عايز أتغير ،، أعمل ايه؟

[سجده 44]

انا نفسى اتغير ...انا عايز اغير من نفسى ... انا مش عاجبنى نفسى كدة . انا تايه وحيران فى نفسى...

 

هذه عبارات كثير يقولها الشباب كل يوم لنفسه. اْو لصديق مقرب اليه..

لكن المشكلة ان الكلام اسهل بكثير من الفعل.. يعنى الشاب او الفتاه .. تفضل تقول هذا الكلام لنفسها او لنفسه..

بس يفضل كما هو محلك سر:: ولا يتحرك للا مام ولا للخلف.. بس يا ترى هما بيساْلوا نفسهم هما عايزين ايه؟

وازاى يتغيروا؟

 

كلها اسئلة بس الشاطر اللى يقدر يجاوب عليها فعليا. التغير شئ مش سهل ولا صعب .. بس شئ عايز ارادة وصبر. وكمان هدف اما مك.. علشان تتغير علشانه ..

في ناس بتتغير مع حال الدنيا.. ساعات بيبقوا كويسين جدا وساعات بيغلطو كتير ..ودول فعلا يحتا جون للنصيحة لكى يتغيروا للاحسن طبعا..

 

وفي شباب بيتغير علشان مستقبله.. بمعنى يغير من نمط حياته لتحقيق المزيد من النجاح فى الدراسة والعمل.. وهم من نطلق عليهم شباب < 10 على 10>...

 

وفي شباب (فنكى )يعنى الروش بيحب يغير من صديقته او زميلته الله اعلم .. وهم فى الغالب يوصفون بانهم شباب فاضى كل تفكيره اللعب وبس.. والله يكون فى عونهم.

 

وفي شباب بيغير من نفسه علشان الناس اْو اهله عارفين انه بتغيره دة يبقى احسن واْ فضل ليه.. ودة تغيير نافع بمعنى ينفع صاحبه..

وفي شباب بيسمع كلام ناس قصدهم السوء ويغير من نفسه لكن للاْسوء بس وهو مش دارى .. وهم الشباب يسمع الكلام وينفذه دون تفكير

.علشان تغير من نفسك للاْحسن طبعا.. اْقعد مع نفسك وبس.. واْساْلها انا عايز اتغير فى ايه؟ واتغير ليه؟ وللا حسن ولا للا وحش.؟ ويا ترى التغير دة هيفيدنى ولا يضرنى.؟ ومتنساش ان التغيير محتاج لصبر ولهدف كويس طبعا.. وكمان لازم تكون فعلا محتاحة.. يعنى مش تغيير من نفسك كل يوم.. على الفاضى والمليان.. وصدقونى التغير للا حسن سهل بس بارادتك انت... ولو عايز تفضل زى ما انت .. خليك.. بس متنساش حاسب نفسك كل يوم.. وشوف انت كدة صح ولا غلط.. بس بعدما ما تقارن نفسك بالشباب الذين حوا ليك.. الشباب النا جح.. مش اْل مقضينها على القهوة طول اليوم.. ولا تنسى ان هناك الكثير من مشاهير الزمن القديم بجميع المجالات والتخصصات غيروا انفسهم ومن طريقة تفكيرهم وتعاملهم فى الحياة.. ووصلوا لاْعلى الدرجات فى الحياة.. وحا ولوا انتم كمان تبقوا زيهم.. احسن ما نقول ان القطار فا تنا ومش عارفين نعمل ايه.. الفرصة لسة فى ايديكم

و بقربك من ربنا اكيد هتتغير

 

 

يا تري انت مين فيهم؟

 

و أتغيرت قبل كدا و اللا لأ ؟

 

و تغييرك كان للأحسن واللا للأسوء؟

 

و شايف الناس ممكن تتغير أزاي؟

تم تعديل April 23, 2010 بواسطه سجده

[mercy 2]

جزاك الله خيرا

بجد الواحد بدور الافكار دى فى عقله وفى قلبه

 

بخصوص الاسئله اللى انت طرحتيها

انا كنت مختلفه لان ظروفى الاجتماعيه وتربيتى مختلفه شويه عن البعض فكان للظروف ديه تاثير ايجابى فى تكوين شخصيتى

