3
بصوا يا جماعة الخير أنا من كام يوم حصل معايا موقف وحابة اعرف رأيكوا فيه
والحكاية إنى وانا فى الموقف راجعة من مشوار عشان أروح بصيت من بعيد لقيت واحدة شبهت عليها زى ما يكون كانت معايا فى الثانوى كانت هى بعيدة منى بخطوات وبعدين بصيتلها وبصتلى وبصيتلها وبصتلى وبعد ما بصبصنا لبعض كل واحد مشى فى طريقه بس أنا بعد كده بصيت ورايا لقيتها بتبصلى برضه
قلت بقى ما بدهاش أرجع وأسلم عليها طالما افتكرتنى وفعلا رجعت للوراء كام خطوة وقالتلى ازيك يا طبعا ده اسمى اللى انا مش هقولهولكم قلتلها اهلا لانى بصراحة فشلت فى تذكر اسمها حتى هذه اللحظة لانى من حوالى 5 سنين ما شفتاهش بس هى فاكرة اسمى لانى كنت ولا فخر سوبر ستار فى المدرسة 
بس بعدين كان معاها جوزها وبنتها النونو قالتلى تعالى شوفى دى ملك بنتى لاننا كنا بعيد جوزها اللى كان شايلة البنت ولما رحنالهم جوزها مد إيده عشان يسلم وانا ما بسلمش على رجالة وقلتله لا معلش أنا مش بسلم ولكنه فضل مادد إيده ومصر أنه يسلم عليا وقالى طب سلمى الأول وانا برضه ما سلمتش وما اسستسلمتش وما زالت يده ممدوة للسلام راحت زميلتى دى اللى هى مراته شادة ايده لتحت بشدة لدرجة انى اتكسفتلوا بس قلت فى نفسى انت اللى تستاهل
ها إيه رأيكم ؟؟؟
