10 ردود على هذا الموضوع

[مهندسة المنصورة]

Tweet

السلام عليكم ورحمة الله وبركاته

النهارده انا عرفت شوية معلومات جميلة اوي ياتري بخصوص ايه؟ بخصوص حاجة اسمها الDNS server

ايه هو ؟ وايه الفايدة منه؟ مش فاهميـــــــــــــــن

نقول بسم الله الرحمن الرحيم وندخــــــــــــل في الموضوع

اول حااااااااجة خالص الاسم ده اختصـــــــــــاره Domain Nam system ومعناها نظام اسمـــــــاء النطاقات

يعني مش فاهمين؟

يعني ده عبارة عن خادم متخزن عليه اسماء المواقع وارقام الip الخاصة بيها

نضرب مثــــــــــــــــال موقع مثلا زي مايكروسوفت او اي موقع تاني موجود علي الشبكة عامة

microsoft.com 64.125.110.86

شايفين اللون الاحمر ده هو ده بقي ال ip اللي السيرفر ده بيخزن عنده يعني السيرفر مخزن عنده ان ده خاص بشركة ميكروسوفت

طيب تعالوا نشوف مع بعض ايه اللي بيحصل لما بندخل ونطلب موقع يلا ياشبـــــــــــــــاب؟

اول حاجة طبعا بتكتب فوق في URL بتاعك كدهhttp://forums.yallagroup.net/

URL ده هو المكان اللي بيظهر فيه اسم الموقع

بعد ما تكتب العنوان ده النظام بيبعت رسالة الي بالموقع اللي انت طلبته ده

DNS

عشان يساله علي IP بتاع الموقع اللي انت طلبته وهو موقع يلا ياشباب

هنا السيرفر ده هيدور عنده فيلايقه وهنا بقي يرد عليه فعلا بالIP

ومن هنا النظام بقي يبدأ يسلك طريقه للعنوان ده وعلي طول تلاقي الموقع بدأ يظهر لحضرتك طبعا كل ده بيحصل واحنا ولا حاسين بحاجة خالص

يعني تخيلــــــــــــــــــــــــــــوا معايا لو مكنش في حاجة اسمها DNS Server

ياتري ايه اللي كان هيحصل ؟؟؟؟

حاجة سهلة اووووووووووي لدرجة انها تخنق بس كنا عشان ندخل علي اي موقع لااااااااااااااازم نكون عارفين الي ip بتاعه تخيلوا بقي عشان ادخل موقع يلا ياشباب مثلا ادخل اكتب كده

10.1.1.1 طبعا النظام ده فعلا وفر علينا كتير جدا

تعرفوا الDNSده عامل زي الموبايل بتاعك بالضبط عليه الاسماء والارقام تخيل كده عشان تكلم شخص مش تجيب الاسم لااااااااا تدخل الرقم

هااااااااا وضحت الفكرة؟ يارب تكون وضحت ده ابسط مثال لتوضيح الصورة


********************************************************************معلومة كمان علي الماشي كده

في IP وهو 127.0.0.1

ده بقي ياجماعه بنعرف بيه هل كارت الشبكة بتاعنا شغال ولا لا؟

الأى بى ده اسمه LoopBack

بنستخدمه علشان


check Installation Of TCP/IP on my local PC



طيب نعرف منين ؟ كل اللي عليك تتبع الاتي

من قائمة start

Run.......................

اكتب فيها الكلمة اللي جاية دي

Cmd

هيظهر ليك الشاشة السوداء اكتب فيها الامر ده

Ping 127.0.0.1

الفكرة هنا مثلا زي ما يكون مثلا عندك علي الميل بتاعك عامل اضافات طبعا لاصحابك عشان تكلمهم

بالمرة عامل اضافة لنفسك ؟ يعني الميل بتاعك ضايف نفسه عندك

انا ضايفة الميل بتاعي لان ساعات النت بيفصل بيروح ويجي بسرعة والميل بيعلق يعني يكون فاصل وقدامي انه موجود ومش بعرف فبفتح الصفحة بتاعتي

واكتب رد لو لقيت الرد ده اتكرر خلاص اوك النت مفصلش

كده يعني بتعمل اتصال علي نفسك بالامر اللي فات ده



ملحوظــــــــــــــــــــة كبيرة جداااااااااااااااااا

الموضوع ده مفروض فيها كلام كتير لسه بس في مصطلحات كتيرة لازم نعرفها الاول عشان نفهم اللي جاي بعد كده

انا مكتبتهاش غير اما افهم هي ايه عشان اقدر اوصل اللي فهمته لحضراتكم

هدور عليهم وكده وان شاء الله ربنا ييسر لي وانزلهم

دعواتكم بس ويارب اكون قدمت معلومة ولو كانت بسيطة بس اهم حاجة تستفيدوا

وحاجة بيني وبينكوا كده الموضوع هيكون متجدد ان شاء الله

لان زي ماقلت مصطلحات جميلة جداااااااااااا نفسي اعرفها وانتوا كمان تعرفوها

Tweet

[مهندسة المنصورة]

[مهندسة المنصورة]

ماشاء الله الموضوع عجبكوا للدرجة دي
شكلها معلومة مش جديدة وانا الوحيدة اللي طلعت معرفهاش

[eng_alaa]

يوجد بالمنتدي موضوع شبيه جداً بهذا الموضوع ..

http://forums.yallagroup.net/4651

لكن موضوعك بجد يميزه الشرح المفصل والمعلومات الغزيرة ...

