اذهب الي المحتوي
منتديات ياللا يا شباب
«۞۩ أبو سليمان ۩۞»

نهاية تاريــــــــــــــــــــخ الأرض!!!!!!!!!!!!!!!!!!!

تاريخ الأرض  

6 اصوات

  1. 1. ??? ???? ?? ??????? ?

    • ?????
      9
    • ??? ???
      3
    • ???
      1
    • ????
      0


Recommended Posts

بسم الله الرحمن الرحيم

 

تاريــــــــــــــــخ الأرض

(الحلقة الأولي)

كيف عرفنا تاريخ الأرض

 

قال الله تعالي ( بسم الله الرحمن الرحيم " هل اتي علي الإنسان حين من الدهر لم يكن شيئا مذكورا " صدق الله العظيم )

 

طبعا اي واحد فينا هيسمع التساؤل القرأتي ده هيفهم ان الأنسان مكانش موجود عند مطلع التاريخ و دي حقيقة علمية ثابتة مفيش خلاف عليها ( طب انت هتسألني إذاي عرفت ده ؟ طبعا انا هرد عليك و اقولك)

الحقيقة العلمية دي سجلتها الحفريات المكتشفة في الصخور القديمة و الطبقات الرسوبية الحديثة نسبيا

الحفريات دي كانت لكائنات تعيش من ملايين السنين حيث انه كلما تعمقنا الي باطن الأرض تظهر حفريات عصور التاريخ الاولي

* ففي عصر الحياة الحديثة سكنت الأرض الحيوانات الثديية وهي طبعا الحيوانات التي ترضع صغارها , التنوع الحيوي اللي في العصر ده يشبه الي حد كبير التنوع الحيوي في العصر الحالي . و طبعا كما قلنا من قبل فإن حفريات الحيوانات دي موجودة في الطبقات الرسوبية العليا.

*أما الصخور الموجودة اسفل هذه الطبقات الرسوبية فهي مليئة بحفريات الحياة الوسطي اللي كانت تسيطر عليها الديناصورات و الزواحف العملاقة و التي بحمد الله انقرضت عشان لو كانت عايشة لغاية دلوقتي كانت الحياة هتختلف اختلاف جذري , يعني مثلا ممكن تكون ماشي في امان الله فتلقي ديناصور او فيل عملاق يعفصك او تلقي مثلا ديناصورين يتخانقوا عليك مين اللي يفوز بالوجبة الشهية دي , او في احسن الأحوال تاخد رحلة طيران مجانية عن طريق ديناصور طائر بس يا خسارة في نهاية الرحلة تلاقي نفسك و جبة شهية لأفراخه الصغار .

عموما الجماعة دول راحو و راحة ايامهم .

المهم تحت الصخور اللي فيها حفريات الديناصورات هنلاقي حفريات للأسماك و عقارب الماء و الضفادع اللي كانت في عصر من العصور هي اللي مستعمرة الأرض لأنه مكانش هناك حياة علي اليابسة في العصر ده

و قبل العصر ده مكانش في حياة حيوانية اساسا علي الارض و كانت الأرض عبارة عن غابات عملاقة و صحاري شاسعة, حتي ظهرت نقطة هلامية في الماء كانت هي بداية ظهور المخلوقات الحيوانية علي الأرض.

 

الحلقة اللي جاية هنتكلم ان شاء الله عن تعريف و تقسيم العصور الجيولوجية و الفرق بين الدهر و العصر و الحقبة الجيولوجية

 

 

_19518_dinisaur-19-11-2003.jpg

سبحانك اللهم و بحمدك اشهد ان لا اله الا انت استغفرك و اتوب اليك

 

 

تم تعديل بواسطه Dr Abcarino

شارك هذه المشاركه


رابط المشاركه
شار ك علي موقع اخر

يا ريت تنشر باقى الحلقات الجايه

علشان انا قريب حيبقى عندى اضافات احب اقول منها على سبيل المثال

ان الانسان اعلقل عمره على الارض لا يتجاوز 15 مليون سنه فى حين ان العصر البليوسين اللى احنا فيه دلوقتى و هو اقصر العصور الجيولوجيه مدته حوالى مليون سنه

