اذهب الي المحتوي
منتديات ياللا يا شباب
عاشق الصداقه

[حقيقه] فى بيتنا مجرمه .. مواقف وطرائف أختى الصغيره مروه

Recommended Posts

فى بيتنا مجرمه .. فى الموضوع ده هكتبلكم كلام واقعى جداً جداً جداً بدون اى تزييف للحقائق وبدون اى مغالاه او تهويل

 

اولاً المجرمه اللى فى بيتنا .. أقصد بيها أختى الصغيره (مروه) وما ادراكم ما مروه :)

كلمة عفريته قليله عليها .. ومن كتر عفرتتها .. ومن كتر ما كل يم اكتشف فيها جديد .. حبيت ادون المواقف دى فى الموضوع ده

لأمتاعكم اولاً .. وعلشان ترأفوا بحالى ثالثاً :) .. وعلشان يفضل الموضوع ده ذكرى ليها لما تكبر سابعاً

انا عملت لمورو عضويه هنا فى المنتدى : MORO علشان هتبقى عضويتها لما تبقى بتدخل نت وتشارك معانا وتورث المنتدى (قريباً) :)

اللى عاوز .. يسيبلها توقيع فى ملفها الشخصى :llll:

 

مروه المفروض ان سنها دلوقتى 5 سنين بالظبط (KG2).

هبدأ على طول واحكيلكم شوية حاجات من اللى مخليانى مسميها مجرمه chair[1].gif

والله مواقف كلها حقيقيه وبالنص بالظبط وبالحرف الواحد وموثقه من امى والكثير منها عاصرته بنفسى

 

اولاً .. طبعاً مروه دى آخر العنقود .. وحبوبة بابا .. وهى مستغله ده كويس جداً جداً جداً dance3[1].gif

 

1- مورو علشان بابا ياخد منها بوسه .. (لازم يدفع جنيه) .. والله الكلام ده بجد .. البوسه بجنيه .. لدرجة ان والدى بقى يحذر يبوسها .. بس ساعات كتير بينسى ..

وطبعاً .. هى مش بتنسى .. والمصدر ده لوحده اكبر مصدر قومى بيملا حصالتها (حصالتها دى اللى لو فتحتها وعطفت عليا هتجوزنى :) )

 

### مروه واصدقائى ###

 

2- مروه تعرف ناس كتييييييييييير من اصدقائى .. ومنهم ناس هنا فى المنتدى .. وابرزهم (ابو تسنيم ؛ عبد الله عرابى) وهم لوحدهم يكفوا لو حكوا عنها :)

متشرده جداً مع ابو تسنيم بالذات .. ساعات تكون راضيه عنه .. وتقول عليه خطيبى وتمام .. ثانيتين بس .. وتقلب عليه .. وهسيبلهم هما يتكلموا عنها فى النقطه دى .

 

3- فيه موقف مره غلطت واخدت مروه الجامعه معايا وكنا فى ملتقى جامعات الدول العربيه .. وكنت بتمشى بيها وعديت على الكافتريا ..

كان على الكافتريا الوفد الفلسطينى .. واول ما شافوها .. بنوته اموره وبضفاير وحركات .. افتكروها طفله :) .. ميعرفوش انها لا تحمل اى معنى من معانى الطفله البريئه

وجم جرى بسرعه .. ولاد وبنات .. "شو ها القمر .. بتسمحلنا نتصور معاها ؟؟" .. واليكم رد فعل مروه !!!

نظرة احتقار من فوق لتحت عليهم .. وتناكه مفيش بعد كده ..وقالت بسخريه واستنكار: "ايه ده!! (كأنها بتقول : ياسمممم) " .. وخدت ايدى وقالت " ياللا يا احمد " .. والوفد كله انهار ضحك :)

### مروه فى المنزل ###

 

4- الانسه مروه اكتر كلمه مش بتفارق بقها (انا حاسه بفراغ .. عاوزه اعمل اى حاجه!! .. هو انا هقعد فى البيت حاطه ايدى على خدى كده ؟؟)

 

5- عاوز اصورلكم مروه وهيا بتتفرج على حاجه فى التليفزيون ومنسجمه .. رجل على رجل بقى ونايمه نومة المعلم .. منظرها خطييييييييييييييييييييير

 

6- نفسى اسجلكم مكالمة تليفون لمروه مع واحده من صحباتها .. " طيب هتنزلى النهارده ؟؟ .. بتعملى ايه دلوقتى .. اصلى انا مش عارفه اعمل ايه .. طب اقوللك ..... " وهكذا

 

بفضل مراقبها وهيا بتتكلم وبستغرب بجد .. طبعاً مش فاكر بالظبط كلامها .. بس دايماً بتتكلم كلام خطير :wink:

 

7- مروه (كان عندها 4 سنين) بتكلم أختى الكبيره .. بعد ما جالها واحد يخطبها ورفضته : " انتى ليه بترفضى كده وخلاص يا ابله ؟؟ اقعدى معاه اتكلمى معاه .. لو مش عجبك خلاص مش تتجوزيه (والله زى ما قالت بالنص كده) "

 

8- أمى مره بتزعق مع مروه علشان عملت حاجه غلط .. قالتلها .. انتى اخرتك زى ممدوح (اخويا الصغير .. صايع حبتين وفاشل تعليم زيى :llll: ) .. فضلت تبكى ساعه كامله .. وأختى الكبيره تحاول تسكتها ..

