اذهب الي المحتوي
منتديات ياللا يا شباب

Ahmed Omara

Members
  • عدد المشاركات

    69
  • انضم

  • تاريخ اخر زيارة

  • Days Won

    1

Ahmed Omara last won the day on November 6 2010

Ahmed Omara had the most liked content!

السمعه بالموقع

3 Neutral

2 متابعين

عن العضو Ahmed Omara

  • الرتبه
    core_member_rank_5
  1. لا .......... للتعديلات الدستورية :- لأعطاء فرصة لشباب الثورة في تكوين أحزاب والانضمام للانتخابات البرلمانية وتمثيل الشعب.2- ان الاستفتاء يتم بشكل كامل على جميع المواد المعدلة دون تحديد الأراء في كل مادة على حدة. 3- لعمل دستور جديد في وجود المجلس الأعلى للقوات المسلحة قبل انتخاب رئيس جديد حيث انه في حالة وجود رئيس أثناء عمل الدستور لا يمكن ضمان تقليل الاختصاصات الخاصة برئيس الجمهورية. 4- لأن دستور 71 سقط بفعل الثورة ولا جود له فكيف يتم تعديل دستور سقط إذ أن ذلك يعيد الحياة والشرعية لدستور ليس له شرعية الأن. 5- المستفيد الوحيد من (نعم للتعديلات الدستورية ) الأخوان المسلمين والجماعات الاسلامية المنظمة والحزب الوطني وهذا ليس عيب على الاطلاق ولكنه لا يترك مجال للعدالة أمام الأحزاب الأخري التي مازالت تحت التأسيس. 6- اننا نحتاج إلى دستور جديد قبل وجود الرئيس الجديد ينظم صلاحياته ويجعله موظف أمام الشعب ولا يصنع منه فرعونا جديدا له جميع الصلاحيات في الدولة وذلك لن يتحقق في ظل وجود رئيس يشرف على عمل دستور علينا أن نضع النظام أولا ثم نأتي بمن يسير عليه وليس العكس. سأقول لا للتعديلات الدستور ولن أغضب ممن يقولون نعم .... لأننا في النهاية جميعا نريد مصلحة الوطن. يوم السبت سوف أكون مع إختياري و يوم الأحد سوف أكون مع إختيار شعب مصر
  2. الموضوع الثانى بالنسبه للاوراق زمان كنت بتروح بالدبلومه النقابه تاخد كارنيه باخصائى تحاليل طبيه وبعدين تروح تعمل البطاقه ومنها جواز السفر الحقيقه ده اختفى دلوقتى واصبحت النقابه بدون قيمه فعليه لان وزاره الصحه اصدرت قرار المزاوله لاى مهنه طبيه بمعنى انك لازم تاخد مزاوله من وزاره الصحه حتى تكون اخصائى وبكده استطاع ان يلغى دور النقابه فحضرتك هتروح تعمل البطاقه هيقولك لازم مزاوله من وزاره الصحه الحل : انك ترفع القضيه وتستنى طبعا العاملين فى مستشفيات الجامعه او اى جهه حكوميه ويستطيع الحصول على ختم النسر بوظيفه اخصائى يستطيع الحصول على البطاقه وخصوصا مستشفى الجامعه طبعا فى زملاء يقولك انا عقد واخرون يقولك انا كميائى وفيه ناس عايزين الضرب متعاقدين او معين على وظيفه اخرى كل هؤلاء لو استطاعوا كتابه ورقه انه اخصائى سواء متعاقد او معين وتم ختمها يبقى يقدر يعمل البطاقه ومنها جواز السفر شكرا
  3. السلام عليكم تم تجميع جميع البيانات فى موضوع واحد للتسهيل على القارئ ( حكم حديث بتاريخ2008 وكذلك قانون الكمياء الطبيه وايضا قانون نقابه المهن العلميه ) الموضوع الاول دكتور معمل - سأبدأ على الفور في طرح أكثر المواضيع إثارة ، والتي تهم وتثير شغف الكيميائيين والبيولجيين (أصحاب الكيمياء كتخصص مزدوج)، وأن أجيب على تساؤل الكثيرين من الأشقاء في موضوع: ( القول المختصر لترخيص المختبر ) سأتولى بإذن الله شرح خطوات مزاولة المهنة وعمل الدبلوما، لأنه قد كثرت الأقاويل حول هذا الموضوع وهذا للكيميائيين أو إخواتنا الصيادلة أو البياطرة سواء المتخرجين (طازة) أما الأصدقاء (المخضرمين) فأرجو منهم التعليق أو الإضافة من أجل التواصل والتفاعل .. أولا .. لازم أقول حاجة مهمة جدا جدا واسأل سؤال مهم : س / هل من حقي أن أفتح معمل ؟ وأكتب عليه اسمي ؟ وهل من حقي ابقى دكتور تحاليل؟ هذا يقودنا إلى سؤال هام جدا : هل قانونا المعمل ده من حقي ؟ * القانون المصري لسنة 54 لم يفرق في ممارسة مهنة التحاليل الطبية بين الكيميائي والصيدلي والطبيب .. إلخ بل هذا الحق يتساوى فيه جميع الخريجيين طالما قد استوفوا شهادات التخصص المطلوبة، واعتبره القانون المصري حق مكتسب ومشروع للجميع واعتبر مهنة التحاليل الطبية مهنة منفصلة عن باقي التخصصات الطبية الأخرى ، ويلزم لممارستها الحصول على شهادة الدراسات العليا. وإذا تحدثنا عن مهنة التحاليل الطبية ، فمعروف أنها مهنة الكيميائيين والصيادلة في الأصل. * هذا القانون معمول به في كثير من الدول العربية مثل تونس – سوريا – لبنان – ومصر وجميع دول العالم الأول مثل : أمريكا – كندا – فرنسا – ألمانيا – إيطاليا – بلجيكا – بريطانيا .. إلخ أي أن القانون المصري متفق مع برتوكولات وقوانين الدول الأوربية وأمريكا !! وجميعها يعترف بإدارة وتملك الكيميائيين الأخصائيين لمعامل التحاليل الطبية ( يعني تبقى صاحب ومدير معمل تحاليل طبية) إذن فلا يجوز تعديل أو إلغاء هذا القانون لأنه قد ثبتت صلاحيته لا أكاديميا ولا شرعيا ولا رسميا ولا عمليا بل دوليا أيضا !!!! * إن أقدر وأكفأ من يتعامل مع أجهزة التحليل الكيميائي كالأسبكتروفوتوميتر أو أجهزة الفصل الكروموتوجرافي أو التحضير الكيميائي للعينات الكيميائية أو الإلمام بالتقنيات الكيميائية وتطبيقات الكيمياء أو العضوية أو التحليلية مثل التحليل التربيديمتري أو الفوليوميتري أو الكلاريمتري أو الجرافيميتري هم الكيميائيون والبيطريون والصيادلة بحكم طبيعة الدراسة .(شوف كنت بتقعد في معمل الكيميا كام ساعة ؟؟؟) *ومعروف على مستوى كوكب الأرض كله أن الكيميائيين والصيادلة هم أكثر الفئات إلتصاقاً بالحياة المعملية فمثلاً قد تدرس بعض مساقات الكيمياء العضوية أو التحليلية للكيميائيين 4 ساعات للسكشن الواحد وفي سنوات التخصص تصل إلى 6 ساعات !! كما انه معروف أن أكثر الفئات التي تعمل بمجال التحاليل الطبية في مصر هم الكيميائيون يليهم البيطريين ثم الأطباء !! بنسبة قد تزيد على الأربعة أضعاف (!!) * للأسف يروج بعض الأطباء في أحقيتهم وإلغاء أحقيتنا في ممارسة المهنة ويضعون العراقيل ويحاربوننا بشتى السبل من أجل وضع القصور على الباقيين في ممارسة المهنة، ويضغطون على وزير الصحة من أجل رفض إعطاء الترخيص والتحايل على القانون (الصريح) وانتهاك الأعراف الدولية، ولي عنق الحقائق ، واتباع مبدأ "بروكر ستيز" الذي كان يقطع أرجل ضيوفه لتناسب طول السرير الذي سينامون عليه !!! ويتفنون في وضع العراقيل لمنعنا من ممارسة المهنة مثل إعطاءنا لتصاريح ناقصة مما يجبرنا على رفع القضية وخلافه ؟؟؟ وكتابة عبارات في الصحف بغرض الإثارة وتحدي القانون الرسمي للبلاد وخرق الأعراف الدولية كأن يكتبون: " تضافروا لقصر المهنة على الأطباء" أو من يكتب : " فوضى التحاليل الطبية" * لقد خسرت نقابة الأطباء القضية المرفوعة ضدنا لمزاولة المهنة وأمام مجلس الشعب قوبل طلبهم بالرفض عام 94 بعد أن أستماتوا في تقديمه ومازالوا، هنا أعيد الحق لأصحابه ، لكن الآن هناك من يعبثون بشد ذيل القط النائم من آن لآخر، ومنهم الذين يريدون الحصول على شعرة من شنب الغول الأسود وهو غافي !! * الخلاصة .. التحاليل الطبية لا تعتمد على التشخيص السريري .. أنت - في المعمل - تتعامل مع عينة يعني مركب كيميائي - لا مع مريض ، وأنك الأكفأ والأجدر مقارنة