اذهب الي المحتوي
منتديات ياللا يا شباب
دعوه للجنه

لو كسلانه تنضفى بيتك ،، ادخلى بسرعة!!!

Recommended Posts

بسم الله الرحمن الرحيم

 

 

 

 

 

للكسلانات فقط

كسلانة تغسلى مواعينك ؟؟؟؟كسلانة تنضفى بيتك؟؟؟؟كسلانة تحمى عيالك وتخلى ملابسهم نضيفة ؟؟؟؟كسلانة تكنسى بيتك وتلمعى فرشك ؟؟؟؟وكسلانة تشيلى الدهون المتكومة على البوتجاز من سنين؟؟؟؟كسلانة كمان تخلى تلاجتك نضيفة وريحتها حلوة ؟؟؟؟؟


طب تعالى اقولك
من صفات المرأة الصالحة كما اخبر النبى عليه افضل الصلاة والسلام (تسره اذا نظر )فهل حال بيتك يسر زوجك اذا نظر

يللى مكسلة تغسلى مواعينك انتى ناسية انك بتنضفى بيتك مش بيت حد تانى وغيرك بتنضف بيوت الاخرين وتعتبره عمل شريف

يللى مكسلة تنضفى بيتك وتكنسيه محمدتيش ربنا انك قاعدة فى بيت طويل عريض غيرك من الالاف الشباب مش لاقيين بيت يتجوزوا فيه ونسيتى اخوانك اللى فى الصومال حالهم ازاى ؟؟؟مفتكرتيش حال البدو فى الصحرا ...
اين هو شكر النعمة ؟؟؟؟؟؟

يللى كسلانة تحمى عيالك وتخليهم نضاف ناسية ان في غيرك كتير يتمنوا ضفر عيل ويتمنوا لو عندهم ولد صغير ولابنوتة جميلة علشان يخلوهم قمر 14

ويللى كسلانة تهتمى بيتك مفتكرتيش فلانة العاجزة المريضة اللى تتمنى تقف على رجليها وترجع تبقى ست البيت زى الاول وانتى واقفة بصحتك وعلى رجليك وسايبة الدنيا تضرب تقلب
هى بتدفع الكتير علشان تقف على رجليها وانتى محمدتيش ربنا على نعمة العافية والصحة

يللى سايبة بوتجازك مليان دهون مفتكرتيش ان السيدة عائشة تروي أنه كان لا يوقد في بيت النبي نار الهلال تلو الهلال تلو الهلال، وأنهم كانوا يعيشون على التمر والماء.
وليه مفكرتيش نفسك وانتى اغنى الاغنياء وانتى بتولعى بوتجازك ساعة تلو الساعة تلو الساعه

مفكرتيش ان بناتك هيتعودوا على منظر البيت ويكبروا على كده وبكرة يفضحوكى قدام اجوازهم

معلش انا عارفة كلامى تقيل بس خطر الموضوع ده عظيم نفسيا وصحيا عليكى وعلى جوزك واولادك

راجعى نفسك، حتى تكونى من أهل الجنة من خلال مطبخك، عليّ أن تحتسبى عملك فيه لله سبحانه وأنك تخدمى زوجك الحبيب، تساعديه على القيام برسالته، وأبنائك الأعزاء قومى بخدمتهم ليكونوا مسلمين دعاة إلى الله.

عليّك ألا تضيِّعى وقت عملك في مطبخي هدرًا؛ فقومى بذكر الله والصلاة على النبي- عليه الصلاة والسلام-وأسمعى شريطًا إسلاميًّا

ليأتي اليوم اللى متغسليش فيه ولاطبق وانتى بصحة وعافية وراحة بال ومسرورة.
﴿يَطُوفُ عَلَيْهِمْ وِلْدَانٌ مُخَلَّدُونَ (17) بِأَكْوَابٍ وَأَبَارِيقَ وَكَأْسٍ مِنْ مَعِينٍ (18)

 

 

يا ربّي لك الحمد حمدًا كثيرًا طيبًا مباركًا فيه، اللهم لك الحمد ملء السماوات وملء الأرض وملء ما شئت من شيء بعد..

﴿رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَصْلِحْ لِي فِي ذُرِّيَّتِي إِنِّي تُبْتُ إِلَيْكَ وَإِنِّي مِنْ الْمُسْلِمِينَ﴾ الأحقاف: من الآية 15

 

 

 

 

منقول

شارك هذه المشاركه


رابط المشاركه
شار ك علي موقع اخر

موضوع جميل جدا وحيوي و انا شايفه ان الست الغير نظيفه بالاضافه للكلام دا كله بتكون زي ناشري الفساد في الارض

 

لأنه صلى الله عليه وسلم يقول: ((من سن في الإسلام سنة حسنة كان له أجرها وأجر من عمل بها من بعده لا ينقص ذلك من أجورهم شيئا، ومن سن في الإسلام سنة سيئة كان عليه وزرها ووزر من عمل بها من بعده لا ينقص ذلك من أوزارهم شيئا)) خرجه مسلم في صحيحه.

 

لانك المعلم و القدوه و والله بقولها عن تجربه اوعي تستهوني بالطفل ابدااا زي ما بتعملي هيعمل و الله لوعندك كحه حتي هيعمل زيك

و اكيد لو مش نظيفه ولادك هيكونو كربونه منك

انا عن نفسي اكتر حاجه بكرها الاطفال الغير مرتبين و عندي هوس شويه في الاموضوع دا ، يمكن بتعب ولادي شويه بس خلاص الطفل بيتعود علي كدا

 

جوجو حبيبتي مثلا لو باكلها و غصب عني رزايه وقعت مني عليها الاقيها بتشاورلي بصي يا ماما بصي (زي ميكون بتقولي ايه اللي بتعمليه دا ، انا ربيتك علي كدا)

بس و الله  بفرح بيها

 

طولت عليكو بس و الله يا دودو الواحد يلاقي الوقت بس ، ربنا يعين و يكرم يا رب

شارك هذه المشاركه


رابط المشاركه
شار ك علي موقع اخر

Join the conversation

You can post now and register later. If you have an account, sign in now to post with your account.

زائر
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

جاري التحميل ...

×
×
  • اضف...

Important Information

By using this site, you agree to our Terms of Use, اتفاقيه الخصوصيه, قوانين الموقع, We have placed cookies on your device to help make this website better. You can adjust your cookie settings, otherwise we'll assume you're okay to continue..