اذهب الي المحتوي
منتديات ياللا يا شباب
فارسات الخير

هام وعاجل لكل المنتقبات

Recommended Posts

793238226.jpg

سلام عليكم

أختي المنتقبة عايزه اقولك شوية نصايح عشان تبقي منتقبة بجد

للأسف بدل مانبقى شوكة في حلق كارهي الإسلام والالتزام

بقى كتير منا شوكة في ضهر الالتزام

لذلك خدي بالك من الكلمتين دووول

ومتطلعيش من الموضوع إلا ماتخدي قرار مع نفسك إنك هتبقي مسلمة ملتزمة بحجابك

ومتعمليش حاجات تخليكي خالعة نقابك وانتي لابساه

اشكري ربنا على نعمة النقاب ولا تشمتي بنا أعداء النقاب المتربصين لنا.

مش عايزين حد ييجي ويقول آدي ياعم المنتقبة ..

249947382.jpg

لبستي النقاب يبقى المفروض تستري جسمك كله

874312399.jpg

.

مش عايزين الإيدين اللي باينة ولا الرجلين اللي من غير شراب

يعني متفرطيش في الجوانتي بتاعك مهما كان السبب

ومتقوليش انا رايحة البقالة دي جنب البيت

أو رايحة السوق ده الشارع الجاي

وخاصة لو حاطة حنة أو مانيكير أولابسة خواتم أو أو أو..

إنتي خارجة تفتني الناس بجمال إديكي!!

طالما ارتضيتي انك تلبسي النقاب متسوإيش صورته

.

وبالنسبة للشراب

مينفعش أخت منتقبة دارت وجهها وكفيها وتركت رجلها ظاهرة من غير شراب

وده للأسف منظر مضحك جدا انتشر الأيام دي

وطبعا لازم يكون شرابك إسود

مش الشراب اللي بلون الجسم اللي بيظهر أكتر مابيخبي

أو على الأقل اللي هيشوفك بيه هيفكر إنك ماشية من غير شراب

وده في حد ذاته فتنة وخاصة للمنتقبات الجدد

لإنهم هيقلدوكي

.

في منظر بيخلينا نشمئز جدا من المنتقبة ألا وهو

المنتقبة اللي حاطة كحل أو مسكارا أو راسمة عنيها أو ده كله مع بعضه

سامحيني يا أختي مش ممكن حد يشوفك ويحترمك وانتي بالمنظر ده

إوعي تفكري إنك منتقبة أبسلوتلي^^

إنتي كده هديتي النقاب اللي لبستيه بمعنى الكلمة

أظهرتي عنيكي وزينتيها ليه؟؟؟

لما انتى عايزة تداري نفسك ولبستي النقاب بتحطي الكحل وتزيني عينك ليه

انتي بتناقضي نفسك!!

انتي بتضحكي عالناس!!

مش عارفة إن اللي بتعمليه ده حرام

بتفتني الناس

عايزة اقولك اوعي تفكري إن عينك جميلة عشان حطيتي فيها الفرح ده

لالالالا

طب شوفي كده أي معزة في أى مكان

وهاتي نقاب ولبسيهولها

هتلاقيها مزة مش معزة

مش مصدقاني طب روحي جربي

المقصود من الكلام ده إن المرأة لو كانت في مجملها قبيحة وأظهرت عينيها فقط

لاسيما بألوان الطيف

هيبقي شكلها ملفت جدا

إذا الحل ايه؟؟؟

الأفضل ليكي إنك متظهريش عينك من أساسه وتنزلى البيشة

اللى هيا الطبقة اللي بتحدفيها على ورا

وإن كنتي مش قادرة تعملي كده خلاص يا ستى أظهريها بس على قدر الرؤية بس

ومتبقيش زي الأخوات اللي مبينين نص مناخيرهم

على أساس إن شكلها مغري**

ولا تبيني حواجبك ولا المكان اللي جنب العيون من الناحيتين

يعني باختصار تضيقي نقابك قدر الإمكان بحيث لو شوفتك مش هفهم أي حاجة ^^

وانتي شايفة كل حاجة وكله تمام

.

