اذهب الي المحتوي
منتديات ياللا يا شباب
semsem111

عندما تشعر أنها خربانة خربانة

Recommended Posts

عندما تشعر أنها خربانة خربانة

 

الشعور بان العملية خربانة خربانة شعور تقليدي عند البشر

لكنه مقدس نوعا ما عند المصريين

 

هل تذكر متى آخر مرة شعرت أنها خربانة خربانة

 

هل حدث مرة أن احتكمت على خمسين جنيه تذبح رقبة الكتكوت

ومن فرط سعادتك قرت أن تتعشى وتعزم واحد معاك ثم فوجئت انك تدفع وبمنتهى البساطة 15 جنيه

لكن لا تزال نشوة الفرحة بالخمسين تغمرك فتقرر شحن الموبايل بتاعك بعشرة جنية (علشان تفرح الحتة الحلوة اللي في حياتك باس ام اس بدل البليز كول مي اللي قارفها بيها

بينما تجد انك تاخرت ومضطر لركوب تاكسي بخمسة جنية

وفجأة ومرة واحدة تفيق من نشوتك لنكتشف أن الخمسين أهيف اللي كنت متصور انهم هيمشوك لاخر الشهر مفضلش فيهم غير عشرين جنيه

 

هنا ينتابك الشعور بأنها خربانة وتقرر صرف باقي الخمسين فى اى داهية وتضربها في رجل كلب لان ببساطة العملية خربانةخربانة

 

هل استنفذت رصيد إجازاتك من المؤسسة التي تعمل بها ومديرك مستنيلك يوم تغيبه علشان يطير الحوافز وبرغم احتياجك الشديد للمال وديونك الشهرية المعتادة علما أن الحافز جه ولا راح مش هيعمل حاجة ومع استيقاظك يوما من النوم متعبا ومنهكا قررت الغياب عن العمل وتسعد وتهنا لك بنومة محترمة وفى نفس الوقت تسعد وتقر عين مديرك وهو يطير حافزك من باب ديون بديون واهى خربانة خربانة

 

 

هل مر يوم عليك وأنت طالب وبرغم انك لا تزال توصي نفسك خمستاشر مرة فى الاجازة بالالتزام بالمذاكرة من أول يوم في التيرم مع العلم إن ده سادس ولا سابع تيرم تعاهد نفسك على المذاكرة من أول السنة ثم تستيقظ من غفلتك على زنقة آخر السنة والأيام معدودة تقريبا كل مادة ليها يوم وربع

يعنى مش هتخلص مش هتخلص ومع الإحساس الرهيب باليأس والإحباط تقرر الدخل ولمدة ساعتين على النت او البلاي ستيشن اوحتى تشوف فيلم كركرللمرة الرابعة (وكل مرة في نهاية الفيلم تقول ايه القرف ده) من باب اهى خربانة خربانة

 

هل استيقظت مرة من نومك وبرغم ضبط القنبلة الزمنية التي تحت المخدة أو ما يسميه البعض منبه الموبايل

تستيقظ وقد أشرقت شمس الشموسة على الجاموسة النائمة اقصد عليك يا بطل وقد أدركت أن صلاة الفجر قد فاتتك بكل المقاييس والنهاردة هتعلم على ورد المحاسبة كحكة حمرا على الفجر ثم تقرر انك بمنتهى التباتة واللامبالاه تكمل نومك انشلله لحد الضهر واهى خربانة خربانة

 

 

 

 

اعتقد أيضا أن الحكومة في مصر تتعامل معنا من هذا المنطلق

يعنى إذا كان الناس هتموت وهتولع والبطالة على ودنه وموارد البلد في الكازوزة والتعليم فى الباىباى والناس كارهه أم الحكومة وأم الحزب وأم اليوم اللي قامت فيه الثورة

وإذا كان سندوتش الفول بخمسة وسبعين قرش وكيلو العدس بتسعة جنيه وكيلو اللحمة ( يعنى ايه لحمة )

فايه المانع ان الحديد يغلى ولا يولع حتى ولا يوصل لسبعة الاف ولا سبعين الف

أهي كده الناس مش راضية وكده الناس مش راضية

يبقى نخلى الراجل يسترزق

وهى خربانة خربانة

 

مش بعيد برضه ان (....)

