semsem111

تابع الخبر كما أكد سيادته أن ثمة إجراءات تم الاتفاق عليها وبدا تنفيذها فعلا وتطبيقها في اغلب محافظات مصر حيث أكد سيادته بصرف آلاف العبوات المجانية من مزيل العرق وتوزيعها أمام الأفران (ليمنجه) كل مواطن نفسه و(يروش) روحه لاجل ان ريحته متعميش اخوانه المواطنين كنا تم تعيين المئات من شباب الخريجين للعمل كسعاة امام الافران لمناولة المواطنين اكواب الماء ومناديل الورق مساعدة لهم ومعاونة لهم ومن جهته وعد وزير القوى العاملة انه سيتم طرح أكشاك مخفضة الثمن ومعافاة من الضرائب لتسليمها لشباب الخريجين للعمل فيها ليقدموا السلع المختلفة للمواطنين المقيمين امام الافرن عدة اسابيع بدلا من الباعة المتجولون كما اكد سيادته انه يتم الان دراسة وضع (حتة لحمة) داخل كل رغيف( ندر) من الحكومة اذا ما تم توريث الكرسي للبيه الصغنون من ناحية اخرى اثبتت دراسة علمية تؤكد ان الوقوف امام الفرن تطيل العمر حيث الوقوف امام الفرن عدة اسابيع تجعل الانسان ينقطع عن حياته وعن الضغوط النفسية الرهيبه التى يعانى منها وانتشرت هذه الدراسة التى جعلت الكثير من الدول الغربية تعتمد رياضة صحية جديدة تسمى رياضة الوقوف امام الفرن مما جعل سيادة وزير السياحة يصرح ان سياحة الافران ستشكل مستقبل السياحة فى مصر لان الكثير من السياح سيقبلوا على مصر لممارسة هذه الرياضة الفرعونية القديمة

اولا متشكرين اوى يا عم شيتوس على مرورك وتقدر تعتبر اللى تعتبره اول حب او اخر حب ميضرش الف شكر يا حنان القلب وعلى رايك انا كده ساتحول الى زير النسا احمد سيف الف شكر على تشجيعك الجميل وهاعتبر ان لك الشرف الكبير لانك واضح انك اللى هتكتشفنى بكره وبعده هتحلف ميت يمين انك انت اللى اكتشفتنى متقلقش عمولتك من كل قصة محفوظة اما بسنت الحلوة والله احرجتينى بمجاملتك الرقيقة

(ASMAA)(عمرو دوام) (Dr abcarino) (..........الحياة قابل وفارق والحكمفيها القدر :كابتنديدو ) (...... ...) (......... ...) * (.........) (.......................)(......................)( ......................haimoudaneالشنقيطي) (......................)*(........................) (........................) (.............) (.............)(..........)(...............) (..............) (.................)(............)(.............)(.......... ...)(...........)(...................) (......... ...) (................)(ميت على قيد الحياة)(...... ...........)* (......... ...) (......... ...) (......................)(احمد سيف)(............)(.................)(...........) (............) (...............)(...............)(.............)(.........)(............)(نجمة الكتب) (.................)(...................)*(......... ...) (................)(...............)(...........) (................)*(....................)(...................)(...........) (.................)(...................)(......... ...) * (................)(...............)(...........) (................)(elmansy designe)(...... ................)(.............)(.............) (.......................)(......................)( ......................)(................) (......................)(........................)* (........................) (............................)(................................) (........... ::*:: عاشق الصداقه ::*:: ........... ) ("العزايزى")(Mr 7mada El-3atfy) (...............)(................) (............)(.............) (............)(.............) (SEMSEM111)(...............) (..............)(...............) (................)(.................) (................)(.................) (NADA)(.آينور einour) (.........)(.........)(..........)(.........) (...........)(.........angel_of_mercy.) (............)(...........)(.............)(....... .... ....) (.المتحــديــة)(بنت مصريه )( zoro_hf)(BLACK DREAM) ( أبوتسنيم المغربى )(هاوى نت)(عبد الله عرابى)(طائر السكون) (.وليد المصري)

