إنت ياللى مكشر .. أيوة إنت .. بص عليا يابنى ... هو انت مكشر ليه يابنى إبتسم مش هتخسر والله حاجه بالعكس هتاخد حسنات كمان : " تبسمك فى وجه أخيك صدقة ".
الحياة مليئة بالأشياء الناقصة وليس هناك شخص كامل لا عيب فيه علينا أن نتعلم كيف نقبل النقصان في الأمور وأن نتقبل عيوب الآخرين يعنى مش تكشر وتزعل وتدايق لما يحصل أى موقف معاك على غير المتوقع .
تكون مخنوووووووق ومش لاقى حد تشكيله همك وفجأة تسمع الآذان " الله أكبر الله أكبر .... " وقتها بتحس إن ربنا بينادى عليك علشان تشكى له همك وحزنك وكربك بسرعة بتلبى النداء وتتوضأ بسرررررررعة وتقف بين يدى ربك وتصلى ركعتين لله خاشعاً وعندما تسجد ياااااااااه شعوووووووور يقشعر البدن من العيش فيه وقتها تذكر قول الله " وَقَالَ رَبُّكُمُ ادْعُونِي أَسْتَجِبْ لَكُمْ ..." وقتها قووووووول كل اللى نفسك فيه وفكها شوية بدمعتين .
مهما يكن كـــــــــــن أنت من تصنع ســــعادتك بنفسك فالآخرون دائما فى انشغال ، فابحث عما يسعدك ولو شئ يسير المهم انك تفكها شوية ولو بابتسامه.
" قال كذلك الله يفعل ما يشاء " ستتغير نظرتك للأمانى التى كنت تظنها مستحيلة الوقوع عندما تتأمل هذه الآية.
عِنْدمَا تُـشاهِد يَتِيمًا أو فَقِيرًا أغْـمِضْ عَـينَيكَ بـضْعَ ثَـوانِي واسْـألْ نَــفْسَك ماذَا لَو كُنْتُ مَكَانَه ؟ وانـصَرفْ بَـعْدهَا فكها شوية دا انت فى نعييييييييم ومش حاسس.
لابد أن تكون هناك قناعة بداخلنا توقن بأن : ما كُتب لنا سيكون لنا حتى لو لم نريده و ما ليسَ لنا ، لن يكون لنا ، حتى لو متنا لأجله ..
زعلان إنك تعبان وعندك برد وبتعطس وجسمك سخن ومدااااااااايق أووووووى ... يابنى قول الحمد لله وروح مرة شوف المستشفى واللى فيها دا انت فى نعييييييييم ومش حاسس.
زعلان وبتدور ومش لاقى شغل ومدااااااايق ومخنوق جدااااا .. للأسف كلنا واقعين فى المشكلة دى ومش عارفين نعمل إيه ... بس هقولك على حاجه وأكيد هنتفق عليها مفيش واحد بيدور على شغل ومش هيلاقى .... ودا أكييييد إنت ممكن تقول إنك مش لاقي شغل مناسب .. هقولك كدا ممكن بس ياترى هتقعد كدا تحط إيدك على خدك وتنام فى البيت ولا هتدور على شغل أقرب للمناسب لحد ما ربنا ييسرلك ... دى حاجه وكمان أنا عاوز منك إنك تنمى قدراتك ... لان الوظيفة المناسبة لن تأتيك لمجرد حصولك على مؤهل ، يجب أن تصقل هذا المؤهل وكمان لو تيقنت من أن رسول الله صلى الله عليه وآله وسلم قال : " لو أنكم توكلتم على الله حق توكله لرزقكم كما يرزق الطير تغدو خماصا وتروح بطانا " ومش معنى إنك تتوكل على الله .. تروح تقعد فى البيت .. لا أنا عاوزك تجتهد وفى نفس الوقت تتأكد أن الأرزاق بيد الله ، وقتها هيزووووووووول همك وغمك فكها شوية واضحك يابنى والله مفيش حد هياخد غير رزقه .
سترزقون من حيث لا تعلمون ، فقط قل استغفر الله العظيم وأتوب إليه.
"ليس السعيد في هذا العالم من ليس لديه مشاكل!! ولكن السعداء حقيقة،،: هم أولئك الذين تعلموا كيف يعيشوا مع تلك الأشياء البسيطة التي تصادفهم !
عارف إحباطك دا وانهزامك لما فشلت ملوش مبرر خااااااااالص أنا عاوزك تفهم إنه عمر دا ما هيقدمك ولا هيخليك تتحرك دايماً هتبقى واقف فى مكااااانك ، يابنى فرص الحياااااااة قداااامك كتييييييييير ، بس المهم إنك تتحرك وطول ما انت بتتنفس هتلاقى الأمل دايماً مووووووجود بس إنت فكها شوية وقول ياااااااارب.
ربنا بيبعتلك نور وسط العتمة ؛ بس انت فتح عينك ومتخفش. لا تحزن إذا أغلقت أمامك أبواب الكبار، تعالَ إلى باب العزيز الغفار، فقط توضأ وادخل المحراب فقد وصلت ... لا تحزن إذا لم يقبلوا ملفك، ارفع الملف وقت السحر واكتب المعروض بدمعك وأرسله مع بريد الاستغفار إلى العرش وانتظر الإجابة ... لا تحزن إذا لم تُدع في مناسبة ولم تكرَّم في حفل ولم يُحتفَ بك في مهرجان، فقط اجلس مع الأبرار، ليذكرك الواحد القهار، مع الملائكة الأطهار، فهل بعد هذا التكريم من تكريم ...د/ عائض القرنى
عقارب الساعة دائماً تدور حول أرقامها وكمان حياتنا بتدور حول جميع الظروف لا تيأس يابنى ... وترقب الخير من ساعة إلى ساعة.
إن للرحمن حِكمة فِي كُل شَيء ؛ حَتى وَخزَات الآلم وَ استغَاثات الرَجَاء ؛ فَـ فَي طَيّــات المِحن تَكمنُ المِنـح.
فى حاجات كده بتحصلك فجأة ... خنقة.. ضيق ... زعل ومش عارف حصل إيه... فقط اسجد لله واترك عيناك لتدمع هتحس بشعوووووور عمرك ما شعرت بيه غير وإنت ساجد.
أوحش حاجه لما تجبر ملامح وشك علشان تاخد منظر غير إحساسك لكن الأحلى من كدا إنك تغيرها علشان تاخد حسنات . "تبسمك فى وجه أخيك صدقة"
فاكر لما كنت ساعات وانت بتدعى ربنا مش بتبقى عارف تقول إيه غير " يارب إنت عارف أنا نفسى فى إيه " .
