اذهب الي المحتوي
منتديات ياللا يا شباب
zoro_hf

انا مش صفر على الشمال

Recommended Posts

مجتمعنا الحلو العسل ده بوشين ....قديمه يعني مش جديده..

36_1_10.gif

شفتوا أي تجمع عائلي موجود فيه ولد و بنت صغيرين؟؟ اول حاجه بيقولوها للولد ايه ..عايز تطلع ايه يا حبيبي لما تكبر..نص العيال المفترية بتقول ظابط 36_15_5.gif

و اللي عنده وعي شوية يمكن يقولك رئيس جمهورية ..جيل المستقبل بأه يا سيدي عنعمل ايه؟...

طب والبنوته الصغيره بيقولولها ايه؟؟؟...نجوزك حماده يا سوسو لما تكبري ..والا تتجوزي ابيه خالد؟؟...تبص البت بغباء كده و تقولهم ..أنا هاتجوز بابا .. 36_3_14.gif

و الكل يتفتح في الضحك و يخلص الموضوع على كده

و تطلع البت من صغرها يجيبولها عروسة ..تسرحها و تلبسها الفرحه و تزفها ...و اي بنت في اي مجتمع تلاقي اول لعبه نفسها تلعبها ...عروسة و عريس !!! بالمعنى الطفولي مش بتاع الجامعات الخاصة و الورق العرفي

36_3_2.gif36_3_2.gif36_3_2.gif

و تمشي البنت في سلك التعليم و كل اما تنجح في مرحلة ما يقولولها ..مبروك عقبال مانشرب شرباتك...وعقبال عدلك يا حبيبتي ..و لما تيجي تستشير حد في الكليه اللي هتدخلها بيبقى الرد الموحد ...يا ستي ماتشغليش بالك ..هي البنت آخرتها ايه غير بيت جوزها 36_13_5.gif36_13_5.gif

و تفضل البنت تتشحن تتشحن طول حياتها على ان الشئ الوحيد المتوقع منها في الحياة انها تتجوز و تجيب عيال.....طب و لو ماحصلش

شوفوا معايا التلت حوارات دي

م1:هو انت معاكي ايه دلوقت؟؟

م2: معايا جوزين غوايش و ماشاءالله

م1:لأ يعني معاكي عيال ايه

م2: لا انا لسه ماتجوزتش

م1: يا عييييييني

36_1_44.gif

---------------

بيئة تانية و مستوى تاني

م1: وانت معاكي ايه دلوقتي

م2:معايا ماجستير و باحضر في الدكتوراه

م1:لأ قصدي معاكي عيال ايه؟

م2: لأ انا لسه ماتجوزتش

م1: يا عيييييييني

36_1_7.gif

---------------

بيئة تالته و مستوى تالت

م1: وانت معاكي ايه دلوقت

م2: انا معايا شيروكي 4*4

م1: لأ قصدي معاكي تشيلدرين ايه؟

م2:نو ..أنا لسه ماتجوزتش

م3:أوه ماي جود ..هاااانييييي

36_1_48.gif

هو هو الحوار في كل المستويات ..ولا يوجد اي نجاح في اي مجال يقدر يحل محل الزواج بالنسبة للبنت الشرقية...طب و اللي مش لاقيه و اللي فاتها القطر و اللي بارت على رأي الناس مابتقول ...يبقى مالهاش لازمة ..تروح تولع في نفسها يعني؟؟ 36_1_17.gif36_1_17.gif36_1_17.gif

هي غالبا ما بتبقاش مستعده لا نفسيا و لا علميا و لا اقتصاديا لللحظه دي ..كل الناس بيقولولها هتتجوزي يعني هتتجوزي ..و ساعة لما مايحصلش .مابتلاقيش حواليها غير نفسها و بس

بعد مالنسبة زادت و بقى عدد اللي لسه قاعدين بالملايين..لازم كل البنات يحبوا نفسهم و يدوروا ع النجاح في كل الأماكن و يعيشوا حياتهم على انها حياتهم مش على أساس انها تتر لمسلسل لسه مابتداش

36_3_16.gif36_3_3.gif

ولازم المجتمع يبطل يحصر البنت في دور العروسة و بس ..لأنه وقت الجد مش هيقدر يعملها حاجه و هيبقى هو اللي جنا عليها لأنه فهمها ان ده الطريق الوحيد و مافيش غيره..و هتحس ساعتها ان مالهاش لازمه و انها صفر ع الشمال و هتيجي تعمل بلوج زيي كده و تقعد تشتكيلكم

36_9_1.gif36_9_1.gif36_9_1.gif

ودا مش معناه اني بكره العيلة والجو الاسري

بس انا من هنا بقولها ..لو ماحصلش ..لو ماتجوزتش وما جبتش عيال و ماقدرتش اتبع خطة المجتمع ...أنا برضه ليه شخصيتي و حياتي و مش هابقى أبدا ......صفر ع الشمال36_1_39.gif

شارك هذه المشاركه


رابط المشاركه
شار ك علي موقع اخر

رائ____________________________ع

 

أن الحياه أكثر بكثير من عروسه وعريس

 

أختكم الحياه

شارك هذه المشاركه


رابط المشاركه
شار ك علي موقع اخر

موضوع هام للغاية زورو..

