اذهب الي المحتوي
منتديات ياللا يا شباب
عاشق الصداقه

يا جماعه أسمع لمين فى اللى حاصل ده مع ولا ضد ثورة مصر ؟

Recommended Posts

السلام عليكم ورحمة الله وبركاته

 

الفئه الأكثر دلوقتى .. مش عارفه مين صح والصح فين وتوقف مع مين وتسمع لمين وسط التخبط الكبير ده من شخصيات كلها موثوقه

 

نصيحتى الغالية واللى بقولها لله ..

 

لو مش متأكد فى الوقت ده - متسمعش لحد

 

أيوه متسمعش لحد

 

لو إنك غير متأكد مين صح وفين الصح متسمعش لحد لحد ما الموضوع يهدى وهتعرف الصح فين

 

ليـــــــــــــــــــــــــــــــــه ؟

 

تعرفوا قصة تكوين جهاز المخابرات الامريكية (ياريت تقروها فى ردى اللى جاى) وكم التلاعب الفكرى اللى ميجيش على بال حد فى العالم

 

اللى احنا فيه دلوقتى فيه خطط وأفكار وحاجات كتير جداً بتحصل - صعب جدا جدا جدا اننا نلم بيها كلها ونفهمها كلها ونفهم الصح مين وفين وليه بيحصل كذ أو كذا ..

 

فيه ناس عقولها أكبر من عقولنا بكتييييييييييييييير جداااااااااااااااااا بإعترافى شخصياً ..

 

لما يكون الاحداث اللى حاصله دلوقتى فى محاولات للسيطره على الوضع الحالى فى مصر والخروج من الأزمه - ممكن يكون بيدير ده سياسيين بقدرات عقلية وفكرية كبيره جدا جدا جدا

 

صعب نفهم كل الالاعيب والخطط والأفكار ونحكم عليها ونعرف مين مع ومين ضد وليه ؟؟

 

فتجردوا من كل شىء .. وقولوا :

 

اللهم قدر ما فيه الخير للبلاد والعباد

 

واللهم إحفظ مصر وأهلها من أى سوء ،، وإمنحها الأمن والإستقرار والمستقبل الأفضل وسائر بلاد المسلمين

 

وعند الفتن - علينا الرجوع لأهل العلم والدين - ما حكم الدين - وما الذى يجب أن يكون عليه موقفنا الآن ..

 

وهذا موضوع جمعت فيه أراء رجال الدين فى الأحداث الأخيره بتجرد تام وبآراء مختلفه (من هنا)

 

وجزاكم الله خيراً

شارك هذه المشاركه


رابط المشاركه
شار ك علي موقع اخر

هحكيكم فى الرد ده حكاية فوق الرائعه (فى كم الإستفاده منها) .. تخفف من اللى الإنقسام اللى حاصل وتفهم شبابنا ليه المفرض دلوقتى نكون حذرين من أى حاجه نعرفها ،، ونكون مع ولا ضد ولا ....

 

قرأت فى كتاب (كنت بحب القراءة وفاضى زمان) للكاتب الرائع (نبيل فاروق) ..

وكان من روائع الكتب اللى قرأتها .. وكانت القصة قديمة مأخوذه من ملفات الجاسوسية العالمية (مشهوره وحقيقية) .. كما يقول الكاتب والكتاب

 

كان محور الكتاب والقصة بإختصار .. إن كان طبعاً وقتها أكبر قوتين فى العالم هما الإتحاد السوفيتى (قبل تفتته) وأمريكا ..

وحكى الكاتب فى القصة إن أمريكا أول ما إبتدت تكبر وتظهر وتبقى قوة كبيره فى وش الإتحاد السوفيتى .. قرروا فى أمريكا إنهم يكونوا جهاز مخابرات علشان يكونوا بقوة الإستخبارات السوفيتيه .. ورشحوا ناس من أكفأ رجالهم فى أمريكا .. وإتعمل جهاز المخابرات الأمريكية ومارس مهامه ..

 

وسط القصة ووسط الأحداث .. كان فيه إجتماع سرى مهم جداً للمخابرات الأمريكية - وجهاز الاستخبارات السوفيتيه عاوزين باى طريقه وبأى ثمن يعرفوا خفايا الإجتماع واللى إتقال فيه .. وأرسلوا واحد من أكفأ جواسيسهم لأمريكا ،، وجهاز المخابرات الأمريكى عرفوه وحطوه تحت مراقبة مشدده ..

 

وفوجئوا إنه بيتصرف عادى جداً ويروح وييجى فى البلد ونازل فى فندق عادى وبيأدى دوره وكأنه سائح مثلاً .. وبرضه مراقبينه

 

وفجأه وفى يوم أخدوا بالهم إنوا نزل من المبنى الخاص بالفندق اللى هوا قاعد فيه على المواسير من خلف الفندق ،، ومشى فى شوارع ضيقه بسرعه وكانت دى طريقه منه ليفلت من المراقبه اللى هوا أكيد عارف إنهم متابعينه (وإتضح إنه كان بيحرص على إنه يبين إنه بيتخفى منهم لكنه كان بيقصد انهم يفضلوا مراقبينه !!)

 

المهم إنه أجرى إتصال غامض حاولوا بسرعه يعرفوا الرقم اللى اتصل بيه بعد ما ساب كبينة الإتصال بطرقهم - ولقيوا إنه غير الرقم بعد ما إتكلم برقم تانى لإنه عارف الخطط دى ..

