اذهب الي المحتوي
منتديات ياللا يا شباب
رجل من الصحراء

الفرح على العريس

Recommended Posts

الفرح على العريس

اخواني واخواتي اعضاء منتدايا الحبيب (ياللا شباب)

 

في الحقيقة اردت ان اخذ اراكم في موضوع منتشر في هذه الايام

 

ونحتاج الى حل يرضي جميع الاطراف الا وهو يوم الفرح وتكاليفه

 

وانا بصراحة اول الناس اللي عايز حل عشان داخل على ( تاهيل وزواج)

 

عقبالكم ان شاء الله.

 

الموضوع باختصار هو عن ليلة الزفاف نفسها وتكاليفها فاليكم ماهو دائما يحيرني ويحير اي شاب يريد الزواج هذه الايام ,لخصته في حوار دار بيني وبين صديق.

 

رجل من الصحراء: والله ياخي انا بفكر بدل ما اكلف نفسي مصاريف فرح كبيرة وهيصة وليلة اني استفيد بالمصاريف دي في حاجة افضل بعد الزواج تنفعني وامشيها قعدة على الضيق كده و بسيطة ولا ايه؟

 

الصديق: ههههه ياراجل متهزرش وقول كلام عاقل

 

رجل من الصحراء: اكتر من كده !

 

الصديق: امال يافالح ده امك وابوك عايزين يفرحوا بيك وكمان خوالك وعمامك والناس اللي مستنية يوم فرحك عشان تهيص تقوم انت تقلي اعملها على الضيق واستفيد بمصاريف الفرح ياراجل عيب عليك

 

رجل من الصحراء: يعني ياباشا انا دلوقتي استفيد بفلوس النادي والفراشة وشاشات العرض والانوار والكمبيوتر واعملي حاجة بسيطة

 

واخلي الفلوس ينفعوني بعد الجواز احسن ولا اعمل التكاليف دي كلها

 

الصديق: لا ياخويا تعمل التكاليف دي كلها ياعم انت عايز تفضحنا ياراجل متضايقنيش ده البت الصغيرة مستنية يوم فرحك بفارغ الصبرعشان تلبس الفستان بتاعها وتتزوق وتركب عربيات الزفة ده غير الناس اللي مستنية اليوم ده وعايزة تيجي من اخر الدنيا تفرحلك انت ايه ياعم مبتحسش؟!!!

 

رجل من الصحراء: خلاص نعمل ليلة ياباشا بس ليلة قراان

 

الصديق:جمييل ده بس برده لازم تعمل فرح , لكن مينفعش ليلة قراان لوحدها متحسسنيش ان احنا في عزاء الله يرضى عليك.

 

رجل من الصحراء: طيب خلاص ياباشا ولا تزعل نعمل فرح اسلامي

 

الصديق: شوف اقله ايه يقلي ايه ياعم استغفر الله العظيم يارب

 

ياعم الحج اسمع الفرح الاسلامي تمام وعلى عيني وعلى راسي بس بقلك الناس عايزة تفرح يابووووي اسمه فرح فوق ياعم

 

رجل من الصحراء: ياعم طب انا بدل مااعمل الهيصة دي مااستفيد بالكام الف اللي هصرفهم على الكلام الفاضي دول واخد مراتي ونطلع بيهم عمرة , اه اظن كده الكلام تمام.

 

 

الصديق: بص ياعم كلامك زي اللوز بس ياباشا انت مش لوحدك

 

ناسك واهلك واهل العروسة مش كلهم هيتقبلوا ده وهتلاقي كتيير هيزعل وياخد على خاطره لما متعملش فرح واللي يقلك ده مستخسر فينا الفرح واللي هيقلك ده اول فرحتنا وهو يوم في العمر واللي هيقلك ياعم اصرف وبعد كده تتعدل يعني يابني انا عارف الكلام ده اكتر منك صدقني.

 

رجل من الصحراء: طيب وبعدين ايه العمل نفسي اعمل اللي في نفسي استفيد بالتكاليف الرهيبة بعد الجواز احسن واعمل حاجة بسيطة في يوم الفرح بس فعلا المشكلة مش مقتصرة عليا

 

ابويا وامي عايزين يفرحوا وابوها وامها كذلك ده غير الاهل والاصحاب

 

وغيره وغيره ومش عارف ليه القراان مش مرتبط غير في العزاء وبس مع انه اساسا مصدر للراحة والفرح وماله الفرح الاسلامي ماهو كويس وممتاز بس مش عارف ليه الناس مش متقبلاه طيب وبعدييييييييييييين ايه الحل؟؟؟؟

 

ياترى انتم ايه رايكم ياريت كل واحديقلي فعلا رايه بصراحة في يوم الفرح ده وتكاليفه وعايزين حل يرضي جميع الاطراف

 

اشكركم وفي انتظار اراكم.

