عاشق الصداقه

من يهتم بهذه الشبهه - فعليه قراءة هذا المقال جيداً / (( بلاغ للنائب العام ضد الشيخ محمد حسان بعد فتوى بيع الآثار )) / من موقع مفكرة الإسلام .. وردود الزوار هناك - توضح الأمر كله - بدلاً من أن أكرر الردود هنا ! وهذا فيديو الشيخ ،، وقد ذكر أن هذا محرم تماماً إن كانت هذه الآثار أو الذهب أو .... فى أرض تملكها الدوله وليست ملك الشخص ،، وإليكم الفيديو كاملاً / http://www.youtube.com/watch?v=0FPIZJoUm2Y أخيراً / تعودنا من فضيلة الشيخ محمد حسان أنه لا يفتى مطلقاً بغير علم ،، وإنما بفهم لكتاب الله وسنة رسوله ،، وما هذا الهجوم إلا هجوماً جديداً على أى شىء إسلامى فى الأمة ،، وفى دولة مصر بالخصوص // وليست المره الأولى التى يشنون فيها هجوماً على شيخنا الفاضل إنما يحركهم حقدهم ومعاداتهم .. وأول وأكثر من قام بإثارة هذه الشبهه هو الصحفى الزيات المعروف بعدائه للمشايخ والدعاة وإثارة الشبهات حولهم .. أى ليست القضية فى الشيخ محمد حسان او غيره - هم يريدون الهجوم على كل رموز الأمه الإسلاميه .. ولهم حق أن تغضبهم هذه الفتوى ،، وإن كانت بما يرضى الله ورسوله وبما شرع الله - فشيخنا لا يفتى من عنده ،، وقد اتاه الله علماً واسعاً يشهد به الجميع - نحسبه على خير ولا نذكى على الله أحد . فلماذا تغضبهم الفتوى ، ولماذا لا نتعجب من غضبهم !! لأن هذه الفتوى ستغلق على كبار الدوله باب سرقه كبير كانوا يسترزقون منه ! - يقولون أنهم يريدون أن يحافظوا على تراث الدوله ، وهم أكثر من يسرقه ، والشعب المصرى كله تقريباً على علم بهذا .. فلا يظنون أنهم سيقنعوننا .. والله أسأل أن يجعل كيدهم فى نحورهم .. وأن يحفظ كلمة الله وسنة رسوله والدعاة الى الله بحق من كيد كل كائد ومن تشويش كل ذى مصالح شخصيه دنيئه ولتعلموا وبشكل واضح جداً - من وراء هؤلاء .. انظروا فقط لهذه الجمله فى الخبر كما نشره موقع قناة العربيه هنا / وحسبنا الله ونعم الوكيل تحيتى

حمله وهدف يحترم جداً جدا جدا جدا .. وأنا مع الحمله قلباً وقالباً ،، وعلى إستعداد شخصى ،، وعلى إستعداد كإدارة موقع - إنى أساعد فى الحمله دى بكل ما أستطيع . لكن بخصوص التساؤلات اللى يعتقد مروج الحمله (جزاه الله ألف خير) إن ملهاش إجابه !! أنا والله وبحياديه تامه ،، وبدون أى تهويل أو نظره سلبيه .. شايف إن الموضوع ده مش غريب ولا حاجه .. وإجابة كل ده - لأنك فى مصر ! الإجابه ممكن تستخلصها من السطر اللى بعد دول على طول / إمتى مصر طبقت الشريعه الإسلامية !! سيدى الفاضل صاحب الحمله - مش عاوز أبعد عن الموضوع - بس والله العظيم البلد دى ما هيتصلح حالها الا لو طبقت الشريعه الاسلاميه ،، وحسبنا الله ونعم الوكيل فى كل اللى واقف ضد ان ده يحصل مصر بلدنا - بنحبها جداااااااااااااااا ،، لكن حكومتنا الموقره - بترفض أى شىء ممكن يقرب الناس من الدين الاسلامى ،، وبترحب بأى شىء يبعدهم عن الدين الاسلامى ،، وإن كان المواقع الجنسيه ! ده على قلبهم زى العسل ،، وأهو حاجه الشباب يتلهوا فيها - ولا يعرفوا دينهم ، ولا يفكروا فى قضايا الدوله ،، ولا يوقفوا لقمة فى زور كل واحد عاوز يسرق .. مبدأهم - خاللى الشعب يعيش ،، والحكومه تعمل ما بدالها ،، وحسبى الله ونعم الوكيل .. نصيحه لوجه الله فى كلمتين بس (التغيير مش هييجى إلا مننا إحنا - متستنوش هما يغيروا حاجه - وإلا هنفضل طول عمرنا كده والعن من كده) ويااااااااااااااااااااااارب يهدى المسؤولين وأصحاب القرار وينفذوا القرار ده ،، ويمنعوا المواقع الإباحيه ،، وأنا مره تانيه مع الحمله قلباً وقالباً .. وعقبال حجب كل موقع وكل قناة مخالف للشريعه الإسلاميه

