اذهب الي المحتوي
منتديات ياللا يا شباب
بنت مصرية

يعني ايه ديكور

Recommended Posts

السلام عليكم ورحمة الله وبركاته

 

1305051529361.gif

 

اهلا بيكم في اول موضوع من موضوعات سلسلة ياللا نبني بيتنا

 

قبل مانبتدي في اي حاجة لازم

 

نعرف اصل الشغل الللي احنا بنتكلم عنه

 

وهو ببساطة شديدة الديكور ونتعرف علي بعض المفاهيم الشائعه في المجال ده لفهم اكتر للمجال ان شاء الله...

 

يعني ايه كلمه ديكور؟؟

 

ديكور هو مصطلح بيستخدم للدلاله علي تصميم او ابتكار لاستغلال مكان معين بشكل جيد

 

باستخدام خامات وموارد مناسبه لطبيعة المكان والتصميم لتوفير الراحه والشعور بالتناغم والجمال للمكان المنفذ فيه الديكور

 

والديكور بطبيعة الحال بيختلف بمفاهيمه واستخدامته من بلد للتانية ومن ثقافة لثقافة

 

ومن مجتمع لمجتمع ومن شخص لاخر ومن مصمم لاخر كمان

 

هو الديكور للمنزل فقط ؟؟!!

 

التساءول ده ممكن يدور في بعض الأذهان

وناس بتعتقد ان كلمه ديكور مقصود بيه الشكل والاثاث فقط للمنزل

وده لبس شائع

الحقيقة ان الديكور نفسه انواع كتير جدا ولكن الشائع لكل الناس استخدامه في البيت

لكن هو بينقسم لانواع كتير زي ديكور داخلي وخارجي

هندسه حدائق..... ديكور حوائط ديكور اثاث...الخ

فالديكور نفسه موجود فيه التخصص زيه زي اي شيء بيطلب التخصص فيه للتميز مش اكتر

 

يعني ايه كلاسيك وحديث ؟؟

 

كلمه بنسمعها كتير جدا في عالم الاثاث بالذات

 

دول من اشهر انواع الديكورات في العالم وهنتكلم عنهم في موضوع منفصل والانواع التانيه كمان

 

لكن التوضيح هنا انه مش بس للاثاث بل ان المفهومين دول بيشملوا طريقة الديكور نفسه بكل شيء فيه ومن ضمنه الاثاث

 

اشهر مفاهيم الديكور

 

بطبيعة الحال الديكور فن كاي فن او علم له اسس وقواعد ودراسه خاصه بيه

 

لدرجه انه من العاملين بيه اللي بيطلق عليهم مهندسين ديكور فهو هندسه تحاج لدراسه

 

لكن كمان ده مش حكر علي اشخاص معيين حتي المحبين والهاويين لفن الديكور ممكن يدخلوا المجال ده

 

لكن الدراسه طبعا بتصقل الموهبه وبتخلي النتيجه احسن طبعا

 

لكن انا هقلكم علي اكتر ثلاث اشياء بيقوم عليهم فن الديكور

1 الإتزان في التكوين

2 -وحده التصميم

3 - الفراغ

الاتزان في التكوين المقصود بيه هو الشعور بالارتياح والاتزان بمجرد

 

النظر للشكل العام للمكان ده فلازم يكون فيه تناغم وتلائم بين جميع العناصر وتتوزع العناصر

 

في التصميم بشكل عادل ومتناسب عشان يتوجد الإتزان ده

 

وحده التصميم قريب من الاتزان في التكوين والمقصود بيها هو شعور الراحه والوحده في شكل العمل الفني

 

والتصميم فمش بس تتوزع الاشياء بشكل متناسب علي قدر اهميه كمان انها تكون متلائمه ومتناسبه

 

مع بعضها والالوان والخطوط بتلعب دور بارز في وحده التصميم من خلال

 

 

علاقات بتربط بين اجزاء وحده التصميم زي

الارتباط بالتماثل الشكلي والحجمي .

-الارتباط بالتقارب المكاني.

-الارتباط بالتماثل اللوني .

-الارتباط بالتوازي (منقوله بتصرف).

 

 

الفراغ المقصود بيه الشيء اللي بيكون حول وتحت وفوق الشكل المراد تصميمه

 

ولابد من دراسه المكان المراد تصميمه لتحديد طريقه استغلال الفراغ ده

 

بطريقه لاتوحي بالاختناق ولا بالفراغ الشديد

 

امور يجب وضعها في الاعتبار عند تنفيذ عمليه الديكورالمنزلي

 

الحدود الماديه عشان ننفذ عمليه التصميم واختيار الخامات بشكل مناسب

 

استغلال الفتحات الموجودة واماكن التهوية في المنزل بشكل فعال

 

اختيار اثاث مناسب سهل الفك والتحريك ومناسب لطبيعه المكان

 

واهم شيء تحديد الهدف من التصميم لان وجود فكرة وهدف بيسهل المهمة جدا

 

نصائح

 

ان كنتي هتقومي بعمل تعديلات جذرية في المنزل زي هد او بناء حيطه او فتح نافذه

او تركيب سقف وغيره من عمليات الديكور اللي بتحتاج لعمل اصعب شويه من مجرد فرش او تركيب الاثاث

استشيري شخص متخصص كمهندس ديكور لو ماكنتش عندك الخبره الكافيه

 

لو كنتي من هواه التغيير الدائم وحب الديكور لازم يكون عندك حب اطلاع ودائمه البحث عن معلومات جديده ومهمة في عالم الديكور

 

 

اتمني لكم الفائده

ان اعجبك الموضوع من فضلك قيمه

 

ولاتنسونا من صالح دعائكم بظهر الغيب

وصلي اللهم وبارك علي سيدنا محمد وعلي آله وصحبه أجمعين

 

سبحان الله وبحمده ...سبحان الله العظيم

 

لمتابعة باقي السلسة

 

اضغط هنا

شارك هذه المشاركه


رابط المشاركه
شار ك علي موقع اخر

طبعا الموضوع مفيد جدا ويستحق التقييم وقد تم

 

أسأل الله لك سعادة الدارين

 

وان يثبت خطاكي وييسر لك كل خير

 

بإنتضار المزيد يا غاليا

شارك هذه المشاركه


رابط المشاركه
شار ك علي موقع اخر

بدايه موفقه لموضوع و فكره كبيره و مميزه

 

و ان شاء الله و باذن الله متابعين و معاكي

 

في انتظار القادم ان شاء الله

 

يا ربي ينولك ما تتمني و يرزقك بالخير و يعطيك على قد قلبك

 

ان شاء الله

شارك هذه المشاركه


رابط المشاركه
شار ك علي موقع اخر

Join the conversation

You can post now and register later. If you have an account, sign in now to post with your account.

زائر
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

جاري التحميل ...

×
×
  • اضف...

Important Information

By using this site, you agree to our Terms of Use, اتفاقيه الخصوصيه, قوانين الموقع, We have placed cookies on your device to help make this website better. You can adjust your cookie settings, otherwise we'll assume you're okay to continue..