اذهب الي المحتوي
منتديات ياللا يا شباب
نجمة الكتب

نكت حرقة دم

Recommended Posts

اتنين رخمين قويييييييي :) وغلسييييييين قوي بيتكلموا مع بعض :) :

( اللي ضغطه بيعلى احسنله ميقراش :) )

 

- صخرة وقعت من فوق عمارة واللوح الازاز اللي تحتها متكسرش..ليه؟؟

 

عشان موقعتش عليه

 

- طب فرخة بتعدي الشارع وماتت فجأة ..ليه؟؟

 

عشان الصخرة وقعت عليها

 

- ليه ملخفن بيحط جنبه كباية شاي وهو نايم؟؟

 

عشان الشاي منبه

 

- طب ليه بيحط جنب الشاي فنجان قهوة؟؟

 

عشان لو الشاي ما رنش

 

- طب ليه بيحط جنبه كباية مية فاضية وكباية مليانة؟؟

 

عشان يمكن يشرب ويمكن ما يشربش

 

- وليه بيحط ملح على دماغه؟؟

 

عشان يبقى حِدِق

 

- وليه بيحط سكر على الكرسي قبل ما يقعد؟؟

 

عشان تبقى قعدته حلوة

 

- حاجة بيضا طايرة في السما وبتقول نياو... ايه هي؟؟؟؟

 

قطة بيضا واخدة شلوت

 

- طب حاجة سودا طايرة وبتقول نياو؟؟

 

غراب بيستهبل

 

- طب حاجة بني طايرة في السما ومبتقولش حاجة؟؟

 

فردة الجزمة بتاعة الراجل اللي ضرب القطة البيضا

 

- طب حاجة سودا طايرة ومبتقولش حاجة؟؟

 

غراب عاقل ومبيحبش الاستهبال

 

- نقطة زرقا طايرة في السما .. ايه هي؟؟

 

دبانة لابسة بنطلون جينز ازرق

 

- طب حاجة سودا فيها خط احمر وطايرة في السما من الشرق للغرب؟؟

 

دبانة لابسة سواريه وحاطة روج ورايحة فرح واحدة صاحبتها

 

- طب حاجة سودا وفيها خط احمر وطايرة من الغرب للشرق.. ايه هي؟؟

 

نفس الدبانة ونسيت حاجة في البيت فرجعت تجيبها

 

- حاجة سودا ماشية في الصحرا ؟؟؟

 

سرب نمل رايح يعزي.

 

منقوووول ومحدش يدعي عليا انا حذرتكم قبل ما تقروا :) .

شارك هذه المشاركه


رابط المشاركه
شارك

هههههههههههههههههههههههههه

 

خطييييييييييييييييره يا نجمتنا .. والله بجد خطيييييييييره موووووووووت

شارك هذه المشاركه


رابط المشاركه
شارك

شكرا aboammar وعاشق الصداقة، بس محدش يفهمني غلط يا جماعة

انا قصدي مصلحتكم :blush: ، انتو بعد النكت دي هتتفرجوا على ارخم فيلم في الدنيا وهتضحكوا

انا بديلكم مناعة ضد اي حاجة تحرق الدم او ترفع الضغط وتعمل زغللة في العينين أوتشللللللللللل،

و اللي لسة محرموش :) جايبالهم جرعة تانية مخصوص :) :

 

ايه الحاجة اللي بتطفو على سطح المية واول حرف منها ح؟

 

حتة خشبة.

 

ايه الحاجة اللي بتطفو على سطح المية واول حرف منها ب؟

 

بردو حتة خشبة!!

 

ايه الحاجة اللي بتطفو على المية واول حرف منها ن؟

 

نفس حتة الخشبة!!!

 

ايه الحاجة اللي بتطفو على المية واول حرف منها هـ؟

 

هي هي حتة الخشبة!!!!

 

ايه الحاجة اللي بتطفو على المية واول حرف منها أ؟

 

أنتو مبتتعلموش؟؟،ما قلنالكم حتة الخشبة!!!!!

