محب الحبيب

علي الدسوقي منور موضوعي اخي الكريم وزيارتك زادات الموضوع لمعانا جزاك الله كل الخير حياتي من اجل ربي حياه المنتدي بتعلق علي موضوع انا كاتبه انا في غايه الشرف تعليقك وسام علي صدري يا عزيزتي غريق مش لاقي قشه نورت الموضوع يا اخي اتمني ان الموضوع يكون رسم ولو ابتسامه بسيطه جزاك الله خيرا

ممكن تكون الدنيا ولا تسوي اي شيء بس انا ليا راي لازم اعيش كل لحظه بلحظتها بس مش اخليها تسيطر علي حياتي لاني لو مش عشت لحظه الجرح ولحظه الحزن مش هحس بلحظه الفرح عامله ازاي وكمان لازم اتعلم من اللحظات ديه موضوع مميز من الفتاه المدلله لمنتدنا تقبلي مروري

اصلا الاختلاف انا بعتبره اساس كل شيء وبعتبره دعامه من دعامات الصداقه لاننا لو مختلفناش عن بعض هنحس بملل ولو مش كان لينا وجهات نظر مختلفه عن بعض وبنري كل المشاكل من زاويه واحده مش هنقدر نفيد بعض ولا يبقي للصداقه اي معني واللي ممكن يهجرك او يسيبك عشان اختلفتوا في الراي او علي اي شيء مش يستاهل لقب الصديق اصلا تسلم ايدك موضوع جميل

فعلا ما اكثر هذه السلوكيات بس ده عشان الامان والحب اللي كانوا زمان مليين الدنيا اتنزع دلوقتي اسمع زمان من جدتي ربنا يديها الصحه ان ابواب البيوت كانت ديما مفتوحه صبح وليل انما دلوقتي كلاب واجهزه انذار وده دليل علي الخوف اللي بقي مليانه بيه حياتنا والخوف ده خلنا نفقد كتير من المعاني الساميه زي الشهامه والنخوه وكتير وخلي معاني جديده تظهر زي تعيش ندل تموت مستور والجبن سيد الاخلاق وكده موضوع جميل وبنعاني منه ربنا يعفو عنا ويرحمنا تقبل مروري

اخي علي يشرفني انك اول واحد رد علي موضوعي وفعلا انا معاك ان النقد الساخر والنكت والضحك بيخففوا كتير من الالام هذا الشعب لك كل احترامي وتقديري وعلي فكره انا شاب مش بنت بس ولا يهمك

السلام عليكم يمكن ده تاني موضوع اشارك بيه في المنتدي ودي حاجه انا قرتها يعني منقوله بس مش عارف من كتبها بس هي بجد عجبتني اوي فحبيت اشارك بيها وحابب اعرف رد فعلكوا عنها أفندينا أنعم علينا بعلاوة تجيب كيلو جبنة وعلبة حلاوة آتاري العلاوة مجرد أتاوة و احنا علينا الكلام اختلط ***** عشان في البداية حسبناها خير و قلنا نواية حتسند يا زير و حسنة حتمنع بلاوي كتير و كنا حقيقي في غاية العبط ***** في لحظة افتكرنا ان لينا حقوق و نمنا و صحينا لقينا الخازوق و قبل اما حتى يا عالم نفوق لقينا اللي لسه حناخده اتشفط ***** أفندينا يعني في لحظة تجلي تعطف تلطف و قرر يخللي مساحة الغلابة تزيد ستة مللي و ياكلو بدال التراب الزلط ***** أفندينا أعلن صدور القرار و قبل اما ينجح في أي اختبار فوجئنا بزفة و مولد و زار قصايد جرايد برامج يفط ***** تؤكد بأن الحكومة بذكاء و من حزمة واحدة قضت ع الغلاء و لابد يبقى لدينا انتماء و ناكل و نشرب و نلبس خطط ***** وحلم النمو اللي قالوا عليه و حايشينه عنا منعرفش ليه ماتلمح مكانا في مرة عينيه و نقدر ندوق منه حتى نقط ***** مادام كل حاجة تمام ع الورق مفيش أي داعي عشان القلق و لو مش مصدق خلاص اتفلق ورقنا اللي صح وكلامك غلط ***** و قاللي مواطن عليم بالخبايا أفندينا قرر تزيد الجباية عشان شعبه جاحد قليل الرباية بياكل و ينكر زي القطط ***** اذا الشعب صدى بفعل البارومة حتعمل حسابه ف ايه الحكومة وهي اللي جاهزة بكرباج وشومة عشان لوفي واحدفي عقله اتخبط ***** تعيش مصر دايما في عز و جمال يعيش المواطن شديد الاحتمال و آمن تماما من الاشتعال و أقصى ما عنده ينكت فقط ***** يا رب تعجبكوا