أول أخر حكاية حب في حياتي حكاية حقا ممتعة كنت يومها في الصف الثاني الثانوي سافرت مع أبى وأمي إلى الإسكندرية صيفا لقضاء صيفا شبه سعيدا بالنسبة لهم وصيفا مملا بالنسبة لي لان أنا الوحيد من أخواتي اللي كنت باوافق أروح معاهم والباقي برفض رفضا باتا أو بيكون مشغول وطبعا عائلتنا عائلة ديمقراطية وده جه على راسى المهم نرجع لنسيم الإسكندرية وبين شطين وميه وياجى على الليل ممل كالعادة خرجت إلى البالكونة التي لا تطل على الشارع الرئيسي بل التي تطل على شارع جانبي وتطل على الجيران دخلت البلكونة وزعت بصري على كل ما هو أمامي بسرعة شديدة كعادتي لاستكشاف سريع للمنطقة فجأة وقعت عيني على واحد قاعد قدامى في البلكونة اللي قدامنا اتكسفت أوى حسيت انه كان شايفنى وأنا عامل فيها بريمو في البلكونة اتكسفت وحطيت عيني في الأرض وبراحة بصيت تانى لاكتشف انه مش واحد دى واحدة بنوته لعب نسيم إسكندرية في دماغي وقلت ياواد اهى حاجه حلوة ممكن تسليك شوية ضميرى طلع فجأة من بنطلوني وزعق وقل لي أنت بتعمل ايه أنت هتبصبص ريحت ضميرى شوية وقلت له لا معاذ الله لكن لكن ..!! ضميري قال لكن ايه ؟ قلت لا ولا حاجة مقصدش دى صدفه غلبني ضميري وأجبرني على أن أحط راسى وعيني في الأرض شاعرا في كل لحظة ان ضميري ماسك سنجه لو رفعت عيني هيطير راسى دخلت الشقة ونمت وتانى يوم بالليل قلت ادخل اشم شوية هوا (طبعا انا كان نفسى اتملى من الامورة الحلوة أو اللى اظن انها اكيد حلوة بسرعة قبل ما يهجم ضميرى) قعدت افكر في الحكايات اللى كنت باسمعها عن بنت الجيران وان كل ابن جيران لا زم يحب بنت الجيران بتاعته كانه عرف وتقليد ثابت كل شوية اغفل ضميرى وابص بصة صغيرة على الامورة كل مرة بحجة مرة اعمل فيها باهرش مرة مش واخد بالى مرة عاوز ابص في السما وكل مرة اشوف شوية النور كان خافت قوى لكن كنت كل شوية ادقق اكتر واحاول اكتشف جمال البنونه عجبنى قوى شعرها الجميل اجمل ما فيه انه كان بيتحرك مع الهوا ذى الحرير عجبتنى وقفتها المايلة وحطة ايديها على خدها عجبنى هدوءها شوية بشوية بقيت ابص قولى عليها نفسى اعرف تفاصيل اكتر عنها غلبنى النوم ودخلت نمت افكر فيها رأيتها فى منامي عشت معاها فيلما رومانسيا طويلا اقصد حلما طويلا تالت يوم وبسرعة بعد التمشية مع باب زماما دخلت البلكونة شوفتها قاعده استغربت قلت هى عارفه ان انا هادخل البلكونة دلوقت يا ترى دى صدفى ولا انا برضه عجبتها فضلت ابص عليها ورغم الضوء البسيط استطعت ان اكتشف تفاصيل اكتر فيها استطعت ان ارى جمالها وحسنها وبراءتها العجيبة انها دايما موجودة في الوقت دهودايما مايلة على سور البلكونة ودايما حطة ايديها على خدها يوم ورا يوم ونفس الحال بس كل مرة اتخيل انى باكلمها وانها بترد علي لدرحة انى سمعت منها مشاكلها كنت حاسس انها جميلة بس حزينة بعد 15 يوم قررت انا مش هادخل انام هستناها لما تدخل هى وقعد الوقت اتاخر بس اصريت الفجر اذن برضه قعدت وقلت لنفسى اخيرا الصبح هيشقشق اخيرا هشوف حبيبتى في النور قلبى بدا يدف يخفق بفوة بدا النور ييجى من بعيد قوى شوية شوية بدا اول شعاع نور يشق الضلمة وشوية ة ياااه ايه ده مش معقول مش ممكن ايه اللى بيحصل ده لالا معقول ده ادعك عنيه اتكتر واكتر ايه ده ايه اللى انا شايفه ده انا هعيط يا لهووىىىىى عارفين انا كنت بحب ايه زلعة مسنودة على الحيطة متغطية بشال نصفه مربوط عليها ونصفه طاير في الهوا لكن والله بالليل شكلها يوحى تماما انها بنوته حاولت امتصاص الصدمة قررت بعدها الا احب بل لا انظر اساسا لاى زلعة من عارف مش يمكن اى زلعة من بعيد تطلع بنوتة وانا مش عارف