جزاكِ الله كل الخير موضوع فى غاية الروعه والأهميه تحيتى وتقديرى

دكتور احمد / ألف شكر يا جميل - وكل المشكلات دى فى طور الحل بإذن الله .. أختى / سما أحمد / اهلاً بيكى وصفحتك ظاهره قدامى والتعليقات وكل حاجه !! هى بس مفضلتك ياريت تقومى بتعديلها من جديد بعد مسح كل محتواها .. ولو لسه مش شايفه التعليقات وكده - ياريت اعرف نوع المتصفح اللى بتستخدميه ،، وياريت لو صوره للشاشه اللى ظاهره قدامك وانتى فاتحه ملفك الشخصى

dragon 2 - مرحباً بك كثيراً وشكراً للمرور .. فهده - مرحباً بك كثيراً .. والبرمج تعمل - ما المشكله لديكِ !

جزاك الله كل الخير أخى الفاضل .. نعم قد إستلمت رسالتك بخصوص ملفات اللغه وقمت بالرد عليك فى الرساله - وبارك الله فيك وجزاك كل الخير لهذا الإهداء الذى سيفيد الكثيرين من بعدك .. أفهمك اخى الفاضل .. تفضل هذا الموضوع / http://forums.yallagroup.net/22545 وهذا الموضوع أيضاً / http://forums.yallagroup.net/17116 سيساعداك كثيراً فى إختيار أماكن الإعلانات وتعديلها فى السكربت .. وبخصوص طلبك - فلا يتوفر حالياً عرض الإعلانات فى الرئيسه دون باقى الصفحات أو فى قسم دون الآخر .. ولكن يمكنك إضافة إعلان فى قالب Home بدلاً من الإعلانات العلويه .. أى يمكنك الإستغناء عن الإعلانات العلويه فى up_adverts.tpl أو يمكنك إستخدامها مع عدم إستخدام إعلانات جوجل بها .. ويمكنك وضع إعلان جوجل او غيره مما لا تريد ظهوره إلا فى الرئيسية فى صفحة home.tpl .. وضع بأعلى الصفحه مثلاً Div تحتوى كود جوجل مثل / <div style=" float:right; width:100%; text-align:center; margin-top:5px;"><div align="center"><!-- Google Adverts --><script type="text/javascript"><!-- google_ad_client = "pub-3711096235937084"; /* 728x90, Short Link */ google_ad_slot = "3425086851";google_ad_width = 728;google_ad_height = 90; //--></script><script type="text/javascript" src="http://pagead2.googlesyndication.com/pagead/show_ads.js"></script><!-- End Google Adverts --></div> </div> وسيظهر كما يظهر فى منتصف الصفحه هنا : http://download.yall...et/ar-home.html ،، ولكن فى حالتك سيظهر فى أعلى الصفحه .. فإرن أردت ظهور الإعلان او غيره فى منتصف الصفحه فضعه أسفل الكود : <!--{EndCategoryShow}--></div></div> لم أستخدمها مطلقاً .. ولكن كما تقوم بإضافتها فى أى موقع أو منتدى !! فى شرح تركيب هذه الأشياء يقول أحياناً ضع فى منطقة الـ head الكود كذا .. عليك إذن تحرير ملف page.tpl ووضع الكود فى المنطقه المحدده لذلك بالملف قبل كود </hread> ،، وما يذكر أن تضعه فى منطقة Body أو فى جسم الصفحه - فضعه بنفس الملف فى المكان المخصص لذلك .. إن أردت وضع إعلان يظهر فى كل صفحات الموقع بالأسفل - فضعه فى أسفل ملف page.tpl - قبل كود الحقوق .. وإن أردت وضع كود فى أسفل أى صفحه خاصه - كالرئيسيه أو صفحة القسم او صفحة البرنامج - فقم بتحرير ملف هذه الصفحه وضع الكود بالأسفل ! أما تحكم الهيدر والإعلانات فمذكور فى الموضوعين المذكوره روابطهما فى بداية ردى هذا .. فى خدمتك دائما .. تحيتى لك