ننقل على حاجة تانية

المنتقبة اللي بتحط مزيل عرق اسبراي

هوانتي فاكرة إنه عشان اسمه مزيل عرق يبقي مش حرام !!

بتضحكي على نفسك والله

متفرقش اسمه مزيل عرق ولا برفيوم ولا إى حتى

المهم إنه ليه ريحة

طب ليه يا أختي معندك البلية أو الاستيك وعندك اللي من غير ريحة خالص

199539095.jpg

.

نيجي بقا للمنتقبة اللي لابسة كعب عالي

وماشية تك تاك تك تاك

557729475.jpg

وكإنها بتقول إنت مش شايفني أنا موجووووووووودة

اتق الله والبسي حاجات عالأرض

 

 

... تقول امنا عائشة رضي الله عنها برواية عروة :

( كن نساء بني اسرائيل يتخذن أرجلاً من الخشب يتشرفـّن للرجال في المسجد ، فحرّم الله عليهـّن المساجد ، وسلط عليهن الحيضة ). قال الحافظ " أخرجه عبد الرزاق بإسناد صحيح عن ابن مسعود .

.

لون شنطتك ولون حذائك يا منتقبة

إتق الله وبلاش الأصفرات والأحمرات والأبيض و,,,,,

الحجاب مش الأسدال والنقاب والشراب والجوانتي بس

حذائك وشنطتك بيكملو حجابك

لازم تكملي حجابك صح

وبلاش الترتر اللي في الشنطة اللي بينور في الضلمة ده

حذائك وشنطتك لازم يكونو ألوان غامقة

لون حجابك

اللي هوا غامق بردو

اسود كحلي بني زيتي

ولاشك إن الأسود أفضل طبعا

 

 

.

أختي المنتقبة

إنتي ليه مفكره إن البلكونة جزء من البيت

لازم تعرفي كويس إنك لو طلعتي البلكونة يبقى طلعتي الشارع

واللي بتلبسيه في الشارع البسيه في البلكونة

متبقيش منتقبة بره شارعكو بس

ورجال الشارع كله حفظوكي صم^^

 

 

نكمل كلامنا..

العباية وما أدراكم ماالعباية

ليه يا اختي يا منتقبة بتلبسي عباية مطرزة أو طبقات أو ستان بيلمع

أنتي بتضحكي على نفسك!!

انتي بتعاملي مين!!

لما انتي عايزة تبقي حلوة وشيك وهدومك مليانة ترتر وملفتة لبستيه ليه؟؟

وإذا لبستي عباية محترمة وواسعة فين خمارك اللي عليها؟؟

ولا انتي بتلبسي طرحة صغيرة وبعدين النقاب

بالله عليكي هوا ده الحجاب

فالتزمي بالخمار بارك الله فيكِ

ممكن كمان تلبسي إسدال أو ملحفة وعليهم نقابك

الموضوع سهل بس تحطي في دماغك إنك منتقبة

.

نيجي بقا للنقاب

ليه النقاب الصغير اللي عامل زي الكمامة

لو جيتي تشربي ولا تعملي أي حاجة وشك بيبان وانتي مش حاسة

واللي حواليكي بيتفرجوا ومبسوطين^^

بالله عليكي كبري نقابك وبلاش الكمامة اللي انتى لابساها

,,

حتى النقاب مسابوهوش في حاله وعملو منه المشغول واللي طبقات

وحاجات يندى لها الجبين

هوا احنا انتقبنا عشان كده

ولا عشان نلبس حجاب ونرضي ربنا

راجعي نقابك وشوفيه صح ولا لا قبل فوات الأأوان

 

.

ليه يا منتقبة بتعلي شعرك لفوق وتكبري راسك كده

مش عارفة إنك كده مش هتدخلي الجنة ولا حتى هتشمي ريحتها

شوفتي الحديث ده

 

 

هذا حديث صحيح رواه مسلم في الصحيح عن النبي -صلى الله عليه وسلم- أنه قال: (صنفان من أهل النار لم أرهما تيجان بأيديهن سياط يضربون بها الناس يعني ظلماً ونساء كاسيات عاريات مائلات مميلات رؤوسهن كأسمنة البخت المائلة لا يدخلن الجنة ولا يجدن ريحها، وإن ريحها ليوجد من مسيرة كذا وكذا

 

 

258605602.jpg

.