تقول لأختى الكبيره وهيا بتبكى .. " دى شبهتنى بممدوح يا ابله " .. وتبكىىىىىىىىىىى (ده طبعاً استحقار كبير للأخ ممدوح :) )

 

9- معايا اتنين عيال عمى فى كليات .. وبيجولنا كتير .. ومروه بتحبهم جداً .. واحد فيهم مطلعه عينه .. كل ما تشوفه تخليه يلاعبها .. والتانى يذاكرلها .. وكل واحد فيهم تقوله انت خطيبى (خاطبه نص شباب مصر) .. وكله لمصلحتها ..

 

10- مروه فى تاكسى وهيا راجعه معانا من البلد (كان سنها 3 سنين وشويه) .. حاطه ايديها الاتنين على وشها ومغطياه خالص .. امى بتسألها ليه كده ؟؟ .. ردت "شعرى هيتلخبط من الهوا .. يعنى لما انزل انزل وشعرى منكوش كده !!"

 

11- مروه دخلت عليا اودتى من سنه .. ( كان سنها 4 سنين ) وقالتلى .. " يا احمد انت ليه مش قاعد معانا بره ؟؟ " (رغم انى مش بحب ادخل معاها فى نقاش رديت عليها) "علشان قاعد على الكمبيوتر يا سكر"

مروه : "طيب ما تقعد معانا بره قدام التليفزيون" (رديت : مش بحب التليفزيون يا سكر .. بس بحب الكمبيوتر) .. مروه : "بتحب الكمبيوتر اكتر مننا يا احمد ؟؟!!" .. (رديت : ليه يا حبيبى بتقولى كده ؟؟)

مروه : "علشان انت كل ما تيجى كل اسبوع تعقد على الكمبيوتر ومش بنشوفك خالص .. انا عاوزاك تقعد معانا .. عاوزه اتكلم معاك .. اشوفك .. لكن انت مش بتحبنا ومش عاوز تقعد معانا .. براحتك يحمد (وخرجت زعلانه) :) "

تصدقوا بالله .. انها خلتنى افكر كتييييييييييير بعد ما خرجت !!!!!!! :)

 

12- مروه قاعده دايماً مع ممدوح فى البيت .. وبتحبه جداً .. وهو من كتر اللى شايفه منها مش بيطيقها (او بيظهرلها كده chair[1].gif ) .. مره طقت فى دماغها تنام مع ممدوح .. فضلت تترجاه . انام معاك النهارده بس والله

وهو يقولها لأ .. انا مش طايقك ويرميها بعيد .. (يا دوحه انام معاك والنبى) .. يقولها لأ برضه.. (طب هنام معاك النهارده وخد ربع جنيه) :) .. برضه لأ .. (طب خد جنيه ونص) .. لأ .. متحاوليش برضه ..

دخلت اودتها .. فتحت الحصاله .. وجابت اللى فيه النصيب .. وطلعت تانى لممدوح .. (اهى 10 جنيه اخر كلام وانام معاك والنبى) .. ووافق ممدوح للإغراء ده .. لأنه شحات وغلبان زيى كده ... واتضح بعد كده انها فى اليوم ده كانت خايفه لأنها سمعت فلم رعب :)

 

13- مروه مش بتحب امى تشيل اى طفل صغير .. وبتغير جداً جداً .. وبتنبه على امى قبل ما نروح بلدنا فى كل مره وتقولها (اوعى تحرجينى هناك وتشيلى حد .. علشان مش هكلمك قدامهم ها !! ..)

 

14- مروه وهيا صغيره قوى .. ويادوب بتعرف تنطق أسمائنا .. كنت وانا راجع من الدرس تعرفنى على بعد 200 متر .. والله لو امى واقفه معاها فى البلكونه مش بتعرف انى انا .. وتفضل تنادى :

 

أددددددد (تقصد : احمد) . اااااااااددددددد .. وهكذا مع اخويا ممدوح .. كانت فى ميعاد رجوعه من الدرس بالظبط تحبى بسرعه للبلكونه .. تلاقيه جاى على اول الشارع مع صحابه .. وتشتغل زى سرينة الاسعاف :

دووووووووووووح .... دووووووووح .. (كان بيتغاظ منها جداً .. لأنها بكده مكنتش مدياله فرصه يوقف ولا دقيقه مع اصحابه بعد الدرس) .. ممدوح يطلع البيت ويقول .. هى بتشم ريحتى ؟؟ عندنا كلب فى البيت !!

