ممدوح 5 قام بنشر November 6, 2008 واحد عصبي ضرسه وجعه راح للدكتور وقال له اخلع كل ضروسي وخليه زي الكـلب لوحده جماعة محششين قاعدين في خيمة قالوا عايزين كبريت واحد منهم قال أنا اجيبلكم الكبريت طلع ودخل من الباب الثاني قال شباب ألاقى عندكم كبريت قالوله استريح لسه باعتين واحد أول ما يرجع نديلك واحد. واحد بخيل ضرب عياله؟ ليــه ..؟ لقاهم مشغلين المروحة على ثلاثة وهم اثنيين اثنين محششين واحد قال تصدق بالي مشغول ، قاله الثاني أكيد السماعه مرفوعه في محشش خبط اثنين الاول مات والثاني قاعد يتخانق ، قاله المحشش شوف أخوك مات ولا قال حاجة. ثلاثة فشارين راحوا فى للغابة علشان يصطادوا الأول قال هاصطاد أرنبين والثانى قال هاصطاد غزالين والثالث حب يوسعها وقال هاصطاد نمرين وراح كل واحد على اساس يصطاد اللى قال عليه الأول اصطاد الأرنبين والثانى الغزالين ولما جه الدور على الثالث شاف نمر وباين عليه جعان قام النمر جرى وراه وهو بيجرى عدا علي اصحابه قالهم امسكوه على بال ما اجيبلكوم الثانى . واحد بخيل دخل مع ابنه سوبر ماركت الولد قال لأبوه : بأحب الشوكولاته أبوه قاله : حبها ورجعها مكانها واحد بخيل قال لابنه : إنجح السنة دي وانا أجبلك كورة .. الولد شد حيله ونجح .. أبوه إشترى له كورة .. وقال له : طب لو نجحت السنة الجاية أنفخها لك واحد محشش كان حيخبط واحدة بالعربية . قالتله انت ماشفتنيش . قالها أيوه شفتك بس مش فاكر فين؟؟ اثنين محششين قاعدين قدام مرايه الأول قال قوم نسلم على اللي قاعدين قدامنا ، ولما وقفوا قال الثاني اقعد اقعد هما جايين علينا . ثلاثه صقور اتراهنوا على الصيد راح الاول ورجع في منقاره دم قليل قال شفتو الشجره اللى هناك دى؟ قالوا أيوه قال اصطادت عندها أرنب راح الثاني ورجع في منقاره دم كثير قال شفتو الصخره اللى هناك دى قالوا أيوه قال اصطادت عندها غزال راح الثالث وهو أغبى واحد فيهم ورجع وكله دم قال شفتوا العمود اللى هناك ده قالوا أيوه قال أنا ما شفتهوش سكران أبوه مات وداه مغسلة الاموات وقال لهم غسيل وكي مستعجل؟؟؟ ؟؟؟ ندل عينوه مدير عام الأمن العام غير رقم الدوريات من 122 إلى 2594638547592565 فيه اثنين انحكم عليهم بالاعدام سألوا الأول ايه آخر أمنية عندك قال عايز اشوف امي وسألوا الثاني وكان ندل قال آخر أمنية إن الراجل ده مايشوفش أمه محشش عصبى قال لمراته نكته قالتلوه هههههههههههه بايخه قال لها طيب روحى وانتي طالق مدرس سأل تلميذ عبيط : مين الحيوان اللي يصحّينا لصلاة الفجر ؟ قال له : أبويا فيه بخيل جوز ابنه قاله : شوف دى علشانك انت واخواتك حرامي معاه سكينة مسك راجل وست قالهم انا هاموتكم وقال للست اسمك إيه ، قالت منيرة قال خلاص مش هاموتك علشان اسمك على اسم أمي منيرة وسأل الراجل اسمك إبه قال اسمى سالم بس بيدلعوني منيرة واحد كسلان قوى راح للحلاق وقعد على الكرسي منزل راسه .....قال له الحلاق ...شعر ولا دقن ...قال الكسول دقن ...