تصدف بالله انت عضو عسل انت ادتنى امل فى الحياة اعتقد انك نمط سابع نمط جبر الخواطر على الله

عمى عاشق الصداقة الف شكر يا ريس على المرور والرد التفصيلى على مشاركتى ده كتير على لكن واضح انك ستضطر انك تحذف كتير وتعدل كتير معلش مشاركاتى كلها من النوع ده لكن انت شايف ان انا كده اتعافيت اما الاستاذة بسنت اشكرك جدا على مرورك وحبر الخواطر على الله

أحب اضيف التالى يهجر ايضا الاعضاء المنتديات ان خط الدى اس ال انقطع عنه وبطل يدخل نت الجهاز بتاعة يبوظ وطبعا مش هيقدر يبهدل نفسه فى مقاهى النت البهدلة انه يخطب ويعيش قصة حب جديدة و ويعمل بقول ستى الله يرحمها (من لقى احبابه نسي اصحابه) ان يقرر الوقوف فى احدى طوابير العيش المصرية (ادوبك اسبوعين ينقطع على ما يجيب عشر ارغفة ) انه يكون واقف فى طابور السجل المدنى بيعمل شهادة ميلاد رقم قومى علشان بطاقات التموين الجديدة انه يكون خريج جديد ومش فاضى نظرا لانه طول النهار بيدور على شغل انه يكون متجوز ومراته لا قدر الله تعرف بحكاية المنتدى و 000 ما علينا (مش هنخبط فى الحلل )

عندما تشعر أنها خربانة خربانة الشعور بان العملية خربانة خربانة شعور تقليدي عند البشر لكنه مقدس نوعا ما عند المصريين هل تذكر متى آخر مرة شعرت أنها خربانة خربانة هل حدث مرة أن احتكمت على خمسين جنيه تذبح رقبة الكتكوت ومن فرط سعادتك قرت أن تتعشى وتعزم واحد معاك ثم فوجئت انك تدفع وبمنتهى البساطة 15 جنيه لكن لا تزال نشوة الفرحة بالخمسين تغمرك فتقرر شحن الموبايل بتاعك بعشرة جنية (علشان تفرح الحتة الحلوة اللي في حياتك باس ام اس بدل البليز كول مي اللي قارفها بيها بينما تجد انك تاخرت ومضطر لركوب تاكسي بخمسة جنية وفجأة ومرة واحدة تفيق من نشوتك لنكتشف أن الخمسين أهيف اللي كنت متصور انهم هيمشوك لاخر الشهر مفضلش فيهم غير عشرين جنيه هنا ينتابك الشعور بأنها خربانة وتقرر صرف باقي الخمسين فى اى داهية وتضربها في رجل كلب لان ببساطة العملية خربانةخربانة هل استنفذت رصيد إجازاتك من المؤسسة التي تعمل بها ومديرك مستنيلك يوم تغيبه علشان يطير الحوافز وبرغم احتياجك الشديد للمال وديونك الشهرية المعتادة علما أن الحافز جه ولا راح مش هيعمل حاجة ومع استيقاظك يوما من النوم متعبا ومنهكا قررت الغياب عن العمل وتسعد وتهنا لك بنومة محترمة وفى نفس الوقت تسعد وتقر عين مديرك وهو يطير حافزك من باب ديون بديون واهى خربانة خربانة هل مر يوم عليك وأنت طالب وبرغم انك لا تزال توصي نفسك خمستاشر مرة فى الاجازة بالالتزام بالمذاكرة من أول يوم في التيرم مع العلم إن ده سادس ولا سابع تيرم تعاهد نفسك على المذاكرة من أول السنة ثم تستيقظ من غفلتك على زنقة آخر السنة والأيام معدودة تقريبا كل مادة ليها يوم وربع يعنى مش هتخلص مش هتخلص ومع الإحساس الرهيب باليأس والإحباط تقرر الدخل ولمدة ساعتين على النت او البلاي ستيشن اوحتى تشوف فيلم كركرللمرة الرابعة (وكل مرة في نهاية الفيلم تقول ايه القرف ده) من باب اهى خربانة خربانة هل استيقظت مرة من نومك وبرغم ضبط القنبلة الزمنية التي تحت المخدة أو ما يسميه البعض منبه الموبايل تستيقظ وقد أشرقت شمس الشموسة على الجاموسة النائمة اقصد عليك يا بطل وقد أدركت أن صلاة الفجر قد فاتتك بكل المقاييس والنهاردة هتعلم على ورد المحاسبة كحكة حمرا على الفجر ثم تقرر انك بمنتهى التباتة واللامبالاه تكمل نومك انشلله لحد الضهر واهى خربانة خربانة اعتقد أيضا أن الحكومة في مصر تتعامل معنا من هذا المنطلق يعنى إذا كان الناس هتموت وهتولع والبطالة على ودنه وموارد البلد في الكازوزة والتعليم فى الباىباى والناس كارهه أم الحكومة وأم الحزب وأم اليوم اللي قامت فيه الثورة وإذا كان سندوتش الفول بخمسة وسبعين قرش وكيلو العدس بتسعة جنيه وكيلو اللحمة ( يعنى ايه لحمة ) فايه المانع ان الحديد يغلى ولا يولع حتى ولا يوصل لسبعة الاف ولا سبعين الف أهي كده الناس مش راضية وكده الناس مش راضية يبقى نخلى الراجل يسترزق وهى خربانة خربانة مش بعيد برضه ان (....) لما حس ان البلد خربانة خربانة قال اهو ابنى يبقى الريس من بعدى واهى خربانة خربانة سؤال متى اخر مرة شعرت بالإحساس البشرى المصري الأصيل ان العملية خربانه خربانة

