ف حضنك بأدفي يا أمي
ف حضنك بأدفي يا أمي و برجع طفل من تاني
و بأنسي بضحكتك همي و ظلم الناس و احزاني
و يوم ما تغيبي عن عيني بلاقي الضحكه وحشاني
ف حضنك بأنسي أحزاني و بشعر بالامان و ارتاح
من الدنيا اللي وخداني و بجري ف أرضها سواح
و بين الصحيه و اللمه بشوفك نجمه ف الضلمه
و أقول غيرك مليش يأمه يا عايشه العمر شايلاني
حبيبه و عايشه بتخافي عليا م الهوا الطاير
ولما ف يوم بكون جافي عليكي بعيش غريب حاير
و أشوف الدمعه ف عنيكي أطاطي و ابوس علي أديكي
و لمسه أيدي ترضيكي عشان دايماً مسمحاني
يا حب كبير معلمني حروف العطف و الواجب
حنانك فاض و زاد مني و عايش بيكي بتعاجب
تعبتي كتير و ربيتي و ياما سهرتي و أديتي
ولا عمرك مليتي و لا في البعد نسياني
ف حضنك بادفي يا أمي و برجع طفل من تاني
منقووول
لشاعر مجهول
تم تعديل هذه المشاركة بواسطة سجده: 22 March 2010 - 06:40 PM