شارك هذه المشاركه


رابط المشاركه
شار ك علي موقع اخر
شكرا أخي طائر علي الرد وإن شاء الله هكمل باقي الحلقات و إن كان معك معلومات إضافية يا ريت تكتبها بس يا ريت تكون متأكد منها . لأن بالنسبة لملحوظتك بخصوص أن الإنسان الأول ظهر منذ 15 مليون سنة فأنا عاوز أوضح ليك أن الأنسان الأول لم يظهر إلا في العصر البيلوسيني ( منذ 5 - 1.8 مليون سنة ) و أننا الآن في العصر الهولوسيني ( ليس في العصر البيلوسيني ذي ما قلت ) يا ريت تتابع الحلقات اللي جاية لأن فيها كل التفاصيل و انا مستني ردك او اي استفسار

و شكرا مرة تاني علي الرد

شارك هذه المشاركه


رابط المشاركه
شار ك علي موقع اخر

بســــــــــــــــم الله الرحمـــــن الرحيـــــــــم

 

الحلقة الثانية من تاريخ الأرض

 

(العصور الجيولوجية )

 

بإذن الله النهارده هنتكلم عن العصور الجيولوجية و الفرق بين مصطلحات الدهر و الحقبة و العصر الجيولوجي و كمان هنتكلم علي الحقب الجيولوجية التي مرت بيها الأرض بالتفصيل ( بس في حلقة النهارده هنتكلم عن حقبتين بس عشان الموضوع ميبقاش طويل أكتر من اللازم )

 

**** ينقسم التاريخ الجيولوجي إلي أربعة دهور و كل دهر ينقسم إلي حقب و كل حقبة تضم عصور

 

الدهر : مداه مئات الملايين من السنين و يوجد ثلاث دهور رئيسية و هي

1- دهر اللا حياة و هو أقدم الدهور و مداه 1700 مليون سنة و مكانش فيه أي آثار حياة

2- دهر الحياة الخفية و مداه 2600 مليون سنة و فيه شواهد أشكال الحياة الأولي و لم تخلّف إي آثار لها

3- الدهر الأخير مداه 579 مليون سنة و قد خلف ورائه حفائر أحيائية في الصخور و الرسوبيات

 

الحقبة : تقاس بعشرات الملايين من السنين

 

العصر : يقاس ببضع عشرات الملايين من السنين و هو مرحلة زمنية من الحقبة . و يميز كل عصر عن الآخر رتب و فصائل حيوانية و نباتية تنقرض أغلبها أو تقل أهميتها مع نهاية العصر

تقسيــــــــــم الحقب التاريخية بالتفصيل

 

منذ بداية ظهور الحياة علي وجه الأرض فإن الأرض مرت بأربع حقب جيولوجية و هي منذ القدم للحداثة كالتالي .

 

أ – ما قبل الباليوزي ( ما قبل الكمبري )" منذ 3200 – 600 مليون سنة ":

 

و هي تعتبر حقبة الحياة المبكرة الأولي البدائية حيث ظهرت بها الطحالب و الفطريات البدائية و الرخويات بالبحر و كانت الأرض فيها تتعرض لوابل من البراكين المدوّية.

 

ب – الباليوزي ( حقبة الحياة القديمة )" منذ 600 – 230 مليون سنة ":

و تتميز بصلابة صخورها التي هي أشد من الرسوبيات و تضم هذه الحقبة 6 عصور هــــــــــي.

 

1 – العصر الكمبري "منذ من 600 – 500 مليون سنة":

 

و يطلق عليه عصر التريلوبيتات التي كانت تشبه سوسة الخشب و كانت تعيش في ذلك العصر. و قد ظهرت في هذا العصر اللافقاريات البحرية كالمفصليات و الرخويات المبكرة و الإسفنج كما ظهرت به اسماك فقارية و في آخره أنقرض 50% من الأحياء بسبب الجليد.

 

2 – العصر الاودوفيني "منذ 500 – 425 مليون سنة":

حيث ظهرت فيه النباتات الأولية و الأشجار الفضية آكلة اللحوم فوق اليابسة كما ظهرت الشعاب المرجانية و نجوم البحر و الأسماك البدائية و الحشائش المائية و الفطريات الأولية. و فيه ظهرت أيضا كائنات بحرية لها أصداف و أذناب تحمي نفسها و كان بعضها يطلق تيارا كهربائيا صاعقا.

 

3 – العصر السيلوري " منذ 425 – 405 مليون سنة ":

 

حيث كان فيه بداية ظهور حيوانات اليابسة كالعقارب و العناكب و أم أربعة و أربعين.

 

4 – العصر الديفوني "منذ 405 – 345 مليون سنة":

و فيه ظهرت بعض الأسماك البرمائية و كان لها رئات و خياشيم و زعانف قوية, كما ظهرت الرأسقدميات كالحبار.

