اذهب الي المحتوي
منتديات ياللا يا شباب
الفقيرة الى الله

9أشياء مهمة عن نوم طفلك

Recommended Posts




9حاجات مهمة عن نوم طفلك
 


20.gif 

النوم من الحاجات المهمة جدا للطفل وخصوصا حديث الولادة،
 
 
والنهارده بنقدّم لك 9 معلومات مفيدة هتعرّفك أكتر عن
 
 
أحسن الطرق علشان طفلك ينام بشكل مريح وهادي..

 
 
 
20.gif
 
 
1- اعرفي الوقت المناسب
 

لما طفلك بيكون محتاج للنوم بيبدأ يظهر لك بعض الإشارات
 
علشان تفهمي إنه مرهق ومحتاج ينام شوية، ومن ضمن العلامات
 
دي إنه يفرك في عينيه أو يبكي من غير سبب، أو تلاحظي
 
عليه نشاط زائد عن الطبيعي، وكل ما كان تعبان أو محتاج
 
 
للنوم بشدة كل ما هتكون إشاراته أكثر وضوحا وإزعاجا،
 
 
 
علشان كده أول لما تلاحظي العلامات دي لازم تهيئي له الجو المناسب للنوم.
 
 


03_18.gif 

2- ثبّتي روتين النوم
 

حددي طريقة وروتين معينين لأوقات النوم، والتزمي بها دايما،
 
 
 
علشان طفلك بيفهم إن دي الطقوس الخاصة بوقت النوم
 
 
ويحفظها فيلتزم بها هو كمان، ومن الحاجات اللي لازم
 
تثبّتيها دايما هي مواعيد النوم، وده طبعا تقدري تعمليه وهو
 
 
أكبر شوية زي ما قلنا، يعني بعد ما يكمّل 6 شهور،
 
 
كمان حاولي تتجنبي إنه ينام في وقت متأخر من النهار
 
 
علشان يعرف ينام بشكل هادي بالليل، ولو حسّيتي إنه
 
 
عايز ينام في وقت متأخر من النهار حاولي تلاعبيه وتصحيه
 
 
علشان ينام في الميعاد بتاعه، وفي كل مرة هتنيميه فيها
 
 
سواء خلال النهار أو بالليل لازم تحطّيه في السرير بتاعه،
 
 
علشان هو يفهم إن ده مكان النوم، وإنه ما دام
 
 
موجود في المكان ده يبقى لازم ينام.
 


03_18.gif
 

3- بلاش تستغلي أوقات القيلولة لعمل مشاوير

نوم طفلك في أوقات القيلولة الخاصة به ممكن يبقى مغري جدا
 
 
بالنسبة لك علشان تعملي مشاويرك الخاصة أو تنجزي
 
 
المهام اللي كنتي معطّلاها بقالك فترة، ومافيش مشكلة إنك
 
 
تعملي ده مرة كل فترة، لكن تكرارها بكثرة مش بيوفّر
 
 
لطفلك الراحة اللي المفروض يحصل عليها خلال فترات نومه.

ولو كنتي مضطرة إنك تعملي كده فالأفضل إنك تعملي
 
مشاويرك لوحدك، وتتفقي مع والدتك أو أختك أو
 
زوجك إنهم ياخدوا بالهم منه في الوقت اللي إنتي مش
 
موجودة فيه، وبكده تبقي ضمنتي إنك هتقللي المدة اللي
 
هتكوني فيها برة البيت وطفلك صاحي، وأنجزتي المهام
 
المطلوبة منك وإنتي مش قلقانة.
 
 

03_18.gif
 
 

4- افهمي إنه بيحتاج ينام كتير
 

لو كنتي أم لأول مرة، ممكن تستغربي إن طفلك بينام مدة
 
طويلة وعلى مرات كتيرة كده خلال اليوم، لأن الطفل حديث
 
الولادة بيحتاج إنه ينام حوالي 16 ساعة في اليوم، وغالبا أوقات
 
صحيانه بيكون سببها إنه محتاج لتغيير حفاضاته المبتلة أو لأنه جعان.

وكل ما الطفل بيكبر بتلاحظي إن عدد
 
 
ساعات نومه بتقل تدريجيا
 
، وعند سن 6 شهور بتكون معظم الأطفال بدأت تنظّم مواعيد نومها،
 
 
بحيث إنهم يناموا فترة أطول خلال الليل، بالإضافة لمرتين أو ثلاثة من
 
 
القيلولة خلال ساعات النهار، لكن لو طفلك مختلف عن
 
 
كده ما تقلقيش لأن كل طفل وله طبيعة مختلفة عن التاني.