ali desoky / ربنا يجزيك كل الخير يا حبيبى يا رب Dr.A7MD / إنت عارف إن اللى بتعمله أفيد شىء للمنتدى - لأن لو محدش خد باله للاخطاء وبلغ عنها هتفضل موجوده .. فجزاك الله كل الخير يا غالى يا رب كل المشاكل والملاحظات اللى قلتها إتحلت .. فيما عدا نقطتين / الأخطاء اللى ظهرتلك عند دخول البريد الخاص / مش موجوده عندى أى أخطاء - ويمكن كان خطأ من السيرفر وقتها وإتشال .. فياريت ترد عليا ان كان موجود دلوقتى أو لأ مشكلة اليوتيوب / مشكلة كبيره - ربنا يستر وينفع تتعدل ،، ومش عارف ايه اللى عمل كد ! يارب بس يكونلها حل - لأنى مظنش هجرب - ولو فيه أى مشكله واجهت حد ياريت يتفضل يذكرها وجزاكم الله خيراً ===== أختى / حورية الجنة .. بارك الله فيكى وجزاكى كل الخير .. وتحت أمر حضرتك والجميع فى أى إستفسار فى أى وقت .. ويارب نقدر نساعد ونعمل حاجه كويسه تفيد الجميع فى المنتدى أنا هصحح لحضرتك حاجه بس .. أنا شايف إن كلمة (بدون مقابل) ،، وكلمة (لوجه الله) بيناقضوا بعض !! العمل لدين الله ثوابه أعظم مقابل فى الدنيا .. وإن كان عليا - انا مش بعمل حاجه لوحدى - فيه ناس تعبانه جداً فى المنتدى (فريق ياللا يا شباب) - ربنا يجعله فى ميزان حسناتهم وإذا كان على (ياللا يا شباب) وتعبى فيه - فده ميساويش ذره فى اللى المفروض أعمله لدين الله ،، وربنا يسامحنى على تقصيرى الشديد فى حقه .. لكن الله أسأل أن يتقبله منا ويجزى جميع من يعمل فى ياللا يا شباب كل الخير ويرزقنا الجنه بلا حساب ولا سابقة عذاب - برحمته وإن قصرت اعمالنا .. إجابة سؤالك - بفضل الله أيوه يا أختى الفاضله ،، ومتستغربيش - اللى بيحب رسول الله وعاوز يقدمله هديه .. هيعمل أكتر من كده بكتيــــــــــــر .. لإن رسول الله يستاهل كل شىء ممكن نعمله .. ولأن ديننا دين عظيم - وثواب ربنا والجنه تستاهل - بس نسأل الله القبول - ونظن بالله خيراً وجزاكم الله كل الخير

جزاكِ الله كل الخير أختى وأنا شديد الأسف لكما للتأخر فى الرد وتلبية طلبكم .. ولكن نسخة المنتدى كان بها مشكلة فى تغيير إسم الدخول لأى إسم عربى .. تتسبب المشكله فى عدم مقدرة العضو على تسجيل دخوله إلا بعد تغيير الاسم مره أخرى لإسم بالانجليزيه وقد عزمت على ترقية نسخة المنتدى لأحدث إصدار لتلافى هذه المشكلة وغيرها .. وقد فعلت بفضل الله وقوته : لذا تأخرت عليكم فى الرد .. والان تم تغيير الاسم كما تفضلتى وطلبتى .. الإسم الجديد (دعوه للجنـــــة) ==> تستطيعى الان تسجيل الدخول بالإسم الجديد تحيتى وتقديرى جزاك الله كل الخير حبيبى .. وآسف للتاخر فى الرد لنفس السبب الذى ذكرت .. وأعلم انك قد تقدمت بطلب تغيير إسم والآن محوته .. فإن كنت محوته لتراجعك عن الطلب فهذا لك - وأنا تحت أمركم .. وإن إعتقدت انى لن أنفذ الطلب - فقد وضحت سبب تأخرى فى تنفيذ طلبكم - اما الان .. فطلباتكم مجابه بإذن الله تحيتى لكم