لأ وظابطه مواعيدها بالظبط .. تروح البلكونه وهو جاى بالظبط .. نفس اللى كان بيحصل معايا clapping[1].gif

 

### مروه السوسه مع ابى وامى ###

 

ملحوظه : (مروه قارشه ملحة والدى معرفش ليه .. رغم انه طيب وامور وحبوب خالص والله ..)

 

15- اول يوم مروه رايحه فيه الحضانه .. والدى اخد اجازه من شغله علشان يوديها الحضانه ويروح معاها اول يوم .. بعد ما لبست وكل حاجه تمام .. بصتله كده باشمئزاز من فوق لتحت .. وقالت لماما :

 

"جوزك قصير انا ممشيش معاه :) " (امى : معلش يا بابا .. روحى معاه النهارده بس وبعدين نغيره) ... مروه : "لا مليش دعوه .. هاتيلى اب كبير امشى معاه" .. وفضلت تناكف معاهم نص ساعه .

 

16- والدى مره كان متنرفز وزعق حبتين مع والدتى .. (مروه لوالدتى : على فكره .. طلقيه قبل ما يطلقك) .. انقلب الموقف كله لضحك بعد ما كان الجو عصبيه وزعيق :) (الله يخرب بيت التليفزيونات)

 

17- والدى بيناكف مع امى علشان مطبختش اللى اشتراه النهارده .. مروه ترد عليه : "طيب ما انت اللى جبته متأخر!! هى تعمللك ايه يعنى ؟؟ تقطع نفسها ؟؟ ..

وبعدين ماهو لو طبخته النهارده او بكره .. كده كده هتاكله بكره .. مستعجل ليه بقى !!" ... (طبعاً والدى معرفش يرد .. وحضنها وباسها .. ودفع جنيه :) )

 

18- مروه وامى ووالدى بيتفرجوا على التليفزيون .. وفجأه وبدون مقدمات .. مروه سألت أمى "هو اللى اختارك ولا انتى اللى اخترتيه ؟؟" .. أمى ردت وهى مش فاهمه او مش متوقعه السؤال : (مين يا مروه ؟؟)

مروه : "بابا" .. أمى ردت : (هو اللى اختارنى) .. مروه : "وانتى وافقتى عليه ليه !!" .. امى ردت (علشان عجبنى) .. مروه وقفت مره واحده وشاورت على والدى من فوق لتحت بقرف واستنكار واستهزاء وقالت " ده !!!!!!! " :llll:

### مروه والحب .. وكابتن على ###

 

اسمحولى اوضح بس كام حاجه .. مروه بتحب كابتن على ده جدا جدا جدا جدا جدا .. لأنه اكتر واحد عاش معاها ولعبها وخرج معاها ودلعها .. ومسمياه خطيبى .. رغم انها بتخطب اى حد تشوفه او ليها عنده مصلحه

لكن ده اكتر واحد هيا فعلاً معتبراه خطيبها .. وليهم قصة حب مع بعض تقطع القلب .. (رغم ان سن كابتن على ده 30 سنه)

كابتن على : .. ابن عمتى .. وعاش معانا فتره كبيره .. حارس مرمى بنادى الالومنيوم الرياضى .. وحالياً بيشتغل فى الكويت .. واليكم بعض المواقف ..

 

19- مره كان الكابتن عندنا ومتضايق شويه .. مروه قالتله (على .. انا شيفاك متغير ..) .. رد كابتن على : " لا يا حبيبتى مفيش حاجه " .. (مروه فضلت تغنيله: شكلك ميطمنش .. فى عنيك حاجه قلقانى .. طب ليه ما بتتكلمش !! .... ) قاطعها طبعاً ... وضحك جداً وحضنها

 

20- كابتن على يوم عيد ميلاد مروه (3 سنين) .. مخبى الهديه .. وجايب معاه فاكهه .. وعاوز يشوف رد فعل مروه .. وهو داخل : (ياللا يا مروه .. جايبلك عنب وتين علشان عيد ميلادك) .. ردت عليه باستنكار شديد وايدها فى وسطها :

 

" لا يا بابا .. عيد الميلاد مش بيجيبوا فيه فاكهه .. بيجيبوا هديه .." .. سكتت شويه وقالت : " خاطبه فكهانى انا !! " .. وازداد الضحك على كلامها :) .

 

21- لما كابتن على خطب :) .. مش عاوز اقوللكم اللى حصل علشان مش هتصدقوا chair[1].gif .. طبعاً مورو بتحب كابتن على جداً جداً .. وفاهمه بجد انه خطيبها .. واول ما عرفت انه خطب .. فضلت تبكى اسبوع كامل ومش بتكلم اى حد :)

اول مره جه البيت عندنا بعدها .... وهو بيحاول يسلم عليها .. (سيبنى .. يا خاين يا غشاش ..) وتبكى بطريقه غير عاديه .. (ليه عملت معايا كده ؟؟ شبتنى ليه ؟؟ هو انا عملتلك حاجه !!) وتبكى وتبكى ..لدرجة خلت امى والكابتن على عيطوا بجد :) .