فبدلا ماكنت بنظر للحياه نظره سطحيه اصبحت انظر لها بمنظور مختلف نظره شموليه ملمه لكل ما يحيط من حولى من اشخاص واصبحت طبعا فى حدود معرفتى وخبرتى بالاشخاص ان احكم على بعض الاشخاص بطريقه صحيحه والحمد لله كل اللى اتعرفت عليهم بتوفيق من المولى سبحانه وتعالى محترمين واعتز بصدقتهم وطبعا ده فى حد ذاته تغيير واعتقد انى اتغيرت للاحسن وده بفضل الصداقات المفيده الصديق اللى يرفع من شان صديقه ويقف جنبه مهما كانت ظروفه

والناس ممكن تتغير من وجه نظرى المتواضعه من خلال التجربه يعنى الواحد لما بيتحط فى موقف معين او ظروف خاصه بيبان شخصيه الواحد

يقول د/ ماكسويل مولتز فى كتابه "سيكو سيبرنتك " :

ان النظره الذاتيه هى المفتاح لشخصية الانسان وسلوكه فاذا قمت بتغيير النظره الذاتيه فانك ستغير الشخصيه والسلوك "

يقول د/ ابراهيم الفقى :

يمكن ان تغير من سلوكك السلبى الى السلوك الايجابى كالاتى :

1-دون ثلاث انواع سلبيه من سلوكك تحب ان تقوم بتغييرها .

2-دون لماذا انت راغب فى القيام بهذا التغيير .

3-دون ثلاث انواع من السلوك الايجابى ستحل محل السلوك السلبى .

وحتى يمكنك الارتفاع بمستوى عزه نفسك دون خمس صفات حميده عن نفسك واحتفظ بهذه الورقه معك دائما واقراها باستمرار وردد دائما " انا راض عن نفسى كما انا ، انا اتقبل نفسى على حالتى انا اتقدم واتحسن كل يوم وفى كل شئ "

اتمنى ان اكون وفقت فى الرد ومعلش طولت عليكم

بس بجد موضوع ممتع والواحد نفسه يتكلم اكتر بس مهما اتكلمت اكيد هيكون فى اراء افضل منى واكيد الكل هيستفيد منها

جزاك الله خيرا

[الدرة المصونة 3]

السلام عليكــم ورحمـة الله وبركاتــه

 

 

 

ايه كل الكلام اللى مش فيه تفاؤل ده حتى ده مش هو الشعار بتاعي'التفاؤل منهج حياة'

على العموم

لو عايز تتغير بجد وتخلى حياتك أفضل

يلا نعين بعض ونبدأ أجمل رحله ممكن تعملها في حياتك

رحله بعدها هتكون انسان جديد وحياتك هتكون افضل مما كنت تتمناه بأذن الله

على فكرة التغيير ده لما يحصل انت كده مش بتغير حياتك بس انت كمان بتغير اخرتك لان الدنيا مزرعة للاخرة واكيد لو كنت عايش زي ما ربنا عايز منك اكيد هتكون الاخرة زي ما ربنا يحبنا نكون

وربنا عزوجل الرحيم الودوديحب نكون في جنته اللى اعدها لينا

فعن ابى هريرة رضي الله عنه قال:قال رسول الله صلى الله عليه وسلم(قال الله عزوجل:أعددت لعبادي الصالحين ما لا عين رأت ولا أذن سمعت ولا خطر على قلب بشر)

يلا ان شاء الله نكون معا بعض في رحلتنا الى التغيير الفعال

وان شاء الله انت اكيد هتنحج

 

 

وأنا الحمدلله اتغيرت للأحسن بكتتتتتتير وجزاك الله خيرا حبيبتي

تم تعديل April 24, 2010 بواسطه سوسو سكرت مصر

[«۞۩ أبو سليمان ۩۞» 179]

جزاكي الله خيرا أختي

 

موضوعك رائع جدا بسم الله ما شاء الله

 

من يريد ان يتغير .. فهو شيء سهل جدا و لكن لازم يضع في اعتباره انه مستحيل يتغير 180 درجة في يوم و ليله

 

يعني يحاول يغير نفسه على مراحل عشان ميحصلش ليه انتكاسه

 

و المنهج ده عن نفسي بأعمل بيه ... يعني اغير سلوك معين موش عاجبني في شخصيتي مثلا و استمر فتره محافظ على تغيير السلوك ده

 

و بعد ان اجد نفسي ثبت على السلوك الجديد .. احاول اغير سلوك آخر و هكذا

اعتقد ان دي افضل طريقة حتى لا يحدث ما يسمى بالانتكاسة

 

آسف على الاطالة

 

بارك الله فيكي أختي .. و نفع بك و رزقك من الفردوس منزلا

 

جزاكي الله خيرا