اذهب الي المحتوي
منتديات ياللا يا شباب
نجمة الكتب

[ مميز] *خمسة سياحة....

Recommended Posts

صدق أو لا تصدق:

 

*لوبصيت على مجرة Andromeda ( على بعد ٢.٣ مليون سنة ضوئية) الضوء اللي هتشوفه

اخد ٢.٣مليون سنة عشان يوصل لعنيك، يعني انت شايف المجرة على الصورة اللي كانت عليها من ٢.٣ مليون سنة . .

ممكن تكون شايف فيها نجوم اختفت بالفعل من الوجود ومش شايف نجوم اتولدت و لسة ضوءها موصلناش.

 

* لو قدرت تحط كوكب زحل في حوض مية عملاق هيطفو !! ..كثافته اقل من كثافة المية .

 

* وزن معلقة شاي من نجم نيوتروني بيساوي حوالي ١١٢ طن !!!

 

* لو تخيلنا ان الشمس بحجم النقطة اللي على حرف(i) هيكون اقرب نجم ليها على بعد ١٠ اميال!

 

*وزن كوكب المشتري اكبر من وزن كل الكواكب الاخرى مجتمعة...

 

*ضوء الشمس بيوصلنا في خلال ٨ دقايق واللي بنشوفه صورتها من ٨ دقايق فاتوا و ممكن تكون انفجرت

من ٤ دقايق واحنا لسة منعرفش...

 

*مهما كانت السما صافية العين البشرية متقدرش تشوف غير تقريبا ٣٠٠٠ نجم بس، في حين ان

مجرتنا لوحدها فيها ما يقدر بحوالي١٠٠,٠٠٠,٠٠٠,٠٠٠نجم !

 

* اعلى جبل في النظام الشمسي هو جبل Olympus Mons موجود على كوكب المريخ بارتفاع حوالي ١٥ ميل ،

يعني ٣ اضعاف ارتفاع جبل ايفرست وبيغطي مساحة تقريبا قد نص مساحة اسبانيا..

 

*نص جزء من البليون من طاقة الشمس بس هواللي بيوصل للارض..

 

*درجة الحرارة على كوكب الزهرة تكفي لاذابة الرصاص.

شارك هذه المشاركه


رابط المشاركه
شار ك علي موقع اخر

موضوع جميييل جدا وشيـــــــــــــــــق جدا

ومعلومات غايـــــــــــــــــة فى الغرابة

ومش عارف ان كنت اصدق أم لا

 

********************

شارك هذه المشاركه


رابط المشاركه
شار ك علي موقع اخر

بشكرك اخي عمرو دوام، مبسوطة ان الموضوع عجبك،

وانا عن نفسي مكنتش مصدقة المعلومات دي اول ما عرفتها،

بس العلم لسة ياما هيكشفلنا اسرار وعجايب..

 

وآدي كمان شوية معلومات غريبة:

 

 

* لو قدرت تسافر بسرعة الضوء(١٨٦,٠٠٠ميل في الثانية) هتقدر تعبر مجرتنا في ١٠٠,٠٠٠ سنة بس!!!

 

 

* وجه واحد للقمر بس هو اللي دايما يواجه الارض وبنشوفه ، لأن الوقت اللي القمر بياخده عشان

يكمل دورته حوالين نفسه بيساوي بالظبط الوقت اللي بياخده عشان يكمل دورته في مداره حوالين الارض.

 

 

*Betelgeuse ,النجم اللامع في مجموعة Orion ،كبير جدا لدرجة انه لو كان مكان الشمس كان

هيبتلع الارض والمريخ والمشتري!!

 

 

*لو وقفت عند خط الاستواء فانت هتكون بتدور بسرعة ١,٠٠٠ ميل في الساعة مع دوران الارض

حوالين نفسها وبسرعة ٦٧,٠٠٠ ميل في الساعة مع دورانها حول الشمس!!

 

 

* عند خط الاستواء وزنك بيكون ٣% اخف من وزنك عند القطبين، نتيجة قوة الطرد المركزية

لدوران الارض.