لكن كانوا متأكدين إنه كده إتصل بالجاسوس اللى فى أمريكا للمخابرات السوفيتيه واللى عن طريقه هيعرف أو يبحث الوثائق والحاجات المهمه اللى حصلت فى الإجتماع السرى للمخابرات الأمريكية .. وبالفعل كملوا مراقبته ،، وهما منتظرين يعرفوا مين الجاسوس اللى عندهم اللى هو هيقابله !!

 

هو فى إتصاله - إتصل بأحد أهم الرجال المخلصين لأمريكا فى جهاز المخابرات الأمريكية ،، وقاله إنه عنده معلومات مهمه جداً عن العميل السوفيتى اللى جاى ياخد معلومات عن الإجتماع السرى للمخابرات الامريكية (وهو أصلاً اللى بيكلمة) ،، وإشترط عليه إنه يجيله حالاً فى ميدان كذا لوحده ومن غير ما يعرف حد و ....

 

المهم فعلاً راحله فى الميدان اللى اتفقوا عليه .. والمراقبين للجاسوس السوفيتى منتظرين - مين العميل اللى وسطهم اللى هييجى يقابل السوفيتى ده .. مين الخائن للوطن امريكا !!

 

وفجأه وقف الدم فى عروقهم لما لقيوا إن أحد اهم قياديهم هو اللى جاى يقابله (وإعتقدوا إنه الخائن) رغم كونه أحد أهم رجالهم الموثوق فيهم ..

وفجأه وهو بيعبر الميدان جات عربية وخبطته وجريت بسرعه ،،

 

وإختفى بسرعه رهيبه الجاسوس السوفيتى فى نفس الوقت !!!!!

خدوا بالكم كده إيه اللى حصل !!

كده جيه سوفيتى ،، وخلا واحد من اهم اللى فى جهاز المخابرات الامريكى ييجى يقابله ،، وخلا اللى مراقبينه يعتقدوا انه هو العميل للسوفيت واتقتل فوراً وهو مظلوم أصلاً ،، وده هيحدث إنقسام رهيب فى قادة جهاز المخابرات الأمريكى !! - لأنهم كانوا يعتقدوا إنه من أهم قياديهم ومن أكثرهم تاريخ مشرف وثقه عند الجميع !!

 

فى نهاية القصة قرأت :

 

طيب حد هيسأل : كده برضه فلان 1 (رئيس جهاز المخابرات السوفيتيه) معرفش الأسرار ولا استلم الوثائق اللى حصلت فى إجتماع جهاز المخابرات الأمريكية عن طريق الجاسوس اللى بعتوه !! - لكنه إستلم الوثائق بالفعل من فلان 2 (رئيس جهاز المخابرات الأمريكية) - إللى هو نفسه فلان 1 (رئيس جهاز المخابرات السوفيتيه) !!!!!!!!!

يعنى إتضح إن رئيس جهاز المخابرات السوفيتيه - زرع نفسه من زمااااااان فى أمريكا وحكومتها و .... وليه إنجازات كتير وكشف حاجات كتير من أسرار الاتحاد السوفيتى وكون بنفسه جهاز المخابرات الأمريكية ..

 

هل يا إخواننا دى ناس طبيعية ؟؟؟

بجد بجد حد يقولى - هل دى ناس دماغها طبيعية زيينا ؟؟

 

لا شك إن فيه إختلاف بين الناس فى القدرات البدنية والعقلية وغيرها ..

طيب خلينا نسقط ده على وضعنا دلوقتى .. فى ثورة مصر

اللى بيخطط دلوقتى لكيفية الخروج من الأزمة - ناس مش طبيعية !

أكيد أكيد إللى بيخططوا دلوقتى ناس بمستويات عقلية كبيره جداً ممكن تلعب بعقول العالم كله فى أيام ..

وبيحاولوا يرسموا سيناريوا لأحداث معينه تخللى يحصل كذا ونتيجة ليه يحصل كذا فيحصل إنقسام فى كذا وكذا ونتيجة ليه هيحصل يا إما كذا يا إما كذا ،، لو حصل كذا هنعمل كذا علشان كذا أما لو حصل كذا فالسيناريو هيكمل إنه يحصل كذا وبعدها كذا و .......

 

حوارات محدش يعتقد إنه يقدر يتوقعها كاملة ولا يفهمها ولا يحكم على اللى جاى ايه ولا اللى بيحصل ليه !!

إحنا بنقول رأيننا على قد قدراتنا العقلية ومن وجهة نظرنا التحليلية - لكن مش معنى ده اننا أكيد صح وتحليلنا صح !!

يبقى بدعوا للمره التانيه نتجرد لله تعالى ،، لأننا منعرفش - أيوه منعرفش - الصح فين دلوقتى !

 

المخططات دى شفنا إزاى الأحداث فى يومين بس خلت ده بيقول يمين وده بيقول شمال ، وده بيقول جماعة الإخوان تبع أمريكا ، وناس تقول إن مدير صفحة كلنا خالد سعيد مش عارف عميل ، وناس تقول إن جماعة 6 أبريل وغيرها كتير تلقوا تدريب قال على ايد اسرائليين فى أمريكا وقطر وتيجى واحده تعترف بده وتفضل تبكى ،، وليه (قطر - وليه اسرائيل - وليه الجزيره) ،، ومين صح ومين كداب ومين خطه ومين خبث ومين .......

