟..
الحمد لله لا

5 - خنت من يحبك بصدق .؟.
ما أظنش
انا كلمت ناس تانيه بس كلمه بحبك ما طلعتش غير ليها

6 - حبك الحالى !!! نهايته أليمة أو سعيده .!.
بإذن الله نكمله بحبه أعضاء صغيرين فى المنتدى

7 - ما هدفك من دخول المنتدى ..؟..
تقديم موضوعات الميتافيزيقيا

8 - حصلت على هذا الهدف ..!..
إلى حد ما بس مش بالدرجه اللى كان نفسى فيها


9 - هدفك في الحياه .؟.
النجاح بكل معانى الكلمه


10- يوم في حياتك .. تتمنى أن يعود .!. و لماذا ؟
24/12/2005 لانى فى اليوم ده سمعت اول كلمه بحبك بعد ما ريقى نشف مع العلم انها خجوله جدا و ناس كتير عارفينها من اللى فى المنتدى


11- يوم فى حياتك تتمنى ان لا يعود ولو تستطيع ان تمحيه من حياتك ستمحيه؟
31/1/2006 يوم وفاة جدتى بين إيدى



12 - ما مفهوم كلمــة (( أحبك )) في معجمك .؟.
تضحيه ووفاء و اخلاص و طاعه و تفاهم

13 - كيف تقضي يومك .؟.
شغل ثم شغل ثم شغل

14 - مع من تحب أن تقضي يومك .؟.
مش عارف
بس نفسى اعرف اجمع اصحابى القدام كلهم

15 - اذكر لي عضو:

_محبوب:عاشق الصداقه
_ طيب:سبرتو
_ تنتظر رده:بلاك دريم
_ دمه خفيف:ندى
_ دمه ثقيل:مش لاقى ممكن انا
_ نشيط:فتى الاحلام
_ردوده تفرحك:سحر العيون
_عصبي:عمرو دوام

16 - هل ازعجتك باسألتي؟؟
اه دا انا غلس قوى
ههههههههه

[سحر العيون]

1 - تعمدت الكذب في حياتك .!. لماذا .؟.

مفيش حد مكدبش فى حياته بس انا مبحبش اكدب ممكن اكون كدبت على اختى الصغيره علشان تسافر معايا وقلتلها مش هسافر واسنتينها لما نامت ومشيت

2 - تحب المظاهر .؟.

بصراحه اه بحب المظاهر يعنى بحب اظهر بظهر يليق بيا وبالمستوى اللى انا منه واللى انا عايشه فيه واما بنعمه ربك فحدث

3 - تحب الصداقات .؟.

مش اوى مليش اصدقاء كتير وخاصتا صداقات النت مش بحبها نهائى

4 - تعرضت للخيانة ممن تحب ..؟؟..

لا الحمد لله ما اتعرضتش للخيانه وربنا ميجبش خيانه
الحمد لله الانسان الوحيد اللى حبيته اتجوزته

5 - خنت من يحبك بصدق .؟.

لاطبعا مخنتهوش هخونه ليه دا جوزى وحبيبى وميستاهلش انى اخونه
وانا وهو صفحه مفتوحه قدام بعض صفحه بيضه احنا اللى بنتكتب فيها مشوار حياتنا بكل حب وتقدير واحترام


6 - حبك الحالى !!! نهايته أليمة أو سعيده .!.
الحمد لله سعيده علشان انتهت بالجواز ربنا يكمل فرحتنا ويديلنا بيبى يكون ثمره الحب دا


7 - ما هدفك من دخول المنتدى ..؟..

والل الاول انا لما دخلت المنتدى كنت بدور على برامج سويش ماكس
وشدنى المنتدى واشتركت واندمج فيه وكلهم اخواتى

8 - حصلت على هذا الهدف ..!..

لا ملقتش حاجه من اللى كنت بدور عليها والله للاسف
بس المهم ان المنتدى عجبنى


9 - هدفك في الحياه .؟.
اتخرج وابقى دكتوره
واجيب اولاد وابقى صالحه


10- يوم في حياتك .. تتمنى أن يعود .!. و لماذا ؟

يوم مولد اختى الصغيره كنت طايره من الفرح
ويوم ما جوووووزى جى يخبنى
يوم جوازى كان اسعد يوم فى عمرى

11- يوم فى حياتك تتمنى ان لا يعود ولو تستطيع ان تمحيه من حياتك ستمحيه؟
يوم وفاه خالى الله يرحمه لانى كنت بحبه اوى كان الاستاذ بتاعى فى المدرسه


12 - ما مفهوم كلمــة (( أحبك )) في معجمك .؟.

الحب فداء تضحيه الحب عطاء
الحب كلمه صغيره لكنها تحمل اجمل واسمى وارق المعانى

13 - كيف تقضي يومك .؟.

يا اما فى الكليه يا اما بذاكر يا اما على النت يا اما فى شغل البيت يا اما مع جوزى هههههههه
كل دا شفته

14 - مع من تحب أن تقضي يومك .؟.