 

22- بعد فتره صغيره من خطوبة كابتن على .. طلع من محفظته صورة خطيبته وبيوريهالنا .. مروه قالتله "وريهالى كده يا على" .. واول ما مسكت الصوره .. قطعتها بسرعه وبغيظ على كذا حته :) .

 

23- اول مره راحت بيت كابتن على بعد ما اتجوز .. اول ما شافت مراته لأول وهله .. وقدامها .. شاورت عليها وقالتله " دى اللى سبتنى علشانها ؟؟ فيها ايه زياده عنى !! علشان اطول منى شويه يعنى ؟؟ ما انت لو استنيتنى كنت سنتين وهبقى قدها :) "

 

24- مروه فى بيت كابتن على بعد ما اتجوز بشهر .. مراته بنيه صافيه بتقول لمروه "عاوزه تلعبى بالعجله يا مروه ؟؟ " .. مروه ردت بغيظ " لا يختى .. مش كفايه اخدتيه !! سيبينى اقعد معاه شويه .. ايه ده :) "

 

25- مروه قالت لكابتن على مره .. عاوزه اتكلم معاك شويه .. وخدها البلكونه واتكلموا .. طبعاً فى ( ليه سبتنى وكده ) .. قاللها علشان يرضيها (ده انا اتجوزتها علشان تغسلى لبسى وكده لحد ما انتى تكبرى بس)

ردت عليه المجرمه الصغيره بنبرة لوم : "هو انت لسه هتضحك عليا تانى !!"

 

############################################################

 

 

 

طبعاً دى بس بعض المواقف .. وما خفى كان اعظم :)

 

حبيت احطلكم الكام موقف دول كحلقه اولى لمروه المتشرده المجرمه ..

 

مش كده عندى حق فى عنوان الموضوع .. لما قلت (فى بيتنا مجرمه) .. بذمتكوا .. مش مجرمه ؟؟؟؟؟؟؟؟؟؟؟؟؟؟؟؟؟؟؟؟؟؟

شارك هذه المشاركه


رابط المشاركه
شار ك علي موقع اخر

سيتم وضع تحديثات واضافات الموضوع من مواقف جديده فى هذا الرد

 

تحديث بتاريخ : 25-5-2008

 

صورة أختى الصغيره مروه .. وهى تقريباً فى الثالثه من عمرها :wink:

 

 

mero.JPG

 

شارك هذه المشاركه


رابط المشاركه
شار ك علي موقع اخر

ههههههههههههههههههههههههههههههههههههههههههههههه

 

انا مش عارف اقول ايه بعد الموضوع ده وموضوع التشريد الجرايم كترت يا شباب

ربنا يخليهالك يارب

شارك هذه المشاركه


رابط المشاركه
شار ك علي موقع اخر

مش غريبتعمل معاكم كده انا مر عليا انواع من مروه اصلى عندى حضانه

يعنى بنت اسمها ياره بتأولى ياميس انتى مش دخلتى المدرسه قلت نعم

قالت : انت مش ذكرتى كويس

ضحكت وقلت ايون

قالت مش خالصتى الجامعه ذى ماما

قلت :اكيد خلصت

قالت وبمنتهى البراءه : امال له ياميس لسه فى الحضانه معانا

عرفت انى مش مستغربه ليه

شارك هذه المشاركه


رابط المشاركه
شار ك علي موقع اخر

أكثر من رائع يا كرينكل..

 

ربنا يخليهالكم ويحفظهالكم..ويباركلكم فيها..بسم الله ذهنها حاضر خالص ..وعقلها كبير ربنا يحفظها..

 

طيب ما تنزل صورتها..وطبعاً تثبت الموضوع..

 

ومنتظرين المزيد..

 

تحت عنوان يوميات مروة

 

رائع فعلاً يا كرينكل

شارك هذه المشاركه


رابط المشاركه
شار ك علي موقع اخر

ههههههههههههههههههههههههههههههههههههههههه

موضوع رائع بجد علي فكرة وانا بقراء المواقف دي

انا مش مصدقة ان طفلة عندها خمس سنين تعمل كدا او

تتكلم بالطريقة دي هههههههههههههههههههههه

ربنا يخليهالك يا احمد وتفرح بيها يارب علي فكرة انا اتشوقت

اني اشوفها عايزة اشوف الطفلة لمعجزة دي

شارك هذه المشاركه


رابط المشاركه
شار ك علي موقع اخر
11- مروه دخلت عليا اودتى من سنه .. ( كان سنها 4 سنين ) وقالتلى .. " يا احمد انت ليه مش قاعد معانا بره ؟؟ " (رغم انى مش بحب ادخل معاها فى نقاش رديت عليها) "علشان قاعد على الكمبيوتر يا سكر"