 

 

* الغلاف الجوي بالنسبة لحجم الارض اقل في السمك من القشرة بالنسبة للتفاحة!!!

 

 

* على كوكب عطارد اليوم( الوقت اللي بياخده عشان يدور دورة حوالين نفسه) بيساوي

٥٩ يوم ارضي، والسنة( الوقت اللي بيكمل فيه دورته حول الشمس) بتساوي ٨٨ يوم ارضي..

ده معناه ان السنة هناك فيها اقل من يومين!!!

 

 

*لو قطعة من الشمس في حجم راس الدبوس اتحطت على الارض، مش هتكون في مأمن لو

وقفت على بعد اقل من ٩٠ ميل منها!!!

 

 

* بيقدر ان عدد النجوم في الكون اكبر من عدد كل حبات الرمل على كل شواطئ العالم!

 

 

*كل سنة الشمس بتبخر ١٠٠,٠٠٠ ميل مكعب من الميه اللي موجودة على الارض

( ده بيعادل ٤٠٠ تريليون طن)!!

 

 

*العلماء بيقولوا ان الفضاء مش فراغ تام، وان فيه ٣ ذرات في كل متر مكعب!!

شارك هذه المشاركه


رابط المشاركه
شار ك علي موقع اخر

ممكن تكون شايف فيها نجوم اختفت بالفعل من الوجود ومش شايف نجوم اتولدت و لسة ضوءها موصلناش

انا معدتش بشوف أصلاً بعد اللى قريته ده ... إكتشفت انى مبشفش حاجه

ممكن تكون انفجرت من ٤ دقايق واحنا لسة منعرفش

الغريب ان مفيش موضوع ليكى بيخلو من انفجار - اعصار - زلزال - كارثه - :P .... ربنا يستر على المنتدى

ويستر على الشمس ومتكونش انفجرت .. انا مش حعرف انام غير لما اطمن :D

١٠٠,٠٠٠,٠٠٠,٠٠٠نجم !

يا دين النبى :blink: .... إيه يا عم الحج الأرقام دى ... معقول - مش حقول غير سبحان الخالق

هتقدر تعبر مجرتنا في ١٠٠,٠٠٠ سنة بس!!!

بسيطه خالص ... ده انا كنت فاكر انى حطول ... أثبتيلى مقوله بسمعهاوبقولها كتير " الدنيا ديقه " فعلاً

أنا بفكر أروح بكره ... لو حد عاوز ييجى معايا B)

هتكون بتدور بسرعة ١,٠٠٠ ميل في الساعة

انا دخت بجد .... :unsure::o

ده معناه ان السنة هناك فيها اقل من يومين!!!

طب دى تبقى السنين هناك رخيصه خالص ... انا بفكر أروح أجيب من هناك بتاع 43 سنه لحماتى .. :P

العلماء بيقولوا ......

إحم ..احم ... واخد بالك يا عمرو .. دول زملاء العمل .. تبعنا يعنى ... :wacko:

 

بجد الموضوع أكثر من رائع ..... جميل جدا جدا جدا يا نجمة الكتب :huh:

أنا بقالى كتير قوى مغزيتشى دماغى بمعلومات جامده زى دى ... انتواصحيح بتجيبوا الحاجات دى منين ؟؟

شارك هذه المشاركه


رابط المشاركه
شار ك علي موقع اخر

ياااااااااااااااه

:mellow: يا نجمة الكتب :(

هو انا لسة فقت من الصدمة الاولى لما اقع فى واحدة كمان :unsure:

ولا انتى عايزة تخلينى افقد الوعى :wacko:

وعلى العموم انا مضطر اصدق ........... طالما فى علماء (زملاء العمل ) :huh: صدقوا انا وكمان صديقى احمد لازم نصدق

**************************************

شارك هذه المشاركه


رابط المشاركه
شار ك علي موقع اخر

ياجماعة نجمة الكتب بتعلن عن وجود رحلة سياحية الى الفضاء.........بواسطة مكوك فضاء .......هو يمكن يكون فيه بعض

 

الاعطال؟؟؟؟؟؟؟؟؟؟؟؟؟!!!!!!!!!!!!!!!!!!!!! ويمكن حد يغمى عليه ويحصل بعض الصدمات ووممكن نتهوه فى الطريق!!!!!!!!!!