أختى سمااحمد .. جزاكى الله كل الخير حبيبى Dr.A7MD .. ربنا يبارك فيك يا جميل أنا تقريباً خلصت دلوقتى .. ممكن أعرف لو فيه أى مشكلات بتواجه حد ؟

المعنى كما جاء فى قاموس الشارع المصرى / زاول يزاول - فهو متزاول => أى مشتت الإنتباه وفاقد التركيز بسبب مؤثر خارجى غير منطقى ! تحيتى

مرحباً اخى caffecalls.. رجاء ذكر رابط السكربت على موقعك كما هو منصوص عليه اعلى القسم - لنستطيع المعاينه بأنفسنا ومساعدتك تحيتنا

ملحوظه / ستشاهدون عدم إنضباط فى ستايل المنتدى ،، وأخطاء (شكليه) كثيره به - هذا ما اقوم بتعديله فى المرحله الثانيه بإذن الله .. فإنتظروا أيام قليله وسيعود المنتدى أفضل مما كان ،، وجزاكم الله خيراً

بسم الله الرحمن الرحيم والصلاة والسلام على أشرف المرسلين وخاتم النبيين ورحمة الله للعالمين سيدنا محمد النبى الأمين وعلى آله وصحبه وسلم تسليماً كثيرا تم منذ دقائق الإنتهاء من المرحلة الأولى فى عملية تطوير تقنيه كبيره شملت منتديات ياللا يا شباب شملت عملية التطوير ثلاث مراحل أساسية / 1 - ترقية نسخة المنتدى إلى أحدث إصدار لمنتديات الآى بى IP.Board 3.1.2 2 - تحويل ترميز المنتدى وقاعدة البيانات إلى الترميز العالمى UTF-8 والمحبب لمحركات البحث وذو الفوائد الكبيره جداً 3 - ضبط أغلب الإعدادات التى من شأنها تسريع تصفح المنتدى من قبل الأعضاء ،، وضبط زيارة المنتدى بستايل خفيف يعمل تلقائياً عند الدخول من الهواتف المحموله والاى فون العملية التطويريه تقنيه بنسبة 100% - وأعلم أنه امر لا يفهم فيه الكثيرون فى ياللا يا شباب ولكنى احببت ان أتقدم بخالص الشكر إلى صديقى وحبيبىDr Mido شخصيه ربما لا تعرفونها ولكنه من أبرز الشخصيات فى الإنترنت العربيه وهو مدير موقع الاى بى العربى - الداعم العربى لمنتديات الاى بى - كأحد أفراد فريق الإداره الذى أتشرف بكونى أحدهم فقد ساعدنى بشكل كبير ومكثنا 13 ساعه نعمل من اول الليل الى صباح هذا اليوم - من أجل الا نغلق المنتدى عن زواره واعضاؤه وننجز هذا العمل بأسرع وقت وبأعلى كفاءه وبفضل الله - ورغم كون قاعدة بيانات المنتدى كبيره نسبياً إلى ان عملية الترقية وعملية تحويل ترميز قواعد البيانات قد تمت بنجاح باهر - نتيجة لخبرة حبيبى Dr Mido بهذا الشأن فشكراً حبيبى الغالى - وجزاك الله كل الخير أخيراً - أبشركم بإذن الله بنقله كبيره للمنتدى فى إستقطاب الزوار تقنياً بعد هذه العمليه كما أبشركم بمزايا جديده ستكتشفونها تباعاً لهذا الإصدار الجديد فمبـــــــــــــــــــــروك عليكـــــــــــــــــم وسأبدأ فى المرحة الثانيه من التطوير (وهى أشياء لا ترى بالعين المجرده ) - وفى حالة وجود أى اخطاء أو مشكلات بالنسخه أرجو تبليغى عن طريق الرد فى هذا الموضوع وجزاكم الله خير

