بسمة الاقصى

كالعادة شحورتينى وراكى بس بما إن المواصلات على حسابك مش مشكلة بجد تحفة تحفة ما شاء الله لا قوة إلا بالله ربنا يبارك فى موهبتك خدى الرد ده واعمليه كوبى وبيست فى باقى المواضيع

أمال الوردة اللى واخدة نص الصفحة دى بتعمل إيــــــه؟؟؟؟؟؟؟؟؟

مبارك نودى ربنا يكرمك يارب دايماً ومن نجاح لنجاح إن شاء الله

مبارك أخى وفقك الله وسدد خطاك نتمنى أن نراك يوماً أحد علماء أهل السلف موفق دائماً إن شاء اللــــه

إنهاء أزمة قطع السكة الحديد بقنا اليوم.. وفتح طريقى سفاجا وأسوان واللى بيزيد عن حده ينقلب لضده واللـــــــه المستعان

تصدقى بالله كتبت الموضوع ده فى منتدى تانى وجالى نفس تعليقك او نفس معناه بالظبط (ايه دا كله .. دا انتى قلبك مولع نار ) أيوة يا جماعة قلبى مولع ناار ومغلولة لحد ما ربنا ينصرنا وناخد بتارنا عادى عادى هاتى ما عندك يعنى وقولى تعليقاتك مش أول مرة يعنى فعلاً لكل ظالم نهاية ودولة الظلم ساعة وانتهت الحمد للـــــــه تسلمى أختى أحسن الله إليكِ