 

حاجات كتير وكبيره يا إخواننا ،، فبالله عليكم دلوقتى (حاولوا متسمعوش لحد) - وتجردوا بالدعاء لله تعالى :

 

اللهم قدر ما فيه الخير لمصر وأهلها ( وهو اعلم جل وعلى بما هذا الخير !! )

 

يعلم الله وحده - إنى (رغم قناعتى الشخصية بإن لازم مبارك يرحل ويتحاكم كمان على اللى بيعملوا ده هو واتباعه من الخطط دى اللى فى أحداثها بيروح ضحايا كتير من أبناء مصر إخواننا فى الله) لكن كتبت الموضوع ده والقصة دى بتجرد لله تعالى .. لوجه الله .. بدون إنحياز ولا تأييد لأى حد أو فكر حتى ..

أنا خايف على عقول شبابنا - لأن اللى بيحصل مش قليل

 

وحسبنا الله ونعم الوكيل

شارك هذه المشاركه


رابط المشاركه
شار ك علي موقع اخر

كلامك صح يا عاشق الصداقة وعلشان كدة انا بجد مش عارف اسمع لمين مع انى مقتنع جدا باللى فى دماغى الى حين اشعار اخر

وربنا يهيئ اللى فيه الخير للبلاد والعباد

شارك هذه المشاركه


رابط المشاركه
شار ك علي موقع اخر

بسم الله الرحمن الرحيم

 

جزاك الله خيرا اخي الغالي الحبيب عاشق الصداقه

 

والله كلماتك هذه تسطر بماء الذهب لما فيها من الفوائد الجميله

 

فعلا حبيبي في الله انقسم الشعب المصري وهذا ما كنت اتوقعه منذ زمن والله

 

كنت اخشي ان نكون مثل العراق

 

عندما رايت انقلاب اخواننا في العراق علي رئيسهم واعمال التخريب والسلب والنهب

 

خشيت علي مصر جدا جدا

 

حدث هذا لتفرقهم عن بعض تجد سنة وشيعة ومؤيدين ومعارضين

 

الان عندنا تجد اخوان واحزاب ومؤيدين ومعارضين

 

بجد كما قلت انت اخي الكريم الناس في حيرة من امرها مش عارفين مين الصح ومين الغلط

 

ومن يتبعون وممن ينفرون

 

عارف يااحمد عندنا في دمياط بالنسبه لنا مجتمع روتيني شويه بسبب طبيعه شغلنا

 

ومواعيد العمل وغيره طبعا احنا بقالنا اسبوع مفيش شغل طبعا ده في حق دمياط عار

 

يعني انا شايف في عيون الشباب الدمياطي عدم الرضي لما يحدث الان

 

نحن لم نتعود علي الجلوس في بيوتنا مثلا

 

او عمل اعتصامات تزيد عن الحد المقبول مثلا

 

عندنا كانت دمياط كلها ضد النظام في يوم 25

 

لكن بعد القاء الرئيس خطابه الاخير

 

ماظهر لنا ان الاخوان فقط هم من يعارضون الان وهذا ليس بجديد عليهم

 

هم في معارضه دائمه للنظام هذا ماعهدناه عنهم

 

اما الشعب الدمياطي واقول واثق في كلامي ليسوا انصار الحزب الوطني وليسوا بلطجيه مبارك

 

كما تدعي القنوات السافرة المأجورة

 

انهم شعب بسيط خرج ليعبر عن رايه ببقاء النظام هذه الفترة القليلة

 

لماذا اطلق عليهم بلطجيه وخونه؟؟

 

لماذا اطلق عليهم عملاء مبارك؟؟؟

 

اليس من حقهم الاختيار؟؟؟

 

وعلي فكرة انا لست منحازا للنظام الحاكم ولا اعتقد معتقد الاخوان المسلمين

 

معتقدي هو دعوة الي الكتاب والسنة بفهم سلف الامة

 

هناك مثل بلدي مصري الصنع بيقول:

 

ويمكن ده اللي باقي مصري 100% دلوقتي

 

المثل بيقول( اضرب علي الحديد وهو سخن )

 

وده اللي عملته القنوات السافره المأجورة

 

بعد خطاب مبارك الاخير انقسم الشعب مابين مؤيد ومعارض

 

ومن ثم انقسموا الي مؤيدين الاستقرار والاخوان المعارضين للنظام

 

ومن هنا اخي الغالي احمد صنفت القنوات السافرة المأجورة الناس الي قسمين اثنين فقط

 

وهما معارضي الرئيس وبلطجية الرئيس

 

لان الموضوع كده هينتهي بسرعه مفيش اثارة ومتعة والناس دي قنواتها لازم تشتغل

 

فكان لازم يحصل تفرقه بين الشعب معارضين (( وبلطجية))

 

سؤال بس؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

الشعب ده كان فين قبل خطاب الريس اقصد البلطجيه كانوا فين ؟؟؟

 

حد يجاوبني لاني تعبت بجد

 

 

مكنتش اعرف ان معظم الدوله بلطجيه

 

 

 

انهرده في دمياط كان فيه سبعة الاف من مؤيدي الاستقرار (( بلطجيه علي حد زعم بعض الناس ))

 

وثلاثة الاف من الاخوان ولم اقل معارضي النظام بل هم الاخوان لان كده الرؤية وضحت تماما

 

 

يعني احنا دلوقت بلدنا انقسمت الي شقين اخوان وبلطجيه ولا حول ولا قوة الا بالله

 

