6 ردود على هذا الموضوع

[angel_of_mercy]

Tweet

يا عندليب قول غنوتك
واحكي علي بلوتك
الغنوة مش هتموتك
لكن كتم الغنا هوة اللي يموتك

و عجبي!!

من هذا المنطلق ، تقرر افتتاح (المركز العالمي للفضفضة النفسية)
الموافق اليوم و كل يوم، في اللحظة دي و كل لحظة
ياتلحق الفرصة يامتلحقهاش
لكل المكتئبين و المزرزرين و اللي الدنيا مدياهم الوش الجبس

زورونا تجدوا مايسركم

الفزيتة:
عادي 2,5 جنيه زغازيغ من عند البقال
مستعجل 5جنيه زغازيغ برضه

و كلمة للحياة

امشي علي الارض بخفة و دلع
الدنيا هية الشابة وانت الجدع
تشوف جمال خطوتك تعبدك
لكن انت لو بصيت لرجليك تقع

و عجبي!!

ملفات مرفق

•  funny_nouf_6_.jpg   26.85كيلو بايت   0 عدد مرات التحميل

Tweet

[AMR DAWAM]

أولا أهنئك لافتتاحك المركز الذى طال انتظارنا له ........... ألف الف مبروك
وكنت انوى بان اكون اول المُعالجين فيه بين يديكى ولكن انتى وضعتى العلاج قبل ان يتم الكشف وانا انصحك بأنكى بهذه الطريقة سوف لا تربحين اى شئ من هذا الموضوع
ماعليكى فعله هو ان تحذفى اخر مقطوعة من اعلانك عن المركز حتى لا يستفيد منها المكتئبين والمزرزرين وغيرهم وانا سوف ارسل اليكى حالات اكثر واكثر بس اهم حاجة اوعى تنسى النسبة :D

تم تعديل هذه المشاركة بواسطة AMR DAWAM: 24 December 2006 - 10:31 PM

[صناع الحياه]

انا مشكلتي الوحيده اني لما بلاقي ان نفسي فاهمه نفسي بهرب من نفسي عشان مواجهش نفسي بنفسي فما بالك يا دكتوره لما الاقي حد بيفهمني وبيفهم نفسي وكمان بيساعدني اني اواجهم ببعض.

[angel_of_mercy]

الحمد لله بدا نشاط المركز بعد مافضلنا ننش اسبوع و دخلت اول حالة ..
الحالة: رجل في الثلاثين من العمر،باين عليه التعب و الهم وهدومه منعكشة
و بيصرخ و يقول : الحقووني!!
قلتله :خير يابشمهندس ؟ ريح نفسك مش كده ،صحتك يا راجل
قاللي :ماهو اللي بيحصلي يادكتورة مابيحصلش لحد ..دة ظلم
قلتله :طب اهدي و تعالي نتكلم بهدوء
رميته علي الشزلونج و طفيت النور ماعدا لمبة قالووظ واحدة
و قلتله:هاه احكيلي بقه مظلوم في ايه؟
قاللي :مراتي يادكتورة مراتي
قلتله :مالها؟
قاللي :طول النهار لازقة قدام التلفزيون
انادي عليها .. ماتردش عليا .. تبقي قاعدة قدامه و كانه سرق منها كل حواسها
فهي ما بتشوفش و لا بتسمع الا التلفزيون
اقولها يا أمال العيال عايزين يتعشوا و لا حياة لمن تنادي
قلتله: و الحكاية دي من امتي؟
قاللي: من ساعة ما القناة التانية بليتنا بالمسلسل المكسيكي
قلتله: طيب يا اخي مش قادر تستحمل مراتك 30 يوم
قاللي : 30يوم ايه يادكتورة .. مراتي دلوقتي ببتفرج علي الحلقة 110
و اللي يفرسك ان الاحداث بتتكرر يعني اللي شفتيه من شهر هوة هواه دلوقتي
لا و المؤلف خياله واسع مابيتنهيش من الاحداث
لأ و المصيبة؟
قلتله :خير ؟؟ ايه تاني
قاللي : طول الليل و هي بتخترف و تنادي علي ماريا و اليخاندرو
قلتله:لا حول و لا قوة الا بالله .. طب ماتقفل التلفزيون و خلاص
قاللي : ماتفكرنيش يادكتورة ..
في يوم من الايام المشئومة دخلت انادي عليها عشان تكوي القميص
يا اماااااااااااااااال
ياامااااااااااااااااااااااااااال
يا اممااااااااااااااااااااااااااااااااااااال
و سولت اليا نفسي اني امسك الريموت و اطفي التلفزيون و عينك ماتشوف الا النور
برقت ووشها احمر و فطت في رقبتي ..كانت هتموتني لولا اني بالصدفة ضغطت علي زرار الفتح
(اللي مديون له بحياتي) بمجرد ما سمعت الصوت ارتخت صوابيعها و جرت علي الكنبة عشان تكمله
قوليلي يادكتورة اعمل ايه؟
قلتله : حل مشكلة مراتك مش عندي .. ان هدفي انك تفضفض
و بالمناسبة هوة اليخاندرو اتجوز ماريا و لا لسه؟؟؟
فلقيت الرجل قعد يصوت وهوة بيقول :لااااااااااااااااااااااااااااااااااااااااااااااااااا
بس مش عارفة ليه!! :(

[AMR DAWAM]

بجد السؤال محير جدا : هو الراجل صوت ليه ؟ :-? :(
يا حماعة ياللى فى المنتدى حد ينورنا ويقولنا هو الراجل عمل كده ليه
وبعدين انا ببشرك بمستقبل باهر يا دكتورة فى مجال الفضفضة الراجل ده هيحكى للدنيا كلها وهيعملك سمعة من نووووووووووووور

[angel_of_mercy]

شكرا ياعمرو علي الرد
و علي فكرة انا برضه باسال هوة صوت ليه؟؟ <_<
بس انا قريت من الجرايد انه انتحر من يومين و مكتوب في النعي
انه بيشكرني اني ساعدته انه ياخد القرار
لانه من ساعة ماخرج من عندي و حس ان الدنيا ماتستهلش
يالا ادينا بنعمل خير و بنرميه في البحر

ملفات مرفق

•  wh_43572762.jpg   19.81كيلو بايت   3 عدد مرات التحميل

[عاشق الصداقه]

الموضوع جميل ... وظريف بس لو جاد كان حيبقى أفضل بكتيييييييييير كمان ..
يعنى أنا بجد كنت داخل دلوقتى أفضفض .. وأبحث عن العلاج ... لكن فيه مريض قبلى متعالجش ..
أخى " صناع الحياه " ... قال مشكلته بس الدكتور مردتش عليه .. ياريت الرد علشان من هنا ورايح حيبقى فى زحمه على العياده دى لو إننا شفنا حد إتعالج بجد ... لأن كلنا أمراض نفسيه ومحتاجين علاج يا دكتور .. ياريت الرد .. وأنا حكشف بعده مستعجل ؟