فعلاً فيديو تحفة

جمهورية بورتو طرة مش هتقدر تغمض عنيك أيها الأخوة المواطنون حبايبنا اللى فى طرة ابدأ كلامى بسم الله وأصلى واسلم على شفيعنا وحبيبنا سيدنا رسول الله صلى الله عليه وسلم وبعد فعلاً فعلاً مش هتقدر تغمض عنيك وما اعتقدش حد فى مصر قادر يغمض عنيه دلوقتى ولا حتى يبربش وهو بيتفرج على بورتو طرة من أجلك انت وأخيرررررا أخيرا بقيتوا فى مكانكم الحقيقى وفعلاً الرجل المناسب فى المكان المناسب وبعد وصول الراس الكبيرة زعيم العصابة واكتملت شلة الأنس فى جمهورية بورتو طرة بداية عاوزة أقول لبا با حسنى عمرك فى يوم مسكت مصحف من المصاحف اللى محطوطة جوه علبة قطيفة فخمة وقرأت فيها قول الله تعالى" قل اللهم مالك الملك تؤتى الملك من تشاء وتنزع الملك ممن تشاء وتعز من تشاء وتذل من تشاء بيدك الخير إنك على كل شيىء قدير" أظنك عرفت الآن معناها ولكن هيهات يا فرعون مصر فقد مضى الوقت ومن هنا من مصر الحرة ومن بنت فى سن أحفادكم أقترح الآتى لكى تنعموا بعيشة هنية فى بورتو طرة أولاً:بالنسبة للزنزانة يعنى هتبقى متر فى متر يدوب على مقاسكم وهنكرمكم بمروحة بس هنقطع النور عنكم فى الصيف فى عز الضهر علشان يعنى نوفر الكهربا وكده وتخفيف أحمال زى ماانتوا فاهمين والأكل بقى هيكون فول مسوس ورز مدود معمول بزيت التموين اللى انتوا عارفينه كويس وممكن نفرحكم مرة فى الشهر بكام كيلو لحمة من بتاعت الهند اللى مليانة ساركوسيست دى ويالا كمان كباب من أحسن لحم حمار ولا كلب فيكى يا مصر وشوية خضار مورورين وفواكه كده من اللى مروية بمية الصرف الصحى حاجة كده ترم العضم والشرب بقى ميه بقى من اللى قلبكم يحبها اللى مليانة جراثيم وميكروبات اللى بيشربها الشعب البيئة اللى كنتوا بتحكموه نيجى بقى للحياة السياسية مش هنقولكم زى الناس الوحشين لا سياسة فى طرة لا طبعاً إزاى ده انتوا اهل السياسة كلها طبعاً الريس هو الريس وهامان (زيكو) هنخليه برضه رئيس ديوان طرة وماله لو هتعملوا انتخابات بقى عندكم المعلم الكبير فتحى موافقة يفصلكم قانون حليوة على قد طرة يليق بيكم وبالوضع الجديد وجمبكم بقى جيرانكم حبايبكم البلطجية علشان يزوروا الانتخابات آه أمال ايه اصل انتو مش هتقدروا تعيشوا من غير تزوير وحبيبكم عز ممكن يجبلكم كام طبلة ويسليكم فى الحبس علشان الملل يعنى وكده طبعاً الباشا الكبير كريه العادلى له معاملة خاضة جداااااااا طبعاً عارفين ليه ومصر كلها عارفة ليه يومياً بقى كام جلسة كهربا على كام جلدة ومية ساقعة فى عز البرد ومفيش نوم بقى خالص وكوكتيل كده تعذيب على مزاج الباشا الكبير وانت أدرى ممكن بقى نتعطف عليكم فى يوم وناخدكم رحلة ترفيهية فين بقى فى البحر الأحمر على عبارة زى بتاعت السلام 98 بالظبط وتاكلوا سمك مشوى وجمبرى وكافيار متغذى على لحم البشر طعم إيه وااااااو وهنسيبكم بقى وانتوا وحظكم مع العبارة أو رحلة برية بقى فى قطر من قطارات الصعيد وهنجيبلكم موقد بلدى لزوم الشاى والمزاج وبرضه انتوا وحظكم وأخيراً ده كله مش تفضلاً منا عليكم لا أبداً ده خيركم سابق من 30 سنة وياما هنيتونا وفرحتونا وجه وقت رد الجميل واللهم لك الحمد والحمد لله الذى بنعمته تتم الصالحات وحمد الله على سلامتك يامصر وحشتينا جدااااااا وحسبنا الله نعم الوكيل واللهم قصاصك العادل واشف غليل صدورنا وأرح قلوبنا كلمتين من القلب للسيد مبارك حلقاتك برجلاتك شرفت يا سيد المساجين خش وجرش جنب اخواتك وعيالك وياك الاتنين يارب ياربنا انت اللى عارف حقنا طول فى عمره وهاتلنا احكام تفرح قلبنا حلقاتك برجلاتك هنوصى عليك السجان فاضل بكره هتيجى مراتك ونزفك زى العرسان يارب ياربنا فرحة مصر وكل الناس أكبر فاسد عندنا جوه السجن عليه حراس حلقاتك برجلاتك شفت نهاية ظلمك فين هتكمل ع البورش حياتك وتجرب كل الزنازين يار ب ياربنا دم الشهدا مش هيروح حق اخواتنا كلنا من اسوان لغاية مطروح يارب ياربنا أكبر أووى من كل كبير فاضل دعوة صغننة يتحاكم جوة التحرير واخيــــــــراً حكمــــــــــت.....فظلمــــــــت.....فخفت ........فتنحيـــــــت.....فحُبست يااامبـــــــــارك كتبه : مواطنة مصرية 13/4/2011

إيـــــــــــه ده يا خالتووو هدايا وعطور وأنا ماليش حاجة ماشى ماشى نعديها المرة دى عموماً أول مرة أسمع البيت ده وأصلاً تلاقى الرام غشته من عم جوجل جزاكِ الله كل خيـــــــــــر خالتو أم أمانى

وجزاكم أخى زياد نسأل الله الإخلاص فى القول والعمل وجزاكم يا خالتو تقبل الله منا ومنكم اللهم آمين يارب العالمين وفقكم الله لما يحب ويرضى وانتم من أهل الجزاء إن شاء الله