 

فعلاً الحياة لن تتوقف لمجرد أن الفتاة لم تتزوج..

 

عليها أن تتابع حياتها بشكل طبيعى للغاية..

 

شكراً زورو..

شارك هذه المشاركه


رابط المشاركه
شار ك علي موقع اخر

فعلا موضوع رائع يا زورو

بس انا شايف ان الحياة سوف تتوقف اذا احنا ما اتجوزناش :) :)

 

موضوع جميل احييك يا زورو عليه

شارك هذه المشاركه


رابط المشاركه
شار ك علي موقع اخر

موضوع جميل يا زورو ..

 

طيب وايه الحل لو الشاب معهوش فلوس علشان يتجوز

 

:) :) :) :) :)

شارك هذه المشاركه


رابط المشاركه
شار ك علي موقع اخر

موضوع مهم جدا يا زورو وبدأ يفرض نفسه علي المجتمع بقوه .. والحل موجود

:) كل واحد يتجوز اربعه زي الشرع مابيقول :)

 

طيب وايه الحل لو الشاب معهوش فلوس علشان يتجوز

 

ياعم عارف دا الموضوع ده عاوزله يومين تلاته نكتب في حلول :) ...

وفي النهايه مش هتتجوز برضه :) :)

شارك هذه المشاركه


رابط المشاركه
شار ك علي موقع اخر

موضوع جميل جدا ورائع جدا اخى وهو فعلا امر ضرورى يجب ان يثار -بس عموما المجتمع ماشى كده وياريت نقدر نغير المفاهيم دى علشان حتى نخفف من الاقتناع النفسى عند البنات لو متجوزوش بعد الشر يعنى ان ده امر فظيييييييييييييييع وردود فعل الناس بتبقى بصراحه فى منتهى الغباء

على العموم جزاك الله خيرا على الموضوع الجميل اسال الله ان يزيدك من فضله وان يحقق لك كل ما تتمنى

 

شارك هذه المشاركه


رابط المشاركه
شار ك علي موقع اخر

موضوع مهم جدا

وطريقه عرض اكثر من رائعه

ربنا بياركلك

شارك هذه المشاركه


رابط المشاركه
شار ك علي موقع اخر

موضوع جميل جدا يا زورو ومهم

 

بس أنا بالنسبة ليا عالرغم من كل اللى انت قلته ده

 

والثقافه المحبطة اللى موجوده ف مجتمعنا

 

إلا أن معظم البنات أصلا رافضين الجواز

 

(( ولا هما شكلهم بيقولو كده علشان خاطر الروح المعدنية وما إلى ذلك))

 

ومش مستعدين بأى شكل من الاشكال لمواجهة الحياة دى

 

وبعدين مفيش بنت بتبور غصب عنها

 

مفيش بنت مش بيتقدملها عرسان !!

 

هى أكيد بترفض .. بترفض .. بترفض

 

وبعد ما بتكبر شوية وتلاقى كل صحابها وقرايبها البنات اللى من سنها اتجوزو

 

ومعاهم أطفال ومبسوطين ((تحتمل الصدق أو الكذب)) ف حياتهم وهى لسه ياعينى لوحدها

 

فنفسيتها بتتضايق ... بس بردو مش دايما

 

انا اعرف بنات عدت التلاتين ومش متجوزين بس مبسوطين

 

البنت مالهاش غير بيت باباها

 

جواز أيه ووش أيه ده يااااااااااااااااااااربى

 

 

وعامة يابنات مش تزعلو بجد

 

ويروح .......... يجى 10000 عريس.....

شارك هذه المشاركه


رابط المشاركه
شار ك علي موقع اخر

صحيح ..........في مجتمعنا العربي تحديدا لايمكن تخيل الفتاة مستقلة بذاتها حتى عن الوالدين بينما الشاب يرى أنه ليس من الغريب أن يبقى مستقلا طول حياته

شارك هذه المشاركه


رابط المشاركه
شار ك علي موقع اخر

Join the conversation

You can post now and register later. If you have an account, sign in now to post with your account.

زائر
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×
×
  • اضف...

Important Information

By using this site, you agree to our Terms of Use, اتفاقيه الخصوصيه, قوانين الموقع, We have placed cookies on your device to help make this website better. You can adjust your cookie settings, otherwise we'll assume you're okay to continue..