يعني انا عشان مش عايز خراب ودمار وان اخويا المسلم يموت ابقي بلطجي؟

 

يعني انا لما اقول ننظر شويه للدين ونتضرع الي الله عز وجل ابقي بلطجي؟؟

 

ولاهو يجب عليا اني اكون في مرابط في ميدان التحرير عشان ابقي وطني وبحب بلدي؟؟

 

تضاربت الاقوال وكما قلت انت اخي الغالي هناك عقول اكبر من عقولنا بكتير جدا صدقت في هذا والله

 

وكأننا في مسرح عرائس الليله الكبيرة والعالم كتيرة

 

كل فئة من الشباب ليهم اللي بيحركهم علي مزاجه

 

منهم عاطفته بتحركه ومنهم حزب بيحركه ومنهم جماعة ما بتحركه ومنهم قنوات بتحركه

 

وتمت الليله الكبيرة علي مسرح ميدان التحرير

 

ابطاله شباب مصر من كل طوائفه

 

ولايزال العرض مستمر

 

 

والمشاهده مجانيه لجميع دول العالم

 

 

الا مصر المشاهده عندنا تمنها غالي اوي

 

دم شباب مصر هو التمن

 

اسف للاطاله وجزاكم الله خيرا

 

 

 

 

 

 

 

 

شارك هذه المشاركه


رابط المشاركه
شار ك علي موقع اخر

جزاك الله كل الخير حبيبى إبن تيمية ،، وأشهد الله أنى أحبك فى الله :)

قرأت ردك كاملاً ،، وأنا متفق معاك تماماً - لكن فيه بعض النقاط اللى كمان لازم توضح ..

 

كدب اللى قال إن كل اللى طلع من مؤيدى مبارك (ركز مؤيدى مبارك) - مش مؤيدى الإستقرار فى مصر - لأن المفاهيم إختلطت دلوقتى :)

مش كل اللى طلعوا من مؤيدى مبارك بيأيدوا مبارك !!!!

ومش كل اللى طلع برضه خونه ولا بلطجية ..

 

زى ما قلت فى موضوعى ده إن فيه تلاعب كبير بيحصل ولازم نركز لده كويس واحنا بنقرأ أى أحداث ..

 

بخصوص اللى خرجوا لتأييد مبارك ،، فيه ناس كتيييييييييييييييير منهم أثر عليها إعلامنا المصرى (حسبى الله ونعم الوكيل فيهم) لأن صوت الإعلام مش قليل .. ده ممكن يكون أفكار عامه كبيره جداً ويخليها قيمة فى عقول الناس كمان ويخللى عندهم معتقد ان مبارك ده مش عاوز اقولك ايه ،، وانه خيار الأمان الوحيد لمصر وفيه ناس غلابه (منهم والدتى) معتقدين إن مشى مبارك - يعنى الامريكان اللى هيشيلوه وييجوا يحكموا مصر زى العراق ؟؟؟

 

الناس دى هى الأغلبية من الأحداث دلوقتى .. من اللى كانوا مؤيدين فى الأول للتظاهر السلمى اللى حصل والمطالب المشروعه للشعب المصرى المظلوم المقهور من الحاكم الظالم ده

بعدها وبالخصوص بعد خطاب مبارك حصل الانقسام .. ناس صدقته لطيبتها ،، وناس قرت الخبث فى كلامه .. وناس شافت بعنيها انه بعد ما قال ان همه الاول امن واستقرار المواطنين بعت بلطجيته يضربوا فيهم بقنابل المولوتوف والرصاص الحى وسقط مئات الجرحى وماتت ناس قاعده مسالمة بتطالب بحقوقها الشرعيه .. (الجيش مسك ناس من اللى هجموا دول وخصوصاً اللى بخيول وجمال وتأكدوا انهم مستأجرين من قيادات الحزب الوطنى) - مين عنده عقل يصدق كلمة (مسئوليتى الاولى الان هى استعادة أمن واستقرار الوطن) وبعدها بساعات يبعت البلطجيه اللى عملوا كده !! - ده يتصدق تانى ولا يؤتمن على مصر وأبناؤها ؟؟

 

لكن هل كل اللى طلعوا فى المظاهرات المؤيده بلطجية (بالتأكيد لأ) - التقوا بناس قالت انهم كانوا طالعين لميدان مصطفى محمود زى ما عارفين (يعبروا عن رأيهم انهم عاوزين مبارك) .. وفوجئوا بإن المظاهرات توجهت للتحرير وفى مقدمتها البلطجية واعضاء الحزب الوطنى .. يعنى فيه ناس كتير اتخدعت فى الحوار ده (غير ان كتير طلعوا لإقتناعهم ان مبارك يعنى استقرار مصر وعدمه يعنى فسادها وده مش لازم يكون صح ومش لازم يكون خطأ) - بس مبارك مش هو النبى المرسل يعنى ،، وعلى رأى الشيخ محمد الصغير (نفترض إنه مات - تبقى البلد باظت ؟؟) .. مش هتوقف على مبارك .. وما علينا من النقطه دى

 

والله يا أخى ابن تيمية ،، والله وصلت جوابات لأماكن كتير فى الدولة (شفت بنفسى فى مصنع الالومنيوم عندنا) وسمعت من قناة العربية بعد كده انه فى كل المحافظات ..

جوابات وصلت للمصالح الكومية والمصانع تلزم بالنزول الإجبارى لعدد كبير من الموظفين يؤيدوا مبارك (ده تزوير أصوات زى طريقتهم المعهوده فى تزوير الإنتخابات) ..