 
 

03_18.gif
 
 

5- طوّلي فترة نومه
 

لو طفلك عمره أكبر من 6 شهور ومع ذلك نومه لسه متقطع،
 
 
وبينام مرات كتيرة أثناء النهار لمدة مش بتزيد عن 20 دقيقة كل
 
 
مرة، في الوقت ده لازم تساعديه على إنه يبدأ يطوّل فترات نومه
 
 
خلال النهار، بحيث إنه ينام في المرة الواحدة لمدة من ساعة لساعتين
 
 
متواصلين، وده بإنك تزوّدي المسافة بين أوقات نومه بالتدريج،
 
 
وماتسيبيهوش ينام مرات كتيرة متقطّعة، وبكده هتخلّي ابنك
 
 
ينام مرات قليلة خلال اليوم ولكن لمدة أطول، والميزة كمان
 
 
إنه هيحصل على نوم طويل وعميق بالليل من غير ما يقلق.
 
 
 

03_18.gif
 
 

6- بلاش ينام بعد الأكل مباشرة
 

معروف إن الأطفال بيستغرقوا في نوم عميق بعد الرضاعة مباشرة،
 
لكن الأفضل إنك تحاولي تعملي فرق زمني بين وقت الرضاعة
 
 
واستغراقه في النوم، لأنه لو اتعوّد على إنه ينام بعد الرضاعة
 
مباشرة هيعتمد على الطريقة دي للحصول على النوم، ومش
 
هيعرف ينام بعد كده إلا بالرضاعة، لكن لما تفصلي ما بين وقت
 
الرضاعة ووقت النوم حتى لو كان لمدة دقايق بسيطة ممكن
 
تشاغليه فيها باللعب أو حتى بإنك تستغلي الوقت ده في تغيير
 
حفاضاته، هيتعوّد بعد كده إنه ينام بطريقته الخاصة.

 
 

03_18.gif
 
 

7- بلاش تبقي مندفعة وقلبك خفيف
 

الطفل وهو نايم ممكن يعيّط أو يضحك أو يعطس أو يصدر أي أصوات،
 
ودي حاجات طبيعية جدا ومش معناها إن فيه حاجة مضايقاه أو تاعباه،
 
فمافيش داعي إنك مع كل صوت تقلقيه أو تنزعجي أو تخافي إنه يكون
 
تعبان، يعني ممكن تشوفيه من وقت للتاني وتطّمني إنه نايم كويس ومتغطي،
 
طالما إنتي عارفة إنه نايم مرتاح وشبعان وحفاضاته نظيفة.
 
 

03_18.gif
 
 

8- حطّيه في السرير وقت النوم
 

مش معنى إن وقت النوم جه إنك لازم تشيلي طفلك وتهدهديه لغاية
 
ما ينام، يكفي إنك تحطّيه في سريره وهو لوحده هيفهم إن ده
 
ميعاد النوم وهينام لوحده على طريقته الخاصة، وخصوصا لما تكوني
 
عاملة روتين ثابت لوقت النوم زي ما قلنا قبل كده، لكن لو
 
 
عوّدتيه إنك تنيّميه وإنتي شايلاه، هتكون دي طريقته في الحصول
 
على النوم، وحتى لو صحي بالليل مش هيعرف ينام
 
مرة تانية إلا لو شيلتيه زي ما هو متعوّد.
 


03_18.gif
 

9- التزمي بقواعد الأمان والسلامة
 

اهتمي دايما إنك تنيّمي طفلك في مكان آمن، وأفضل مكان لنوم
 
طفلك هو سريره الخاص، وحاولي إنك تزيلي أي لعب أو
 
دباديب أو مخدات أو بطاطين، وأهم حاجة إنك تراعي
 
إن طفلك يكون نايم على ظهره.

شارك هذه المشاركه


رابط المشاركه
شار ك علي موقع اخر

جميل جدا موضوعك يا ميادة 

 

وبصراحة كده انا وائقة انك في المستقبل هتكونى ام مثالية  :keda: 

 

وانا بردو هكون خالة مثالية  :smile: 

شارك هذه المشاركه


رابط المشاركه
شار ك علي موقع اخر

Join the conversation

You can post now and register later. If you have an account, sign in now to post with your account.

زائر
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

جاري التحميل ...

×
×
  • اضف...

Important Information

By using this site, you agree to our Terms of Use, اتفاقيه الخصوصيه, قوانين الموقع, We have placed cookies on your device to help make this website better. You can adjust your cookie settings, otherwise we'll assume you're okay to continue..