بما هو مطلوب ، أنت تشخص فقط تشخيصا طبيا معمليا لا سريريا ولا تعتمد على الحالة الإكلينيكية في التحليل ، لكنها تؤخذ في الإعتبار ، وأكرر تؤخذ في الإعتبار ، لكن لا يعتمد عليها. إن ممارسة التحاليل الطبية هي حقك .. حقك.. .. حقك !! * في دول العالم الأول يتساوى الكيميائيين مع الصيادلة مع الأطباء مع البيطريين في الحصول على المناصب ، ومعروف أن رئيس الإتحاد الدولي للتحاليل الطبية هو أستاذ صيدلي !! ويتناوب على رئاسة المنصب كيميائيين وبيطريين وأطباء وصيادلة أيضاً ، ويضم هذا الإتحاد الكثير من الأساتذة البيطريين والكيميائيين والصيادلة !!. كما أن اللجان العلمية يشترك في عضويتها الكثير من أساتذة التحاليل الأطباء والصيادلة واالبيطريين والكيميائيين ، ويتم الترقي لرئاسة وأمانة هذه اللجان الطبية الأساتذة الصيادلة والبياطرة والكيميائيين على قدم المساواة دون أي تفرقة من أي نوع !! كما يتولى إدارة بعض معامل البرج المصرية أو العربية بجانب الأطباء .. صيادلة وكيميائيين أيضا ! * وجدير بالذكر - ومعلومة لمن لا يعلم - أن من أبرز مؤسسي أقسام الباثولوجيا الإكلينيكية بكليات الطب المصرية العريقة هم أساتذة كيميائيين وصيادلة وبيطريين في علوم الميكروبيولجي والبيوكمستري ، بل ويدرسون فيها أيضاً !!! حاشية : أنا لا أتحامل على الأطباء .. حاشا !!! فكثير منهم الزميل والقريب والصديق والأخ والأب (والله)، وأنا مؤمن بدورهم الفعال في المجتمع تمام الإيمان ، ومتيقن من عظم وتفعيل دور الطبيب في النهوض بمستوى الطب وأنه ملقى على عاتقه يمكن أكثر من 90% من مجمل الخدمات الطبية التي تقدم للمجتمع والأبحاث والوعي الصحي .. إلخ ، وده لو كان موضوع تعبير كنت كتبت 6 ورقات فلوسكاب وش وضهر !!! وإن كنت قد جرحت مشاعر أو آذيت أي من أخوتي الأطباء فأنا على اتم أستعداد أن أقدم له اعتذاراً فقط لمجرد أن يبدي سبباً ، وحقيقي .. حينما يتعلق الأمر بحق شرعي ورسمي وقانوني فمن كل المشروعية أن أدافع عنه وأطالب به ... ارجو من الجميع مشاركتي الرأي وإبداء ملاحظتهم بالتواصل الإلكتروني معي .. ركزوا معايا يا جماعة .. وفنجلوا عنيكوا و طرطقوا ودانكوا عشان أنت (ككيميائي) تفتح معمل بإسمك – وتبقى دكتور تحاليل - لازم تعمل الخطوات الآتية: (1) أن تحصل على أحد أو جميع شهادات الدبلوم في الآتي : + دبلوم الميكروبيولجي العامة أو التطبيقية أو الإكلينيكية أو الماسترية (ماجستير) في نفس التخصص برضه + دبلوم البكتيريولوجيا العامة أو الإكلينيكية أو على: + دبلوم الكيمياء الحيوية التحليلية أو الإكلينيكية أو الماستر (2) ح تاخد من النقابة درجة : " أخصائي تحاليل طبية" وليس " أخصائي ميكروبيولجي " أو " كيميائي طبي " كما يعتقد البعض. ثم تأخذ التصريح من وزارة الصحة ويستغرق أشهر حسب دورك و العدد .. إلخ بس ح يكتبولك في التصريح عبارة:"مع عدم التشخيص الطبي المعملي" يعني التصريح ده مش ح يبقى فعال ، ومش ح تقدر تفتح بيه معمل وتحط عليه اسمك ؟؟ (3) ح ترفع قضية وتقعد حوالي سنة ب 3000 ألف جنية بس عندمحامي مشهور ) وح تكسبها .. ح تكسبها .. ومضمونة 100% ( لأن ده حقك ) .. المهم بعدلما تكسبها ح تبقى دكتور تحاليل فعلا .. وهنا يسقط الفرق بينك وبين الطبيب الأخصائي !! +أسئلة ع السريع باختصااااار (مجاب عنها ): س 1 : إيه لزوم القضية طالما إن الموضوع من حقي وكده كده ح أكسبها ؟؟؟؟؟؟؟؟؟؟؟؟ ج 1 /عراقيل من وزاره الصحه ونقابه الاطباء لقصر المهنه على الاطباء (من الاخر عايز يزهق وتمشى ) س 2 : لأ بجد .. عاوز أعرف إيه لزومها؟ ج 2/عشان يخوفك ويوهمك إن دي حاجة مش بتاعتك فتقوم جاي مطنش وتقول لنفسك في سذاجة: طالما أنه مش مسموح لي تبقى مش بتاعتي لأن فيها قضايا ونيابة ومحاكم !! إنهم يلعبون لعبة :" الحق يغتصب" وأكرر .. أكرر هذا حقك .. حقك وبصراحة "ما ضاع حق وراءه مطالب !" ( واللي عاوز يعرف تفاصيل القضية وخلافه من الألف للياء يبقى يكلمني ) + وأقول بصدق يتوقف قوة تأثيرنا لإكتساب هذا الحق بالعمل على تكوين لوبي قوي متمثلا في عدد كبير جدا من أخصائيي التحاليل الكيميائيين أو البيطريين أو الصيادلة بجانب النقابة للوقوف أمام التيارات المعارضة المناهضة والمناوئة للدستور !! + نقطة تانية .. هذا نوع من أنواع كوابح السيارات والفرامل (زي ما تقول كده عشان يقللوا الأعداد) ، وبذا يكون هناك قصورات وقيود كثيرة جدا علينا جدا من أجل ممارسة المهنة ( يعني لما يكون عددنا قليل يبقى ملناش صوت !!). لكن الأشنع والأفجع أن عددنا كبير وبرضه ملناش صوت يعني إحنا الأغلبية الصامتة !!! س3: إيه أفضل وأسرع شهادة لفتح المعمل (يعني م الآخر .. عاوز أنجز)؟؟؟؟؟ ج 3 / دبلوم ميكروبيولجي أو بيوكمستري وأنا بفضل الأخير ومدته سنه بس لكني أنصحك بال 2 . س 4 : الليلة دي ح تكلف كام؟ ج 4 / الدبلوما تمنها تبع المكان (متوسط كله 2000 + 1000 القضية) ، وعلى حد علمي أعرف أن أرخص دبلومة تحاليل هي (مشتهر) لكن يروجون أنها صعبة .. يليها (الإسماعيلية) الأسهل الأرخص .. يقولون أن اللي بيعدي هناك من جنب سور الجامعة بينجحوه !!!!!!! س 5 : طيب لو أنا تخصص نبات أو كيمياء ونبات أوميكرو أو ميكرو وكيمياء ؟ ج 5/ تبقى العملية سهلة جدا ... ح تأخد الدبلوما ( الميكرو أو البيو أو ال2) + ح ترفع القضية لمدة سنة بعدها ترخص وتفتح معمل .. وفيما يلي أرقام تقريبية لأشهر الدبلومات المعتمدة ومصاريفها لعام / 2006 * الأسكندرية / علوم - بيوكمستري – بتخرج حوالي 700 أخصائي – ومصاريفها حوالي 1000 جنيه * دمياط – بيوكمستري - بتخرج حوالي 200 أخصائي - ومصاريفها حوالي 1500 جنيه * شبين الكوم / علوم - بيوكمستري - بتخرج حوالي 700 أخصائي - ومصاريفها حوالي 2300 جنيه ميكروبيولجي - بتخرج حوالي 50 أخصائي - ومصاريفها 750 جنيه * مشتهر(عند بنها)/ بيطري- بيوكمستري - تخرج حوالي 1000 أخصائي - ومصاريفها حوالي 750 جنيه * المنصورة / علوم – ميكروبيولجي - تخرج حوالي 50 أخصائي - ومصاريفها حوالي 1000 جنيه بكتيريولجي - تخرج حوالي 50 أخصائي - - ومصاريفها حوالي 1000 جنيه * الزقازيق / علوم - بيوكمستري – ميكروبيولجي * الإسماعيلية - بيو وفسيولوجي - تخرج حوالي 800 أخصائي - ومصاريفها حوالي 1300 جنيه & ميكروبيولجي - تخرج حوالي 50 أخصائي - ومصاريفها حوالي 1300 جنيه * بنها - ميكروبيولجي - تخرج حوالي 50 أخصائي ++ وفيه الكثير منها طنطا والقاهرة وعين شمس .. إلخ لكن دي أمثلة فقط .. س 6 : طيب لو أنا قسم كيميا فقط ؟ ج6 / هنا ح يبقى قدامك فرص محدودة شوية .. * الأسكندرية / علوم – بيوكمستري – تخرج 700 أخصائي – ومصاريفها حوالي 1000 جنيه * دمياط – بيوكمستري - تخرج حوالي 200 أخصائي – ومصاريفها حوالي 1500 جنيه * الإسماعيلية – بيوكمستري وفسيولوجي - تخرج أكثر من 800 أخصائي – ومصاريفها حوالي 1300 جنيه وفيها كمان : ميكروبيولجي - تخرج حوالي 50 أخصائي * شبين الكوم / علوم – بيوكمستري – تخرج حوالي 650 أخصائي - حوالي 2300 جنيه * مشتهر (عند بنها)/بيطري – بيوكمستري - تخرج حوالي 1000أخصائي - تقريبا 750 جنيه وعلى ما اسمع إن (دي آخر سنه ح يقبلوا فيها قسم كيميا خاص) ودي أشهرها .. وفيه دبلومات أخرى لا تعطي التصريح بالمزاولة لكن قليل من يحصل عليها بهدف العلم فقط وهي دبلومات مرتبطة بالتحاليل، لكنها لا تمنع الترخيص مثل : * معهد البحوث الطبية / الأسكندرية - باراسيتولجي * معهد الهندسة الوراثية / السادات - مناعة جزيئية - على فكرة الدراسة فيها سنتين (دي للي غاويين علم بس) س 7 : طيب لو أنا تخصصي حيوان خاص أو نبات خاص أو ميكرو خاص .. إلخ يعني مفيش كيميا؟ ج 7 / في الحالة دي ح تأخد معادلة كيمياء ممكن تاخد (حوالي سنتين) + الدبلوما + القضية (سنة) .. * أما عن المعادلة فهي موجودة في شبين الكوم .. وبتاخد حوالي سنتين ملاحظة 1 : لازم معادلة كيمياء عشان تفتح معمل ملاحظة 2: لا يشترط أن تحصل على المعادلة قبل أو بعد الدبلوما ( الإثنين زي بعض وعلى ضمانتي ) بعد لما ترفع القضية ح تكسبها حتى لو كانت المعادلة بعد الدبلوما !! + معلش .. ممكن يكون الموضوع ده فيه تعب شوية ، لكن برضه ح تاخد اللي عاوزه ، وح تفتح معملك !!!!!!!!!!! والموضوع ده فيه تفاصيييل تانية كتيرة وممكن أجاوب بالتفصييييييييييييييل الممل للي عايز س 8: طيب إيه أرخصهم وأسهلهم؟ ويديلي الشهادة ع السريع ؟؟ ج 8 / * احذر هؤلاء : المنصورة (معقدينها حبتين) - عين شمس (ناشفة؟) * تحاشى هؤلاء : مشتهر (لان اللي بيدخل ما بيطلعش إلا فيما ندر !) - شبين (مهرها غالي 2500 ) - (بيقولوا مش عاطفية !) – دمياط (طبعا لأنها فرع المنصورة!) طنطا * ارشح لك دول : الزقازيق و الإسماعيلية (باشا !!) - اسكندرية (شغالة ومانجه) – شبين (مووووووووووز / بس غالية) - بنها ( وأنت واقف!!!) – راجع مسألة التخصصات كويس جدا س 9 : يعني ممكن آخدها وأنا بشتغل ولا لازم تفرغ ؟ ج 9 / الموضوع يعتمد عليك بالأساس .. يعني فيه كليات ممكن لو أنت شغال تسجل في دول (الإسماعيلية – الزقازيق – بنها ) والباقي يفضل تفرغ .. كمان مش مهم التقدير ، مقبول فيها زي امتياز !! المهم الشهادة ، بس لازم العلم برضه ، لأن أنت ح تتعامل مع أرواح ناس ، وحاول تدرس وأنت بتدرب في مستشفى ، عشان أول لما تخلص تشتغل بسرعة ، وتاخد تصريحك قوام، وتفتح المعمل بسرعة! س 10 : طيب لو أنا (بالي طويل) وعاوز أبقى كفاءة في التحاليل وافتح جنب معمل البرج ؟ ج 10/ دبلوم ميكرو + ماستر أو دكتوراه في البيو ( أو العكس لكني أفضل كده) س 11 للمحترفين فقط) : طيب لو أنا عاوز آخد الحزام الأسود في التحاليل ؟ج 11 / دبلوم ميكرو + دبلوم بيو + دكتوراه في المناعة ملاحظة : اعرف دكتور معاه كل الشهادات دي واعرف دكتور تاني معاه دكتوراه البيوكمستري + ودكتوراه الميكروبيولجي وكاتب ع المعمل : " معمل الدكاتره / فلان " ، وكاتب ع التقرير :" الدكتور الدكتور/ فلان " - فعلا بلد بتاعة شهادات !! س 12: ممكن أعرف إيه حكاية المناعة دي بقى؟؟ ج 12 / معهد البحوث الطبية / اسكندرية بيدي ماسترية في المناعة لكن بيطلب تقدير وبياخد بالعدد (بيطلبوا 2 من صيدلة بس )– وبيطلب برضه 2 أطباء – و6 كيميائيين خاص .. تحيز؟ .. أو عندك معهد بحوث الهندسة الورائية / السادات وده بياخد كله .. ورخيييييص 400 في السنة ومفيش تمهيدي ماجستير .. يعني رسالة على طول + كورسات / سنتين وده بيدي دبلوم أو ماسترية أو دكتوراه أو دكتوراه الفلسفة في المناعة الجزيئية (وابقوا ردوا عليا ومنتظر مشاركتكم وتفاعلكم .. سأرد عليكوا خلال اسبوع .. خالص تحياتي وتمنياتي بالتوفيق، دمتم في رعاية الله وأمنه) الموضع منقول
  4. وحشتنى موووووت يا أغلى صديق فى حياتــــــــــــــــــــــــــى