اكتشف نمطك المنتداوي كما أن لكل جانب من جوانب الإنسان لها أنماط متعددة بمعنى أن الناس عادة يقسموا أنواع مختلفة من حيث العمل أو من حيث التعامل مع الآخرين أو من حيث نظامهم التمثيلي أو من حيث ثقتهم بأنفسهم أو من حيث حكمهم على الأمور كذلك هم أنواع عندما يتعاملوا مع المنتديات · أقرا معنا واكتشف نمطك على المنتديات · وهى أشبه ما تكون سلوكيات وتصرفات نعتادها اكثر منها نمط في الشخصية · كل منا ربما تكون فيه سلوكيات اكثر من نمط لكن بنسبة · مطلوب منك ان تكتشف سلوكياتك الخاطئة وتعدلها · هذا ليس حصر إنما أمثلة ومن الممكن أن تكتشف مزيدا من الاتجاهات أو الأنماط للتعامل مع المنتديات النمط الاول المهيصاتى (المجامل) هدفه : انه ميزعلش حد ويطيب خاطر كل اللي بيكتب طريقته فى المشاركات الجديدة لا يشارك كثيرا بمواضيع جديدة ولو وضع موضوع جديد فهو من قبيل الله ينور عليكم ايه الحلاوة دى ردوده على المواضيع كلها من باب المجاملة والشكر والتشجيع المتكلف مثل شكرا يا باشا ايه الحلاوة دى الله ينور وده بسبب ومن غير سبب فكره في الغالب لا ينتهج نهج معين في التفكير أثناء وجوده على المنتديات وهو في الغالب بيدخل علشان يكون له وجود والسلام تقييمه بعد فتره يكتشف الآخرون طريقته في الردود ولا يمثل اهتمام لديهم بل يفقدون الثقة في آراءه وردوده التي هي غالبا من نوع الهيصة نصيحة له 1 – أقرا أولا المشاركة بتأني قبل الرد عليها 2 – إذا لم يكن لديك تعليق عليه فلا داعي للتعليق المتكلف 3 – حاول المشاركة بمواضيع جديدة حتى لو كانت بسيطة أو من خبرتك الشخصية 3 – إذا قرأت موضوعا لا يعجبك فما المانع أن تدلو بدلوك (اعرف أن العضو كتب الموضوع أساسا لانه يحب يعرف رأى الناس في اللى كتبه ايه ) النمط الثاني المعترض(المشاكس) وهو عكس الأول هدفه انه يظهر انه مصحصح وواخد باله من اللى بيتكتب وانه حر فى رأيه ويمارس الديمقراطية طريقته فى المشاركات الجديدة معترض على الفاضية والمليانه لا يشارك كثيرا بمواضيع جديدة لانه مش فاضي من كتر المعارضة أحيانا لو لم يجد من يعارضه يعارض نفسه مواضيعه الجديدة القليلة يحاول أن تكون من النوعية التي يستفز فيها الأعضاء لفتح باب المعارضة والاختلاف في الرأي ردوده على المواضيع معترض على الفاضية والمليانه يتفق أحيانا مع من المعارضين أمثاله ردوده من نوع أنا مش معاك اختلف معاكم فكره : فى الغالب هو ممارس غتت لحرية الرأي ومتمحور حول ذاته(أى يفكر فى ذاته ومرتبط بها كثيرا) اكثر منه منفتح على الآخرين تقييمه يمل منه الأعضاء بسرعة ويفقدون الثقة في اعتراضاته واحيانا يفرحون فيه عندما يعترضه معارض مثله(يقعوا في بعض) واحيانا قليلا يحتاجونه عندما يريدون الرد على مشاركات سيئه فيهيجونه ليعارض بدلا منهم أي يحسنون توظيفه نصيحة له 1 – لا بد أن يكون لك رأيك الخاص بك افضل من أن تتبنى فكرة المعارضة الدائمة 2 – ممارسة الحرية ليس معناها المعارضة ولا حتى المعارضة تصلح أن تكون هدفا في ذاتها