مروه : "طيب ما تقعد معانا بره قدام التليفزيون" (رديت : مش بحب التليفزيون يا سكر .. بس بحب الكمبيوتر) .. مروه : "بتحب الكمبيوتر اكتر مننا يا احمد ؟؟!!" .. (رديت : ليه يا حبيبى بتقولى كده ؟؟)

مروه : "علشان انت كل ما تيجى كل اسبوع تعقد على الكمبيوتر ومش بنشوفك خالص .. انا عاوزاك تقعد معانا .. عاوزه اتكلم معاك .. اشوفك .. لكن انت مش بتحبنا ومش عاوز تقعد معانا .. براحتك يحمد (وخرجت زعلانه) "

 

 

 

 

من شابه أخااااه فما ظلم

ولا كده من شابهت بنت أخوها؟!......

شارك هذه المشاركه


رابط المشاركه
شار ك علي موقع اخر

والله يا احمد بصراحة ربنا يخليه ليكم بجد

بصراحة هايله وخطيرة

ونفسى اشوفه اهو يمكن ابقا خطيبة فى مرة

هههههههههههههههههههههههههههههههههههههههه

شارك هذه المشاركه


رابط المشاركه
شار ك علي موقع اخر

لفت انتباهي ان فيه اولاد وبنات كتير بيتولدو وهما هاديين ومنطويين

لذلك بيلجا اباءهم لهرضهم علي اطباء نفسيين او مختصين في مجال التنميه الفكريه

 

لذلك ايمانا منا نحن اعضاء فريق ياللا نجاح تعيين مروه رئيسه قسم اللماضه والعفرته في المركز

لكي تعطي كورسات مكسفه للاولاد المنطويين حتي يسايرو ركب اللماضه والانفتاح الفكري

شارك هذه المشاركه


رابط المشاركه
شار ك علي موقع اخر

بجد مش كلام وخلاص خلتنى أشتاق جدا أشوف مروة

 

وأكلمها وألعبها شكلها شقية قوى وذكيه جدا وسبقا سنها

 

 

ربنا يخليها لماماتها وباباها

 

ويخليها ليك وتفضل تحكى عنها وتفرحوا بيها

 

 

وأنا مستعدة أدفع 10جنيه وأخد بوسة واحدة وأكلمها والاعبها شوية

 

 

 

بدس أحمد عامر

شارك هذه المشاركه


رابط المشاركه
شار ك علي موقع اخر

تصدق ياد يا كرنكل اول مرة اقرا الموضوع ده

 

بص انا عندي عرض خطير

 

انت تفتح محل في اي حته في مصر

وتسيب في مروة

طبعا الزبون هيدخل المحل يشتري هيلاقي عيله ضغيره

يقول اضحك عليها في السعر

وادي دقني لو مبقيتش مليونير في ظرف سنه

شارك هذه المشاركه


رابط المشاركه
شار ك علي موقع اخر

هههههههههههههههههههههههههههههههه

بجد ربنا يحميها

ع فكره انا بحب اللماضه لكن مش للدرجه دى

وربنا يقويكم عليها

هههههههههههههههههههههههههههههههه

شارك هذه المشاركه


رابط المشاركه
شار ك علي موقع اخر

الموضوع خطيييييييييييييير طحن يا كرينكل... صحيح اني عارفة مروة بس ماكنتش اتخيل انها للدرجة دي

:) ....

 

 

بس انت ما خطرش في بالك انها ممكن تقرا الموضوع ده و تكافأك مكافاة مجزية

:lololo::cry::cry:

 

 

:):):cry::):sad::)

شارك هذه المشاركه


رابط المشاركه
شار ك علي موقع اخر
ههههههههههههههههههههههههههههههههههههههههههههههه

 

انا مش عارف اقول ايه بعد الموضوع ده وموضوع التشريد الجرايم كترت يا شباب

ربنا يخليهالك يارب

 

هههههههههههههههه

متقلقش يا حبى .. كتر الجرايم خير :cry:

سعيد بمرورك

 

مش غريبتعمل معاكم كده انا مر عليا انواع من مروه اصلى عندى حضانه

يعنى بنت اسمها ياره بتأولى ياميس انتى مش دخلتى المدرسه قلت نعم

قالت : انت مش ذكرتى كويس

ضحكت وقلت ايون

قالت مش خالصتى الجامعه ذى ماما

قلت :اكيد خلصت

قالت وبمنتهى البراءه : امال له ياميس لسه فى الحضانه معانا

عرفت انى مش مستغربه ليه

 

هههههههههههههههههههههههههه

ما شاء الله .. الاطفال دول عساسيل وحبايبى والله .. بس بيحسسونى انى مكنتش طفل

شكراً لردك يا بسنت .. وسلامى لـ ياره :)

 

أكثر من رائع يا كرينكل..