السلام عليكم يا جماعة الخير عبرة لمن أرد أن يعتبر حقاً فيديو مؤثر وكلمات نابعة صادقة ومؤثرة خرجت من فضيلة الشيخ عند القائه عظة على القبر عند وفاة والدته فاللهم ارحمها واجعل قبرها روضة من رياض الجنة اللهم بارك فى عمر أمى وأمهاتكم ورزقنى الله وإياكم حسن الخاتمة http://www.youtube.com/watch?v=scSy2xWAZ2E&feature=related

السلام عليكم يا جماعة الخير قرأت لكم هذه القصة الرائعة من قصص شهداء ثورة 25 يناير وأحببت مشاركتها معكم فكم فيها من العبر والعظات ما ترق له القلوب وتدمع له العيون وهى كالتالى : عددت الروايات فى قصة استشهاد عبدالكريم احمد رجب وكلها صحيحه لان كل واحد من رواتها كان له موقف مع شهيدنا قبل استشهاده ولكنى اتيت لكم اليوم بروايه الشيخ صفوت حجازي حفظه الله وبارك لنا فى عمره وعلمه فى البدايه تعريف بالشهيد عبدالكريم والشهير بكريم او القرضاوي الاسم : عبدالكريم حمد رجب أحمد حاتم المؤهل الدراسي : الفرقة الرابعة كلية العلوم جامعة الأزهر تاريخ محل الميلاد : مواليد الشرقيه عام 1987 (يعنى من سنى ولكنه سبقنى الى الجنه) لحظة استشهاده فى يوم الاربعاء الدامي 2-2-2011 بينما كان كريم واقف مع الشيخ صفوت حجازي في نوبه حراسه يتبادلان الحديث سوياً فقال له يا شيخ انا حافظ 25 جزء من القراءن الكريم وان شاء الله بعد الثوره احفظ الباقى واجي لى اخد منك إجازه بروايه حفص فرد عليه شيخنا وقال له انا لا اعطي إجازه لاحد الا بشرط واحد انه يقرأ علي القراءن 3 مرات فى 3 ايام متتاليه دون اخطاء ولكن انت يا عبدالكريم علشان معرفه ميدان التحرير هخليك تقرأه عليا مره واحده بس ففرح عبدالكريم فرحاً شديداً وقال له ان شاء الله هختم بسرعه ثم جاء مجموعه من الشباب وقالوا للشيخ يا شيخ روح علشان تصلى واحنا هنقف مكانكم فرد عليهم هو انتم ما صليتوش قالوا لا قال لهم لماذا قالوا احنا مسيحيين فذهبوا الى الصلاة وعندما عادوا بدأ هجوم جديد وعنيف للبلطجيه فكان شيخنا الشيخ صفوت من عادته فى ميدان التحرير يذكر الشباب بفضل الشهاده والحث عليها فرد عليه عبدالكريم يا شيخ هو اللى يموت هنا يبقى شهيد قال نعم شهيد فرد عليه كريم انا شاكك فرد عليه شيخنا اللى يموت هنا يبقى شهيد وسيد الشهداء كمان لقول النَّبِيُّ صلى الله عليه وسلم : " سَيِّدُ الشُّهَدَاءِ حَمْزَةُ بْنُ عَبْدِ الْمطلب وَرَجُلٌ قَامَ إِلَى إِمَامٍ جَائِرٍ فَأَمَرَهُ وَنَهَاهُ فَقَتَلَهُ " وانا يا سيدي لو مت شهيد هنا هبقى اسلم لك على سيدنا حمزه فرد عليه عبدالكريم طيب عن اذنك يا شيخ فرد عليه الدكتور صفوت انت رايح فين قال له انا رايح استشهد فقبل ايدي الدكتور صفوت وذهب الى المعركه وابلى بلاءاً حسناً الى ان جاءته طلقه غادره من قوات الشرطه من احدى بنادق القناصه فى مؤخرة رأسه فوقع ارضاً ولكنه لم يمت بعد فجاءه الدكتور صفوت نظر اليه فقال له عبدالكريم ما تخافش يا شيخ هسلم لك على سيدنا حمزه فيعلق الدكتور صفوت قائلاً انه كلما تذكر عبدالكريم لا يتمالك نفسه من البكاء ويتمنى دخول الجنه حتى يعطي عبدالكريم اجازه فى رواية حفص عن عاصم اسأل الله ان يتقبل اخانا فى الشهداء كما اسأله ان يكتب لى الشهاده فى سبيله ولشيخنا الدكتور صفوت لكل القراء

