17 ردود على هذا الموضوع

[ABOTASNEEM]

Tweet

يرن المحمول بنغمة جميلة جداً لأحد كبار المطربين الموجودين على الساحة الآن

ومن بين الحضور الموجودين .. واحد يقول

الله ... نغمة حلوة قوى

ممكن تبعتهالى بالبلوتوث

ويأتى الرد على غير المتوقع

معلش أنا آسف .. مش هينفع ابعتهالك

(إحراج مش كده)

ويأتى السؤال البديهى جداً .. عقب ذلك الموقف

ليه بقى مش هينفع تبعتها ؟؟

ويأتى الرد الغريب جداً

أصلى مش بحب أكون كولدير سيئات

نعم .. حضرتك .. بتقول إيه !!!

أقولوكوا أنا بقى

احنا طبعاً دايما نعرف إنه لما يبقى حد عايز يعمل صدقة جارية

يروح يعمل كولدير علشان الناس تشرب منه

زى كده بالظبط البلوتوث

ممكن يبقى

كولدير حسنات أو كولدير سيئات

زى ما أنت عايز !!!

تخيل لو إنك بعت لواحد صاحبك أو بعتى لواحدة صاحبتك

سورة من سور القرآن أو دعاء جميل أو صورة إسلامية

وصاحبك(إنت) أو صاحبتك(إنتى)

بعتتها لموبايل تانى .. وهكذا وهكذا وهكذا !!

ياترى إيه كم الحسنات اللى إنت/إنتى كسبتوها

والعكس صحيح تماماً !!

تخيلوا كم الأغانى الغير طبيعى اللى بيتبعت عن طريق البلوتوث

والسيئات اللى شغالة تنزل علينا !

ياترى من النهاردة

موبايلى .. وموبيلك إنت .. وموبايلك إنتى

هيكون

كولدير حسنات .. ولا كولدير سيئات !!

وحاول قدر الإمكان أن تساهم وتشارك فى أعمال الخير الدائمة كالصدقات الجارية وتعليم الناس الخير

فكل ذلك سيكون فى ميزان حسناتك .. حتى بعد مماتك

كولدير حسنات

----------------------------

سبحانك اللهم وبحمدك .. أشهد ألا إله إلا أنت .. استغفرك وأتوب إليك

وجزاكم الله خيراً

Tweet

[رجل من الصحراء]

انا موبايلي 3310
هههههههه جزاك الله خيرا اخي عالموضوع الهادف
ويارب يهدينا اجمعين

تم تعديل هذه المشاركة بواسطة رجل من الصحراء: 07 February 2009 - 09:47 PM

[eng_alaa]

اقتباس

ياترى من النهاردة

موبايلى .. وموبيلك إنت .. وموبايلك إنتى

هيكون

كولدير حسنات .. ولا كولدير سيئات !!

حبيبي والله يا أبو تسنيم .. كلامك كله في الصميم ..
ربنا يعيننا كلنا ونصبح كولدير حسنات يارب ...

[ABOTASNEEM]

اشكر مروركما الكريم

واتمنى ان نكون سببا فى نشر الخير

[عاشق الصداقه]

بارك الله فيك وأعزك حبيبى
وربنا يجعل موبايلات الشباب العربى والمسلم كلها مليانة بالخير وكولديرات حسنات
تحيتى وتقديرى وحبى

[حياتى من اجل ربى]

ماشاء الله عليك اخى
متميز كالعاده وموضووووووووووع اكثر من راااااااااااائع
اسال الله ان ينفع بك ويزيدك علما ويوفقك الى كل خير
بس كمان غير البلوتوث
ماهو مجرد ما موبايلك يرن باغنيه وغيرك يسمعها انت كمان بتاخد ذنوب
مانحطش اغانى احسن بقى علشان يكون الموبايل بتاعنا طريق الى كل خير
انا الحمد لله موبايلى صامت على طووووووووول
جزاك الله خيرا وجعلك دائما فى المقدمه وحقق لك كل ما تتمنى
شكرا لك

[ABOTASNEEM]

اشكر مرورك

حياتى من اجل ربى

ونتمنى حقا من الجميع ان يقوم بعملية اسلمة لموبايله "ان جاز التعبير"

جزيتى خيرا

[NADA]