قال له الحلاق ارفع راسك.... قال الكسول لا خليه شعر ندل عينوه مدرس بمدرسة معوقين حط اول حصه قفز حواجز محشش بيسوق عربية ومعاه أبوه ، أبوه قاله : لف يمين .. المحشش قاله لف انت انا سايق قزم راح للترزى علشان يفصل جلابية وبعد ما أخذ الترزى مقاساته قاله القزم إمتى تخلص قاله الترزى خدلك لفه وتعالى واحد ماعندوش غير ضرسين قدم على وظيفه عينوه خرامه واحد حسودي على فراش الموت قال لمراته إذا مت اتجوزى جارنا محمود قلت ليه قال لأنه مره باعلي بضاعة وغشني فيها.... واحدة اديت صاحبها بغبغاء هدية ثاني يوم سألته عن الببغاء؟؟؟ قالها عادي طعمه زى طعم الفراخ. في واحد راح يغير أنبوبة بوتاجاز قال لامه ادعيلي قالته روح يبنى ربنا يفتحها فى وشك!! محشش راح للدكتور قاله الدكتور اعمل إشاعه طلع برة الأوضة وقال الدكتور مات صعيدي ربنا فاتحها عليه وساكن في الدور الخامس وبعد ما نزل الصبح افتكر انه نسى نظارة الشمس والمنديل فنادى علي زوجته وقالها ارمي النظارة والمنديل فرمت زوجته النظارة فانكسرت فقال لها خلي المنديل انا طالع اخذه واحد اتجوز واحدة وبعد اربع شهور ونص مراته خلفت ولد فسالها الواد دة جه ازاى واحنا متجوزين من اربع شهور ونص؟؟؟؟!! قالت له انت متجوزنى من امتى؟؟؟ قال لها من اربع شهور ونص قالت له انا متجوزاك من امتى قال لها من 4 شهور ونص قالته له كدة يبقوا تسعة . فرد عليها ايوة كدة كنتى هتخلينى اشك فيكى طبيب عيون بيحب وشايل وردة فى ايديه وقال لحبيبته شايفة الوردة دى ياحياتى قالتله اه قام ونقلها الى اليد الاخرى وقالها طب كده الابن: بتعمل اية يابا؟؟ الاب: بكتب جواب لعمك الابن: هو انت بتعرف تكتب؟؟ الاب: يعني هو عمك اللي بيعرف يقرا يا فالح الموساد قرر أنه يشغل جاسوس صعيدى عنده بعد طول بحث أستقروا على هريدى راحوا لهريدى و أخدوه تل أبيب و قعدوا يدربوه 6 شهور و بعدها قالو ليه أنه كدة جاهز للمهمة بتاعته هريدى : يعنى حارجع مصر مدرب الموساد : أيوة .. تروح و تنفذ كل التعليمات اللى قلنالك عليها هريدى : طب ازاى حاتصل بيكم مدرب الموساد : لا لا .. انت ماتتصلش .. احنا لما نحب نتصل بيك حانبعتلك مندوب يقوللك ازايك و ازاى امك .. تعرف أنه تبعنا .. ماشى يا هريدى هريدى : تحت أمرك يا فندم و بالفعل رجع هريدى مصر .. و بعد شهرين أحس الموساد انه لازم يتصل بهريدى .. فراحوا باعتينله مندوب المندوب لبواب العمارة بتاعت هريدى : هو هريدى ساكن فى أنهى شقة البواب : أنهى هريدى يا بيه .. العمارة فيها 4 هريدى المندوب خاف لحسن العملية تنكشف : قولى شقة أى واحد فيهم البواب : عندك واحد ساكن فى الدور الأول طلع المندوب و خبط على الشقة اللى فى الدور الأول المندوب : أنت هريدى .. ازايك و ازاى أمك هريدى : أنت عايز هريدى الجاسوس .. هو ساكن فى الدور الرابع دى حصلت ) مش نكتة) سالو ا الوزير اليمنى (ع ب ) : ما رايك فى البان كوسوفو قال :و الله احنا بنشرب البان المراعى اثنين مساطيل قاعدين بيشربوا فى الخلاء . جه البوليس . و احد هرب و التانى حط نفسه فى الطين . الظابط لقى حاجة بتلعب فى الطين . طلعه . قال له :بتعمل ايه ؟ المسطول رد: هو يا افندم الانسان مخلوق من ايه؟ رد الظابط : من طين . قال المسطول : شوفت ! و شرفك انا لسه مخلوق دلوقت حالا واحد بيقول لصاحبه : شايف الست اللى واقفة هناك دى ؟بتضرب كل يوم جوزها بالجزمة !! .قال له : و عرفت ازاى ؟؟رد : اصلها مراتى واحد بيقول لصاحبه : انتهت على ايه الخناقة بينك و بين مراتك امبارح؟؟ رد : هه ...دى جت لغاية عندى و ركعت قدامى !!قال له يا سلام و قالت لك ايه ؟ قال له : قالت لى : "اطلع من تحت السرير يا جبان" واحد بعربية شبح واقف فى إشارة مرور جنب واحد بعربية سيات، صاحب العربية السيات بص من فوق لتحت لصاحب العربية الشبح وقاله تبدل عربيتى بعربيتك وتدفع لى مليون جنيه؟ الراجل الثانى قاله إنت مجنون وللا شكلك كده؟ فرد عليه صاحب السيات وقاله أنا عربيتى فيها عفريت يحقق لك أى حاجة، المهم دخل صاحب الشبح معاه فى السيات وحرك الدركسيون فظهر العفريت فقاله صاحب العربية قوام هات شاى لى وقهوة للبيه، فراح جابهاله، المهم بدلوا العربيات وأخد صاحب السيات مليون جنيه كمان، واما دخل صاحب الشبح العربية السيات وحرك الدركسيون ظهر الجنى فقاله عيزك ترجع لى عربيتى تانى والمليون جنيه، رد الجنى وقاله معلشى أنا بتاع شاى وقهوة بس صعيدي كان في جنازة مراته ... ويضحك ... سألوه ليه تضحك ؟؟؟ قال : اول مره في حياتي اعرف مراتي رايحة فين صعيدي واقف مع دوده في الشمس ليه؟؟؟؟الطبيب قال له اعد في الشمس دقائق معدوده ذهب أحد الأطفال إلى أمه وقال لها : ماما .. أعطيني نقوداً حتى أعطيها لرجل مسكين يزعق في الشارع .فرحت الأم لقلب طفلها الطيب وأعطته النقود ، ثم سألته : ولماذا يزعق هذا الرجل يا ولدفقال الطفل : " إنه يصيح .. آيسكريم ... آيسكريم . ذهب أحد الأشخاص لزيارة صديقه ، وعندما ضرب الجرس خرج له إبنه الصغير . فقال له : السلام عليكم يا حبيبي .. أبوك موجود ؟قال الولد : نعم موجود . فقال له : طيب ..انت تعرف أسمي ؟فذهب الولد إلى أبوه بسرعة وقال له : بابا . فيه واحد عند الباب ما يعرفش اسمه مرة واحد دخل مطعم بيتزا فقالولو تحب نقطعلك البيتزا 8 حتت ولا 16 حتة فقالهم كفاية 8 علشان انا مش جعان قوي مجموعه من بلدياتنا ماتوا غرقانين في غواصه وبعد التحقيق في الحادث أكتشفوا أن واحد فيهم سمع خبط بره راح فاتح الباب يشوف مين مرة كلب فقد الذاكرة ماشى فى الشارع بيقول صوصو...لا نونو.....لا اغبياءء يلعبون عند الطريق السريع اتفقو اى واحد تدعسة السيارة مرتين يطلع من اللعبة محششين بسفينة مرو على لوحة مكتوب عليها احذر اسماك القرش قفزوا كلهم واحــد حـــب ...... طــحــنــوه فيه قرية وفيها حفـرة .... كل يوم يطيح فيها قروي ..... واحد يلحقون عليه ... والثاني يموت ... فاجتمع القرويون علشان يبحثون عن حل ... واخيرا اتفقوا على انهم يتخذون حل عاجل من احد ثلاثة حلول ... يشترون سيارة اسعاف ويحطونها جنب الحفرة ... او يبنون مشتشفى جنب الحفرة ... او يدفنون الحفرة ويحفرون بدلا منها وحدة جنب المستشفى اقتباس شارك هذه المشاركه رابط المشاركه شار ك علي موقع اخر