ليس هناك أي مانع من الاتفاق مع الآخرين إذا كان كلامهم فيه وجه أو اكثر للاتفاق مع ما تعتقد النمط الثالث مدعى المعرفة أبو العريف هدفه أن يبدو انه عارف وعنده فكره عن كل حاجه وانه مثقف في شتى المجالات وانه مش محتاج حد يعرفه طريقته فى المشاركات الجديدة كثير المشاركات وله مشاركات مثمرة وجيدة أحيانا طريقته في الردود على المشاركات طريقة : ايوه ما أنا عارف وتجده كثيرا يخرج عن موضوع المشاركة الأصلي ويشت بك إلى أمر ثاني من باب وأنا برضه اعرف ومثقف وهو الأسوأ في ردوده إذ دائما تشعر بأنه رد على المشاركة ليس من باب المشاركة لكن من باب ادعاء المعرفة لكن : يزعل جدا من اللى يرد أو يعترض على مشاركته لانه بيعمل أبو عريف على أبو عريف نفسه فكره له فكرهه واتجاهه الخاصين به بشكل معتاد تقييمه يبدو أحيانا في المنتدى بشكل جيد عندما يشارك بمواضيع جديدة جيدة يمله الأعضاء عندما يرد على المشاركات بشكل ملفت للنظر انه أبو العريف أو يخرج عن الموضوع الأصلي للمشاركة نصيحة 1 – ركز في الرد على المشاركة ولا تخرج من الموضوع واذا لم تشعر أن لديك الجديد فلا داعي الخروج من اصل الموضوع 2 – لا تغضب من معارضك فالمعرفة ليس حكرا على أحد النمط الرابع التافه هدفه انه يتنطط ويعبث مثل الطفل لما يروح مع ماما عند حد أو يروح محل لعب طريقته فى المشاركات الجديدة عديم المشاركات الجديدة ولو شارك تجده يشارك من باب واحد يعاكس أو يخبط على الباب ويطلع يجرى ممكن يشتم ممكن يقول كلام مش مناسب باختصار عبيط ردوده على المشاركات كلها من باب ا خخخخخخخخخ وهاهاهاه يا ابن الايههه وكلمات تشعر أنها غير مكانها ومش بعيد يحرجك فكره هو ليس لديه فكره أو اتجاه أثناء وجوده على المنتدى بس هو يشعر أن فكرة وجوده في منتدى وانه لو كتب حاجه تظهر والناس تقراها دى حاجة بتمثل لعبه عنده مثل الطفل لما يستفرد بتليفون ويعاكس فيه ويستمتع انه استطاع ان يقلق الكبار او مثل الطفل لما يخبط على الباب ويطلع يجرى تقييمه هو شخص حديث التعامل مع الإنترنت وقليل الخبرة بالتعامل مع الناس والمجتمع عموما وبالتالي يفتضح عندما يتعامل مع مجتمع افتراضي كالمنتدى نصيحة 1 – بلاش تدخل منتديات افضل 2 – لو مصر اقض فترة لا تقل عن شهرين أقرا فقط ولا تشارك إلا بعد خبرة النمط الخامس القشاش هدفه انه يبقى صاحب اكبر مشاركات على المنتدى انه اسمه كل يوم يتردد من خلال انه صاحب مشاركات جديدة انه يبقى نجم المنتدى وواكل الجو طريقته في المشاركات غزير المشاركات طريقته طرقة قص ولزق ينقل كل ما يقع تحت يده مش مهم هو نقل ايه واللي نقله ده طويل وممل أو لا المهم انه يحطم الرقم القياسي في المشاركات ردوده قليل الردود لانه مش فاضي المهم عنده انه يضع مشاركات جديده لو رد ممكن يرد بموضوع طويل برضه بيكون من نوع قص ولصق تقييمه أحيانا تكون مشاركته ممتعه واحيانا لا قيمة لها على حسب المكان اللي نقل عنه بعد فترة لو مبطلش، الأعضاء لا يلتفتوا إلى مشركاته باهتمام لاتهم يعرفوا