 

5 – العصر الكربوني "منذ 345 – 280 مليون سنة":

و كان فيه بداية ظهور الزواحف و زيادة عدد الأسماك حيث ظهر 200 نوع من القروش ثم ظهرت الحشرات المجنحة العملاقة و في طبقته الصخرية ظهر الفحم الحجري, و فيه كانت بعض الطحالب عملاقة حيث كانت تعلو كالأشجار و كانت حشرت اليعسوب عملاقة لدرجة أنها كان لها أربعة أجنحة طول كل منها متر, و كانت الضفادع عملاقة في حجم العجل و بعضها كان له ثلاثة عيون و كانت العين الثالثة فوق قمة الرأس و تظل مفتوحة للحراسة.

 

6 – العصر البرمي " منذ 280 – 230 مليون سنة ":

و فيه ذادت أعداد الفقاريات و الزواحف و انقرضت فيه معظم الأحياء التي كانت تعيش من قبله.

 

 

أنا آسف يا جماعة لأن الموضوع طويل شوية بس أنا حاولت بقدر الإمكان الإختصار بس بصراحة مرضيتش أحرمكوا من المعلومات دي اللي حصلت عليها من تجميعي عن الموضوع ده

في الحلقة اللي جاية إن شاء الله هنتكلم عن الحقبتين الأخيرتين من تاريخ الأرض و اللي فيها ظهرت الديناصورات و انقرضت و كمان شهدت الحقبتين دول ظهور الإنسان و ظهور حضارته العملاقة اللي أحنا موجودين فيها دلوقتي

 

" سبحـــــــــــانك اللهم و بحمدك أشهد أن لا اله إلا أنت استغفرك و أتوب إليـــــــــــك"

 

story.dinosaurs.ap.jpg_-1_-1.jpg

تم تعديل بواسطه Dr Abcarino

شارك هذه المشاركه


رابط المشاركه
شار ك علي موقع اخر

بســـــــــــم الله الرحمن الرحيــــــــــــــم

 

الحلقة الثالثة

 

في الحلقة دي هنتكلم بإذن الله عن الحقبة القبل الأخيرة من تاريخ الأرض و اللي فيهم انتشرت الذواحف العملاقة و سادت الأرض و لكن بعد كل السيادة دي انقرضت و اصبحت فقط شيء يذكر من التاريخ و لم يتبقي منها غير القليل من الحفريات كذكري.

يارب تكون الحلقة دي مفيدة لكل من يقرأها و طبعا الحقبة دي علي مافيها من أخبار و معلومات تعتبر من أهم الحقب التي مرت بالارض وده طبعا لأنه كان فيها نقط تحول كثيرة في تاريخ الأرض كما سنري بإذن الله

 

جــــ - حقبة الميزوزيني (الميزوسي) " حقبة الحياة الوسطي "

و فيها عصر الذواحف العملاقة ( منذ 248 - 65 مليون سنة ) و هذه الحقبة تضم ثلاث عصور كما يلي

1- العصر الترياسي : 230- 180 مليون سنة.

 

وفيه ظهر الديناصور الاول و الثدييات و النباتات الزهرية . و قد أنتهي هذا العصر بإنقراض صغير قضي علي 35% من الحيوانات منذ 213 مليون سنة

 

2- العصر الجوراسي : ( عصر الديناصورات العملاقة ) منذ 181-135 مليون سنة

وفيه ظهرت حيوانات الدم الحار مع ظهور الطيور و الذواحف العملاقة بالبر و البحر . و منذ 170-70 مليون سنة كانت توجد طيور لها أسنان و كانت تنقنق و تصدر فحيحا .كما ظهر في هذه الفترة حيوان الدبلودوكس أكبر الزواحف التي ظهرت و كان له رقبة ثعبانية طويلة و رأس صغيرة يعلو بها فوق الاشجار العملاقة و قد كان يعيش في المستنقعات . و ظهر ايضا طائر الإركيوبتركس و هو أقدم طائر و كان في حجم الحمامة .

