اذهب الي المحتوي
منتديات ياللا يا شباب
مرتضى السيد

خطبة للراس الكبيرة

Recommended Posts

خـُطبة للراس الكبيرة


شعر أبو زيد بيومي


يا أعزائي البقر


كل عام و انتم كِدَا


والقرون ......


فوق كل راس متـأكّدة


والزرايب  في الوطن


متوحّدة


ياللي لبّيتوا الندا .....


ألف شكر .....


كل  راس على حِدَة


عهدي ليكم ع الدوام


أبقى حافظ للنظام


والمسيرة راح  أسوقها للأمام


طول ما  فِ إيديَّا الزمام


كل حاجة


ليها  خطة  محددة


الحوافر


لو تسافر


عمرها أبداً ما توصل


لو تكون مترددة


انتهى عصر التفتت


والتشتت


والصراع بين  دا  و  دا


احنا منكم


احنا ليكم


احنا  بيكم


وبـْإِيديكم


انكسر  ناب العِدا


كل عام  و احنا معاً


إيد   فِ  إيد حبل  وْ وَتد


مصلحتنا ....


هيَّ مصلحة البلد


والسواقي تلفّ بينا للهدف


مش  هاتيجي بالصُّدَف


إنما  جهد و عمل


كل  واحد


يبقى شايل


جوّة قلبه شوال أمل


واللي راح  ..... جرح اندمل


لا  على الغلطان حرج


لو  مسار  عن سِكِّته


مـَرّة  خرج


أو خطاوي


لو يكون فيها عـََرَج


الطرق  مهما  تِلفّ  ....


من جديد  راح  تأتـَلِف


شيء طبيعي نختلف


أو  نناطح  بعضنا


بـَس ننطح بالأصول


نطح يدفع للوصول


والسياسة ..... وانتو عارفين ....


كالفصول


تـِتــْقلب .....


تقفل  طريق


تتعدل ......


ييجي العـَلِيق


 


 


 


في العيون شايف جرادل


كلها بتفيض بريق


والريالة سلسلة


متدلدلة


على كل  ريق


من كوز   عـَشـَم 


الغـَشـَم


لو  مرادنا  نطلبه قبل الأوان


كل وقت  و  لـِـيهْ  أدان


 والطريق لسّة  يادوب 


في  مَطـْلعـُه


بالإرادة   نِطـْلَـعُـه


لو جبل .... راح نرفعه


الوطن فاتح إيديه


ادخلوا  ....


واخدين راحتكم .....


برطعوا 


 يا أعزائي البقر


الأوان والفرصة جاتكم


تفلتوا الحبل لْـجــِتـَتـْكم


لا ضوابط


لا مرابط


برطعوا


تم تعديل بواسطه مرتضى السيد

شارك هذه المشاركه


رابط المشاركه
شار ك علي موقع اخر

Join the conversation

You can post now and register later. If you have an account, sign in now to post with your account.

زائر
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×
×
  • اضف...

Important Information

By using this site, you agree to our Terms of Use, اتفاقيه الخصوصيه, قوانين الموقع, We have placed cookies on your device to help make this website better. You can adjust your cookie settings, otherwise we'll assume you're okay to continue..