وناس كتير جداً نزلت وناس تانيه رفضت وكان منهم صديق والدى احد المسئولين فى المصنع هنا عندنا وقال مطلعتش حد من ادارتى كمان ..

 

فيه فصيل تالت نزل بعبارات تحفيزية (سمعت بنفسى أحد قيادى الحزب الوطنى على قناة العربية) عمال بيقول انا ادعوا من منبر العربية ان كل واحد بيحب مصر ينزل معانا بكره يقول بحب مصر - يقول عاوز الاستقرار لمصر - يقول لا للتدخل الغربى يقول نعم لمصر واستقرار مصر (دى إشتغالات - ما كل الشعب المصرى بيحب مصر) ،، ده حصل فيه تحريك لناس كتير نزلت بتحب مصر ،، وإترفعت قدامهم لافتات (نعم لمبارك) !!!!!!

 

الناس دلوقتى عاوزه الاحداث دى تخلص علشان مصر واستقرار مصر ... وكلنا عاوزين إستقرار مصر ،، وكلنا بنحب مصر

لكن حدث (إشتغاله) للناس لما ربطوا ان انزل قول بحب مصر ،، ويتحط قدامة بحب مبارك ونعم لمبارك !! - وده بالطبع مخطط ليه وانا والله قلت هيحصل كذا فى المظاهره دى ، وهيتحركوا بيهم للتحرير ويضربوهم ويقولوا اهى الثوره استهدفت استقرار مصر !!!! (مخطط هو سبب الحكم الحقيقى على اللى وجهوا الناس دى على انهم خونه وضربوا أبناء بلدهم بالقنابل ومعاهم بلطجية مستأجرين و .....) الناس دى هتروح من ربنا فين !! - حسبنا الله ونعم الوكيل

 

لكن مش كل اللى طلعوا بلطجية ،، ومش كل اللى طلعوا حزب وطنى ،، ومش كل اللى ضد وجود الناس فى ميدان التحرير دوقتى خونه ولا بلطجية ولا شرطة ولا قابضين ،، وكمان اللى فى ميدان التحرير مش عملاء وبتحركهم تنظيمات أجنبيه وبيستهدفوا امن واستقرار مصر و ....

 

وعلشان ده وده - احنا بنقول نتجرد لله تعالى - لأننا مش عارفين الصح فين ،، وندعى زى ما قلنا - ان ربنا يقدم اللى فيه الخير ،، وهو أعلم بهذا الخير وأين يكون فى الاحداث !!

الشعب ده كان فين قبل خطاب الريس اقصد البلطجيه كانوا فين ؟؟؟

حد يجاوبني لاني تعبت بجد

مكنتش اعرف ان معظم الدوله بلطجيه

 

لأ يا أخى الحبيب - البلطجية دول ورقه من مئات الاوراق اللى لعب بيها النظام فى الأحداث دى ،،

ولو حابب انا بإذن الله كنت بكتب مقال لكل مؤمرات النظام للخروج من الأزمة ،، ووقفت الكتابه فيه لما الأحداث بقت محتاجه منى متابعه أكتر وخطوات أهم فى المنتدى - من برمجة موقع الأخبار للموضوعات اللى كتبتها والردود اللى بحاول اناقش الأعضاء فيها ..

 

فيه بلطجية بالفعل ،، والنظام لجأ ليهم ضمن خطته فيما بعد الخطاب .. ولده أهداف ،، وأهدافه نجحت للأسف ،، وحسبى الله ونعم الوكيل ..

لكن مش معنى ده ان كل اللى طلعوا بلطجية ،، ولا كلهم يرضوا بإن يراق دم إخوانهم فى الإسلام بأيدى قواد تظاهراتهم

 

ماهو برضه علشان كل ده بنقول نتجرد - نتجرد لله - ونقول زى ما قلنا الدعاء اللى يوكل الامر كله لله ..

بدل ما نفضل ننقسم وننقسم وننقسم - لدرجة خلت الانقسام فى بيوتنا فى افراد الاسره الواحده ..

 

كلمة فى ودنك (لدرجة ان رجال الدين من أهم علماؤنا دلوقتى فى تخبط من اللى مع واللى ضد واللى على حياد !!)

إحنا بقى نروح فين ونعمل ايه !! - إذا كان ذكائم السياسى والسيناريوهات للخروج من الأزمة وصلتنا لكل ده !!

الحل فى أول الموضوع :rolleyes:

 

أخيراً أخى الحبيب - أشهد الله أنى احبك فى الله

واستغفر الله من أى حرف كتبته لا يرضى الله

وأفخر أننى مثلك متبع لكتاب الله وسنة رسول الله بفهم سلف الأمة ،،

ولا اتبع أى حزب سياسى ولا وطنى ولا دينى - وغن كانت ليست تهمه كما يراها البعض - ولكنها أيضاً للتجرد لله تعالى

وجزاك الله خيراً ..

 

أسألك الدعاء لمصر واهل مصر- احسبك على خير ولا أذكى على الله أحد

وأدعو الله لى - فقد إقتربت على أن ينهار جهازى العصبى بكامله - وحسبنا الله ونعم الوكيل

شارك هذه المشاركه


رابط المشاركه
شار ك علي موقع اخر

أقسم بالله العظيم انا محتار جداً ..

فالحكومة المصرية أفقدتنا الثقة فيها وفي أقوالها مع وعودها التي لا تتحقق وتعاقب الزمن ..