    يارب تكون بخير

    أحبك فى الله :)

  5. عامل إيه ياواد

    كل سنة وانت طيب ياحبيب قلبى

    واحشنى جداً

  6. السلام وعليكم ورحمه الله وبركاته الصلاه والسلام على اشرف المرسلين وسيد ولد ادم صلاه وسلاما دائمين ال ان نلقاه بفضل الله ورحمت وبعد ..... حبيبي وصديفي ابو يسنيم احيك على هذا الموضوع الجميل ثبتني الله واياك وامه محمد كلها اجمعين واكاد اقول ان من اول الناس ومن اول البلاد ال زرتها واثر فيه من ناحيه الله في جماعه وحضور مجالس العلم كانت قنا بفضل الله سبحانه وتعالى . وفعلا التغير التدريجي انا مؤمن بي جدا وهو الذي يساعد على التثبت الفعلي في الالتزام الديني وارجو من الله سبحانه وتعالى التثبيت لي ولك ولكل اسره المنتدى الكرام اعزكم الله جميعا والمسلمين امين .. اسألك الدعاء وربنا يزيدك من فضله ويتقبل مني ومنك ومن سائر المسلمين ... أحبك في الله
  7. السلام عليكم ورحمه الله وبركاته شكرا جدا على الموضوع الجميل ده خالص وربنا يكرمك .......... وتزودنا بالمواضيع الجميله دي ...........
  8. السلام عليكم ورحمه الله وبركاته انت ياد والله وحشتنيييييييييييييييييييييييييييييييييييييييييييييييييييييييييييييييييييييييييي خالص كفايه بقى الردود الحلوه دي وانا بجد مستنيك بفارغ الصبر يا حليب قلبو من جو خالص انت فاهم من نين يعني (الامعاء والمعده )عشان الاكل وصنيه البطاطس (وكفى الله المؤنين شر القتال) مش عاوز أفسر بقى .......... يخربيتك والله وحشتني جدااااااااااااااااااااا مش عاوز ابطل اقولها بس عشان المنتدى لما تيجي بقى ههههه ... وما تنساش ال قولتلك عليه لما كلمتك عليه في التليفون (قريبا بس ولا كلمه ما تتكلمش خالص ) مش اسمع صوتك لحد ما اخلص سماع فيى الي انا كتبته ده اصل انت فاهم نظري على ادي بقى انت عارف (ههههههههههههههههه).......زززز ربنا يار يوصلك بالسلامه يا حبيبي (هتوحشنيييييييييييييييييييييييييييييييييييييييييييييييييييييييييييي)....
  9. السلام عليكم ورحمه الله وبركاته حبيبي كرينكل وروح قلبي (احسن صديق واحسن بني ادم انا حبيته)...... انا عارف اال جوالك بس ال انت كتبته صعب اوي عليه يارب يارب يارب يارب تكون بخير وسعاده انا ما قدرش انسى الايام الجميله ال انا عشتها معاك ........ انت الصديق الوحيد ال انا فعلا محتاجله خالص (ربنا يعلم انا نفسي اكلمك اد ايه )........ نفسي اوي احكيللك على حاجات كتير انت الوحيد ال بتحس بجد لما انا بتكلم معاك (وحشتنيييييي اويييييييي)...... احنا انا شاء الله نفضل جنب بعض على طول (انت ما ينفعش تغيب عن بالي)....... انت اجمل حاجه قابلتها في البلد ال كنت فيها (في ناس عزيزه عليه خالص ربنا يعلم زي عمر )......... بس والله انا ما حبيت حد فيحياتي زي ما حبيتك (وهانضل علطول ان شاء الله) ربنا يسعدك ويخليك لصحابك.... انا عاوز اطلب بقى منك طلب كبيييييييير زي ما احمد ابراهيم قال انجح في دراستك واهتم بها عشلن خاطري بجد يا احمد ...... وانت ان شاء الله تقدر تحققه (انا عرف عشان تخلص بسرعه و تيجي اسكنجدريه (عشان الي بالي بالك) مش هانسيح لبعض فى المنتدى بقى ها(عبيط يعني طب تعالى عاوزك ) خلاص ياد (اضحك ياد وحشتني اوي ضحتك يا جذمه (بحببببببببببببببببببببببببك اووووووووووووووووووووووووووووووووووووووووووووووووووووووووووووووووووووووووووي)... ........ على فكره انا ما شوفتش الضحمكه بردوا(يله بقى اضحك (ماشي ماشي براحتك)مش عاوز توريني الضحكه الحلوه بتاعتك )......... خد بالك من نفسك خالص عشان خارطي (ههههههههههه)..................
  10. انا انهرضى جايبلكم كتاب الكتروني عن كيفيه عما اسطوانه xp خاصه بكم..... ارجو ان تعجبكم هذا الكتاب ..... انا قلت زي ما استفدت افيد الناس الخلوين بتوع منتدانا ... هو انا عندي اغلى منهم يا ناس اعمل ايه بس لحلهم والله........ cdwinxp.rar