3- العصر الطباشيري (الكريتاسي):منذ135-23 مليون سنة

و فيه تم إنقراض الديناصورات بعد ان عاشت فوق الارض 100مليون سنة و ذادت فيه انواع و اعداد الثدييات الصغيرة كالكنغر كما ظهرت الديناصورات ذات الريش و التماسيح و منذ 80 مليون سنة كان يوجد بط السورولونس العملاق الذي كان يعيش بالماء و كان إرتفاعه 6 امتار و في هذه الفترة ايضا عاش ديناصور اليرانصور المتعطش للدماء و كان له ذراعان قصيرتان و قويتان ليسير بهما علي اليابسة و كانت اسنانه لامعة وذيله لحميا طويلا وغليظا و مخالبه قوية و كان يصدر فحيحا.و كان يوجد حيوان الانكلوصور الضخم و كان عملاق و ذو ظهر مقوس مغطي بالحراشيف العظمية .

شهد هذا العصرنشاط الإذاحات لقشرة الارض و أنشطة بركانية و فيه وقع انقراض اودي بحياة الديناصورات منذ 65 مليون سنة و قضي علي 50% من أنواع اللافقاريات البحرية و يقال ان سببه مذنب ارتطم بالارض الي جانب البراكين المحتدمة التي تفجرت فوق الارض . كما ظهرت الاجداد الاولي للفيلة و الخراتيت و افراس البحر و الحيتان المعاصرة.

 

الحلقة دي انتهت دلوقتي و بإذن الله هكمل الحلقة اللي جاية اللي هنتعرف فيها علي أخر الحقب اللي مرت بيها الارض و هي الحقبة اللي عايشين فيها دلوقتي.

 

سبحانك اللهم و بحمدك أشهد ان لا إله الا انت استغفرك و اتوب اليك

 

شارك هذه المشاركه


رابط المشاركه
شار ك علي موقع اخر

موضوع رائع يادكتور

والصراحه انا اول مره اسمع عن الحاجات دى

لكن ان شاء الله هتابع

شارك هذه المشاركه


رابط المشاركه
شار ك علي موقع اخر

شكرا أختي ندا علي الرد و ان شاء الله يكون الموضوع أفادك بجد

أن شاء الله هتابع الحلقات قريبا بس يا ريت تكوني قرأتيه من الاول

و ربنا يوفقنا جميعا الي ما فيه نفع المسلمين

اللهم آمين

شارك هذه المشاركه


رابط المشاركه
شار ك علي موقع اخر

موضوع جيد جدا يا دكتور واكيد خد منك وقت للدراسة عموما شكرا على الموضوع وياريت نشوف منك اكتر

شارك هذه المشاركه


رابط المشاركه
شار ك علي موقع اخر

شكرا يابشمهندس علي المرور و ان شاء الله هكمل الموضوع قريب بإذن الله

شارك هذه المشاركه


رابط المشاركه
شار ك علي موقع اخر

ايه الجمال ده يا دكتور

 

بحييك على الموضوع ده

 

جزاك الله كل خير

شارك هذه المشاركه


رابط المشاركه
شار ك علي موقع اخر

اهلا بيكي اختي تقوي القلوب في الموضوع

و شكرا علي ردك الجميل

ان شاء الله يكون عجبك الموضوع بجد

و ان شاء الله هكمل الموضوع

و أضيف الحلقة الاخيرة من تاريخ أمنا

الأرض

شارك هذه المشاركه


رابط المشاركه
شار ك علي موقع اخر

بسم الله الرحمن الرحيم

 

الحلقة الأخيــــــــــــــــرة

 

أقدم لكم الحلقة الاخيرة من حلقات تاريخ امنا الأرض و الحلقة دي سوف تضم بداية ظهور الانسان و بالتالي بداية النهاية للأرض و بداية العبس في الارض فرغم تواجد الكثير من الحيوانات العملاقة في العصور السابقة و التي كانت تسيطر علي الارض في زمن كان الانسان لاشيء يذكر إلا انها رغم قوتها لم تعبس بالارض بالقدر الذي سببناه نحن بنوا البشر و صدق الله تعالي حين قال بسم الله الرحمن الرحيم " ظهر الفساد في البر و البحر بما كسبت ايدي الناس" صدق الله العظيم

 

اترككم الآن لتعيشوا مع الحلقة الاخيرة و ان شاء الله تعجبكم

 

حقبة السينوزوي ( حقبة الحياة الحديثة )

 

تضم هذه الحقبة زمنين هما الزمن الثلاثي و الزمن الرباعي

 

أ- الزمن الثلاثي : منذ 65-1.8 مليون سنة . و هو يضم خمسة عصور و هم

 

1- العصر البليوسيني : 65-54 مليون سنة

 