 

 

 

شارك هذه المشاركه


رابط المشاركه
شار ك علي موقع اخر

يا عينى عليكو والله هتقطعو نفسكو ولا ايه مش عارفه

 

هى بصراحة تكاليف الجواز بقت حاجة صعبة ربنا يكون ف عونكم والله

 

وألف مبروك و إن شاء الله ربنا يكرمكم ويسهلها عليكم

 

أنا رأيى تصلى صلاة استخارة ,, واعمل اللى انت شايفه صح وخد رأى خطيبتك

 

المهم رأيكم يعنى ده فرحكم ولو انتو مبسوطين خلاص انتو الاهم يعنى

 

بصراحة يعنى أنا قلت لخطيبى اننا بدل ما نعمل فرح

 

نخرج ف اليوم ده ,, بس هو موافقش وقالى مينفعش علشان الناس والاهل والصحاب والحوارات دى

 

وفكرة الفرح الاسلامى دى ف ناس بيشجعونى فيها وناس بيقولو عايزين فرح نهيص وكده

 

بس بيتهيألى ان الفرح حاجة كويسة ,,,,, هههههههه والناس هيفضلو يضحكو

 

يا نهار ,, ده أنا هبقى تحفة ربنا يستر

 

خير خير يارب إن شاء الله

 

 

عامة ألف مبروك وهى وظروفها واللى ربنا عايزه هيكون

 

بس اكيد إن شاء الله هتعمل فرح علشان الناس يجو يباركو لك ويفرحو فيك أو ليك أو كده

 

عقبالكو كلكم

شارك هذه المشاركه


رابط المشاركه
شار ك علي موقع اخر

الف الف مبروك رجل من الصحراء

 

 

انا هفرحلك جدا

 

ان شاء الله ربنا يتمم لك بالف خير

 

ولو العفريت محضرش هتبقى الفاتحه بتاعتى قريب اوى ان شاء الله

 

احنا شبه اتفقنا على كل حاجه

 

عموما يا سيدى يمكن اتفاقنا ينفع بحاجه

 

احنا اتفقنا ان هيبقى فى فاتحه على الضيق مش فيها حاجه والشبكه هتبقى مع الفرح

 

وطبعا بما انه الشبكه على العروسه والفرح على العريس فاحنا هنقسم البلد نصين احنا الاتنين هنشترك فى الفرح ويبقى فرح وشبكه ونعمله كويس وفى مكان محترم

 

وبدل ما واحد يشيل التكاليف الاتنين يشيلوها

 

 

اما الشبكه بقى فدى بابا قال دى هديه ومش هتكلم فيها

 

يا ريت كل الناس تعمل كدا

 

بس اكيد لما حاجه تتحدد هقولكم كلكم

شارك هذه المشاركه


رابط المشاركه
شار ك علي موقع اخر

اختي ندى العضوة والادارية النشطة التي دائما ماتتحفنا بردودها الجميلة والمرحة التي اشرف بيها كثيرا

اشكر مرورك المتميز على موضوعي المتواضع وتعجبني صراحتك جدا ربنا يوفقك و يتمم لك على خير ان شاء الله

وان شاء الله خير ونفرح في كل المنتدى قريب

................................................................................

................................................................................

.

..

اختى تقوى ربنا يبارك فيكي يارب ودعواتك معانا

ومبروك مقدما ليكي ان شاء الله وربنا يتمم لك على خير

وتحياتي للفكرة بتاعتكم وتحياتي لوالدك ودائما والله الوالدين شايلنا كده واحنا صغيرين واحنا كبار ربنا يارب يرحم ويغفر لجميع الوالدين ان شاء الله

اشكر مرورك الذي شرفني اختي الفاضلة

تحياتي وتقديري

شارك هذه المشاركه


رابط المشاركه
شار ك علي موقع اخر

موضوع مهم اخي رجل الصحراء

وفعلا هي قضية بتشكل مشكلة لاناس كثيرين

طبعا انا ممكن اقول راي وده اجتهاد مني لا اكثر ولا اقل

طبعا انا بشوف ان الزواج والظروف المتعلقة به

متغيرة من مكان الي اخر وبكل مكان مش حتي في مصر

يعني مثلا بالنسبة لعنوان الموضوع الي بتقول فيه الفرح علي العريس

والله كل ده تبع العادلت والتقاليد الخاصة بالعلتين

انا بسمع وبشوف حجات غريبة جدا وممهما كان ممكن الموضوع يكون بالإتفاق...