  11. السلام عليكم ورحمه الله وبركاته اخي الغالي كرينل (عاشق الصداقه)......زز شكرا جدا لاهتمامك بالمواضيع دي (واتمني بكل امانه ان تكون مثل هذه المواضيع تعجب الزوار والاعضاء)... ربنا يخلينا لمنتدانا مع بعض يارب.(امين) شكرا جدا جدا....
  12. أقدم لكم اليوم بإذن الله تعالى ومشيئته ( 5 كتب فى مجال الهاردوير ) ** أولاً : كتاب ( ورشة إلكترونيات 1 ) - حجم الكتاب : 2.9 MB . - رابط التحميل : http://rapidshare.com/files/16272625...___ae____1.pdf ** ثانياً : كتاب ( ورشة إلكترونيات 2 ) - حجم الكتاب : 5.65 MB . - رابط التحميل : http://rapidshare.com/files/16273210...___ae____2.pdf ** ثالثاً : كتاب ( الكترونيات رقمية ) - حجم الكتاب : 3.08 MB . - رابط التحميل : http://rapidshare.com/files/16273595...e_________.pdf ** رابعاً : كتاب ( دوائر وأجهزة إلكترونية ) - حجم الكتاب : 2.62 MB . - رابط التحميل : http://rapidshare.com/files/16274031..._ss___ae__.pdf ** خامساً : كتاب ( مقدمة لإكتشاف الأعطال ) - حجم الكتاب : 5.22 MB . - رابط التحميل : http://rapidshare.com/files/16274632...__________.pdf وإن شاء الله راح تعجبكم هذه المجموعة الطيبة بارك الله فيكم ونفع بكم المسلمين .. وأسأل الله الإفادة لى ولكم والسلام عليكم ورحمة الله وبركاته
  13. السلام عليكم ورحمه الله وبركاته ربنا يخليم يا يامن يا حبيبي والله.......... بس انا ليه اقتراح يا جماعه عشان الموضوع ده ال هاينفذه يا خد باله من حاجه ...... ان اللوامر ال انا كتبتها تعطي سرعه للجهاز على حساب حاجات تاننيه .... برجاء بعد الانتهاء من التجربه ترجع الويندوز كما كان الاول الوضع الطبعي ..... منعا للاضرار بنسخه الويندوز (مهم جدا)....... ارجوكم شكرا
  14. بسم الله الهادي الى الحق عليه نتوكل وهو الرحمن الرحيم اولا قبل البدئ في اي شئ ارجوا المعذره على التأخير في كتابه المواضيع بس والله ما المانع لي الا الوقت والله اعلم بذلك الموضوع التاسع : البيوس وطرق شحنه اخواني الكرام : اولا سيتم تقسيم هذا الموضوع على اجزاء نظرا لطوله وحتى يأخذ كل جزء الشرح الوافي له ... أولا : لابد وان نعرف مامعنى كلمه بايوس : Bios = Basic Input Output System بمعنى مدخلات ومخرجات النظام.. البيوس : هو المسئول عن اول عمليه تقوم بها اللوحه الام وهو اختبار كل الوحدات التي عليها ثم تقوم بعد ذلك بأخراج الداتا على شاشه الكمبيوتر.. يعني معنى كده ان البيوس بينتهي عمله مع انتهاء اول صفحه لخروج الداتا من اللوحه الام اثناء قيامها ... ونخلي بالنا من ده كويس عشان هانستخدمه بعدين اثناء الشحن.. اللهم لك الحمد والشكر كما ينبغي لجلال وجهك ولعظيم سلطانك - يقوم البيوس بأختبار الرامات والفيجا والبروسيسور والكيبورد والماوس واي شئ مسئول عن قيام اللوحه الام في بدايه خروج الداتا منها وعند وجود عطل في شئ معين اما ان يعطي البيوس بعض الاشارات التنبيهيه كأشاره عدم وجود الرامه او الفيجا او اعطاؤه بعض الاكواد الخاصه وده بنشوفها على كارت ال Post Card انواع البيوس : لدينا ثلاثه انواع من البيوس وهي : Award...Phonix...AMI اشكال البيوس على اللوحه الام : ثانيا : لماذا نشحن البيوس : نحن نقوم بأعاده شحن البيوس لسببين وهما : 1 - عمل Update للبيوس على اللوحه الام. 2 - اعاده شحنه لتلفه او لان البورده لا تفتح والعيب هنا تلف البيوس. - طبعا في الحاله الاولى : وهي عمل Update للبيوس بتكون اللوحه الام تخرج Data عادي ولكن بتكون الشركه المصنعه للوحه الام بتكون منزله فيرجن جديد للبيوس وبالتالي بنقوم بعمل Update لاجل ذلك. - اما في الحاله الثانيه : وهي اما ان تكون البورده لا تفتح او بتهنج عند اول صفحه او تفتح ولكن الكيبورد والماوس لا يعملوا زي ما شوفنا في موضوع الكيبورد والماوس او لا تفتح عشان مش حاسه بالرامات مثل موضوع الرامات... اللهم اجعل القران الكريم ربيع قلوبنا وجلاء همنا وحزننا ويهدينا الي الجنه ويجعلها طريقنا ثالثا : طرق شحن البيوس :عندنا ثلاثه طرق لاعاده شحن البيوس وهي : 1 - الطريقه الاولى : من على الويندوز او الدوس وده لعمل Update للبيوس. 2 - الطريق الثانيه : بواسطه جهاز الايبروم.. 3 - الطريق الثالثه : طريق ال Host Flash وهي تعتبر من اهم الطرق لدينا نظرا لارتفاع ثمن جهاز الايبروم.. الحمد لله على ما علمتنا فلا علم لنا الا ما علمتنا تقدر على كل شئ ونحن عبيدك فقراء اليك ترقبوا : باقي موضوع البايوس وهي طرق شحنه ان شاء الله والله الموفق لي ولكم