لما حس ان البلد خربانة خربانة قال اهو ابنى يبقى الريس من بعدى واهى خربانة خربانة

 

سؤال

متى اخر مرة شعرت بالإحساس البشرى المصري الأصيل ان العملية خربانه خربانة

شارك هذه المشاركه


رابط المشاركه
شار ك علي موقع اخر
ينتابك الشعور بأنها خربانة وتقرر صرف باقي الخمسين فى اى داهية وتضربها في رجل كلب لان ببساطة العملية خربانةخربانة

كتييييييييييييييييييييييييييييييييييييييييير .. ولو جات على الخمسين تبقى اتسترت :wink:

 

ل مر يوم عليك وأنت طالب وبرغم انك لا تزال توصي نفسك خمستاشر مرة فى الاجازة بالالتزام بالمذاكرة من أول يوم في التيرم مع العلم إن ده سادس ولا سابع تيرم تعاهد نفسك على المذاكرة من أول السنة ثم تستيقظ من غفلتك على زنقة آخر السنة والأيام معدودة تقريبا كل مادة ليها يوم وربع

يعنى مش هتخلص مش هتخلص حتى لو عدى الحمار من سم الخياط (جديدة الحمار دى اهو تغيير برضه مش كل مرة نقول الجمل ) ومع الإحساس الرهيب باليأس والإحباط تقرر الدخل ولمدة ساعتين على النت او البلاي ستيشن اوحتى تشوف فيلم كركرللمرة الرابعة (وكل مرة في نهاية الفيلم تقول ايه القرف ده) من باب اهى خربانة خربانة

 

هو انت كنت ساكن معايا قبل كده ؟؟ ولا كلنا بالطريقه دى !! :llll:

 

وإذا كان سندوتش الفول بخمسة وسبعين قرش وكيلو العدس بتسعة جنيه وكيلو اللحمة ( يعنى ايه لحمة )

 

من ناحية الأكل بطلناه .. اوبيا اتفق معانا اننا ناكل مرتين فى الاسبوع :llll:

بالنسبه لاستفسارك عن معنى اللحمه .. انا سمعت عنها فى التليفزيون مره .. ولو عاوز تفاصيل .. هيجيبوا حلقه عنها فى البيت بيتك بكره .. ابقى شوفها (بس ابقى قولنا طلعت ايه دى) :llll:

 

 

موضوع جميل بجد .. وبيناقش قضيه الكل بيشتكى منها ..

 

على فكره (معلش) .. تم تعديل سطر بالموضوع .. (أصلى فى دى .. مينفعش معدلهوش واقول ماهى خربانه خربانه :) )

موضوع جميل يا سمسم ..

 

وراك وراك فى المنتدى .. اللى من اول ما دخلتوا اونت اتعافيت عليه :)

شارك هذه المشاركه


رابط المشاركه
شار ك علي موقع اخر
هل استيقظت مرة من نومك وبرغم ضبط القنبلة الزمنية التي تحت المخدة أو ما يسميه البعض منبه الموبايل

تستيقظ وقد أشرقت شمس الشموسة على الجاموسة النائمة اقصد عليك يا بطل وقد أدركت أن صلاة الفجر قد فاتتك بكل المقاييس والنهاردة هتعلم على ورد المحاسبة كحكة حمرا على الفجر ثم تقرر انك بمنتهى التباتة واللامبالاه تكمل نومك انشلله لحد الضهر واهى خربانة خربانة

اظاهر ان الموضوع ده منتشر برغم ان انا متأكده ان محدش عارف انى بعمله بس ياله ادينا اتفضحنا على الانترنت

يشماتة ابله ظاظا فيه

 

من ناحية الأكل بطلناه

اصلنا بنعمل رجيم قاصى شويه

 