 

لكن متقلقوش اكيد هنوصل .......واطمنوا ما دمتم مع نجمة الكتب.؟؟؟؟؟؟؟؟رائدة الفضاء الكبيرة

 

ونحب ننوه ان حجز الفلوس مع عاشقة القرأن هى المسؤلة عن لم التبرعات ..........وابقوا قابلونى لو شوفتوا خلقتها بعد كده..............هتاخد الفلوس وتهرب من البلد؟؟؟؟؟؟؟؟؟؟؟عادى ياجماعة لاول ولا اخر واحده هتعمل كده؟؟؟؟؟؟؟؟؟؟؟!!!!!!!

 

احنا يهمنا راحتكم فى المقام الاول والاخير؟؟؟؟؟؟؟؟؟؟!!!!!!!!!!!!!!!!!!!!!!!!!

شارك هذه المشاركه


رابط المشاركه
شار ك علي موقع اخر
::*:: عاشق الصداقه ::*:: مشاركة بتاريخ Jan 31 2007, 08:23 PM

الغريب ان مفيش موضوع ليكى بيخلو من انفجار - اعصار - زلزال - كارثه - .... ربنا يستر على المنتدى

 

نسيت حاجة مهمة غير الانفجارات والاعاصير والزلازل والكوارث.....

نسيت حوادث الاختطاف والتعذيب :D .... ربنا يستر على صاحب المنتدى :P

 

 

AMR DAWAMمشاركة بتاريخ أمس, 09:36 PM

هو انا لسة فقت من الصدمة الاولى لما اقع فى واحدة كمان

ولا انتى عايزة تخلينى افقد الوعى

وعلى العموم انا مضطر اصدق ........... طالما فى علماء (زملاء العمل ) صدقوا انا وكمان صديقى احمد لازم نصدق

 

بعتذر لسيادتك وجميع زملائك السادة العلماء الاجلاء :unsure: اللي منورين منتدانا عن

اي صدمات او حالات فقدان في الوعي بس متظلمش حرام، الصدمات وفقدان

الوعي ده مش من المعلومات دي ، اللي بيحصلكم ده من التجارب اللي بتعملوها كل يوم ;)

...ارحموا بقى شوية :D ، مبقاش فاضل اي حاجة تنفجر :o:blink:

 

 

عاشقة القرأن مشاركة بتاريخ اليوم, 07:58 AM

ياجماعة نجمة الكتب بتعلن عن وجود رحلة سياحية الى الفضاء.........بواسطة مكوك فضاء .......هو يمكن يكون فيه بعض

 

الاعطال؟؟؟؟؟؟؟؟؟؟؟؟؟!!!!!!!!!!!!!!!!!!!!! ويمكن حد يغمى عليه ويحصل بعض الصدمات ووممكن نتهوه فى الطريق!!!!!!!!!!

 

لكن متقلقوش اكيد هنوصل .......واطمنوا ما دمتم مع نجمة الكتب.؟؟؟؟؟؟؟؟رائدة الفضاء الكبيرة

 

ونحب ننوه ان حجز الفلوس مع عاشقة القرأن هى المسؤلة عن لم التبرعات ..........وابقوا قابلونى لو شوفتوا خلقتها بعد كده..............هتاخد الفلوس وتهرب من البلد؟؟؟؟؟؟؟؟؟؟؟عادى ياجماعة لاول ولا اخر واحده هتعمل كده؟؟؟؟؟؟؟؟؟؟؟!!!!!!!

 

احنا يهمنا راحتكم فى المقام الاول والاخير؟؟؟؟؟؟؟؟؟؟!!!!!!!!!!!!!!!!!!!!!!!!!

 

 

مكوك ايه دا يا بنتي اللي يكون فيه اعطال، انتو فاهمين مكاكيك الفضاء

غلط :wacko: ،مش جمعها كدة بردو ولا ايه :huh: ما علينا محدش واخد باله...