  15. بسم الله الهادي عليه نتوكل وهو الرحمن الرحيم هانتكلم النهارده عن الموضوع الثامن:وهو كيفيه قياس الترانزستور على اي لوحه ام ان شاء الله سبحان الله وبحمده ... سبحان الله العظيم بدايه اخواني الكرام يجب معرفه ماهو الترانزستور حتى يمكننا فحصه على اللوحه الام اذا كان تالف ام سليم: يمكنك بأقل من 5 دقائق ان شاء الله فحص جميع الترانستورات المثبته على اي لوحه ام مطبوعه ... فقط كل ماعليك هو ان تتخيل ان الترانزستور عباره عن ثنائيات Two Diodes في بعض .. انواع الترانزستورات: اما P N P او N P N ويتكون الترانزستور من : E :: الباعث C :: مجمع B :: القاعده اما الدايود : اللهم انت الهادي الى الحق واليك يرجع الامر كله فأغفر لنا ذنوبنا وأرحمنا في تقصيرنا كيفيه فحص الترانزستور وده على اي لوحه ام ولكن المازر بورد بتاعتنا لسى شويه: بواسطه الافو ميتر الديجيتال سوف تقوم بثلاثه اختبارات سريعه بواسطه الافوميتر بحيث تثبت احدى اطراف الاوميتر وليكن الطرف الاحمر على اي رجل من ارجل الترانزستور وبطريه عشوائيه والطرف الاخر وهو "الاسود"للاوميتر يتأرجح بين الطرفين المتبقيين.. النتيجه: 1 - يوجد حاله واحده فقط يعطي فيها الاوميتر قراءه في الطرفين من 400 الي 700 اوم.. 2 - الطرف الملامس في هذه الحاله للاوميتر هو القاعده ونوع الترانزستور N P N لان الطرف الثابت هو السلك الاحمر للاوميتر ولا تنسى +=P و -=N 3- واذا لم تحصل على هذه النتيجه فان الترانزستور يكون تالف... وكذلك بالضبط عند تثبيت الطرف الاسود والطرف الاحمر يتأرجح بين الاطراف الاخرى : -- يوجد حاله واحده فقط يعطي فيها الاوميتر قراءه في الطرفين من 400 الى 700 اوم ويكون الترانزستور من النوع PNP لان الطرف الثابت هو الاسود للاوميتر.. اللهم لك الحمد والشكر كما ينبغي لجلال وجهك ولعظيم سلطانك كده احنا الحمد لله عرفنا اخواني الكرام نوع اي ترانزستور وكيفيه قياسه على اي لوحه ام اما بالنسبه للمازربورد او موضعنا فله حاله واحده فقط ان شاء الله: ملحوظه:يجب استخدام في هذه الطريقه الافو العادي وليس الديجيتال بالنسبه لقياس الترانزستورات من النوع موسفيت الموجوده على اي مازر بورد يتم عمل الاتي: أذكر ربك دائما: لا اله الا الله .. سيدنا محمد رسول الله 1 - ضبط الافو العادي على الوضع 1x 2 - تثبيت الطرف الاحمر على قاعده الترانزستور في اللوحه الام 3 - يتأرجح الطرف الاسود للاوميتر على الطرفين الاخريين في الترانزستور النتيجه: يوجد رجل واحده تعطي قراءه كبيره جدا اي يتحرك المؤشر للاوميتر بعد النصف اما الرجل الاخرى فتعطي قراءه صغيره جدا تكاد تكون منعدمه وغير ذلك فان الترانزستور يكون تالف ويتم تغييره فورا... وبكده الحمد لله انتهينا من الموضوع الثامن : وهو كيفيه فحص الترانزستور على اللوحه الام اخواني الكرام يارب اكون وفقت في الشرح فان كان توفيق فهذا من فضل الله سبحانه وتعالى وان كان تقصير فهذا مني ومن الشيطان ترقبوا الموضوع التاسع : البيوس وطرق شحنه نلقاكم على خير ان شاء الله والله الموفق لي ولكم
×
×
  • اضف...

Important Information

By using this site, you agree to our Terms of Use, اتفاقيه الخصوصيه, قوانين الموقع, We have placed cookies on your device to help make this website better. You can adjust your cookie settings, otherwise we'll assume you're okay to continue..