بجد أنا استفدت جداً جداً من الموضوع وأضاف لي الكثير .. ربنا يكرمك يارب ..

وياريت كمان إن كان دا مجال دراستك أو كنتي مطلعه فيه تكملي معانا كتابة موضوعات مشابهه لأن بجد كتير جداً بيستفيد منها ولا تنزعجي إن قلت الردود ...

فيكفيكي أن يقرأه ولو شخص واحد ويتعلم منه معلومة واحدة يتقبلها الله عنده ..

أهم ما في الموضوع أن عداد الحسنات شغال كلما قرأ موضوعك أي شخص واستفاد منه ..

ولا تنسي ان العلم الذي ينتفع به لا ينقطع عن ابن آدم .. فربما يكتب أحدنا موضوع يظل يثاب عليه حتي بعد مماته ...

أتمني تكوني فهمتيني أختي في الله ...

جزاكي الله خيراً ..

[مهندسة المنصورة]

سلام عليكم ورحمة الله وبركاته
اخي في الله بشمهندس علاء جزاكم الله خيــــــــــــرا علي الرد المحفـــــــــــــز جدا ده
وطبعاااااااااا علي التذكرة الجميلة دي
فيكفيكي أن يقرأه ولو شخص واحد ويتعلم منه معلومة واحدة يتقبلها الله عنده ..

أهم ما في الموضوع أن عداد الحسنات شغال كلما قرأ موضوعك أي شخص واستفاد منه ..

ولا تنسي ان العلم الذي ينتفع به لا ينقطع عن ابن آدم .. فربما يكتب أحدنا موضوع يظل يثاب عليه حتي بعد مماته ...

أتمني تكوني فهمتيني أختي في الله ...

طبعـــــــــــــــا فاهمه حضرتك بس انا والله انا خفت بس ان الاسلوب نفسه
ميكنش بالشكل اللي هو والامثلة دي والله مكنتش اتخيل انها تيجي في دماغي خالص
وانا بكتب الموضوع بس لاول مرة بجد
فانا قبل اي حد بستفيد جدا
والموضوع انا عارفه انه مش فيه معلومات كتيرة بس انا بجد حبيت اقدم معلومة
عشان كل حرف اكتبه باخد نية زي ما حضرتك ذكرت كده
وربنا يطهر اعمالنا من الرياء
*********************
هو ده مش مجالي بس ان شاء الله ربنا ييسر لي الحال واكمل فيه
مواضيع بس اكيد في حاجات هتقابلني مش هتكون مفهومة خالص
في الوقت ده هنزلها واستفسر في المووضوع عنها وبمساعده حضرتك او اي حد فاهم اكتر يساعدنا ان شاء الله
******************************
سعدت جداااااااااا بمرور حضرتك
ومرة تانيه جزاكم الله خيرا علي التذكرة
ونفع الله بكم وزادكم نورا وعلمـــــــــــــا وبصيرة

[عاشق الصداقه]

بارك الله فيكى وجزاكى كل الخير أختى مهندسة المنصورة
الموضوع جميل فعلاً ، ويكفى انك قد تعبتى فى إعداده وكتابته ،،

والله حقاً لا تكفى الكلمات لشكرك وجزاكى الله عنا كل الخير لكل ما تقدميه
لن أزيد عن كلمات اخى علاء ،، ولكن وبصفتك أختى تفهمين فى التقنيه .. سألفت نظرك لأمر هام
بفضل الله المنتدى هنا صديق قوى لمحركات البحث ،، ولو راقبتى الأمر ستلاحظين ذلك ،، وماذا يعنى هذا !!

أعنى .. بما أننا نعطى ونكتب من أجل الثواب ومن أجل "عداد الحسنات" .. يمكنك متابعة عدد قراءات الموضوع فور كتابته وستسعدين بذلك
ربما يقرأ الكثيرون ولا يسجلون للمنتدى ،، لأن التفاعل الأكبر يكون من الزوار القادمون من محركات البحث

لن أذهب بعيداً .. موضوعك هذا تم كتابته من 13 ساعه ماضيه ،، وعدد قراءات الموضوع 44 !!
تعودنا فى ياللا يا شباب أن ننظر لعدد القراءات لنعلم عدد المستفيدين من الموضوع ،، ولا ننتظر الشكر ولا التعليق من أحد وإن كان أمر حيوى هام ومشجع ،، ولكننا بحق لا ننتظر سوى الثواب والإفاده للآخرين ،، وما دام عداد القراءات فى إزدياد فعدد المستفيدين فى تزايد والحمد لله