عالم من الاحلام ادخلتنا فيه بهذه الصفات التي اذا توافرت في احد اصبح ملاكا لا بشرا ولكننا بدون رفق نستيقظ علي الغدر والخيانه والشرور التي امتلئت قلوب البشر ولكننا علينا ان حلم بهذه المعاني الساميه لكي نتغلب علي الواقع الاليم الذي نحياه كلمات راقيه واكيد طالعه من قلب مليان احاسيس جميله صافيه حالمه تسلم يا استاذ عالموضوع ومستنين موضوعاتك الراقيه

واللهي الي حد كبير انا بتهم نفسي بالصفات ديه ولكني انا مقتنع جدا انا مفيش اي حد يقدر يحكم علي نفسه اللي قدامك بس هو اللي يعرف اذا كنت ذكي اجتماعيا وعاطفيا ولا لا ميرسي علي موضوعك تقبلي مروري

هتصدقني لو قولتلك اني فهمت القصه اول ما قريت كلماتها الاولي وتشبيهاتك كلها انا قولتها صح من قبل ما اقراها انا مش بقول كده عشان اي كلمه ثناء او شكر بالعكس انا قولتها عشان تعرفي اد ايه اسلوبك جميل وسهل ومواضيعك في غايه الروعه تسلمي علي الموضوع وحقا ان حافظت علي كل هذه الاعضاء ستصبح اعظم من اي ملكا وجد علي هذه الارض والملك طبعا لله تقبلي مروري وتحياتي

علي فكره انا بدأت اقلب الشاي وبدعي انه يطلع شاي يعدل المزاج موضوع رائع وتستاهل بجد كوبايه شاي ميزا عليه تسلم يا استاذي وربنا يوفقك وتبقي حياتك احلي كوبايه شاي في الدنيا تقبل مروري وتحياتي

امنيتين لا يكفوا ابدا يا ابو تسنيم بحبح ايدك شويه هي الاماني بفلوس بس بجد انا نفسي اكون انسان ربنا راضي عنه اوي والناس تكون بتحبه اوي ولو انا قدرت احققهم يبقي انا امتلكت الدنيا وما فيها ميرسي علي الموضوع تقبل تحياتي ومروري

من اول ما دخلت المنتدي وانا قولت انك شكلك مثقفه ومطلعه وواسعه الافق وبعد ما قريت الموضوع ده عرفت اني كنت غلطان انتي يا بنتي موسوعه ثقافيه مكتمله بأطيب المواد العلميه ربنا يزيدك وتظلي تتحفينا بمواضيعك الجميله تقبلي تحياتي ومروري ميرسي علي موضوعك