وبعدين حسك عينك تاخدي مليم من اي مواطن <_< ، الدفع هيبقى في المكوك

عشان اللي مش هيدفع... ...المكوك في شبابيك كتير والحمد لله... :D

وعارفين انتو طبعا ان عاشقة القرآن تهمها راحتكم الابدية في المقام

الاول والاخيييييييييييييييير :P

شارك هذه المشاركه


رابط المشاركه
شار ك علي موقع اخر

بعد الاطلاع علي كتاب الزمخشري

وجدنا بالفعل ان جمع كلمة مكوك هو " مكاكيك"

ولكن مع اندثار اللغه نسيت هذه الكلمه العظيمه

وها هي الان

تعود علي قيد الحياه مره اخري علي يد نجمه الكتب

شكرا لكي

بل الف شكر

فان سيباويه وجميع اعضاء المجمع اللغوي ناموا قريرين العين بعد ما فعلتيه في احياء هذه اللفظه العظيمه

شارك هذه المشاركه


رابط المشاركه
شار ك علي موقع اخر

على فكره يا نجمة الكتب ...

حرصى على نفسك كويس قوى ... لأنك بالكلمه دى ....

ربنا يستر على صاحب المنتدى

هددتى كل اللى فى المنتدى " أصحابه " ... أحرجتك ..صح ؟؟ بس كلامى ده بجد والله ..

خدى بالك من نفسك ومتطلعيش بالليل.. " وأنا حوصى نجمه تانيه تنور مكانك" ... وأنصحك .. ولا بالنهار

شارك هذه المشاركه


رابط المشاركه
شار ك علي موقع اخر

لا ممكن طبعا اهدد اصحاب المنتدى ابدا ابدا ابدا

٣ ابدا :unsure: وعشان ميبقاش لك حجة ومتحورش كلامي وتوقع :wacko:

بيني وبين اخواتي هاعيدهالك تاني بصيغة تانية يمكن توصلك المرادي :huh: :

ربنا يستر على الادمن.. الادمن ال owner يعني ;)

ورينا بقى هتعمل ايه <_<:P

شارك هذه المشاركه


رابط المشاركه
شار ك علي موقع اخر
الادمن.. الادمن ال owner يعني

عاوزه تحسسينى انك فاهمه !! أراهن إن مكان حد غششهالك .. ويا 6 ربنا يستر

شارك هذه المشاركه


رابط المشاركه
شار ك علي موقع اخر

دي مش خمسه سياحه ,, دي 100000 سياحه لان المعلومات دي لا تقدر بثمن

عمر العزايزي

king of guittar

شارك هذه المشاركه


رابط المشاركه
شار ك علي موقع اخر

تم تمييز الموضوع ...

لأنه يستحق ذلك

تحياتنا لكم...

وننتظر منكم المزيد من المواضيع المميزه

 

شارك هذه المشاركه


رابط المشاركه
شار ك علي موقع اخر

سبحان الله قادر على كل شئ

جميل جدا يا نجمة الكتب لكن صدقينى إنت أجمل

ربنا يخليكى لينا وميحرمناش منك أبدا يارب

شارك هذه المشاركه


رابط المشاركه
شار ك علي موقع اخر

ننتظر المزيد من هذه المعلوماتت القيمه جدا

شارك هذه المشاركه


رابط المشاركه
شار ك علي موقع اخر

فعلاً فى غاية الروعة..

 

معلومات قيمة للغاية..

 

تقبلى فائق تقديرى وإحترامى ..

تم تعديل بواسطه Shetos

شارك هذه المشاركه


رابط المشاركه
شار ك علي موقع اخر

يا نهار امسك

ايه المعلومات الخطييييييييييييييييييييييييييييييييييييييييييييره دى

عشره على عشره

شارك هذه المشاركه


رابط المشاركه
شار ك علي موقع اخر

Join the conversation

You can post now and register later. If you have an account, sign in now to post with your account.

زائر
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×
×
  • اضف...

Important Information

By using this site, you agree to our Terms of Use, اتفاقيه الخصوصيه, قوانين الموقع, We have placed cookies on your device to help make this website better. You can adjust your cookie settings, otherwise we'll assume you're okay to continue..