احلام بلدى

دى لوحدها بلوه مصيبه ربنا يعافينا منها تعرفوا انها كمان ممكن تكون اختبار للانسان المسلم انا عارفه انه اختبار صعب جدا لا فى مننا الكتير عندهم حب الاستطلاع واكيد لو هى او هو عندهم الدين ثابت فى قلبهم هيندموا ندم شديد على استطلاعهم ده ربنا يحفظنا واياكم

طيب ايه رايكم لو بلاش سوسو وبلا ناديه

بهدوء النفوس هنوصل طبعا للاتفاق وللوحده الاسلاميه اتمنى اننا نفضل كده على طول علشان محدش يلاقى بينا موضع قدم بارك الله فيك

دى مصيبه كبيره حطت على راسنا الله يجازى اللى كان السبب البلد محتاجه تنضف من كل حاجه قال يعنى هى نقصاهم

طبعا العطاء جميل جدا حتى لو اعطيتى كلمه حلو بارك الله فيكى

ياريت نفتكر المناظره دى ديما ونتاكد ان الحياه زائله بكل الحلو اللى فيها والموت قادم لا ملجاء منه فانه ملاقينا لابد ان نعد له العده من اعمال صالحه وصوم وزكاه وصلاه و ذكر دائم لله عز وجل اخى المسلم واختى المسلمه اوعوا تخدكم الدنيا وتنسوا الاخره

الكارت الاحمر المره دى هرفعه ان شاء الله الى الفايزين بالانتخابات ونقولهم خلو بالكم احنا معانا كروت حمراء كتير وممكن ترفع فجاه بدون انظار اتمنى اننا منحتجلهاش بس بردو اهى قاعده

مين لسه قاعد لغايه دلوقتى لم ييقظ ضميره مش تبقى مصيبه

يكفيك هذا ايها الصمت تمنى معى ونحن فى عصر جديد لمصر انه يكون عصر الحريه وفك اللسان وكفايه اللى راح واحنا سكتين اوعوا اللى استشهدوا فى ثوره مصر انهم ضحوا بنفسهم علشان شعب اخرس لاء خلاص الشعب عرف يتكلم عرف يقول لاء

صحيح احنا بنتخدع فى ناس كتير ولكن انا بقالى فتره بحاول اتعمق فى اى شخصيه اقابلها واحاول ادخل جواها واشيل اى رتوش عليها علشان اقدر اقيمها كويس والحمد لله ربنا اكرمنى واكتشفت ناس كتير من خلف القناع الزائف وتلاقى الشخصيه فى الاخر اكتر من تفهه يا ريت نخلى بالنا من الناس اكتر من كده وبلا ش تخدعنا الضحكه الصفراء والكلام المزوق وللاسف ده كتير عندنا كفانا الله واياكم هذه الاوجه قصدى الاقنعه

زمان كنت فاكره انى هخلص دبلوم وكان نفسى اكمل كليه لكن بابا رفض علشان فى بلد تانى المهم كنت فاكره انى هيكون ليه وظيفه فى الحكومه اقدر اعيش منها واخر ايامى استنى منها معاش لكن للاسف خلصت دراسه وصدمت بالحقيقه لقيت ناس كتير قبل منى بسنين لسه قاعده مستنيه الوظيفه مكنتش اعرف ان الوظيفه دى عمله صعبه عندينا بابا كان عنده محل زهبت معه وتحملت مسؤليه ماما واخواتى من عملى البسيط باجر 60 جنيه فى الشهر حاجه تكسف المهم ماتت ماما ووراها بكام شهر مات بابا وفى فتره حياتهم ساعدت كل اخواتى بنات وولاد فى زواجهم والحمد لله وفضلت لوحدى وها انا ما بين المحل الذى تركه والد فاضى وعليه ديون للضرائب ولاولاد شريك بابا وربنا اكرمنى وخلصت كل ده وانا دلوقتى موجوده فى المحل يعتبر يعنى فاضى بردو لان لم يكن معى حتى املئه والحمد لله تفتكر انا بردو يدوب الحق مستقبلى انا مستقبلى راح مش بس انا كتير من اخواتى واخوانى المصريين مستقبلنا راح