بس بشوف ان الظروف في بلاد الصعيد احسن

التاكتف الاسري والو الدافيء ده بيسمح بتسهيل الامر في كثير من الاحيان

الموضوع نسبي ومتغير كله نساهيل من الله

لكن ...

الموضوع يكمن زي ماقالت ندا في اتفاق الطرفين واهلهما الأقربون اولا واخيرا

وثانيا

هو موضوع الفرح شيء جميل جدا واسمه فرح لانها بتكون ليلة من الفرحة والأمل

وانت علشان تعمل فرح ممكن الموضوع يكون بكذا طريقة

ممكن تعمل الفرح بس مش في نادي

او يتعمل في نادي مش مكلف

فيه مصاريف ممكن كدا لما تعد تنحسب تلاقي من الممكن وعلي الاقل تقدير التقليل منها

الفرح ليله واحدة بالعمر ولا يمكن تتكرر

الواحد ممكن لو ربنا اراد يعمل عمره كذا مرة

ويشتري ويبع كذا مرة

وهكذا بدون اي استغراب من الناس

لكن الفرح هو مرة واحدة فقط

والفلوس وسيلة بتروح وبتيجي والحال ليس هو الحال

اعقد النية انك تقيم الفرح من اجل اسعاد عروسك واهلك واحبابك واصدقائك وكل من سيحضر فرحك

فحضور الفرح لمن يحبون العريس والعروس شيء يسعدهم كثيرا

تخيل نية اسعاد من حولك...

 واخيرا اعقلها وتوكل ...لا تحمل الأمر اكثر مما ينبغي

صدقني الحياة بسيطة ....

انه راي وقابل للنغير

اتمني ان اكون وفقت في عرض شيء مفيد

وجمع الله بينك وبين خطيبتك بكل خير

وكرم شباب المسلمين وثبتهم ورزقهم الزواج الصالح

تقبل مروري

شارك هذه المشاركه


رابط المشاركه
شار ك علي موقع اخر

:2::wub::2::wub::2::wink:

:smile::smile::smile::smile::smile:

:smile::smile::smile::smile::smile:

الف الف الف الف الف الف مليووووووووووووووووووون مبروك :yahoo::yahoo:

وعقبال ماتجيبولنا اطفال حلوين صغننين

 

اعملو فرح علشان تعزمونى :yahoo::smile::smile:

انا بهزر طبعاااا :laughing::laughing::laughing:

 

اولا :::الموضوع ليه جانبين من وجهه نظرى اخى الكبير

1-بالنسبه للفرح فهو لو هيتعمل فمن الافضل ان يكون طبعا اسلامى

نظرا للمخالفات التى تحدث فى هذا اليوم

رغم انه يجب علينا ان نكون من عباد الله الشاكرين

فعندما يمن الله علينا بنعمه الزواج والتيسير نعصيه :chair[1]::chair[1]::wassat:

وبعدين ماشاء الله هتبقى كل اوزار الناس اللى بترقص وتهيص وتغنى دى فى ميزان سيئاتك

متهيالى هتكفيك بقيت عمرك :laughing::chair[1]:

فعلشان نرضى ربنا ونريح نفسنا بنعملو اسلامى علشان هو ده الصح مش فكره بنوافق عليها او لا

ده طبعا لو احنا عايزين نرضيه :smile::smile:

الجانب الاخر للموضوع بقى::::هو الجانب المادى ---معروف ان الفرح ده بيبقى للناس مش للعريس والعروسه يعنى انت لو اخدت بعضك ومشيت

هما هيكملو مع نفسهم مش هتفرق معاهم يعنى :smile::smile:

بس انت اللى هتقرر اللى هينفعك انت وهى

لان فى الاخر الناس مش هينفعوك فاى حاجه

وربنا يرزقك ان شاء الله لفعل كل ما يحبه ويرضاه

ويوسع عليك ويتمملك بخير

ويحقق لك كل ما تتمنى

جزاك الله خيرا اخى الكبير على الموضوع الرائع

كباقى موضوعاتك

تقبل رايى المتواضع وان كان فيه بعض الاراء الذى لم نعتد عليها

ولكن هذا هو رائى

:smile::smile::smile::wub:

 

((ومن يتق الله يجعل له مخرجا ويرزقه من حيث لايحتسب))

اللهم اجعلنا من المتقين

 

 

تم تعديل بواسطه حياتى من اجل ربى

شارك هذه المشاركه


رابط المشاركه
شار ك علي موقع اخر

صديقي رجل من الصحراء ..