موضوع جميل وحلو أوى بجد

أول ما عرفت فكرته ,, افتكرت المنتدى

ربنا يهدينا ويحفظنا ويجعل اعمالنا كلها ف الخير

[بنت مصرية]

خطوة جميلة جدا جدا
اعجبني رد ندا

اقتباس

أول ما عرفت فكرته ,, افتكرت المنتدى

لان ده فعلا ماحصل
مووضع المتزايدة العددية لعاشق الصداقة الي غير ني تماما
يمكن بنعمل حجات بحسن نية
لن المنتدي وجد علشان يكون كولدير حسنات
ويخلينا احنا كمان كدا في حياتنا العادية
احينا كثيرة ننطفيء ...فدائما نحن بحادة لشاحن
اشكرك وجزاك الله كل خير علي موضوعك ...كولدير الحسنات
في انتظار الخطوة القادمة

[ABOTASNEEM]

اعزائى

جميل جداً لو أنكم تذكروا طرق اخرى

يمكن بها ان نكون كولدير حسنات .. وليس العكس

-------------------

اشكر مروركما الكريم

ندى & بنت بلدى

[Shetos]

جميل جداً..

وإن كان فى سرقة لحقوق الملكية..

فأنا أول من إخترع كولدير السيئات..

ولكن بفصاحة ورجاحة عقل تم تنسيق هذه الكلمة العابة من رأي وإن كان حديثة عنها مع صديقى حول نفس الموضوع تقريباً إلى موضوع هام

وشائق للغاية ويمسنا جميعاً بل وعلى العكس يقع معظمنا فيه..

شكراً اخى الغالى أبو تسنيم..

وأتمنى أن أجعل تليفونى المحمول من الأن كولدير حسنات..

مع فائق إحترامى وتقديرى..

[الرّام]

يعني اكيد كلنا لازم نكونوا بكل شيء فينا .. بقلوبنا و ارواحنا و احساساتنا و افكارنا و تعبيراتنا و اقوالنا و تصرفاتنا و افعالنا ... كولدير للخير و للحسنات


ربي يعيننا ان شاء الله و يهدينا


***

بارك الله فيك خويا و ربي ينعم عليك ان شاء الله

[على المرابط]

احسنت اخى الفاضل ابو تسنيم لك كل الحب
والمستفاد ايضا من هدا الموضوع كيف تفكر بهده الطريقه يجب ان تربط كل ما حولك بما يرضى الله
وبالتالى كيف تتعامل معه من اجل الاستفاده ونحن فى عصر والحمد لله على دالك واسئل الله ان يهدينا لفعل الخير
بالضغط على زر وانت فى فراشك تستطيع ان تكسب الكثير الكثير من الاجر فقط لو كنت تريد دالك اسئل الله ان يهدينا لفعل الخير ويعيننا عليها وان يتقبله منا
لك كل الاحترام

[ABOTASNEEM]

أخى شيتوس

أختى الرام

أخى على المرابط

أشكر ردودكم ومروركم الكريم الذى يضفى طابعا خاصا على خطواتى

ولكن الأهم من ردودكم عندى هو التطبيق العملى لتلك الخطوات على أرض الواقع

فاعلموا أن علم بلا عمل .. كشجرة بلا ثمر

ونحن جميعاً

معاً .. من أجل شباب عربى أفضل

[الجندى المجهول]

ن الله وملائكته وأهل السموات وأهل الأرض حتى النملة في جحرها والحوت ليصلون على معلمي الناس الخير
غلى فكره انت كولدير بكلماتك الرائعه
جزاك الله خيرا

[ABOTASNEEM]

اشكرك حبيبى الجندى المجهول

وعلى فكرة انت لوحدك شركة كولديرات حسنات

اسأل الله أن يجعلك من أهل أعمال الخير طوال حياتك

وأن يستخدمك لنصرة دينك وعزه

[مؤمنه بالرحمن]

ربنا يهدى شباب ربنا يهدينا ويهدى شباب المسلمين



بارك الله فيك

[لميس المهدى11111]

السلام عليكــم ورحمـة الله وبركاتــة
فى زمن أختفت فية معظم القيم والمبادئ جاء منتدى يالا ياشباب حقا أزاد النور ويارب كل شبابنا يكونوا السبب فىنشر الحسنات بالأعمال

أختكم لميس المهدى ومشكور موضوع أكثر من رائع ،،