الشعور بان العملية خربانة خربانة شعور تقليدي عند البشر

لكنه مقدس نوعا ما عند المصريين

 

فعلا لما يتسمم 3 مدارس فىمناطق مختلفه فى العامريه بالاسكندريه ويطلع المسئول يأول ان 16 كان عندهم حالة تسمم والباقى بيدلع ( اتوهم يعنى ) يبأه لازم نقول العمليه فعلا خربانه

متى اخر مرة شعرت بالإحساس البشرى المصري الأصيل ان العملية خربانه خربانة

وانت مالك انت ياعنى الاحساس ده حيغله ولا اه

 

وإذا كان سندوتش الفول بخمسة وسبعين قرش وكيلو العدس بتسعة جنيه وكيلو اللحمة ( يعنى ايه لحمة

 

والله جيت على الجرح بس انا معايا صوره تبينلك هيه اه

 

شارك هذه المشاركه


رابط المشاركه
شار ك علي موقع اخر

عمى عاشق الصداقة

 

الف شكر يا ريس على المرور والرد التفصيلى على مشاركتى

ده كتير على

 

لكن واضح انك ستضطر انك تحذف كتير وتعدل كتير

معلش مشاركاتى كلها من النوع ده

لكن انت شايف ان انا كده اتعافيت

 

 

اما الاستاذة بسنت

اشكرك جدا على مرورك وحبر الخواطر على الله

شارك هذه المشاركه


رابط المشاركه
شار ك علي موقع اخر

انا مفيش رد معايا غير رد الفنان الجميل والمطرب المصري والشعبي الاصيل

الدنيا خربانه وجت على دي يعني

الموضوع اجتماعي بحت وعرضه سلس وبسيط شكرا لبراعتك يا سمسم وبدايه موفقه

ورينا الهمه مع الاشكال دي يللا

شارك هذه المشاركه


رابط المشاركه
شار ك علي موقع اخر

شكرا يا حنان القلب على المرور

 

لكن مين المطرب المصري الاصيل ده

 

 

براعة ايه يا حنان القلب

دا بعض ما عندكم

شارك هذه المشاركه


رابط المشاركه
شار ك علي موقع اخر

موضوع رائع يا سمسم وبصراحة إن المواضيع اللى من النوع ده مش كتير فى المنتدى عندنا .. لاننا ناس اصحاب عيا وعندنا عيال عايزين نربيهم ولكن ادام كده كده مفيش اى دعم من الـ ....

وهنضطر اننا نسرق علشان نجيب العلاج للعيا اللى لسه بقولك عليه .. وعلشان نجيب العيش للعيال علشان ناكل ( هو فين العيش ده ) .

يبقى شكلى هتبع مبدأ ( خربانه خربانه ) اللى حضرتك لسه متكلم عليه .. :wink::llll: :llll:

 

يعنى بصريح العباره هتكلم ...............

هل حدث مرة أن احتكمت على خمسين جنيه تذبح رقبة الكتكوت

 

متهيألى حصلت مرة او اتنين على اقصى تقدير ..

 

ومن فرط سعادتك قرت أن تتعشى وتعزم واحد معاك ثم فوجئت انك تدفع وبمنتهى البساطة 15 جنيه

لكن لا تزال نشوة الفرحة بالخمسين تغمرك فتقرر شحن الموبايل بتاعك بعشرة جنية (علشان تفرح الحتة الحلوة اللي في حياتك باس ام اس بدل البليز كول مي اللي قارفها بيها

بينما تجد انك تاخرت ومضطر لركوب تاكسي بخمسة جنية

وفجأة ومرة واحدة تفيق من نشوتك لنكتشف أن الخمسين أهيف اللي كنت متصور انهم هيمشوك لاخر الشهر مفضلش فيهم غير عشرين جنيه

 

هنا ينتابك الشعور بأنها خربانة وتقرر صرف باقي الخمسين فى اى داهية وتضربها في رجل كلب لان ببساطة العملية خربانةخربانة

 

والله انت متفائل يا سمسم .. عشا ايه ده اللى بـ 15 جنيه اللى يكفى اتنين .. يا دوب الـ 15 جنيه تكفينى لوحدى فى العشا .. وبعدين انت فكرك انى لو كان معايا 50 جنيه واصحابى اللى هما 20 نفر عرفوا بكده هيسبونى فى حالى .. دول هيثبتونى ويخدوها منى ( غصم واقتدار ) .