بصراحة موضوع محير جدا جدا ومش عارف أقولك إيه ؟؟

فكرتك محترمة طبعا جدا لكن إنت عارف الناس وكلامها حيقولولك شوف فلان ابن فلان عامل الفرح ع الضيق ..

حيشبعوك كلااااااااااااااام ما لهوش لازمة ..

وطبعا زي ما قالك صاحبك الناس عاوزة تفرح وتهيص ..

لكن ما المانع إنك تعمل فرح إسلامي .. حاجة حلوة ..

لكن هل حتقدر تقنع خطيبتك إنك تعمل فرح ع الضيق وخلااااااااااص ..

كان غيرك أشطر يا بطل ..

ورينا همتك بقى ..

تقبل مروري المتواضع ..

شارك هذه المشاركه


رابط المشاركه
شار ك علي موقع اخر

بنت بلدي التي تشرفني دائما واسعد كثيرا بمرورها وردودها اشكر لكي اجتهادك وهو اجتهاد قيم جدا الصراحة ويستحق النظر اليه

وفعلا الموضوع ده بيختلف من كان لاخر وحتى في الصعيد احيانا بيختلف من بلد لاخرى

المهم ربنا يوفقنا الى عمل الخير ان شاء الله ويتمم لكل المخطوبين الزواج ان شاء الله واشكرك على المباركة والدعاء

جزيتي خيرا اختي ولكي مني كل التقدير والاحترام.

................................................................................

................................................................................

.

..................

اختي الصغيرة حياتي من اجل ربي شرفتي ونورتي الموضوع

وبارك الله فيكي وعقبالك ان شاء الله

والموضوع مش مقتصر عليا فقط ولكني اريد ان اعرض حالة عامة لكل الناس واردت ان اعرضها في اسلوب حوار للتوضيح

بالنسبة لرايك فهو يحترم تماما ولكن (الخريطة ليست المنطقة) كلامك جمييل وصحيح بس مش بالضرورة عشان الفرح مش اسلامي يبقى فيه معاصي

والعكس صحيح ايضا وده عن تجربة مع زملاء ليا .

اشكر مرورك الكريم وجزيتي خيرا واشكر لكي مباركتك ودعائك الجميل

تحياتي وتقديري

 

 

,,,,,,,,,,,,,,,,,,,,,,,

 

 

حبيبي وكبير الصحفيين قبلي ابودرش

والله افرح كثيرا حينما ارى ردك على مواضيعي

وبيني وبينك انا شكلي اتزنقت زنقة مايعلم بيها الا ربنا

وان شاء الله خير

عقبالك يادرش

تحياتي الكبيرة وتقديري الاكبر

شارك هذه المشاركه


رابط المشاركه
شار ك علي موقع اخر

الف مليون مبروك رجل من الصحراء

 

ربنا يكرمك و يوفقك الي فعل الخير و الاختيار السليم

 

هقولك حاجه انا رأيي مثل رأيك بالضبط ,,, يعني التكاليف دي مليهاش لازمه موش عشان انها تكاليف و بس يعني الفلوس بتروح و تجي بس انا خايف جدا من الزنوب اللي هتنزل علينا ذي المطر من الاغاني و الكلام ده

 

هو طبعا في افراح بتكون محترمه ذي ما أنت بتقول بس برضوا مهما يكون هيكون فيه اغاني و موسيقي و طبعا اطمئن سيئات كل اللي سامعين الاغاني دي هتكون في جيبك الصغير

 

انا نفسي محتار ذيك هو صحيح انا لسه ملقيتش بنت الحلال بس الموضوع ده بالذات بفكر فيه و موش عارف الاقيله حل

 

اتمني انك تقدر تعمله فرح اسلامي ,,, و انا نفسي ان اعمل فرحي فرح اسلامي ,, و اتمني من ربنا انه يقدرني علي عمل ده

 

الف مليون مبروك و ربنا يتمم بخير و تجيبوا اطفال صحراء صغيرين :laughing: :laughing: :laughing:

 

بس بقولك انت هيزفوك في عربيه و لا هودج :laughing::chair[1]: :chair[1]: :chair[1]:

 

ربنا يتمم بخير

شارك هذه المشاركه


رابط المشاركه
شار ك علي موقع اخر

لقد بيّن الحديث غربة المؤمن في هذه الدنيا ،والتي تقتضي منه التمسّك بالدين ، ولزوم الاستقامة على منهج الله ، حتى وإن فسد الناس ، أو حادوا عن الطريق ؛ فصاحب الاستقامة له هدف يصبو إليه ، وسالك الطريق لا يوهنه عن مواصلة المسير تخاذل الناس ، أو إيثارهم للدعة والراحة ، وهذه هي حقيقة الغربة التي أشار إليها النبي صلى الله عليه وسلم في قوله :

( بدأ الإسلام غريبا وسيعود كما بدأ غريبا فطوبى للغرباء ) رواه مسلم .

 

جزيت خيراً .. واعانك الله على فعل ما يرضيه

 

احترامى وتقديرى

شارك هذه المشاركه


رابط المشاركه
شار ك علي موقع اخر

اخي عبقرينو

سعيد جدا بمرورك الذي شرفني كثيرا واشكرك على المباركة وعقبالك ان شاء الله

والله ياباشا الواحد يعمله في الصحراء احسن وسط الذئاب والتعابين بدل التعب واهو حتى تبقى حتة واسعة وتشيل المعازيم

اشكر مرورك اخي عبقرينو وتحياتي وتقديري لك

................................................................................

................................................................................

.

.......

اخي ابوتسنيم

جزيت خيرا على ردك القيم والمسند من السنة

وان شاء الله ربنا يقدرنا على فعل الخير وطاعته باذن الله

بس برده هتجوز قبلك متحاولش لسه بدري عليك

تحياتي وتقديري واحترامي لشخصك الكريم ياصديقي العزيز

شارك هذه المشاركه


رابط المشاركه
شار ك علي موقع اخر

موضوع جميل والف مليون مبروك حبيبى

انا مع رأى أختى (حياتى من أجل ربى) وصديقى وحبيبى ابو تسنيم وأخى وصديقى عبقرينو

بجد .. انا نفسى كمان ابقى اعمل فرح اسلامى ان شاء الله _ وفوقنى الشيخ محمد حسين يعقوب لما قال ..

 

يا راااااااااجل !! بقى ربنا أنعم عليك بنعمة الزواج وانت اول هدية شكر بتقدمهاله بفرح فيه مليون سيئة بمليون اغنيه ومليون تبرج و .................

 

بجد ربنا يكرمك ويوفقك ويقدرك وتعمله فرح اسلامى :laughing:

بس أكيد أنا مش معزوم !!!!!

تحيتى وحبى صديقى الحبيب

شارك هذه المشاركه


رابط المشاركه
شار ك علي موقع اخر

صديقي وحبيبي واخي الذي احبه في الله نورت الموضوع بمرورك وردك الجميل

وطبعا انت معزوم ياباشا ومتخافش هعملك الاكل اللي بتحبه عارفك بتعز الاكل زي عينيك وياريت باين عليك

هههههه اشكرك حبيبي على المباركة وعقبالك وربنا يقدم اللي فيه الخير ان شاء الله

تحياتي وتقديري

شارك هذه المشاركه


رابط المشاركه
شار ك علي موقع اخر

اسمها ليله العمر

مش هتتكرر تااني

 

فرح يعني فرح

 

بس ف المعقول ....... احسبها وتوكل

شارك هذه المشاركه


رابط المشاركه
شار ك علي موقع اخر

انت باشا

جااااامد اوى

انا عايز اتجوز حتى ولو بزماره

:laughing::laughing::laughing::laughing::chair[1]:

يا كينج لازم الاشهار فى الزواج

فلازم فرح واسعوض ربنا

شارك هذه المشاركه


رابط المشاركه
شار ك علي موقع اخر

انت زعلان ليه طيب ياعلي بابا ولا المغارة لسه مش راضية تفتح

جزيت خيرا اخي واشكرك على المرور

شارك هذه المشاركه


رابط المشاركه
شار ك علي موقع اخر

اولا: اهلا بيك في بيتك الثاني اخي ثابت واتمنى ان نرى مشاركاتك معنا ان شاء الله

شكرا على مروك على الموضوع والعملية مش هتوصل للزمارة ان شاء الله

الموضوع مهواش فلوس الفرح ولا اشهار ام لا لان طبيعي هيحصل اشهار بس مش لازم بالزمارة يعني