ليه يا منتقبة بتقصدي تبيني بنطلونك الجينز اللي لابساه تحت الحجاب

وتقولي أصل كباسين العباية بتتفك غصب عني

اتقِ الله ومتلبسيش حاجة بزرارير أو كباسين

ومتتشبهيش بالمتبرجة اللي بتعمل كده

.

اختي المنتقبة

بلاش الطرح والحاجات الي بتخلي نقابك ملفت

انتي عايزة تتداري ولا تظهري

547407832.jpg

.

نيجي للمنتقبة اللي بتسلم عالرجال بإديها عادي

 

 

عن معقل بن يسار عن رسول الله صلى الله عليه وسلم قال: "لأن يطعن في رأس أحدكم بمخيط من حديد خير له من أن يمس امرأة لا تحل له" رواه الطبراني والبيهقي.

718630900.jpg

.

ليه يا منتقبة صوتك بيعلى في الشارع

وتقولي أصل العيال بينرفزوني ..

أصل صاحبتي قالت حاجة تضحك..

اتق الله وكوني وقورة ومتعليش صوتك في الشارع ولا المواصلات

ولا في الوظيفة ولا في أى مكان

وده أساسا يتنافى مع طبيعة المراة

.

 

ليه يا منتقبة بتتفرجي على مسلسلات

979765998.jpg

 

 

وأحيانا بتسمعي أغاني

864942517.jpg

 

اتق الله واعملي بحجابك

.

ليه يا منتقبة بتقعدي في مجالس الغيبة والنميمة

مش انتي مثال للملتزمة

طب بتعملي كده ليه؟؟

687499627.jpg

.

أختي المنتقبة

إن لم تحسني التبعل لزوجك، أو أسأت الأدب مع والديك، فأنت سبب في شن حرب على النقاب

128532645.jpg

.

أختي المنتقبة

احذري

544913095.jpg

852559234.jpg

.

أختي المنتقبة

متسمحيش لعامل النظافة ولا لقارئ العداد أن يدخل بيتك وليس معك رجل محرم

.

أختي المنتقبة

 

ماتسمحيش لأخ زوجك ولا لزوج أختك أن يختلط بك، فالحموُ الموت، (وقالوا الحمو هو كل محرم مؤقتا: أخ زوجك، زوج أختك..) إياك أن تختلطي به ولا تتكلمي معاه ولاتهزري، ولا تكشفي يديك أمامه، ولا تسقط عينك على عينه، اتقي الله، فليكن الموت ولا تكن الخيانة لدين الله..

أختي المنتقبة

سلطت عليكِ الأضواء فلا تخذلينااااا

327722939.jpg

والسلام عليكم ورحمة الله

شارك هذه المشاركه


رابط المشاركه
شار ك علي موقع اخر

فعلا هااااااااام جداااااااا وعاجل

 

جزيتي اعالي الجنان عزيزتي فارسات الخير

 

تم التقييم والنشر على الفيس بوك لقيمة وأهمية الموضوع

 

 

هدية لك عزيزتي فارسات الخير ولكل امرأة عفيفة ابت الا ان تكون عالمة عاملة بتعاليم دينها

 

مقتدية بأمهات المؤمنين والصحابيات رضي الله عنهن وارضاهن وجمعنا بهن في الفردوس الأعلى

 

 

 

 

اللهم استرنا فوق الأرض وتحت الأرض ويوم العرض عليك

 

 

 

.

شارك هذه المشاركه


رابط المشاركه
شار ك علي موقع اخر

Join the conversation

You can post now and register later. If you have an account, sign in now to post with your account.

زائر
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×
×
  • اضف...

Important Information

By using this site, you agree to our Terms of Use, اتفاقيه الخصوصيه, قوانين الموقع, We have placed cookies on your device to help make this website better. You can adjust your cookie settings, otherwise we'll assume you're okay to continue..