نعم حقيقى كل كلمه قلتها انا بطبيعتى الهدوء لكن بصراحه لما كانوا يعملوا اى حاجه فى البيت مثلا مثل ان يقترب اى حد من ملابسى بطريقه تولد فيه الغضب مقلكش كنت بعمل ايه ممكن اكسر اى حاجه قدامى واكتر حاجه كسرتها الكوبيات الزجاج وبصراحه بعد ما انفس عن غضبى اقعد اضحك على اللى عملته بس باخد حوالى كام يوم علشان ارجع لطبيعتى تانى لكن دلوقتى الحمد لله كل ده راح ولكن بحس ان دمى كله بيغلى لما ازعل وافضل السكوت يعنى مش ديما

الابتسامه شيئ جميل جدا وتحس كمان انها بتريح الوجه وتخلى روحك حلوه وبيها تقدر تسعد كل من يقترب منك ربنا يسعد ايامنا جميعا

على العموم احنا متاكدين ان الفتره دى فتره انتقاليه مهمه جدا للبلد واكيد هتكون فى علامات كتيره على ناس كتير واتمنى من ربنا التوفيق

موتينى من الضحك كل اللى قلتيه بنسمعه على طول وفعلا حاجه تغيظ بنات وولاد عوزين قص رقبتهم انا مش عارفه اقول ايه هو اهلهم مش بيسمعوهم وهما بيتكلموا مش حسين بقرف منهم ومن طريقتهم فى الكلام واللبس طيب ليه مش بيحولوا يصلحوهم والله ربنا يصلح حالنا وحالهم

انا اقلك انا بقى نفسى اروح فين انا عاوزه مكان جميل يجمع بين الخضره والماء وسجاده صلاه والمصحف الشريف صديقى الوحيد وجليس روحى وافضل اعبد ربنا اصلى واقرا القران فى هدوء كامل لا اسمع الا صوتى وهمس الخضره وهمس الماء كفايه قوى قوى دى اجمل رحله احب اروحها تحبوا تعملوا زى

قربت الانتخابات عندنا وانا بصراحه محتاره مش عارفه اختار مين اختار من الاخوان ولا من السلفيين انا محتاره علشان انا مش عارفه مين فيهم هيخاف على مصر وعلينا لاغنى اعتقد بل انا متاكده ان الاختيار ده مصيرى مصر وشعبها يا ريت تقولولى اختار مين

احزن حزن شديد قوى لو اى انسان اساء الظن بى و تمنيت من ربى وقلت يا ريت ما عرفت هذا الشخص ابدا

هنقول كلنا امين يا رب العالمين

حلوين قوى

السؤال ده مهم جدا المفروض ان التلميذ او الطالب بيروح المدرسه علشان يتعلم او نقول لتحصيل العلم لكن للاسف خلاص مبقاش علشان يحصل العلم بقى بيحصل جهل وتخلف واهمال وتشرد وكمان بقى هايل فى السب والقذف وقله الادب وكسر الزجاجات وجرح زمايله وكمان معاه مطوه او نص موس مخبيه فى فمه وسجاير وقلع هدومه فى الشارع والخنقات بقى اللى تحب تتفرج عليها وجهل كامل بالكتب احسن حاجه بيعملها فى الكتاب يوم ما ربنا يكرمه ويمسك الكتاب يقعد يشخبط فيه ده كل اللى بيعمله واعتقد انه بيتعب لانه بيبزل مجهود جامد فى الشخبطه مش عارفه اسال مين اسال الاهل فى البيت على التربيه ولا اسال الاداره التعليميه عن الادب والتعليم يا ريت تشوفوا وتقولولى اسال مين

احيكى اختى نور على الموضوع ده بصراحه الاقنعه دى مشكله بس عارفه بتقدرى تعرفى بسرعه من هو صاحب القناع والانسان اللى بيحب يلبس القناع بنعرف نتعامل معاه كويس قوى