وفيه ظهرت الثدييات الكبيرة الكيسية المشيمة كحيوان البرنتوثيريا الذي كان له صوت مرعب و اسنان في فمه الذي كان يطلق ضوءا مخيفا . كما ظهرت الرئيسيات الاولية و منها الفئران الصغيرة و الخيول و لكنها كانت صغيرة في حجم الثعالب

 

2- الإيوسيني : 54-38 مليون سنة

 

و فيه ظهرت القوارض و الحيتان الاولية و كانت تعيش به أسلاف حيوانات اليوم

 

3- العصر الإليجوسيني : 38 - 24 مليون سنة

 

و قد وجد فيه اجداد الافيال المصرية المنقرضة حيث حدث فيه انقراض صغير منذ 36 مليون سنة, و قد ظهرت في هذا العصر القطط وظهرت انواع مختلفة من الطيور منها الصغير الكبير مثل النسور العملاقة التي كان حجمها اكبر من النعام و كانت لا تطير بل تعدو و كان كتكوتها في حجم الدجاجة إلا انها كانت مسالمة, كما وجد طائر الفوروهاكس الرهيب الذي كان رأسه أكبر من رأس الحصان و منقاره مثل الفأس و عيناه لا ترمشان و يمزق فريسته لأنه كان يعيش علي الدم.

 

4- العصر الميوسيني : 24-5 مليون سنة

 

و فيه عصر الفيلة المصرية ووجد في رسوبياته البترول و ظهر به انواع من الثدييات مثل الحصان و الكلاب و الدببة و الطيور المعاصرة

 

5- العصر البيلوسيني : 5-1.8 مليون سنة .

 

و فيه بدأ ظهور الانسان الاول( أشباه الأنسان) و الحيتان المعاصرة في المحيطات

ملحوظة: رغم احترامي الشديد للعلم إلا اني بالطبع لا أؤمن بموضوع أشباه الانسان أو الانسان الغير العاقل الغير قادر علي صنع ادواته لأن الانسان كما نعرف جميعا نزل من الجنة في هيئة نبينا آدم عليه السلام و أمنا حواء فكل ما يقال عن اشباه الانسان لا اعيره اي اهتمام و أعتقد ممكن ان يكون نوع من الحيوانات التي لها شكل تركيبي يشبه الانسان و لكن ليس الانسان علي الاطلاق و اعتقد ان ذلك هو رأيكم ايضا و الله اعلم

 

و اعتقد ان هذا هو الفرق بيننا و بين الغرب لأننا لدينا دين يوفر لنا الكثير من العلم الذي لا نستخدمه فقط في امور الآخرة و لكن يمكن ايضا استخدامه في امور العلم الدنيوي

 

 

 

ب- الزمن الرباعي : و يضم عصرين

 

1 - العصر البليستوسيني : منذ 1.8- 11000 سنة

 

و فيه العصر الجليدي الاخير حيث انقرضت الثدييات العظيمة ( الفقارية) و يقال ان في هذا العصر قد ظهر الانسان العاقل الصانع لأدواته و عاشت فيه فيلة الماستدون و الماموث و حيوان الدينوثيرم الذي كان يشبه الفيل لكن انيابه لأسفل و هذه الفيلة كانت صوفية الشعر و كانت آذانها صغيرة حتي لا تتأثر بالصقيع . كما ظهر القط (سابر) ذو الانياب الكبيرة و النمور ذات الاسنان التي تشبه السيف و كانت تغمدها في اجربة بذقونها للحفاظ علي حدتها و حدث في هذا العصر انقراض كبير للثدييات الضخمة و كثير من انواع الطيور منذ 10 الاف سنة بسبب الجليد

 

2- العصر الهولوسيني : منذ 11000 سنة و حتي الان .

 

و هو اخر العصور الجيولوجية و قد بلغ فيه الانسان اعلي مراتبه و معظم الكائنات الحية التي آلت لهذا العصر منذ مطلعه ظلت كما هي عليه اليوم إلا ان في هذا العصر ظهرت الحضارة الانسانية و الكتابة و ظهر الفسلد في البر و البحر

 

تم بحمد الله

 

 

لقد رأينا في حلقات هذه السلسلة العجب العجاب من تنوع الكائنات الحية النباتية منها و الحيوانية و منها من سيطر علي الارض لملايين السنين و لكن شائت مقدرة الله انها تنقرض و تفني في النهاية رغم قوتها العظيمة و يبقي الله الواحد و يستبدل الله بدلا منها كائنات اخري تسير علي خطا سابقاتها و لكنها تؤول في النهاية الي مصيرها المحتوم و هو بلا شك الفناء .