آسف جداً للإطاله وجزاكى الله كل الخير

[Dr.A7MD]

اقتباس

تعرفوا الDNSده عامل زي الموبايل بتاعك بالضبط عليه الاسماء والارقام تخيل كده عشان تكلم شخص مش تجيب الاسم لااااااااا تدخل الرقم

هااااااااا وضحت الفكرة؟ يارب تكون وضحت ده ابسط مثال لتوضيح الصورة

أحلى ما فى الموضوع التبسيط الجميل ده

بجد والله فى معلومات أول مرة أعرفها من موضوعك ده أختى مهندسة المنصورة

والله الأيام دى مشغول جداً حتى بدخل يدوب المنتدى أبص بصة وأخرج

إنما موضوعك مفيد فعلاً أختى الكريمة

تحياتى ليكى

[مهندسة المنصورة]

اخي في الله عاشق الصداقه
جزاكم الله خيـــــــــــــــــرا بجد انا محرجة من نفسي جدا علي اننا نظرتي كانت ضيقة اوي كده لدرجة اننا انتظر مشاركة
الا ان زي ماذكرت قبل كده بداية ارغب في الثواب من ربنا اكيد اولا وللاسف مشاركة مثلا كتحفيز مش اكتر
دلوقتي بجـــــــــــــــــــد اشهد الله اننا خلاص مش منتظره اي شيء في الدنيا
غير الجزاء في الاخرة من ربنا
مش عايزة غير اننا اكون من اللي بينطبق عليهم الحديث بانهم تركوا علم ينتفع به
عشان اما اموت العداد يفضل شغال
ودلوقتي انا مبسوطة جدااااااااااااااا ويكفي فعلا ان لو واحد بس يستفيد بالموضوع
ويدعي لي دعوة بظهر العيب
سعيدة جدااااااااااا بمرور حضرتك وربنا ييسر لحضرتك كل امر ويجزيك عنا خير الجزاء
********************************
اخي في الله دكتور احمد
جزاكم الله خيرا ونفع الله بكم
ربنا ييسر لحضرتك حالك
للاسف كلنا مشغولين بسبب المذاكرة
سعدت جدا بمرور حضرتك
وربنا يوفقنا كلنا وييسر لينا كل عسير ويرزقنا نجاحا يقر به اعيينا ويرضي به عنا ونبر به والدينا
ونعــــــــــــــــــــــــز به ديننا

[eng_alaa]

يجب أن أعيد الشكر مرة أخري لأختنا مهندسة المنصورة علي الموضوع ..

فتحديث السيرفر الجديد للمنتدي جعلني احتاج لتجربة DNS جديد للتصفح من بسرعه أكثر في اكتشاف الاي بي الجديد ...

خط الـ DSL الموجود عندي تابع لشركة TE-DATA لذا قمت بكتابة الــ DNS الخاص بها وهو كالتالي ..



ووجدته أسرع وأفضل لأنه خاص بالشركة ذاتها مقدمة الخدمة ...

شكراً جزيلاً مهندسة المنتدي المتميزة ...

ربنا يوفقك يارب ويجعلك ممن يدخلون الجنة بسلام آمنين ..

[«۞۩ أبو سليمان ۩۞»]

جزاكي الله خيرا أختي على الموضوع الرائع

بجد معلومات جميلة جدا و بأسلوب رائع بسيط و سهل

ربنا يكرمك و يوفقك

بجد استفدت منها جدا

ربنا يجازيكي خير الجزاء و يرزقك الفردوس الاعلى بغير حساب و لا سابقة عذاب و يعطيكي من فضله ما تقر به عينك و تطمئن له نفسك

ربنا يهديكي الى صالح القول و العمل

ربنا يوفقك في الامتحانات و الدراسة
اللهم آمين يااااارب العالمين

[مهندسة المنصورة]

السلام عليكم ورحمة الله وبركاته
اخواني في الله دكتور عبقرينو *** مهندس علاء
جزاكم الله خيرا علي الردود المحفزة جدااااااااا دي بجد كتيرة جدا ع الموضوع مش يستاهل كله ده
الادعية الجميله دي ولكم مثلها وافضل منها
ربنا يجعلكم في رفقة الحبيب صلي الله عليه وسلم في الجنة
ربنا يوفقكم لكل خير بتتمنوه في الدنيا والاخرة
ويجعل كل ايامكم سعاده بطاعة الله
ويجعلكم ممن يعلون رايه لا اله الا الله ويجعلكم سببـــــــــــــــــا في نهضة هذه الامة
اسال الله العظيم رب العرش الكريم ان يجعلكم مستجابين الدعاء لكل خير بتتمنوه ان كان خيرالكم اللهم امين