مع اهلى بابا وماما واختى واخويا
وجووووووووووووووووووزى طبعا

15 - اذكر لي عضو:

_محبوب: طائر السكون
_ طيب: عاشق الصداقه
_ تنتظر رده: فراس
_ دمه خفيف: سبرتو
_ دمه ثقيل: محدش معين
_ نشيط: ابو تسنيم
_ردوده تفرحك: كلكم لما بتردو على مواضيعى بفرح

_عصبي: معرفش ما اتعاملتش مع حد عصبى فى المنتدى

16 - هل ازعجتك باسألتي؟؟
لا بالعكس
اسئله لزيزه
موضوع جميل

[سبرتو]

والله اللعبة احولت قوى قوى يخرب عقلك يا طائر السكون

تم تعديل هذه المشاركة بواسطة :: ABOTASNEEM ::: 20 September 2007 - 04:49 AM
احتراما لقوانين المنتدى

[سحر العيون]

احولت ازاىىىىىىىىىىىىىىىىىىىىىىىىىىى
؟؟؟؟؟؟؟؟؟؟؟؟؟؟؟؟؟؟؟؟؟؟
سبيرتو انت غريب وتشبيهاتك غريبه

[طائر السكون]

سبيرتو يا صاحبى انا بينى و بينك تار كبير حصفيه معاك على انفراد
بقى بتكره د/سحر
ماشى

[الرومانسية]

1- تعمدت الكذب في حياتك .!. لماذا .؟.

نعم لان للفرار من اناس لا استسيغهم

2 - تحب المظاهر .؟.

لا احب المظاهر لكن من يتظاهر عليه أعامله بالمثل

3 - تحب الصداقات .؟.

أحب الصداقات كثيرا أي الصداقات الحقيقية

4 - تعرضت للخيانة ممن تحب ..؟؟..

نعم

5 - خنت من يحبك بصدق .؟.

كلا وألف كلا

6 - حبك الحالى !!! نهايته أليمة أو سعيده .!.

أليمة

7 - ما هدفك من دخول المنتدى ..؟..

زيادة معلومات


8 - حصلت على هذا الهدف ..!..

نعم

9 - هدفك في الحياه .؟.

اكون حياة عائلية سعيدة وان اكون ناجحة في عملي

10- يوم في حياتك .. تتمنى أن يعود .!. و لماذا ؟

يوم في حياتي تاكدت بها بمعزتي لدى انسان




11- يوم فى حياتك تتمنى ان لا يعود ولو تستطيع ان تمحيه من حياتك ستمحيه؟

لحظة فقدت بها صديقتي الوحيدة

12 - ما مفهوم كلمــة (( أحبك )) في معجمك .؟.

احبك : هو اجمل شيء في الوجود اتمنى ان اسمعها بصدق

13 - كيف تقضي يومك .؟.

معظمه في العمل

14 - مع من تحب أن تقضي يومك .؟.

مع إنسان أحبه ويحبني

15 - اذكر لي عضو:

- محبوب: عاشقة القران (نبـ القلم ـض)
- طيب: الحلم الاسود
- تنتظر رده: جميع الاعضاء
- دمه خفيف: سبرتو
- دمه ثقيل: لايوجد
- نشيط: عاشق الصداقة
- ردوده تفرحك: ابو تسنيم
- عصبي: لايوجد

16 - هل ازعجتك باسألتي؟؟

لا على العكس

قمة الشجاعه أن تقول ماذا يدور في ظلمات نفسك

[سحر العيون]

سبرتو انت بتكرهنى ليه ممكن اعرف؟؟؟؟؟؟؟؟؟
مع انى اساسا مليش تعامل معاك؟

[طائر السكون]

مش انت المقصوده ب د\سحر يا سحر العيون
دى واحده تانيه هو عارفها و عارف اللى حيحصله بسببها نمى بس أقدر امسكه سبرتو ده

[سبرتو]

يا اخت سحر انا مش اقصدك اصلا وبعدين يا محمد يا طائر السكون احنرم الفاظك واحترم قواعد لامنتدى وانا بغلط فى لاكتابة لانى الكيبورد ما فيهوش عربى وبكتب بسرعة دة السبب انا كان قصدى احلوت مش احولت وبعدين انا مافيش بينى وبين اى حد مشاحنة او كره وبس انا مش عارف اية اللى بيحكى عنه دة

[سحر العيون]

اوك سورى على سوء التفاااااااااااااهم

[سبرتو]

لا حصل خير وسمعنى اغنية الصلح خير قوم نتصالح

[سحر العيون]

ههههه
سمعنى سلام القلب الطيب

[ABOTASNEEM]

الاخوة والاخوات
الاعضاء الكرام

يؤسفنى ان الاحظ بعض الاشياء التى احزنتنى جدا فى هذا الموضوع
فهناك خروج عن الالفاظ كما

اقتباس

سبيرتو يا زباله

وهذا من طائر السكون

اقتباس

يا زفت يا طائر السكون

وهذا من سبرتو

يجب على كل الاعضاء ان يعلموا ان هناك قوانين ادارية للمنتدى
يجب الامتثال لها والمحافظة عليها

ولقد تخطاها كلا منكما .. وهذا لا يجوز

وعلى فكرة ده لا يجوز لاى حد ولو حتى كان عاشق الداقة ذات نفسه
مع احترامى الشديد له

فارجوا تعديل تلك الردود وعدم تكرار ذلك

كما انى لم احب ان اغيرها انا بنفسى
وذلك احتراما لكما

ارجوا من الجميع احترام قوانين المنتدى والمحافظة على الاداب العامة


الادارة العامة للمنتدى

[سبرتو]

اشكرك على التنبية يا اخ ابو تسنيم

[طائر السكون]

اسف يا سبرتو احنا اصحاب و جمعنا اتحاد واحد قبل اى حاجه
و شكرا جزيلا منك ابو تسنيم

[ABOTASNEEM]

اشكر تعاونكما

سبرتو ، طائر السكون

ولنستأنف الموضوع مرة اخرى ...

[طائر السكون]

عندى رجاء ليك أبو تسنيم أنك ترد على الموضوع

[سبرتو]

الموضوع نام لية يا شباب طيب انا نفسى ابو تسنيم وكرينكل واحمد سيف يردو على الدكتور وقبل دة كلة يرد عليهم دكتور حلمى