بسم الله الرحمن الرحيم برامج نوكيا Nokia 5800 فى هذا الموضوع سأضع لكم أكبر كم من برامج هاتف نوكيا 5800 إكسبريس ميوزك وسيتم تباعاً إضافة ثيمات وألعاب لنفس الهاتف Nokia 5800 Express Music التحميــــــــــــــــل هذه مجموعه كبيره من برامج نوكيا 5800 - يمكنك تحميل ما تشاء منها http://yallagroup.net/s/1094 وهذه باقه مجمعه من برامج نوكيا 5800 تحتوى على 77 برنامج مميز - جميعها فى ملف واحد مضغوط ،، تفضل بتحميله : http://yallagroup.net/s/1095 والموضوع تحت التجديد المستمر لإضافة المزيد من البرامج والثيمات والألعاب - ومن لديه المزيد فليتفضل به وسأقوم بادراجه فى الموضوع تحيتى وتقديرى برامج نوكيا - برامج نوكيا 5800 - العاب نوكيا - العاب نوكيا 5800 - ثيمات نوكيا - ثيمات نوكيا 5800 - تحميل برامج نوكيا 5800 Nokia 5800 - Nokia 5800 Express Music - برامج Nokia 5800

تفضل أخى / http://forums.yallagroup.net/41041 تحيتى

بسم الله الرحمن الرحيم أحبتى فى الله - مستخدمى ومصممى ستايلات سكربت مكتبة البرامج الذكية بالمرفقات وضعت لكم لوجو السكربت للتعديل عليه بإسم الموقع المطلوب بإستخدام برنامج الفوتوشوب عرض للملفات التى يحتويها الملف المرفق Web Download Logo.rar

والله فعلاً - شغل مزاولات .. عاوزين يلهوا الشعب فى اى حاجه والسلام أنا بجد غير مقتنع ولا بنسبة 1 % بقصى تغيير الساعه دى ربنا يهدى