زمردة 2 قام بنشر November 6, 2008 جميلة جدا يا دوحة الله ينور عليك اقتباس شارك هذه المشاركه رابط المشاركه شار ك علي موقع اخر
Shetos 2 قام بنشر November 6, 2008 ههههههههههههههههههههههه لا بجد روعة يا دوحه.. منور يا جميل.. اقتباس شارك هذه المشاركه رابط المشاركه شار ك علي موقع اخر
EL3aref 5 قام بنشر November 6, 2008 جميل والله يا دوحه .. انا ميت من الضحك :) اقتباس شارك هذه المشاركه رابط المشاركه شار ك علي موقع اخر
عاشق الصداقه 525 قام بنشر November 6, 2008 واحد عصبي ضرسه وجعه راح للدكتور وقال له اخلع كل ضروسي وخليه زي الكـلب لوحده واحد بخيل ضرب عياله؟ ليــه ..؟ لقاهم مشغلين المروحة على ثلاثة وهم اثنيين طبيب عيون بيحب وشايل وردة فى ايديهوقال لحبيبته شايفة الوردة دى ياحياتى قالتله اه قام ونقلها الى اليد الاخرى وقالها طب كده فيه قرية وفيها حفـرة .... كل يوم يطيح فيها قروي ..... واحد يلحقون عليه ... والثاني يموت ... فاجتمع القرويون علشان يبحثون عن حل ... واخيرا اتفقوا على انهم يتخذون حل عاجل من احد ثلاثة حلول ... يشترون سيارة اسعاف ويحطونها جنب الحفرة ... او يبنون مشتشفى جنب الحفرة ... او يدفنون الحفرة ويحفرون بدلا منها وحدة جنب المستشفى :) والله إنت بتستهبل يا دوحه اقتباس شارك هذه المشاركه رابط المشاركه شار ك علي موقع اخر
eng_alaa 114 قام بنشر November 7, 2008 ذهب أحد الأطفال إلى أمه وقال لها : ماما .. أعطيني نقوداً حتى أعطيها لرجلمسكين يزعق في الشارع .فرحت الأم لقلب طفلها الطيب وأعطته النقود ، ثم سألته : ولماذا يزعق هذا الرجل يا ولدفقال الطفل : " إنه يصيح .. آيسكريم ... آيسكريم ههههههه ... تصدق الواد ده معاه حق والراجل ده صعب عليا انا كمان ... مشاركاتك متميزة ماشاء الله ... هتجيبه من برة .. طالع لكرينكل الكبير اقتباس شارك هذه المشاركه رابط المشاركه شار ك علي موقع اخر
زمردة 2 قام بنشر November 9, 2008 ياله بقي احنا مستنين الاصدار التاني من النكت بتعتك يا ممدوح انجز بقي اقتباس شارك هذه المشاركه رابط المشاركه شار ك علي موقع اخر
تويتي 10 قام بنشر November 11, 2008 ههههههههههههههههههههههههههههههههههههههه لا بجد جامدين فل يا دوحه اقتباس شارك هذه المشاركه رابط المشاركه شار ك علي موقع اخر
«۞۩ أبو سليمان ۩۞» 179 قام بنشر November 16, 2008 ثلاثه صقور اتراهنوا على الصيد راح الاول ورجع في منقاره دم قليل قال شفتو الشجره اللى هناك دى؟ قالوا أيوه قال اصطادت عندها أرنب راح الثاني ورجع في منقاره دم كثير قال شفتو الصخره اللى هناك دى قالوا أيوه قال اصطادت عندها غزال راح الثالث وهو أغبى واحد فيهم ورجع وكله دم قال شفتوا العمود اللى هناك ده قالوا أيوه قال أنا ما شفتهوش هههههههه جميل يا دوحة :) :) :) اقتباس شارك هذه المشاركه رابط المشاركه شار ك علي موقع اخر
قارئة الفنجان 0 قام بنشر November 18, 2008 ههههههههههههههههههههههههههههههههههههههههههههههه اقتباس شارك هذه المشاركه رابط المشاركه شار ك علي موقع اخر