إيــــــــــــه البشاااااااااااااعة دى مش ممكن فعلاُ هو فى إيـــــه؟؟؟؟؟؟؟ انا لو رحت فرح بالشكل ده هموت فى جلدى من الأصوات دى هما تقريباً فاكرين نفسهم بيلعبوا بلى مش بنادق ده احنا كنا حررنا كل فلسطين والعراق وأفغانستان بالرصاص ده كله مش بس فلسطين ربنا يرزقك الزوجة الصالحة العفيفة يا أخى بس ما أظنش هتوافق على كده خالص

فعلاً سبحان من علمها وجزاكم أخى وجزاكِ شفت تاريخ المشاركة بتاعك وفهمت

مباااااااارك أختى وحبيبتى دعوة للجنة وثبتك الله وحفظك اللـــــه وأحبك فى اللـــــه عقبال ما نجوزك ونفرح بيكى وبعيالك خالتو حياة جزاكِ الله كل خير وأسعد قلبك وحفظ الله لك أهل بيتك وجمعنى بكِ فى الفردوس الأعلى إن شاء اللـــــــه و تفضلى

مررت من هناااااااا .......................

بحاول أفهم

الله يا روما حلوين جدااااا وألوانهم منتهى الشياكة ومتناسقة مع بعض تسلم إيدك بجد

شهدت باكستان منتصف وأواخر العام الماضي فيضانات مدمرة زحفت جارفةً الأخضر واليابس ومُخلفةً قرابة الألفي قتيل وملايين المشردين! لكن بجانب الأضرار الجسيمة التي خلفتها هذه الفيضانات على البشر تأثرت بها أيضاً العناكب التي وجدت حلاً غير تقليدي على الإطلاق: زحفت ملايين العناكب على الأشجار بعيداً عن الماء وحولتها إلى ملاجئ ناسجةً شباكها حولها بهذا الشكل المخيف في ظاهرة لم تُسجّل من قبل في أي مكان في العالم!! فت ملايين العناكب الأشجار بشباكها بالشكل الذي تبدو معه من بعيد وكأنها شبكة عنكبوتية عملاقة تغلف الشجرة كلها! تخيلوا كيف أن تلك الكائنات الصغيرة التي لا تعقل استطاعت إنقاذ نفسها بصعود الأشجار وتحويلها إلى ملاجئ دائمة لها حتى تجف المياه! سبحـــــــــــان اللــــــــــه العظيــــــــــــــــــم

انا أول ما شفت العنوان بتاع الفيديو ذهلت جدا وقلت لا مش معقول ولما سمعت كلام الشيخ وتبين لى إنه الكلام صحيح وإن الشيخ كان يعرف وائل غنيم معرفة شخصية منذ زمن زاد عجبى واندهاشى وائل غنيم من الشخصيات اللى ظهرت مع الثورة وأُثير حولها كلام كتير جدااا من بطل ثورى لماسونى وأخيراً تزكية الشيخ المقدم له نسأل الله أن ينفع به سبحان الله الواحد بقى بيسمع حاجات فى منتهى الغرابة اليومين دول ويتوقع الغير متوقع جزاكم الله خيراً أخى على الفيديو