 

ربنا يخليهالكم ويحفظهالكم..ويباركلكم فيها..بسم الله ذهنها حاضر خالص ..وعقلها كبير ربنا يحفظها..

 

طيب ما تنزل صورتها..وطبعاً تثبت الموضوع..

 

ومنتظرين المزيد..

 

تحت عنوان يوميات مروة

 

رائع فعلاً يا كرينكل

 

الموضوع هيكون متجدد ان شاء الله يا شيتوس ..

بالنسبه للصوره .. أنا نزلتهالك فى الرد التانى للموضوع .. وبعدين انت ليك زياره للبيت ان شاء الله ولازم هتيجى عندى

وهتشوفها ان شاء الله .. واكيد هتطلع عينك :)

 

ههههههههههههههههههههههههههههههههههههههههه

موضوع رائع بجد علي فكرة وانا بقراء المواقف دي

انا مش مصدقة ان طفلة عندها خمس سنين تعمل كدا او

تتكلم بالطريقة دي هههههههههههههههههههههه

ربنا يخليهالك يا احمد وتفرح بيها يارب علي فكرة انا اتشوقت

اني اشوفها عايزة اشوف الطفلة لمعجزة دي

 

شكراً كتيييييييييييييييييير لمرورك الجميل بنت مصريه :cry:

ان شاء الله هتشوفيها .. أكيد هبقى أجيبها مركز ياللا نجاح

(ملحوظه : مش هتحضر .. لأ هتدى كورسات تشرد للأطفال هناك :) )

 

من شابه أخااااه فما ظلم

ولا كده من شابهت بنت أخوها؟!......

 

ما شابه التشرد أختى ندى ..

سعيد بمرورك

 

والله يا احمد بصراحة ربنا يخليه ليكم بجد

بصراحة هايله وخطيرة

ونفسى اشوفه اهو يمكن ابقا خطيبة فى مرة

هههههههههههههههههههههههههههههههههههههههه

 

شكراً زورو

 

لفت انتباهي ان فيه اولاد وبنات كتير بيتولدو وهما هاديين ومنطويين

لذلك بيلجا اباءهم لهرضهم علي اطباء نفسيين او مختصين في مجال التنميه الفكريه

 

لذلك ايمانا منا نحن اعضاء فريق ياللا نجاح تعيين مروه رئيسه قسم اللماضه والعفرته في المركز

لكي تعطي كورسات مكسفه للاولاد المنطويين حتي يسايرو ركب اللماضه والانفتاح الفكري

 

ههههههههههههههههههههههههههه

وهيا أكيد هتوافق يا عرابى .. بس الأول المبلغ كام !!

لأنها زى ما انت شايف .. ماديه جداً :lololo:

 

بجد مش كلام وخلاص خلتنى أشتاق جدا أشوف مروة

 

وأكلمها وألعبها شكلها شقية قوى وذكيه جدا وسبقا سنها

 

ربنا يخليها لماماتها وباباها

 

ويخليها ليك وتفضل تحكى عنها وتفرحوا بيها

 

وأنا مستعدة أدفع 10جنيه وأخد بوسة واحدة وأكلمها والاعبها شوية

 

 

 

بدس أحمد عامر

 

10 جنيه .. مممممممممممممممم

مظنش إنها هترفض العرض المغرى ده :)

ربنا يخليكى يا رب .. ومتشكر لردك ومرورك الجميل

 

 

تصدق ياد يا كرنكل اول مرة اقرا الموضوع ده

 

بص انا عندي عرض خطير

 

انت تفتح محل في اي حته في مصر

وتسيب في مروة

طبعا الزبون هيدخل المحل يشتري هيلاقي عيله ضغيره

يقول اضحك عليها في السعر

وادي دقني لو مبقيتش مليونير في ظرف سنه

هههههههههههههههههههههههههههه

تصدق فكره يابو حميد .. إن شاء الله لما نفتح شركة البرمجه والتصميم قريب .. هنشغلها معانا مبيعات .. وطبعاً ربنا يسامحنا من اللى هيحصل فى العملاء :cry:

 

هههههههههههههههههههههههههههههههه

بجد ربنا يحميها

ع فكره انا بحب اللماضه لكن مش للدرجه دى

وربنا يقويكم عليها

هههههههههههههههههههههههههههههههه

 

يقوينا عليها !!! :sad::):)

لا على فكره متقلقش .. مورو رغم كل ده مطيعه جداً .. وخصوصاً ليا (مجرد بصه بس .. تفهمنى وتعمل اللى عاوزه)

ودى أجمل حاجه فيها .. أجمل من التشرد نفسه :)

شكراً لمرورك .. وأهلاً بيك معانا

 

الموضوع خطيييييييييييييير طحن يا كرينكل... صحيح اني عارفة مروة بس ماكنتش اتخيل انها للدرجة دي

:) ....

