ازاي تلاقي وظائف خالية بسهولة ؟

[شيرين بدر 0]

موضوع حصري لمنتدى يالا شباب خاص بموضوع الوظائف الخالية 

طبعا زمان كنا بنستنى جريدة الاهرام يوم الجمعة عشان نشوف الوظائف اللي موجودة فيه وتفضل تتصل بالشركات وتاخد مواعيد وتروح تقدم السيرة الذاتيه بتاعتك (CV) وتستنى دورك وتعمل الانترفيو ويا قبلت يا ما قبلتش

 

دلوقتي الحياة بقت اسهل بكتير جدا خاصة في الثورة الاتصالات اللي حصلت عالم الانترنت دلوقتي مليان بمواقع التواص الاجتماعي المتخصصة في مجالات الاعمال زي موقع لينكيد ان مثلا  ده يعتبر من اهم المواقع عالميا بيتجمع عليه الشركات اللي بتدور على موظفين وكمان بيبقى موجود عليه الباحثين عن عمل فبتقدر تشوف حجم الشركات واية اللي هي محتاجاهه بشكل مفصل اكتر كل اللي عليك انك تعمل بروفايل محترم لنفسك على الموقع بتدخل تسجل بياناتك عليه وتكتب كل حاجة عنك اي تفصيلة بتبقى مهمة جدا المهم تبقى حاجات فعلا حقيقية وصادقة لأن في ناس بتأفور وتفتكر انها كده بتضحك على الشركات لكن للأسف بيتكشفوا من اول انترفيو فحاول تكتب الحاجات اللي عملتها فعلا والشهادات اللي حصلت عليها بالفعل بعد كدة هتقدر تقدم في اي وظيفة الشركات دي محتاجاها

 

 

طيب اية كمان ممكن اعمله غير لينكيد ان في مواقع توظيف كتير بتقوم بدور الوسيط بين الشركات وبين الباحثين عن عمل ودول بقوا كتير بس المهم انك تختار الافضل مابينهم خليني اديك امثلة

 

مثلا عندنا موقع بيت تقدر من خلاله تسجل السي في بتاعك وهم بيرشحوك لوظائف متاحة من خلالهم او بيبعتوا لك اللي يناسبك على الايميل بتاعك

كمان في مواقع تانية زي موقع بيزات مثلا بتقدر من خلاله تشوف قسم وظائف خالية هتلاقي فيه الوظائف المتاحة وتقدم فيها مباشرة من غير تسجيل سيرة ذاتيه ولا حاجة وده اسهل شوية لأنه مش محتاج تسجيل دخول وبيانات والكلام ده كله

يعني لو عايز توصل لحاجة الموضوع بقى اسهل بكتير دلوقتي محتاج منك بس تدور شوية على شبكة الانترنت وماتنساش ان جوجل بيساعدك كتير بمجرد انك تكتب كلمة بحث معينه هتلاقي جوجل يطلع لك خيارات كتير يعني جرب تبحث مثلا بكلمة وظائف خالية ، وظائف ، وظائف مصر، توظيف  كل دي كلمات ممكن تلاقي عليها نتايج ضخمة تساعدك انك تلاقي الوظيفة اللي بتحلم بيها .

وبالتوفيق

تحياتي

شيرين بدر