الاساس هو ان نعمل مايرضي الله سبحانه وتعالى

شكرا ليك ياكينج

شارك هذه المشاركه


رابط المشاركه
شار ك علي موقع اخر

هل من راي اخر؟

 

شاركونا

تم تعديل بواسطه بنت مصرية

شارك هذه المشاركه


رابط المشاركه
شار ك علي موقع اخر

الف مليون مبروك يا استاذ الصحرا

وعن نفسى احنا عاملين الفرح فى نادى مش غالى اوى

وخطيبى قالى مافيش جاتو هى كفايه اوى الوليمه وحاجه ساقعه وكل سنه والكل بخير

واحلى حاجه فى الموضوع ده كله انى هتجوز ان شاءالله يوم عيد ميلاد حياتى من اجل ربى

علشان بمووووووت فيها

بس يارب اخلص امتحاناتى وانجح

شارك هذه المشاركه


رابط المشاركه
شار ك علي موقع اخر

انتى لازم تسيحى الدنيا كده اون لاين

ربنا يخلينا لبعض على طوووول يا عمرى

ربنا يتتمملك بخير

شارك هذه المشاركه


رابط المشاركه
شار ك علي موقع اخر

اختي المعتزة بحجابها

شكرا لمرورك الذي شرفني كثيرا

والف مبروك وربنا يتمم على خير ان شاء الله

وشكرا للمباركة الجميلة

ومعلش يااختي الصغيرة (حياتي من اجل ربي) سيبيها تفضفض شوية

ربنا يخليكم لبعض دايما ويرزقكم رزقا جميلا واسعا باذن الله

شارك هذه المشاركه


رابط المشاركه
شار ك علي موقع اخر

رائع ولكن عندي حل

في أسكندرية زمان كانوا بيعملوا حاجه جميله كانوا أهل الحي بيحبوا بعض جدا عشان كده ماكنوش بيعملوا الفرح بره الشارع بتاعهم

كانوا بيولعوا كسيت صوته عالي للأشهار والزفه والكلام ده العروسه فوق في الشقه مع الحريم والرجاله تحت مع العريس في الشارع ثم يأجره حنطور يلف بالعروسين شويه علي البحر وفلوس الفرح بيسافروا بيها أي مكان للتغير

ومن رأي أن أجمل مكان (زيارة بيت الله الحرام)

علي فكره كل التكاليف حاجه صاقعه وكراسي لرجال في الشارع

حتي الكاست بتاع الجيران

بس في شئ رائع أنا أن شاء الله حعمله في فرح أولادي حوزع شربات وليس (كوكاكولا ) من أجل سببين 1. المقاطعة

2. عشان الشربات له شكل وبهجه وخصوصيه لأهل العرب

أسفه أني طولت

ولكن الموضوع رائع بجد

شارك هذه المشاركه


رابط المشاركه
شار ك علي موقع اخر

انتي دائما رائعة اختي حياة المنتدى

ربنا يكرمك ويوفقك الى ماهو خير ان شاء الله

نورتي الموضوع بجد

 

تحيتي

شارك هذه المشاركه


رابط المشاركه
شار ك علي موقع اخر

السلام عليكم ورحمة الله وبركاته،،

 

 

 

الله غالب يا خويا "رجل من الصحراء"

 

 

هي الدنيا كلها غلت

 

و شعلت نار

 

 

(لكن انا عندي سؤال ... لاني فضولية شوية في اي حاجة تخص الناس الي نحبها .. يلزمك تستحملني ..

 

 

هو انت من فيفري لتوا .. قررت و عملت العرس sayer و الا مازلت ما عرستش لتوا ؟؟؟؟ ) :shades_smile:

 

 

 

 

بصراحة انا حابة تجاوبني على سؤالي ..

 

 

لان حالتي تشبه حالتك ياسر ... باين فيها

 

:smile:

 

 

:lol:

شارك هذه المشاركه


رابط المشاركه
شار ك علي موقع اخر

Join the conversation

You can post now and register later. If you have an account, sign in now to post with your account.

زائر
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×
×
  • اضف...

Important Information

By using this site, you agree to our Terms of Use, اتفاقيه الخصوصيه, قوانين الموقع, We have placed cookies on your device to help make this website better. You can adjust your cookie settings, otherwise we'll assume you're okay to continue..