اذهب الي المحتوي
منتديات ياللا يا شباب
سجده

رساله من مواطن مصري

Recommended Posts

رساله من مواطن مصري

 

 

 

عارف لما تحس أنك تعبان

 

زهقان مــ الدنيا و قرفان

 

بتحس بكيانك ف حصر

 

بتحس بضيق لو كنت ف قصر

 

و تقول اه لو مكنتش ف مصر

 

أه لو الاقي العدل مـ الاصل

 

أه لو حقي اعرف أخده

 

أزاي تعبان و انا فــ بلدي

 

و تقول هسيبها و هبعد

 

و الروح تشتاق قبل البعد

 

و هي تقولك يا بني

 

خليك جنبي أوعي تسبني

 

دا أنا اللي ربيت و أسست

 

أااه ياما علي عيني

 

بس أهلك ظلموني

 

لا شهادتي شغال بيها

 

و لا اللقمه بلاقيها

 

و اللا اللي جرالي فــ الحبس

 

أقول نطبق ديني فــ بلادي

 

يقولو ألحقو دي أرهابي

 

دا انا ياما يوم ما تعبت

 

لا العلاج شوفت ولا حتي شربت

 

بس صراحه ريسنا حبيبي

 

دايماً جنبي ايده فــ أيدي

 

أقولو يا ريس دا انا تعبان

 

يقول و انا أيه فــ أيدي يا غلبان

 

يا أبني مانتو اللي خلفتو

 

و العيال عديتو و كبستو

 

أقوله يا ريس دول أتنين

 

يقول ياااااه بردو كتيييير

 

نظم حالك ، دوس علي نفسك

 

و أنا من كتر الدوس فرقعت

 

أزرع و أحصد ياما بأيدي

 

و يقولو مش نصيبي

 

أقول يا ناس دي أرضي

 

يقولو ملك غيري

 

أاااه ياما ليه بتقلبي المواجع

 

هو أنا يعني مش راجع

 

هبعد ياما و جايلك تاني

 

طب هو أنت اد البعد

 

حاسس ياما أني يتيم

 

يابني ربك بردو رحيم

 

ياما أنا سايب العيال فــ البيت

 

مش لاقيين حتي لقمه بزيت

 

الباشا يخصخص و التاني يبيع

 

و أنا بينهم ياما بضيع

 

أنا فــ بلادي بقيت مدبوح

 

يمكن بره الهم يروح

 

و أقدر أبني و أربي عيالي

 

و أهو يتهنو ياما بمالي

 

هبدأ ياما الخطوه الاولي

 

يمكن أقدر أعالج أبويا

 

ياما سبيني دا أنا تعبان

 

و قلبي فــــــ الهم غرقان

 

حتي الضحكه ياما نسيتها

 

حتي الفرحه هجرت بيتها

 

هبعد ياما و جايلك تاني

 

ياما أنا عمري ما كنت أناني

 

دا أنتي حياتي ياما وربي

 

دا انتي النبض جوا فــ قلبي

 

يا بني تعالي و بكره تروق

 

ياما فـــ بلدي أنا خت خزوق

 

نفسي اللحمه ولادي تدوق

 

ياما و ربي جايلك تاني

 

هرجع ياما واحد تاني

 

جاي و معايا لولادي الفرحه

 

أحمد عجله و زينب طرحه

 

و أمي ياما عايزه تحج

 

نفسي الفرحه فـــ بيتي تدب

 

لما ولادي تلقي عشاها

 

نفسي هتفرح و ألقي هناها

 

نظره عينهم ياما بتوجع

 

حاسس الأه من قلبي بتطلع

 

لما بشوفهم زهره بتدبل

 

نفسي اشوفهم ياما كبار

 

زينب دكتوره و أحمد طيار

 

و اللا يمكن يطلع شاعر

 

يكتب فيكي ياما مشاعر

 

هحلم ياما يمكن أحقق

 

هبعد ياما و قلبي معاكي

 

بس أوليلهم مش للبيع

 

هرجع ياما و جاي لبلادي

 

جاي لمينا و عبد الهادي

 

و الاخر ياما ليكي سلامي

 

أصلك أمي مهما ان كان

 

 

تم تعديل بواسطه سجده

شارك هذه المشاركه


رابط المشاركه
شار ك علي موقع اخر

Join the conversation

You can post now and register later. If you have an account, sign in now to post with your account.

زائر
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×
×
  • اضف...

Important Information

By using this site, you agree to our Terms of Use, اتفاقيه الخصوصيه, قوانين الموقع, We have placed cookies on your device to help make this website better. You can adjust your cookie settings, otherwise we'll assume you're okay to continue..