والقنوات الفضائية كالجزيرة لا يهمها سوي اشعال الفتنة .. ومآرب أمير قطر - بلد القناة - معروفة للقاصي والداني بحلم تزعم الدول العربية ...

والولايات المتحدة كأنما تود إشعال الفتنة هي الأخري بطلبها تنحي الرئيس الفوري .. وهي تعلم ان الشعب لا يقبل كلمة من أي شخص خارجي ..

وإسرائيل يتحدث احد وزرائها ويقول أود الذهاب لمصر واقناع الشعب المصري بالتمسك بمبارك لاننا نخشي وصول الاخوان للسلطة من بعده .. وكأننا سننتظر كلمات بسلامته بفارغ الصبر وننفذها أو أنه يغفل انه وزير من دولة عدوة ..

وحتي ايران تقول ان مصر علي اعتاب دولة اسلامية حديثة .. وكأنما تنسب الفضل في الثورة لنفسها أو انها تخبرنا اننا نسير علي خطي حددتها هي لنا مثلاً ..

ونشاهد أشخاص ممن شاركوا بالثورة في لحظاتها الاولي يقولون ان اغلبهم غادر الميدان ومن وجد بعدها اشخاص لهم تطلعات سياسية اخري .. ولا أعلم إن كانوا صادقين أم لا

ونشاهد جواسيس يتم القبض عليهم .. فالطبيعي ان ينتشروا في هذا التوقيت لأسباب كثيرة اهمها انشغال الامن ...

فما الذي يحدث من حولنا .. أما آن لنا أن نفهم ؟؟

لذا قررت أن التزم الصمت عما يحدث حتي استوعب ما يحدث حولي , فالكلمة يجب أن تكون محسوبة في تلك الأيام فهي اما لك او عليك ...

كل ما أملكه الآن هو الدعاء ان يديم الله علي بلدنا الوحدة والأمان وألا يجعل بأسنا بيننا شديد ..

شارك هذه المشاركه


رابط المشاركه
شار ك علي موقع اخر

جزاك الله خيرا اخى عاشق الصداقه

كلمات منتهى الرووووووووووووووووعه فعلا

بجد ربنا يكرمك وينصر المظلومين يارب

وحسبى الله ونعم الوكيل فى الظالمين وفى كل من يقلب الحقائق

ويارب يعدى الازمه على خير ولنعلم من هو حقا عدونا ومن يريد تضليلنا

ربنا يستر يارب

شارك هذه المشاركه


رابط المشاركه
شار ك علي موقع اخر

جزاك الله كل الخير حبيبى علاء .. وكل ما ذكرت لا تعرف فيه من مع ومن ضد ومن يفعل ماذا ولماذا !!

 

لذا قررت أن التزم الصمت عما يحدث حتي استوعب ما يحدث حولي , فالكلمة يجب أن تكون محسوبة في تلك الأيام فهي اما لك او عليك ...

كل ما أملكه الآن هو الدعاء ان يديم الله علي بلدنا الوحدة والأمان وألا يجعل بأسنا بيننا شديد ..

 

هذا أفضل ما ذكرت ،، وجزاك الله كل الخير ،، والله نسأل أن يقدم ما فيه الخير للبلاد والعباد

وحسبنا الله ونعم الوكيل

ويارب يعدى الازمه على خير ولنعلم من هو حقا عدونا ومن يريد تضليلنا

ربنا يستر يارب

 

جزاكِ الله كل الخير أختى (حياتى من أجل ربى) ،، والله نسأل أن يلطف بنا

شارك هذه المشاركه


رابط المشاركه
شار ك علي موقع اخر

Join the conversation

You can post now and register later. If you have an account, sign in now to post with your account.

زائر
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.




  • محتوى مشابه

    • بواسطه VIRUS
      نشر الموقع الرسمى لوزارة الدفاع، فعاليات المناورة " قادر 2020"، والتى تنفذ على مختلف الاتجاهات الاسترايتيجية، وتتضمن مشاركة كافة أسلحة الجيش الجديدة من طائرات مقاتلة و حاملات المروحيات، ومنظومات الدفاع الجوى، وغيرها من أسلحة الجيش المختلفة
      معذرةً على الموسيقى في الفيديو
      وتشهد الأيام القليلة المقبلة قيام القوات المسلحة بتنفيذ المرحلة النهائية من المناورة (قادر 2020) ، حيث شاركت تشكيلات ووحدات القوات المسلحة من القوات البرية والبحرية والجوية وقوات الدفاع الجوى بالإضافة إلى عناصر القوات الخاصة من الصاعقة والمظلات فى تنفيذ عدد من الأنشطة التدريبية تتضمن عمليات الفتح الإستراتيجى للقوات على كافة الإتجاهات الإستراتيجية للدولة وعلى ساحلى البحرين الأحمر والمتوسط . ومن المقرر تنفيذ عدد من الرمايات بالذخيرة الحية لمختلف الأسلحة من القوات البحرية والقوات الجوية وقوات الدفاع الجوى والقوات البرية، بما يثبت قدرة القوات المسلحة على تأمين المصالح القومية للدولة والتعامل مع كافة العدائيات على كافة الإتجاهات، وتعد المناورة (قادر 2020) تأكيداًعلى قوة وجاهزية القوات المسلحة لحماية مقدرات وثروات الوطن ، حيث شهدت القدرات القتالية للقوات المسلحة تطوراً ملحوظاً خلال السنوات الخمس الماضية.
    • بواسطه عاشق الصداقه
      نتيجة الشهادة الابتدائية الترم الثانى 2016