يعنى الخلاصه الخمسين جنيه اعتبرها اتنسفت ..

 

هل مر يوم عليك وأنت طالب وبرغم انك لا تزال توصي نفسك خمستاشر مرة فى الاجازة بالالتزام بالمذاكرة من أول يوم في التيرم مع العلم إن ده سادس ولا سابع تيرم تعاهد نفسك على المذاكرة من أول السنة ثم تستيقظ من غفلتك على زنقة آخر السنة والأيام معدودة تقريبا كل مادة ليها يوم وربع

يعنى مش هتخلص مش هتخلص حتى لو عدى الحمار من سم الخياط (جديدة الحمار دى اهو تغيير برضه مش كل مرة نقول الجمل ) ومع الإحساس الرهيب باليأس والإحباط تقرر الدخل ولمدة ساعتين على النت او البلاي ستيشن اوحتى تشوف فيلم كركرللمرة الرابعة (وكل مرة في نهاية الفيلم تقول ايه القرف ده) من باب اهى خربانة خربانة

 

بقالى 6 سنين فى الكليه كل سنه اقول انا هذاكر من اول التيرم حتى ولو كل يوم ساعة وبترسى فى الاخر على اخر اسبوع ده لو رسيت ..

 

اعتقد أيضا أن الحكومة في مصر تتعامل معنا من هذا المنطلق

يعنى إذا كان الناس هتموت وهتولع والبطالة على ودنه وموارد البلد في الكازوزة والتعليم فى الباىباى والناس كارهه أم الحكومة وأم الحزب وأم اليوم اللي قامت فيه الثورة

وإذا كان سندوتش الفول بخمسة وسبعين قرش وكيلو العدس بتسعة جنيه وكيلو اللحمة ( يعنى ايه لحمة )

فايه المانع ان الحديد يغلى ولا يولع حتى ولا يوصل لسبعة الاف ولا سبعين الف

أهي كده الناس مش راضية وكده الناس مش راضية

يبقى نخلى الراجل يسترزق

وهى خربانة خربانة

 

مش بعيد برضه ان (....)

لما حس ان البلد خربانة خربانة قال اهو ابنى يبقى الريس من بعدى واهى خربانة خربانة

 

سؤال

متى اخر مرة شعرت بالإحساس البشرى المصري الأصيل ان العملية خربانه خربانة

 

لا تعليق سوى ..

حلمى هو اللى معيشنى انا مش منتظر اى حاجه من الحكومه .. وربنا رزقنى بصحبه كويسه بتشاركنى فى حلمى ده .. ورافعين شعار ( هنوصل يعنى هنوصل )

الحمد لله على كل شئ ..

بس بصراحة موضوع اكثر من رائع يا سمسم .. بس متهيألى انا اعرفك كويس قوى .. لو كنت اللى فى بالى ..

 

شكراااااااااااااااااااااااااااااً

شارك هذه المشاركه


رابط المشاركه
شار ك علي موقع اخر

عندما تشعر

 

 

انك بخير وبصحة جيدة وعلى صلة جيدة بالله سبحانه وتعالى تأكد أن الدنيا عمرانه عمرانه

 

شكراً يا سمسم على موضوعك الجميل جداً واللى هيحبسنا قريب

شارك هذه المشاركه


رابط المشاركه
شار ك علي موقع اخر

والله يا جماعة لخجلتم تواضعى

 

طيب لما الكل متفق انه موضوع جميل

طيب ما تدونى جايزه

انشلله حتى خمسة جنيه

اهى تنفع

ولا اقوللكم

ادونى بيهم عيش احسن

 

 

 

استاذى العارف

طيب ما تيجي نعمل فريق مخصوص يتولى تربية ابناء الاعضاء بعد ما يتحبسوا

 