السلام عليكم ورحمة الله وبركاته إزاى تخللى مئات الأعضاء تقرأ موضوعاتك ؟؟ يمكن أنا قرأت فى مجال حب الزوار لكتاباتك كتير ،، وعاصرت تجارب بنفسى للكتابه بأغلب أشكالها .. وعشت فى منتديات كتير فترات طويله .. وفيه كتابات لأساتذتى فى نقطة (كيف تصبح كاتباً متميزاً أو محبوباً) .. لكن أنا فى موضوعى ده - حبيت اوجه شوية نصائح لأعضاء ياللا يا شباب - الأعضاء العاديين غير المحترفين .. يعنى ببساطه شديده : إزاى تخللى الناس تحب موضوعاتك وتنتظرها وتتفاعل جداً مع موضوعاتك وكتاباتك ! طبعاً فيه فى المنتدى هنا نماذج واضحه للنوعيات دى من الأعضاء - ما شاء الله تبارك الله .. هديلكم فى الموضوع ده خلطه سحريه بسيطه - تخللى وبإذن الله موضوعاتك ذات تفاعل كبير !! وأنا قصدت أكتب الموضوع بالعاميه علشان يكون أقرب للقلوب والعقول .. ولتبسيط الأمر . أنا هقول نقاط صغيره بإختصار - ولو حد حب يستزيد انا تحت امركم - حددوا نقطه معينه ونتكلم فيها بشكل أوسع فى الردود 1 - كن صاحب أسلوب مميز يعنى إيه وإزاى ؟؟ هقولكم .. فيه واحد من الأعضاء يغلب عليه الطابع الفكاهى فى موضوعاته ،، وإن كانت جاده وكلماته الفكاهيه ليها معانى كبيره - المهم المعنى بيوصل - لكن بأسلوب !!! حتى لو فكاهى فيه واحد تانى من الأعضاء معروف بشخصيته التحليليه - يحب يحلل الموضوع ويبصله من أكتر من جانب ويوضح مناطق أو لفتات فى مجال موضوعه - يمكن محدش إلتفت اليها قبل كده فيه واحد تالت يغلب على موضوعاته وردوده النقد الساخر ! فيه واحد رابع معروف بإنه بيقول كلام تقيل وحكم .. يظبطلك دماغك كده وإنت بتقراله فيه واحد خامس يغلب على شخصيته وموضوعاته إنه مش مفهوم !! وكل اللى فاتوا دول سمات لشخصيات - يعنى فيهم حاجه مميزه عن باقى الأعضاء .. فبالتالى بيلتفت ليهم ولكتاباتهم ! ده بخصوص الطابع الشخصى والسمه العامه لشخصيتك على الإنترنت .. 2 - كن صاحب كتابات مميزه إنت هتشتغلنا يا عم عاشق الصداقه ! ما هى هى اللى فاتت !! لأ مش هيا هيا .. فيه واحد تشوف موضوعاته تقول : مفيش موضوع من موضوعاته عادى .. يعنى كلها مميزه .. كلها تستحق القراءة .. إللى زى ده - مظنش هتشوفله موضوع ومتقرأهوش ! 3 - كن صاحب سمه مميزه لكتاباتك تانى هتشتغلنا !! - ما هى هى اللى فاتت برضه !! . لأ برضه مش هى هى الكتابات المميزه إن مجالات موضوعاتك يكون متميزه وفيها إفاده كبيره لأى حد يقرأها أو متعه ذهنيه لأى حد يقرأها .. ده بخصوص النقطه اللى فاتت .. أما النقطه دى .. فأنا بعتبرها من أهم النقاط وعلى رأسهم إللى تخللى الناس تتابع كتاباتك وتحب تقرألك بإستمرار اللى هيا إيــــــــــــــــــــــــــه !! تنسيق الموضوع وهيكلته .. خاللى ليك ثيم معين فى موضوعاتك - يحبه كل الناس .. يعنى مثلاً .. فيه ناس فى المنتدى هنا لو خبوا عنك إسم الكاتب ومقريتش المكتوب كمان .. بس من شكل الموضوع كده وللوهله الاولى هتقول كاتب الموضوع ده فلان أو فلانه صح !! واحد بيلون كل سطر بلون والتانى بيلون كل كلمة (الله) بلون معين فى كل مشاركاته والتالت بيستعين بصور رائعه تخدم موضوعه والرابعه بترفق صوره فى كل موضوع ليها آخر الموضوع .. والخامس والسادس ......... جميل إنه يكون ليك أسلوب فى الكتابه .. ونصيحتى للناس فى النقطه دى / لون مقدمة موضوعك بلون معين وثبت ده فى كل موضوعاتك إستعين بصوره على الأقل فى بداية الموضوع أو بين المقدمة (أول سطرين) وباقى الموضوع .. وتكون الصوره تخدم موضوعك وتكون جميله إنهى موضوعك بشكل قوى يخللى اللى يدخل لازم يرد - زى إنك تنهيه بسؤال ! كمثال مبسط لكلامى - شوفوا مدونتى مثلاً : (هنا مثال) .. هتلاقوا إن جميع الموضوعات ماشيه بنفس النسق .. كلمتين وصوره وباقى التدوينه .. وفيه أفضل من كده بكتيـــــــــــر والأمثله كتيره على الويب وفى منتدانا كمان .. الخلاصه / إهتموا بتنسيق موضوعاتكم وإنكم تخلوا فيه ثيم معين لكل موضوعاتك .. لو كتبت موضوعين بالشكل ده أفضل من 40 موضوع مش منسق وخطه صغير والموضوع طويل وميساعدش الواحد حتى نفسياً على إنه يقرأه ! 4 - كن عضواً محبوباً طبعاً دى بعدة صفات .. منها التواضع والتواصل مع الجميع فى موضوعاتهم وانك تكون إجتماعى وخلوق ومعطاء و ... كل نقطه من دول مهمه جداً وممكن يتكتب فيها صفحات ! وتذكروا إن معادلة حب الناس .. معادلة بسيطه جداً .. سألنى حد من أصدقائى - إزاى خليت ناس كتير تحبك كده (ده من فضل الله عليا) قلت والله السر كله فى حبى للناس !! المعادلة / حب الناس بجد - هيحبوك بجد ،، والحب الوحيد اللى بجد هو الحب فى الله - مش علشان مصلحه ولا علشان أهواء ولا أى شىء .. فإحنا كأعضاء فى منتدى - ده من مصر ودى من سوريا وده من السعوديه ودى من تونس و ..... وحتى منعرفش أسماء بعض الحقيقية ،، ولا أشكال بعض ،، ولا ..... كل ده ميهمناش - لأن اللى بيجمعنا الإحترام والإفاده والحب فى الله بقواعد وشرع الله .. فكن محبوباً .. ستجد التفاعل 5 - لا تنتظر شكر أو رد أى أحد ! النقطه اللى دايماً بقولها .. واللى لولاها مكنش أغلب المنتديات استمرت ،، واللى بسببها منتديات كتير انهارت التفاعل والرد من الأعضاء على موضوعك مطلوب ورائع ومحفز ويحسسك إنك قدمت حاجه و .... لكن متخليش ده هو المحرك ليك - فلما محدش يرد تبطل تكتب وتبطل تفيد ،، وتقول مليش قبول !! النقطه دى بتوقف ناس كتيــــــــــــــــر ،، وانا شخصياً ماشى بمبدأ إنى بكتب لإفادة الناس ردوا - على عينى وراسى وجزاهم الله خيراً - مردوش .. معلش سامحونى - مش هتفرق !! مش تقليل من شأن حد !! - بس لأنى مش بكتب علشان يتصقفلى والصفافير والزمامير تشتغل بكتب علشان الناس تستفيد ،، وطالما فيه ناس قرت وإستفادت من اللى كتبته ،، مش مهم يردوا !! بإختصار شديد (راقب عدد مشاهدات الموضوع - ولا تراقب عدد الردود على موضوعك) لأن المشاهدات بتعبر عن الناس اللى زارت موضوعك واستفادت منه ،، وخاللى ده الهدف اللى بيحركك .. وزى ما انتوا شايفين بفضل الله فى ياللا يا شباب الموضوع بينزل بعدد مشاهدات معاه يعنى فى خلال دقائق قليله بتلاقى 20 مشاهده وأكتر ،، وده لأن المنتدى مفتوح للزوار ،، وفيه زوار كتير بيتابعو ومتواجدين بإستمرار كمان لكن من غير تسجيل .. أخيراً .. أتمنى يكون موضوعى أفاد حد ولو بالقليل .. ومعذرةً على تقصيرى فيه لأنه بدون إعداد ولا خطة .. دخلت - طقت فى دماغى اتكلم فى الموضوع ده - اتكلمت فيه ببساطه شديده (ودى نصيحه تانى - خطط بس بلاش تبقى مكلكع فى طرح موضوعك - خليك على طبيعتك .. إرضى عطشك ) متنسوش تدعولى ،، وإلا ولا حاجه من اللى قلتها دى هتنفع معاكم جزاكم الله كل الخير ،، والسلام عليكم ورحمة الله وبركاته