مشكله المشكلات وازمه الازمات مين السبب ومين ليه مصلحه ان شبابنا يشحت وبناتنا تتسول في وسائل المواصلات مشاهد ومناظر تقطع القلب وحياه ربنا مين هيسأل عن الناس دول ادام ربنا في برنامج وكان الضيف استاذ عماد الدين اديب المحاور بيساله نفسك تمسك وزاره ايه؟ قاله محبش امسك اي وزاره لاني بحلم تقوم وزاره في مصر علي اساس الاعمال الخيره ومساعده الناس المحتاجه بجد اللي بيقولوا عليهم تحت خط الفقر ومن هذا المنطلق وعلي خطي هذا الحلم نفسي زي ما بيجيبوا (امين شرطه يقعد يلف علي الحراميه) لا يجيبوا ناس مختصه يبحثوا ونحاول بقدر الامكان نعالج مشكله الفقر ديه والبلد ديه فيها خير وقادره تضمن لولادها عيشه كريمه واكيد الحكومه مش هتعمل كل حاجه لوحدها فين الناس الخيره اللي تقدر تقدم مساعده للناس دول ومحدش يقولي مفييش لا فيه زي الناس اللي بيقدموا مساعدات في البيت بيتك مش ديه ناس بردوا ورجال اعمال ليه ميبقاش فيه فكر جماعي من رجال الاعمال ويحاولوا يساعدوا الناس ديه وفي نفس الوقت يشيلوا من علي البلد حمل الناس الفقرا دول ونحاول نرتقي بالبلد ديه ولا مبقاش فيه حد بيحب البلد ديه تكون علي قدر من الرقي وعلو الشأن واخر حاجه ممكن اتكلم عنها الشباب اللي بيتسول ويكون في قمه قدرته علي العطاء ويتدعي الكسل والمرض مفيش حد عايز يتعب شويه خلاص من كتر البعد عن ربنا بقي يهون علينا نشحت ونتسول وفينا صحه اللهم ارفع مقتك وغضبك عنا ولا تسلط علينا بذنوبنا من لا يخافك ولا يرحمنا يا رب العالمين اللهم انك عفوا كريم حليم عظيم تحب العفو فاعفو عنا

موضوع متميز ومختلف بس احنا متعودين علي المواضيع الجامده منك محتاجين مواضيع متيمزه اكتر من كده لعل وعسي كلامنا ده يغير حاجه يا استاذه حياتي وعلي فكره انا بحب جدا اللون الاخضر والابيض ولون السما اللي مش عارف ليه اسم شدي حيلك ونريد المزيد من المواضيع الهدافه

موضوع متميز ومختلف بس احنا متعودين علي المواضيع الجامده منك محتاجين مواضيع متيمزه اكتر من كده لعل وعسي كلامنا ده يغير حاجه يا استاذه حياتي وعلي فكره انا بحب جدا اللون الاخضر والابيض ولون السما اللي مش عارف ليه اسم شدي حيلك ونريد المزيد من المواضيع الهدافه

بأي زنبا قتلت <script language="Javascript1.2"></script> ماذا فعلت مروه لتقتل بهذه البشاعه في ساحه القضاء؟ وماذا فعل زوجها ليقتل؟ وما ذنب ابنهما مصطفي ليفقد امه ويحرم منها ؟ انا هسال سوال واحد لرؤساءنا العرب وكل من بيده السلطه ولم يتحرك ليأخذ بحق هذه الاسره بماذا سوف تردون علي مصطفي لو سألكم فين ماما؟؟؟؟؟؟؟؟؟؟؟؟؟؟؟؟ ماتت قلوب الناس ماتت فينا النخوه يمكن نسينا في يوم ان العرب اخوه

كلام اغلي من الذهب واللهي ولكني انا اختلف معاك في حكايه (ان فاتك الميري اكسر واره زير) حرام الزير علي فكره بس انت قولت انك مدرس يعني وظيفه حكوميه ممكن اعرف انت ليه مستمر في الميري انا بأيد العمل الحر واللهي لو هتقف في محل وتبيع الحاجه بشرف وامانه بتكتسب خبرات من الاحتكاك بالناس بتؤهلك ان تكون رجل اعمال او تاجر ذو خبره في مجالك بدل الحبسه بين دفاتر وورق وكلمات متقاطعه بجد موضوعك في غايه الاهميه وانا اخدت عهد علي نفسي ان اولادي مش هعلمهم حاجه مش يستفيدوا منها ويدخلهم بعد ما يشتغلوا عائد كويس يقدروا يتماشوا مع الحياه الصعبه اللي بنعشها ومش هخلي ابني يجي يسألني ويقولي بابا انا بروح المدرسه ليه لان سعتها هيحس انه بيتعلم حاجه بجد طولت عليك معلش بس موضوعك اكتر من رائع تقبل مروري