كلام فى سرك على سلامة

[الجندى المجهول 37]

كلام فى سرك

 

بقلم على سلامة ٢٢/ ٦/ ٢٠١١

 

 

 

 

 

 

طول عمرك وأمك هى اللى بتختارلك..

 

المدرسة والمريلة والشنطة..

 

والألوان والكراريس

 

والحلاق..

 

طول شعرك..

 

نوع حزنك..

 

وكلامك..

 

وميعاد نومك..

 

حتى الأحلام والكوابيس..

 

أصحابك.. والكلية

 

وخط السير

 

والتذكرة والأتوبيس..

 

والمصوراتى..

 

وحدود ضحكتك..

 

الترزى..

 

ولون القميص..

 

وعلى ده الحال

 

لحد ما كبرت وبقيت أب

 

وابنك بقى طولك

 

كلام فى سرك

 

الله يكون فى عونك

 

بعد العمر ده كله

 

مطلوب منك تختار لبلدك

 

دستور وبرلمان ورئيس

 

يا ترى دى ورطة

 

ولا تحدى..

 

خلاص

 

لا ينفع أمك تختارلك

 

ولا ينفع تصرخ تانى

 

حلق.. حوش..

 

الحق يا بوليس..

[لامار 94]

بارك الله فيك

[الجندى المجهول 37]

وبارك فيكى اختى الكريمه

جعل الله كل ماتكتبى فى ميزان حسناتك

اللهم ارزقها الجنه

[samar2611 0]

سلمت يداك

[الجندى المجهول 37]

سلمكى الله من كل شر

وبارك فيكى اختى الكريمه

جعل الله كل ماتكتبى فى ميزان حسناتك