      نقدم لكم طلابنا الأحبة نتائج الصف السادس الابتدائى الترم الثانى فى جميع محافظات مصر ونعرض نتيجة الشهاده الابتدائيه فى محافظة الاسكندريه ومحافظة القاهره ومحافظة الجيزه ومحافظة القليوبيه ومحافظة البحيره ومحافظة المنيا ومحافظة كفر الشيخ ومحافظة الدقهليه ومحافظة الشرقيه ومحافظة المنوفيه ومحافظة اسيوط ومحافظة بنى سويف ومحافظة اسوان ومحافظة الوادى الجديد ومحافظة الاسماعيليه ومحافظة دمياط ومحافظة البحر الاحمر ومحافظة الفيوم ومحافظة الغربيه ومحافظة السويس ومحافظة شمال سيناء ومحافظة قنا .
       
       
      يوجد عدة طرق للتعرف على نتيجة الشهادة الإبتدائية 2016
       
      أولاً: الإستعلام عن النتيجة برقم الجلوس: http://r.natega-eg.info
       
      ثالثاً: روابط مباشره للتعرف على نتيجة الشهاده الابتدائيه 2016 الترم الثانى - من موقع التربية والتعليم لكل محافظة
      =========================================
       
      نتيجة الصف السادس الابتدائى محافظة القاهرة إضغط هنا
      نتيجة الصف السادس الابتدائى محافظة الإسكندرية إضغط هنا أو هنا
      نتيجة الصف السادس الابتدائى محافظة دمياط إضغط هنا
      نتيجة الصف السادس الابتدائى محافظة الفيوم.. إضغط هنا
      نتيجة الصف السادس الابتدائى محافظة الجيزة إضغط هنا
      نتيجة الصف السادس الابتدائى محافظة المنيا إضغط هنا
      نتيجة الصف السادس الابتدائى محافظة بنى سويف إضغط هنا
      نتيجة الصف السادس الابتدائى محافظة الدقهلية إضغط هنا
      نتيجة الصف السادس الابتدائى محافظة أسيوط إضغط هنا
      نتيجة الصف السادس الابتدائى الصف السادس محافظة مطروح إضغط هنا
      نتيجة الصف السادس الابتدائى الصف السادس بمحافظة البحيرة إضغط هنا
      نتيجة الصف السادس الابتدائى الصف السادس محافظة أسوان إضغط هنا
      نتيجة الصف السادس الابتدائى محافظة الإسماعيلية إضغط هنا
      نتيجة الصف السادس الابتدائى محافظة الغربية إضغط هنا
      نتيجة الصف السادس الابتدائى بمحافظة السويس إضغط هنا
      نتيجة الابتدائية بمحافظة الأقصر إضغط هنا
      نتيجة الابتدائية بمحافظة بورسعيد إضغط هنا
      نتيجة الابتدائية بمحافظة جنوب سيناء إضغط هنا
      نتيجة الابتدائية بمحافظة سوهاج إضغط هنا
      نتيجة الابتدائية بمحافظة الشرقية إضغط هنا
      نتيجة الابتدائية بمحافظة البحر الأحمر إضغط هنا
      نتيجة الشهادة الابتدائية بمحافظة قنا إضغط هنا
      نتيجة الابتدائية بمحافظة القليوبية إضغط هنا
      نتيجة الشهادة الابتدائية محافظة الوادى الجديد إضغط هنا
      نتيجة الشهادة الابتدائية بمحافظة شمال سيناء إضغط هنا
      نتيجة الشهادة الابتدائية محافظة مطروح إضغط هنا
      نتيجة الشهادة الابتدائية محافظة المنوفية إضغط هنا
      نتيجة الشهادة الابتدائية محافظة المنيا إضغط هنا
      نتيجة الشهادة الابتدائية محافظة كفر الشيخ إضغط هنا
       
      مع خالص تمنياتنا لطلابنا الأحبة بالنجاح والتوفيق
       
    • بواسطه VIRUS
      ماكيت العاصمة الإدارية الجديدة لمصر‬، والتي أعلن عنها خلال المؤتمر الإقتصادي المصري (مارس 2015) كأكبر مشروع سيتم طرحه، تبلغ مساحتها 3 أضعاف العاصمة الأمريكية واشنطن، و12 ضعف منهاتن، وتعادل مساحة سنغافورة؛ وتقع على بعد 45 كيلو من وسط القاهرة و 80 كيلو من السويس.
      وقام الرئيس عبد الفتاح السيسي بتوقيع مذكرة التفاهم مع دولة الإمارات للبدء في تشييد العاصمة الجديدة باستثمارات 45 مليار دولار أي بما يعادل 340 مليار جنيه مصري، وأعلن وزير الإسكان خلال المؤتمر الإقتصادي أن العاصمة الجديدة تتسع لـ 5 مليون نسمة، وتوفر 1.5 مليون فرصة عمل دائمة.
       