جزاكِ الله كل الخير أختى .. وحشتنا موضوعاتك والله والنقد الساخر للوضع الأليم هقول لحضرتك وللاخوه كلهم سبب اللى بيحصل (من وجهة نظر العبد لله) ،، إحنا داخلين على إنتخابات ! - ومال يا عم الفتك الإنتخابات بالخراب اللى إحنا فيه ده !! هقولكم ؟؟ طبعاً حكومتنا الوقوره عاوزه جمال ،، ومن بعده هيثم محمد جمال .. ومن بعده تامر لطفى سيد هيثم محمد جمال .... طيب ما علينا من كل ده وخلينا بس فى جمال دلوقتى .. لما تبقى الحياه صعبه والكهربا فيها مشاكل كبيره والميه من قبلها واللحمه تغلى ،، والرز يغلى والطماطم تغلى وكل حاجه تغلى والشعب يرخص .. . . . . وفجأه يظهر البطل اللى يحل كل المشاكل دى فى أيام بسيطه - فيكسب حب وثقة الشعب كله !!!!! - يبقى يحيى جمال صح ! والله أعلم ومن وجهة نظرى دى خطتهم - والشعب المصرى أحسن شعب يضحك عليه (بمزاجه) .. وحسبنا الله ونعم الوكيل بطلت من زمان اتكلم فى أى سياسة ولا أقول رأيى حتى - لكن ساعات كتير دمى بيتحرق من الضحك على الناس والناس مصدقه وبطلع عن شعورى وأفضفض - وربنا يستر جزاكِ الله كل الخير ،، وربنا يهدى الحكموه علينا === بخصوص الأمل ،، والخير ،، فشباب مصر (تقريباً) بيمروا بأعلى حالة صحوة إسلامية مرت على العالم العربى والإسلامى كله .. وده بفضل الله عز وجل .. فالقادم أفضل بإذن الله تحيتى وتقديرى