6 ردود على هذا الموضوع

[عاشق الصداقه]

Tweet

[right]

اقتباس

تقول لى :
إنت متعرفش أنا بعزك قد إيه ..
أنا من غيرك بحس انى مش عايشه ..
انت اللى بقيلى فى الدنيا ..
من غيرك ما اقدرش اعيش ..
..............

كفايه كدب كفايه أوهام
شبعت وحفظت الأفلام
دانا يما كنت بحس بفرح ..
كان كان لى كلامك أحلى كلام ..

كلام .. وياما سمعت وعشت
فى احلى ايامى وفرفشت ..
لكن خساره .. صحيت من الوهم
وخلاص عرفت .. ده كله كلام!!

كلام .. وليه أنا صدقته ..
كلام رقيق وجه فى وقته
وأنا قلبى ضعيف .. ميستحملش ..
ليه خلتينى مش عارف أنام

نفاق وعمرى ما حسيته ..
فى لحظه شفته .. وقريته ..
كتبته فى ورقه وحرقته ..
ندمت .. وكسرت الأقلام ..

ليه كل ده وبرضه بضحى ؟؟
ليه ناس كتيييير بتبيع فرحى ؟؟
ليه كل ما أبعت وردة حب ...
يكون الرد فيه جرحى !!

حسأل سؤال ..وبعده حعلن الإستسلام ..
فى حد حقيقى يستاهل ..
حب وعطاء .. وفاء .. اخلاص ..
ولا خلاص .. دى بقت أحلام !!
أصلى لا حبيت .. ولا ححب .. زى اللى باعونى فى لحظه قوام ..
سؤال .. وحد يجاوبنى ..
وحنهى بعلامة إستفهام ؟

[NADA]

السلام عليكم ورحمة الله وبركاته
حقيقى كلام جميل جدا ورائع وحقيقى المفروض اننا فعلا منصدقش كل كلام بيتقال لنا
لان فى ناس كتير بقت تستغل الكلام علشان تغرق الناس فى حبها وبعدين يقولولنا سورى باى باى
والكلام مفيش عليه جمارك لكن ميعرفوش ان فى لنا رب يحاسبهم على تدميرهم لاغلى حاجه فى حياتنا وكسر قلوبنا
وانا بقول لكل واحد الا يعطى قلبه الا لمن يستحقه ولا يسير فى سراب الكلام المعسول
وربنا يحفظنا ويبعد عنا كل ظالم جبار
وممكن ارد على سؤالك وحقيقى مفيش اى حد يستاهل حتى من يقال عنهم الاصدقاءلانهم بيبيعوا لانهم فعلا مش عارفين يعنى ايه صداقه ومش يستاهلو هذه الكلمه
MAM NĚCO PRO TEBE NIMOHU NIKOHO DAT
TO JE MOJE SRDCE
MILUJU TĚ

[عاشق الصداقه]

أشكرك جداً أختى ندا .. نورتى الموضوع بمرورك
ومش كل الناس كويسه ومش كلها وحش .. بس لمل الواحد يتصدم فى اعز الناس عنده ..
بجد صعبه جدا جدا جدا .. وبيحس ان فعلاً مفيش حد يستاهل .. ولون الكلمه دى حتزعل ناس كتيييييييييير منى ..
وأشكر كللامك الجميل ..
واسف على ضعف الكلمات والشعر .. لأنى ولأول مره ... أكتب أون لاين .. يعنى كنت بكت الكلمات دى لأول مره فى الموضوع ..
دون إعداد .. أو فتره كافيه للكتابه ... من عقلى للوحة المفاتيح .. فلم أعطى الشعر حقه .. ولكنى سأعتبرها فضفضه ..
وأرجو أن يرد القراء على سؤالى .. الذى حيرنى جدا جدا ... فتركت اجابته لكم ..

[einour]

مافيش احلى ولا اخف من اللهجة المصريه
يا بختكو يا بختكو .... من الفكر للوحة المفاتيح فةرا وبالبراعة دي كلها .....
يا سيدي كلمات حلوه وخفيفة وتدخل للقلب من غير استاذان ولو اني زعلت عشان نابعه من قلب مكسور بجد ....
وبحب اقلك واذكرك بكلام ربنا
(ولا تهنوا ولا تحزنوا وانتم الاعلون ان كنتم مؤمنين) انشاء الله اكون متذكره الايه مزبوط
موفق وبانتظار المزيد

[عاشق الصداقه]

أشكرك جداً يا اختى اينور على ردك الجميل .. وبجد انا بحب لهجتكم جدا جدا ..
وبشكرك على التذكير بكلام الله فهذا افضل ما يقال من كلام .. شكراً لكى كثيراً
وعلى فكره الايه صحيحه والحمد لله ... ربنا يرزقك الحفظ والتذكر دايماً

[بركات معبد]

نفاق وعمرى ما حسيته ..
فى لحظه شفته .. وقريته ..
كتبته فى ورقه وحرقته ..
ندمت .. وكسرت الأقلام ..

ليه كل ده وبرضه بضحى ؟؟
ليه ناس كتيييير بتبيع فرحى ؟؟
ليه كل ما أبعت وردة حب ...
يكون الرد فيه جرحى !!




لما لا يكون هكذا ياعاشق

تحياتى صغيرى

[عاشق الصداقه]

اقتباس

لما لا يكون هكذا ياعاشق

أشكر مرورك أستاذى ... وبجد يشرفنى جدا ردك ..
وأنا عارف انى ما راعيتش حسن الصياغه فى الكتابه فى الموضوع ده ..
لأنى زى ما قلت ... انا كتبته من غير تفكير او ترتيب .. فضفضه زى ما قلت ..
فأعزرنى ... وأشكر نصيحتك ومرورك جدا جدا