كل هذا نعلمه و لا نعتبر بأن الفناء قادم لا محالة و يوم القيامة حق لا محالة أفلا تعتبروا يا أولي الالباب

 

 

سبحانك اللهم و بحمدك اشهد ان لا اله الا انت استغفرك و اتوب اليك

 

 

تم تعديل بواسطه Dr Abcarino

شارك هذه المشاركه


رابط المشاركه
شار ك علي موقع اخر
رغم احترامي الشديد للعلم إلا اني بالطبع لا أؤمن بموضوع أشباه الانسان أو الانسان الغير العاقل الغير قادر علي صنع ادواته لأن الانسان كما نعرف جميعا نزل من الجنة في هيئة نبينا آدم عليه السلام و أمنا حواء فكل ما يقال عن اشباه الانسان لا اعيره اي اهتمام و أعتقد ممكن ان يكون نوع من الحيوانات التي لها شكل تركيبي يشبه الانسان و لكن ليس الانسان علي الاطلاق و اعتقد ان ذلك هو رأيكم ايضا و الله اعلم

 

متشكرين خاااااالص يا دكتور عالحلقات الروعه دى

بس الحمد لله انى مش كنت موجوده ايام الحاجات الغريبه دى

شارك هذه المشاركه


رابط المشاركه
شار ك علي موقع اخر

أشكرك اختي ندا علي المرور

و ان شاء الله تكون الحلقات دي قدمت و لو أقل القليل

من أسرار امنا الارض

 

انتظروا الموضوع التالي

 

 

 

لماذا انقراضت الديناصورات!!!!!!!!!!!!!!!!!!!!!

شارك هذه المشاركه


رابط المشاركه
شار ك علي موقع اخر

شكرا اخي المبدع علي الرد و اتمني ان الحلقات دي تكون اعجبتك

و طبعا بالنسبه للحياة فطبعا هي أوشكت علي الانتهاء ده مش كلام العلم ده كلام سيد العلم و العالمين سيدنا محمد عليه افضل الصلاة و السلام

شارك هذه المشاركه


رابط المشاركه
شار ك علي موقع اخر

شكراً لك اخي الكريم موضوع جميل جدا .. وفعلا مفيد

شارك هذه المشاركه


رابط المشاركه
شار ك علي موقع اخر

دعنى اسجل اعجابى بمواضيعك حبيبى عبقرينو

 

وعوده حميده للمنتدى بعد غياب . والله اشتقنا لك كثيراً :angry:

شارك هذه المشاركه


رابط المشاركه
شار ك علي موقع اخر

شكرا علي المرور حبايبي , و آسف علي فترة الغياب اللي فاتت

بس انت عارف ظروفي كويس يا كرينكل و ان شاء الله احاول ارجع تاني

ذي الاول و احسن ان شاء الله

شارك هذه المشاركه


رابط المشاركه
شار ك علي موقع اخر

ربنا يوفقك حبيبى عبقرينو .. ومنتظرين المواضيع الجامده بتاعة زمان

شارك هذه المشاركه


رابط المشاركه
شار ك علي موقع اخر

اهلا بيك اخي العارف و شكرا علي الرد

و ربنا يوفقنا جميعا لما يحبه و يرضاه

اللهم آمين

شارك هذه المشاركه


رابط المشاركه
شار ك علي موقع اخر

بجد عبقرينو من الناس اللى تستمتع وانت تقرا موضوعاه كلها هادفة ما شاء الله

شارك هذه المشاركه


رابط المشاركه
شار ك علي موقع اخر

الف شكر اخي علاء علي الرد بجد اخجلتم تواضعنا

و ربنا يوفقنا جميعا لما يحبه و يرضاه

الهم امين يارب العالمين

شارك هذه المشاركه


رابط المشاركه
شار ك علي موقع اخر

آمين يا رب العالمين

شارك هذه المشاركه


رابط المشاركه
شار ك علي موقع اخر

اللهم تقبل الدعاء يا رب العالمين

 

شكرا علاء علي المرور

 

شرفت الموضوع

شارك هذه المشاركه


رابط المشاركه
شار ك علي موقع اخر

Join the conversation

You can post now and register later. If you have an account, sign in now to post with your account.

زائر
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×
×
  • اضف...

Important Information

By using this site, you agree to our Terms of Use, اتفاقيه الخصوصيه, قوانين الموقع, We have placed cookies on your device to help make this website better. You can adjust your cookie settings, otherwise we'll assume you're okay to continue..