اذهب الي المحتوي
منتديات ياللا يا شباب
ali desoky

عاوز اشتغل حرامي ..

Recommended Posts

عاوز اشتغل حرامي ..

 

 

 

كانت الساعة تقريبا 3 صباحا لما كان عم جميل ماشي في الشارع ولمح احد الاشخاص بيحاول التسلل لاحد البيوت .... قرب عليه بسرعة وسأله : بتعمل إيه هنا ؟

 

الراجل وهو مرتبك : بعمل إيه يعني ؟ ... بمعملش حاجة .. انا مستني واحد صاحبي .

 

عم جميل : يا عم إنت مرتبك ليه كده ؟ ... هو إنت خايف تقولي إنك كنت عاوز تسرق البيت ده ؟

 

الراجل : بيت إيه يا عم إنت إلي انا عاوز اسرقه ... لو سمحت سيبني امشي ..

 

عم جميل : إنت فاكرني بوليس ولا إيه ؟ ... إهدى كده ومتوترنيش معاك ... ميغركش شكلي النضيف ده ... انا راجل على باب الله , كل إلي معايا هي الهدمة إلي انا لابسها دي ... أعد ياإبني لما احكيلك حكايتي .

 

الراجل : حكاية إيه يا عم إنت إلي هتحكهالي الساعة تلاتة بليل ... اوعى كده خلينا امشي .

 

لكن الراجل يستسمحه عشان يحكيله الحكاية : معلش ياإبني ... هما كلمتين محشورين في زوري ... يرضيك يعني ما قولهومش وازور ...الصبر حلو يا استاذ ... إبقى إسمع الكلمتين وبعدين روح شوف مصالحك .

 

الراجل ملقاش مفر من سماع الحدوته بتاعة عم الحاج ده : قول يا سيدي وخلصنا .

 

عم جميل : انا كنت شغال شغلانة محترمة وكان معايا فلوس كتير ... لكن ولادي طمعو في القرشين إلي معايا ...... ودلوقتي انا محتكمش على مليم احمر .

 

الراجل وهو متأثر بكلام عم جميل : يا خبر ! ... وانا إلي كنت مفكرك من الناس إلي معاها فلوس كتير ...لأ كمان إفتكرتك من سكان الشارع هنا وخفت لتبلغ عني البوليس ...

 

عم جميل وهو بيضحك : هههههه ... الله يحظك يا إسمك إيه ؟ ... انا لو معايا عشرة جنيه في جيبي كنت وقفت إتكلمت معاك اصلا ... انا يا إبني دلوقتي خالي شغل ونفسي اشتغل أي شغلانه ... بقولك إيه ما تشغلني معاك مساعد حرامي .

 

الراجل : يا عم هتشتغل إيه بس ؟ .... تعرف إنت إيه عن الإجرام والفساد ؟

 

عم جميل : خد فيا ثواب وعلمني ... هو انت يعني كنت مولود حرامي ؟ ... ما انت اكيد شربت الصنعة دي على إيد واحد من المجرمين الكبار اوي .

 

الحرامي وهو متأثر : الله يمسيك بالخير يا عم شألطة
don-t_mention.gif
... كان اكبر حرامي غسيل فيكي يا منطقة ... كان عارف مواعيد غسيل كل ست بيت في المنطقة وكان عامل بيهم جدول كان بيدرسهولنا في محاضراته .... انا بقى شربت الصنعة منه وطورت شوية في اسلوبي وبقيت بدل ما اسرق حبال غسيل بس .. بقيت ادخل جوه البيوت واسرق إلي انا عاوزه من غير ما حد يحس .... إييييييييه دنيا ..... فكرتني بالذكريات الحلوة يا استاذ .... آه صحيح متعرفناش ؟

 

عم جميل : محسوبك جميل .... مهندس سابقا .... حرامي حاليا على إيدك إن شاء الله .

 

الحرامي : إن شاء الله هحاول انقلك خبرتي في عالم الإجرام ... بس إنت لازم تكون حويط وواعر اوي زيي كده ... ولازم تعرف يا عم جميل إن الست الوالدة داعيالك عشان إنت دلوقتي شغال مع واحد مترشح يتحط في موسوعة جينس للارقام القياسية كأزكى حرامي على مستوى العالم ....... يا عم جميل .. بينا نقتحم البيت ده .

 

جميل : يلا بينا .... انا عندي خطة كويسة ... انا هروح ارن الجرس وإنت تكون مستخبي ورا الشجرة دي ... اول ما حد يفتح انا هضربه بحته عصايا واشاورلك عشان ندخل .... إيه رأيك ؟

 

الحرامي : تمام كده .... دإنت ماشاءالله عند ميول إجرامية عظيمة .

 

وفعلا يروح عم جميل يرن الجرس .... ويعمل إلي إتفقو عليه ... بعدها يشاور لشريكه ويدخلو علطول البيت .

 

جميل لشريكه : تعالى ورايا ... دي اكيد اوضة النوم ... اكيد هنلاقي فيها فلوس كتيرة .

 

الحرامي وهو في غاية الإنبساط : جايلك يا ألوفاتي العزيزة .

 

ولكن قبل ما يكمل كلمته ... ياخد ضربه على راسه ويقع على الارض ...

 

اول ما فاق لقى نفسه مربوط و ادامه عم جميل وجنبه شابين .

 

جميل : إتصل يا إبني بالبوليس خليهم ياخدوه ..... ويبص للحرامي وهو بيقول .. نسيت اعرفك بنفسي انا البشمهندس جميل صاحب البيت ده . ....

 

تمت ..

شارك هذه المشاركه


رابط المشاركه
شارك

هههههههههههههههههههههه

 

السلام عليكم مستر علي حبيبي ف الله

 

انا ضحكت بجد قبل اي كلام اقوله من سذاجه الحرامي الجميل ده

 

هو فعلا هيدخل موسوعه جينيس برقمه القياسي في الغباء

 

جزاك الله خيرا اخي الحبيب

 

ومليون مبروك الخطوبه

شارك هذه المشاركه


رابط المشاركه
شارك

ومالو :2:

 

 

جزاك الله خيرا مستر على :lol::lol:

شارك هذه المشاركه


رابط المشاركه
شارك

إتصل يا إبني بالبوليس خليهم ياخدوه ..... ويبص للحرامي وهو بيقول .. نسيت اعرفك بنفسي انا البشمهندس جميل صاحب البيت ده

 

 

والله الحراميه كتروا

ربنا يجمع كل الحراميه

ويحمينا منهم

شارك هذه المشاركه


رابط المشاركه
شارك

جزاكم الله خيرا علي ردودكم الجميله

شارك هذه المشاركه


رابط المشاركه
شارك

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.

سجل دخولك الان

×