 

بس انت ما خطرش في بالك انها ممكن تقرا الموضوع ده و تكافأك مكافاة مجزية

:):):)

 

:):):):):):)

 

ومين قال يا متحديه أنها مكافئتنيش .. دى بمجرد ما شافت الموضوع وأنا بقراه لوالدتى .. الأول .. بكت وزعلت ولازم تحذفه وحاجات من دى

وخاصمتنى يومين .. وبعدها خدت حقها بايدها منى :)

 

ربنا يكرمك بيها ويخليهالك

بس شقوتها لذيذه

ربنا يخلهالك ويحميها من عنينا كلنا

 

ربنا يكرمك يا رب

شكراً لمرورك الجميل

 

تحيتى للجميع

شارك هذه المشاركه


رابط المشاركه
شار ك علي موقع اخر

ربنا يكون فى العون والله الحمد لله اللى معايا ارحم بكتييييييييييييير .. لكن الغريب ولا باين عليها فى الصورة ملاك بيلاعب الكاميرا

شارك هذه المشاركه


رابط المشاركه
شار ك علي موقع اخر

ههههههههههههههههههههههههههههههههههههههههههههههههههههههههههههههه

والله العظيم اختك دي تحفه وانا هموت واشوفها بجد هنعرف نتعامل مع بعض

جداااااااااااااااااااااااااااااااااااااااااااااااااااااااااااااااااااااااااااااا

ااااااا :smile::) :)

شارك هذه المشاركه


رابط المشاركه
شار ك علي موقع اخر

بجد البت اختك مروة دي كفائة وتعجبني

انا كده بحبها قوي وبجد نفسي اشوف الشخصية العبقرية دي

شارك هذه المشاركه


رابط المشاركه
شار ك علي موقع اخر
ربنا يكون فى العون والله الحمد لله اللى معايا ارحم بكتييييييييييييير .. لكن الغريب ولا باين عليها فى الصورة ملاك بيلاعب الكاميرا

 

شكراً يا بشمهندس على تعليقك الجميل

ملاك !! والله إنت طيب :keda:

ما خفى كان أعظم يا بشمهندس والله

 

ههههههههههههههههههههههههههههههههههههههههههههههههههههههههههههههه

والله العظيم اختك دي تحفه وانا هموت واشوفها بجد هنعرف نتعامل مع بعض

جداااااااااااااااااااااااااااااااااااااااااااااااااااااااااااااااااااااااااااااا

ااااااا :):smile::)

 

هههههههههههههه

إن شاء الله أبقى أجيبها معايا مره تحضر أو تحاضر فى ياللا نجاح .. وتبقوا تشوفوها :)

بس أنا غير مسئول عن الحضور والمدربين وكل الناس

هيه بس كبرت شويه عن المواقف اللى موجوده فى الموضوع وابتدت تتخذ مسارات إجراميه أكبر خطوره

 

بجد البت اختك مروة دي كفائة وتعجبني

انا كده بحبها قوي وبجد نفسي اشوف الشخصية العبقرية دي

 

شكراً لمرورك زمردة المنتدى

وان شاء الله تيجى فرصه وتشوفيها فى ياللا نجاح برضه :wink:

تحيتى ليكم جميعاً

ومنورين الموضوع

 

والله فيه مواقف كتير تانيه حصلت وبتحصل وفيهاحاجات افتكرتها متكتبتش فى الموضوع مش عارف اضيفها فى ردود ولا فى الموضوع نفسه

عموماً غن شاء الله هضيف مواقف تانيه للمجرمه الصغيره

 

إنتظروا قريباً ..

.

.

.

.

.

.

.

.

.

.

.

.

 

رد مروه على الموضوع ده بنفسها

شارك هذه المشاركه


رابط المشاركه
شار ك علي موقع اخر

هههههههههههههههههههههههههههههههههههههههههه

 

مروة دي حتة سكرة بجد وبجد نفسي اشوفها واكتسب منها خبرات

دي كفاءة

شارك هذه المشاركه


رابط المشاركه
شار ك علي موقع اخر
عاشق الصداقه يتحدث: [بعد مناورات شديده مع مروه كى تقوم بالرد فشلت فى التوصل لرد منها سوى]

 

 

 

انا قلت كل الحاجات اللى انت كاتبهالى يا احمد

 

بس انا مش عارفه ارد اقول ايه

 

هى كلمه مفيش غيرها

 

بحبكم جميعا

 

بس السلام عليكم

 

 

[عاشق الصداقه يتحدث : كان هذا كل ما قالته مروه :) ]

شارك هذه المشاركه


رابط المشاركه
شار ك علي موقع اخر

كان ما سبق هو رد مروه فى اولى مشاركاتها بالمنتدى :)

 

عند زيارتها لشركتى مع أسرتى .. أجلستها على مكتبى وقرأت لها الموضوع وطلبت منها الرد وأرهقتنى كثيراً