 

لكن مين اللى فى بالك يا عارف

والله واضح انك بتشبه على

على العموم لو معرقتنيش يبقى احتمال اتنين غيرنا

 

 

 

شيتوس الجميل

ربنا ما يجيب حبس

 

لكن بالفعل ربنا يجعل حياتنا بطاعغته عمرانه عمرانه

شارك هذه المشاركه


رابط المشاركه
شار ك علي موقع اخر

خمسه جنيه ايه بس يا سمسم .. انت مقريتش فى ردى ان الخمسين جنيه اتنسفت خلاص :wink:

شارك هذه المشاركه


رابط المشاركه
شار ك علي موقع اخر

ههههههههههههههههه

 

بجد بقه موضوع رااااااااااااااااائع

 

و على فكرة من غير اقتباس و لا كوبى

 

كل الحاجات اللى فوق خالص دى بتحصلنا كووووووووووووووولنا

 

اكتر حاجة موضوع المذاكرة ده

 

اصلنا الصراحة طلبة موذاكرين موذاكرين يعنى

 

واكلين الكتب م الاخر

 

حتى بالامارة تلاقى الكتاب على اخر الترم متبهدل و كأنك كنت بتكنس بيه بيتكم و مش عارف من ايه ؟؟هههههههههه

 

ربنا معانا يا جماعة و يسترها علينا

 

و على رأى اللى بيغنى ده اسمه ايه

 

الدنيا خربانة الدنيا خربانة

شارك هذه المشاركه


رابط المشاركه
شار ك علي موقع اخر

سوسنة

الف شكر على المرور

وطالما ان الموضوع بتاع خربانىة هيخلية يشوف الاعضاء اللى مش بيعتر فيهم كل شوية من نوعية زورو وعاشق

يبقى نكتر منها

 

لكن اتمنى من سيادتكم المرور على موضوع شرب الخرروب فى فنون الهروب

 

لانه برضه بيمس حياة الطلبة والهروب من المذاكرة

 

:wink:

شارك هذه المشاركه


رابط المشاركه
شار ك علي موقع اخر
متى اخر مرة شعرت بالإحساس البشرى المصري الأصيل ان العملية خربانه خربانة

النهاردة الصبح

وقررت اني اخربها أكتر

عملاً بمبدأ

ضربوا الاعور على عينه قالهم مش دي التانية

الله ينور يا برنس

شارك هذه المشاركه


رابط المشاركه
شار ك علي موقع اخر

والله مبدأ خربانة خربانة دايما معايا

ومستحيل اتخلى عنه

شارك هذه المشاركه


رابط المشاركه
شار ك علي موقع اخر

:hhhh: :hhhh: :hhhh:

انا مش قادرة ابطل ضحك علشان ارد

بس بجد الموضوع جميل اوى اوى

بس ان شاء الله كل هتتعدل

اما بالنسة لموضوع المذاكرة

 

 

 

كتر حاجة موضوع المذاكرة ده

 

اصلنا الصراحة طلبة موذاكرين موذاكرين يعنى

 

واكلين الكتب م الاخر

 

حتى بالامارة تلاقى الكتاب على اخر الترم متبهدل و كأنك كنت بتكنس بيه بيتكم و مش عارف من ايه ؟؟هههههههههه

 

 

 

 

 

:hhhh: كل واحد يتكلم عن نفسوا :lololo:

انا عندى الكتب ما شاء الله بتفضل ذى ما هى والله ما بكتب عليها اسمى حتى

بس كتب المدرسة بس طبعا :at_wits_end:

شارك هذه المشاركه


رابط المشاركه
شار ك علي موقع اخر

Join the conversation

You can post now and register later. If you have an account, sign in now to post with your account.

زائر
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×
×
  • اضف...

Important Information

By using this site, you agree to our Terms of Use, اتفاقيه الخصوصيه, قوانين الموقع, We have placed cookies on your device to help make this website better. You can adjust your cookie settings, otherwise we'll assume you're okay to continue..