2 ردود على هذا الموضوع

[ABOTASNEEM]

Tweet

فى أوقات كتير جداً بتبقى قدامنا فرص كويسة

وممكن بجد تكون الفرص دى هتفيدنا كتير فى حياتنا وفى تقدمنا ونجاحنا

وبيبقى كمان فى إيدينا حرية الاختيار فى إننا

نسنتغل الفرص دى ولا لأ ؟؟

بس تلاقى الواحد فينا .. سبحان الله يضيع الفرصة من إيديه

(بإرادتـــــــه وباختيـــــــاره)

وبعد ما يعدى وقت (مش كبير قوى)

تلاقى الواحد يندم ويضايق ويقول

ياريتنــــى

!!!!!

بتحصل معانا مش كده

؟؟؟؟؟

عارفين ليه بتحصل معانا

؟؟؟؟

لإننا وبكل بساطة .. بنخــــــــــــــاف

بنخاف لحسن منقدرش نعمل الحاجة إللى بتبقى مطلوبة مننا خلال تنفيذ الفرصة دى

بنخاف إننا نفشل فى تنفيذها

بنخاف من المسئولية

بنخاف ........

بنخاف .....

بنخاف ...

بنخاف..

ومن الآخر كده .. اللى بيخاف يبقى ميندمش

بمعنى .. بدل ما سيادتك قررت إنك تخاف ومتستغلش الفرصة اللى جات قدامك

يبقى متندمش إنك مستفدتش منها

!!!!!!!!!!!!!!!!

وخطوة النهاردة جاية علشان تخلينا كلنا منندمش

وخطوتنا دى اسمها

"قانون التوريط العام"

واللى من خلالها .. بقولك

اتعلم إنك تورط نفسك

أيوة تورط نفسك بجد

بمعنى أنه لما يكون فى فرصة قدام عينيك .. وشايف إنها هتساعدك بجد فى

تقدمك ونجاحك فى الحياة

إياك .. تتردد .. ادخل وبقلب جامد

(فاعلم جيداً أن الحياة مغامرة .. وتحتاج الجرىء)

بس فى كام حاجة عايز أقولهالك قبل ما تورط نفسك

أولاً: ياسلام لو كنت تقدر تصلى ركعتين استخارة

ثانياً: حلل الفرصة دى بجد واتأكد إنها مهمة فعلاً ليك وهتساعد على فى حياتك

ثالثاً: حلل قدراتك واتأكد إنك تقدر بجد تلتزم باللى فيها وتنفذه

رابعاً: شوف وقتك يسمح إنك تنفذها

عملت كده ولقيت إنه كل المؤشرات بتقولك اهجم

يبقى .. اهجم ومتخافش

ومتضيعش الفرصة من إيدك

بس لو لقيت إنه المؤشرات بتقولك إنك مش هتقدر تنفذها فى الوقت ده

يبقى الأفضل هنا إنك توقف ومتهجمش

بس إياك إنك تندم

!!!!!!!!!!

واتأكد إنه ربنا مقدرلك الخير .. إن مكناش فى الفرصة دى

يبقى اللى جاية .. أو اللى بعدها

وخليك واثق فى الله

أسأل الله أن يوفقنا جميعاً لما يحبه ويرضى

وييسر لنا ما يرضيه عنا

إنه ولى ذلك

لو كان حصل معاك/معاكى أى موقف .. كان فيه قانون التوريط العام عامل مهم فى نجاحك

متبخلش علينا إنك تقولهولنا .. أكيد هنستفيد منه

؟؟؟؟؟؟

سبحانك اللهم وبحمدك .. أشهد ألا إله إلا أنت .. استغفرك وأتوب إليك


خطوات التنمية بالإيمان مشروع خطوات عمر المغربى omar elmaghraby التنمية البشرية

تنمية بشرية ياللانجاح ياللاجروب ياللاياشباب

Tweet

[الرّام]

اولا بارك الله فيك و ربي يجزيك بالخير ان شاء الله

خطوة فعلا مهمة لانها تحكي او تعبر على اي او كل حد

فكلنا اكيد جاتنا فرص مهمة .. و كلنا ضيعنا بعضها لاننا خفنا .. و كلنا اقدمنا على بعضها و استفدنا منها او ما استفدناش منها .. و كلنا ندمنا و قالنا يا ريت عملنا او يا ريت ما عملناش .. و كلنا اتشجعنا في مرات .. و كلنا خفنا في مرات ..

اقتباس

أولاً: ياسلام لو كنت تقدر تصلى ركعتين استخارة

ثانياً: حلل الفرصة دى بجد واتأكد إنها مهمة فعلاً ليك وهتساعد على فى حياتك

ثالثاً: حلل قدراتك واتأكد إنك تقدر بجد تلتزم باللى فيها وتنفذه

رابعاً: شوف وقتك يسمح إنك تنفذها

صحيح لكن فقط عندي تعليق بسيط على "ثالثا" هذه

يعني لو الواحد يكون خايف او متردد فأكيد موش باش يقدر يحلل صح قدراته و موش باش يكون واثق من نفسه انه ممكن يلتزم بيها او ينفذها .. لانه في الاصل هو متردد

لذلك لازم " تصفية الذهن" من كل معيقات للتفكير ... يعني يحاولعلى قد ما ينجم الواحد انه يخلي خوفه على جنب او يحط نفسه في مكان محايد لكي يستطيع التفكير بشكل سليم و اتخاذ القرار السليم

********

تم تعديل هذه المشاركة بواسطة الرّام: 24 February 2010 - 12:40 PM

[ABOTASNEEM]

أختى فى الله الرام

أشكر تفعالك مع الخطوة .. وفقنا الله دوما لما يحبه ويرضاه

وبخصوص تعليقك عن ثالثاً

اقتباس

ثالثاً: حلل قدراتك واتأكد إنك تقدر بجد تلتزم باللى فيها وتنفذه

فطبعاً زى ما حضرتك زكرتى .. لازم الشخص هنا يتعلم إنه يكون حكم محايد

بمعنى إنه يقيم ذاته صح بغض النظر عما يحيط به من ظروف

وهذا يأتى بالممارسة .. فشكراً لك

وجزاك الله كل الخير