 

 

* ليه الملخفن بيدهن الشقة باللبن؟؟

 

عشان تبقى مـِلك!!

 

*ليه ملخفن بيحط رجله على الشباك وهو نايم؟؟

 

عشان يكعبل الناموس وهو داخل!!!

 

*وليه بيخلي فلخم ينام تحت الشباك؟؟

 

عشان يخض الناموس وهو خارج!!

 

*ليه الدّ ُغـُف قتل ابوه؟؟؟

 

عشان يطلع رحلة ايتام!!

 

*طب ليه قتل عمه؟؟

 

عشان ابن عمه يطلع معاه!!!

 

*طيب ليه قتل خاله؟؟

 

عشان الإجرام بقى في دمه!!!!

 

*وليه انتحر بعد كدة؟؟

 

عشان الرحلة اتلغت!!!!

 

(ملحوظة: الدُغـُف ده يبقى جد الملخفن أما فلخم دا انا معرفش يقربله ايه ،

ممكن يكون ابن عمه في الرضاعة :) )

 

*ليه فلخم بيحط جنبه دودة قبل ما ينام؟؟

 

عشان الدكتور قاله لازم تنام ٧ ساعات معدودة!!!

 

*وليه ملخفن مبيشتريش صابون؟؟

 

عشان فلخم بيعمله ساندويتشات!!

 

*ايه الفرق بين اللي بيقع من الدور الاول واللي بيقع من الدور العاشر؟؟

 

اللي بيقع من الدور العاشر بيقول آآآآآآآآآي بوم، لكن اللي بيقع من الدور الاول بيقول بوم آآآآي. :lol:

 

(أظن اللي هيكمل النكت دي للاخر هيقول بوم وآآآآآآآآآآآآآآآآي وتش

وكل الموسيقات التصويرية اللي بتيجي في افلام الرعب.....

ربنا يستر :) )

شارك هذه المشاركه


رابط المشاركه
شارك

- طب حاجة سودا طايرة وبتقول نياو؟؟

 

غراب بيستهبل

 

ههههههههههههههههههههههههه

 

و اللهي العظيم دمك شربات يا نجمه

 

ربنا يديكي طوله العمر و تحكينا نكات تانيه

شارك هذه المشاركه


رابط المشاركه
شارك

هههههههههههههههههههههههههه

 

خطير فعلاً ملهاش أى حل..

 

ونضيف..

 

ليه الخشبة يتيمة؟؟

 

عشان مقطوعه من شجرة..

 

نريد المزيد نجمة المنتدى..

شارك هذه المشاركه


رابط المشاركه
شارك

هههههههههههههههههههههههههههههههه

 

 

 

والله سكر بجد

 

 

 

 

مفتقدين معانا أختى نجمة الكتب

 

 

 

 

تقبلى مرورى أختى الحبيبة

 

 

 

 

 

 

 

 

 

 

 

بدوسة

شارك هذه المشاركه


رابط المشاركه
شارك

نكت خفيفة بس تحرق الدم مش عارفة

بس بجد خطيرة ارجعي بقي يانجمتنا من تاني

شارك هذه المشاركه


رابط المشاركه
شارك

انا دمي كان محروووق بس رقت بعد ما رجعتيلنا يا نجمة الكتب والله منورانا

 

 

وعلى فكره النكت دمها خفيف جدا وهي دي النكت الموضه اللي تنقط سامعيها

 

 

بطلت موضة النكت اللي بتضحك

شارك هذه المشاركه


رابط المشاركه
شارك

اوووووووووووو بجد من الاخر ..

 

حاجه تخنق وتضحك في وقت واحد .

 

هو ده الجديد ..

 

نجمه وانتي نجمه يانجمه الكتب

 

تقبلي مروري !

شارك هذه المشاركه


رابط المشاركه
شارك

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.

سجل دخولك الان

×