 

وبعد عناء شديد قالت ما سبق

 

كنت أود أن تكتب المزيد ، ولكنها اصابها العقل فى هذا اليوم :)

 

سأرفق لكم صورة مروه (فى سنها الحالى 7 سنوات ) وهى تجلس على مكتبى عند كتابتها لهذا الرد

 

هذا بعد أن أقوم بإستخراج الصوره من هاتف أخى :)

 

تحيتى لكم

شارك هذه المشاركه


رابط المشاركه
شار ك علي موقع اخر
دخلت اودتها .. فتحت الحصاله .. وجابت اللى فيه النصيب .. وطلعت تانى لممدوح .. (اهى 10 جنيه اخر كلام وانام معاك والنبى) .. ووافق ممدوح للإغراء ده .. لأنه شحات وغلبان زيى كده ... واتضح بعد كده انها فى اليوم ده كانت خايفه لأنها سمعت فلم رعب

 

ربنا يكون في عونك والله ويخليهالك .. بس 10 جنيه طبعا بالنسبالها مش مبلغ طالما البوسه بجنيه يعني شوية هزار مع ابوها تعملها 15 او 20 جنيه مثلا .. طب هو مسكين هيلاحق علي مصاريف البيت ولا علي مروة !!!

شارك هذه المشاركه


رابط المشاركه
شار ك علي موقع اخر

والله مروة دي طيبه اوي وعسوله خالص

والدليل ردها .... عارفة ان ليها معجبين في المنتدي

فكان ده الرد المنطقي ....

ربنا يخليهاللك ياعاشق الصداقة وتبقي مانا في المنتدي ومنوراه

شارك هذه المشاركه


رابط المشاركه
شار ك علي موقع اخر
10- مروه فى تاكسى وهيا راجعه معانا من البلد (كان سنها 3 سنين وشويه) .. حاطه ايديها الاتنين على وشها ومغطياه خالص .. امى بتسألها ليه كده ؟؟ .. ردت "شعرى هيتلخبط من الهوا .. يعنى لما انزل انزل وشعرى منكوش كده !!"

 

ههههههههههههههه

 

لا طبعا دى انسه ازاى يعنى شعرها يتلخبط

 

(اوعى تحرجينى هناك وتشيلى حد .. علشان مش هكلمك قدامهم ها !! ..)

 

هههههههههه لا شخصيه برضو

 

 

"جوزك قصير انا ممشيش معاه " (امى : معلش يا بابا .. روحى معاه النهارده بس وبعدين نغيره) ... مروه : "لا مليش دعوه .. هاتيلى اب كبير امشى معاه

 

مروه لوالدتى : على فكره .. طلقيه قبل ما يطلقك)
هههههههههههههههههههههههههههههههههههههههههههههههههههههههههههههه

يا نهار ابيض

 

مروه وامى ووالدى بيتفرجوا على التليفزيون .. وفجأه وبدون مقدمات .. مروه سألت أمى "هو اللى اختارك ولا انتى اللى اخترتيه ؟؟" .. أمى ردت وهى مش فاهمه او مش متوقعه السؤال : (مين يا مروه ؟؟)

مروه : "بابا" .. أمى ردت : (هو اللى اختارنى) .. مروه : "وانتى وافقتى عليه ليه !!" .. امى ردت (علشان عجبنى) .. مروه وقفت مره واحده وشاورت على والدى من فوق لتحت بقرف واستنكار واستهزاء وقالت " ده !!!!!!! "

 

ههههههههههههههههه

يا لهوى ايه البنوته السكر دى

ما شاء الله عليها لمضه اوى

 

" دى اللى سبتنى علشانها ؟؟ فيها ايه زياده عنى !! علشان اطول منى شويه يعنى ؟؟ ما انت لو استنيتنى كنت سنتين وهبقى قدها "

ههههههههههههههه

لو واحده كبيره مش هتقول كدا

ههههههههههههههههههه

بس الرجاله كلها كدا يا اختى خونه بينحدروا من اعلى لاسفل زى الشلالات

ولا يهمك

 

 

 

 

ما شاء الله اموره يا احمد

 

ربنا يخليهالكم

 

احنا مجرد قرينا الكلام , امال لو شوفتها كنت شكلى كدا بعت اللى ورانا واللى قدامنا واستلفت اده مرتين تمن البوس اللى كنت هديهولها

عاوزه صورتها يا احمد

تم تعديل بواسطه تقوى القلوب

شارك هذه المشاركه


رابط المشاركه
شار ك علي موقع اخر

Join the conversation

You can post now and register later. If you have an account, sign in now to post with your account.

زائر
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

جاري التحميل ...

×
×
  • اضف...

Important Information

By using this site, you agree to our Terms of Use, اتفاقيه الخصوصيه, قوانين الموقع, We have placed cookies on your device to help make this website better. You can adjust your cookie settings, otherwise we'll assume you're okay to continue..