       

       

       

       

    • بواسطه VIRUS
      قطار فائق السرعة بمصر من الإسكندرية لأسوان ستموله الصين بالكامل
       
       

       
       
      أكد المهندس هاني ضاحي وزير النقل إن الزيارة المرتقبة للرئيس المصري عبد الفتاح السيسي للصين فتحت أبواب المفاوضات الجادة مع الشركات الصينية لإنشاء القطار فائق السرعة الإسكندرية - أسوان.
      وقال أيمن الشريعي، مدير العلاقات الخارجية والإعلام بمكتب وزير النقل، إن المهندس هاني ضاحي والوفد المرافق له يجري خلال زيارته الحالية للصين مفاوضات جادة مع كبرى الشركات الصينية الحكومية لبحث إنشاء القطار فائق السرعة الإسكندرية- أسوان.
      وأضاف مدير العلاقات الخارجية والإعلام بمكتب وزير النقل أن المرحلة الأولى للقطار ستمتد من القاهرة للإسكندرية بطول 220 كيلومترا، تعقبها المرحلة الثانية حتى أسيوط، ثم المرحلة الثالثة حتى أسوان
      فيما قال المهندس محمود جمال، مستشار وزير النقل للاستثمار، إن الجانب الصيني أبدى رغبة كبيرة في التعاون مع الحكومة المصرية تقديرا منهم لزيارة السيسي الصين، ولدور مصر الريادي في تدعيم مناخ الاستثمار بما يشجع جذب الاستثمارات الوطنية والأجنبية في المشروعات القومية الكبرى وفقا للمصري اليوم.
      وأشار مستشار وزير النقل للاستثمار أن المفاوضات تدور على أن يتم تنفيذ المشروع دون أن تتحمل ميزانية الدولة أي أعباء بالإضافة إلى تعظيم دور الشركات المصرية في تنفيذ المشروع بمصر وكذلك تعظيم دور الإنتاج المحلي المصري.
      وقال المهندس محمود جمال مستشار وزير النقل للاستثمار أنه من المنتظر أن تنتهي المفاوضات بشكل إيجابي خلال الساعات القليلة المقبلة
       
       
      وقال علاء حيدر، رئيس تحرير وكالة أنباء الشرق الأوسط، إن زيارة الرئيس السيسي للصين تاريخية وستنعكس بالايجاب على الاستثمار في مصر.. مشيرا إلى أن الاتفاق على تنفيذ القطار فائق السرعة ستموله الصين بشكل كامل.
      وأكد حيدر، أثناء تواجده بالصين، خلال مداخلة تليفونية للحياة اليوم، مع الإعلامي عمرو عبدالحميد، أنه من أهم نتائج زيارة السيسي للصين الاتفاق على تنفيذ قطار السرعة بين الإسكندرية وأسوان، والقطار المكهرب السريع "بلبيس- القاهرة".
      وقال إن هناك مشاركة عربية صينية لتحويل قش الأرز ومخلفات الزراعة المصرية إلى صناعة الورق حيث سيقام مصنع كبير في هذا الشأن، مما سيساهم في القضاء على ظاهرة السحابة السوداء التي تهدد البيئة المصرية.
    • بواسطه عاشق الصداقه
      أعلنت وزارة التربية والتعليم عن حاجاتها لشغل عدد 30 ألف وظيفة معلم مساعد وأخصائى مساعد بكافة مديريات التربية والتعليم بالمحافظات على أن يكون التقدم بطلب شغل الوظيفة وفقًا للنموذج المرفق مدعمًا بالمستندات الدالة على صحة البيانات الواردة بالإستمارة، على أن يبدأ قبول استمارات التقدم لشغل الوظيفة بإدارة شئون العاملين بالمديرية التعليمية التى يقيم بها المتقدم أو الكترونيًا من خلال موقع المديرية إعتبارًا من يوم الثلاثاء الموافق 2014/9/9 ولمدة أسبوعين تنتهى يوم الأربعاء الموافق 2014/9/24.     يتم التقديم بشكل أساسي على موقع الوزارة على الرابط :   http://portal.moe.gov.eg/Pages/job.aspx  
      وننشر عناوين المواقع الإلكترونية بجميع المجافظات؛ للتقديم بمسابقة 30 ألف معلم مساعد، وهي على النحو التالي:-

      القاهرة http://cairomoe.us/site/index.php

      الجيزة http://gizaedu.gov.eg/

      الإسكندرية /http://www.alex-edu.com

      القليوبية /http://qalubiaedu.org

      المنوفية /http://www.mnfedu.org

      الغربية /http://portal.algharbiaedu.gov.eg

      كفر الشيخ /http://kfsedu.gov.eg

      البحيرة /http://www.doe.gov.eg

      مطروح /http://mersa.matrouh.gov.eg

      الدقهلية /http://edudk.net

      بورسعيد /http://eduports.org

      الإسماعيلية http://www.ismailia.gov.eg/education/default.aspx

      الشرقية http://www.sharkia.gov.eg/natiga/default.aspx

      سيناء شمال http://www.northsinai.gov.eg/home.aspx

      جنوب سيناء http://www.southsinai.gov.eg/modryat/edu/default.aspx

      أسوان http://www.aswanedu.com/

      قنا http://www.qena.gov.eg

      سوهاج http://www.sohag.gov.eg

      أسيوط http://www.egypt-edu.com/assiut/

      المنيا http://www.minia.gov.eg

      بنى سويف http://www.bns-edu.com/

      الفيوم http://www.fayoum.gov.eg

      البحر الأحمر http://www.redsea.gov.eg     بالتوفيق للجميع
  • موضوعات

×
×
  • اضف...

Important Information

By using this site, you agree to our Terms of Use, اتفاقيه الخصوصيه, قوانين الموقع, We have placed cookies on your device to help make this website better. You can adjust your cookie settings, otherwise we'll assume you're okay to continue..