انه هيكتب في الأخر الكلمة المحفوظ (منقول) نصيحة 1 - عمر ما كان الأحسن هو اللى يكتب اكتر والجودة خاصة على المنتدى في الكيف لا الكم صفحات الإنترنت مكدسة بالمعلومات والمقالات أما المنتدى مكان للمشاركة والتفاعل وتبادر الاراء وليس موقعا لنشر المقالات والمعلومات فى المقام الأول 2 – إذا كنت عاوز تكون نجم المنتدى اهتم اكثر بالمواضيع التي تمس اهتمام الأعضاء أو اجتهد في الرد على الأعضاء بشكل نافع ومفيد النمط السادس البستاني أو صائد اللؤلؤ هدفه ان يثري المنتدى بخلاصة ما عثر عليه من مواضيع وبرامج ومواقع وخبرات وهو نوع نادر من الأعضاء ومفيد جدا طريقته في المشاركات الجديدة متوسط المشاركات في الغالب هو شخص يتنقل فى المنتديات والمواقع ويعثر على الدرر وينثرها ويهديها لأعضاء المنتدى ردوده على المشاركات معتدلة وعادية تقييمه يعتبر فاكهة المنتدى وغالبا ينظرون له كأنه المنقذ خاصة عنما يعلن انه على استعداد لمساعدة الأعضاء وتلبية احتياجاتهم ويضع مشاركة( اللي عوز كذا يكتب وأنا ألبي طلبه ) مثل أفلام مواقع برامج حلول ومشكلات للكمبيوتر وهكذا نصيحة 1 – روح يا شيخ ربنا يكتر من أمثالك النمط السابع الأب اوالاخ الكبير هدفه أن يعيش دور المشرف والراعى وصاحب الخبرة طريقته في المشاركات الجديدة متوسطة ومنه ما هو جيد ردوده لا يترك شاردة ولا واردة إلا ورد عليها يرد من قبيل الأب اللى بيوجه ابنه مثل أهلا بك معانا ايوه كده شد حيلك كويس يا بنى بس شويه تعديلات اقعد يا ابني اقعد على رأى الفنان عماد حمدي تقييمه أحيانا يبدو انه يقوم بدور الأخ الكبير والموجه وهو دور يصلح مع البعض ولا يصلح مع الاخرين واحيانا يبدو كأنه صائد الأخطاء وهو دور يحتاج الى حكمة ولا يصلح مع كل عضو مع كل مشاركة نصيحة 1 – لا مانع أن تقوم بدور الأخ الأكبر 2 – لكن المبالغة في هذا الدور يصيب النفس بالسامة 3 – كن حكيما في التعامل مع الأعضاء 4 – كلما تخلصت من هذا الدور كلما كان افضل النمط الثامن التايه هدفه هو معندوش هدف هم قالوله في منتدى راح دخل وسجل عضوية طريقته فى المشاركات الجديدة تقريبا هو موضوع وحيد أول واخير وهو الموضوع الأول اللي في الغالب كلنا بنكتبه عقب تسجيلنا عضوية وهو التهنئة بالمنتدى او يعلن انه عضو جديد ردوره تقريبا منعدمة تقييمه هو يحب أن يقوم بدور المتفرج نصيحة 1 - ركز شويه يا عمنا المنتدى معمول علشان تستفيد وتفيد لو مش عاز متضيعش وقتك 2 - لو ملكش شفى الكتابة لا تحرم المنتدى ولو بنصيحة أو تعليق ظريف أو موضوع منقول أعجبك ولو على فترات متباعدة والبقية تأتى لا حقا إن شاء الله مع تحياتي

تصد ق لقد حان الان ان اتخلص من كيس البطاطس المعفن لكن قلى لو انا بطلت احط فى الكيس بطاطس وحطيت بداله اكياس شيبسي ممكن ينفع

اشكرك كثيرا على هذه اللفته مع العلم ان حضرتك بالطريقة دى هتلم كما من الحسنات كبيرا جدا يعنى كل اللى قرر انه يغير من الو الى السلام عليكم فى ميزان حسناتك يللا يا عم اللهم لا حسد دا مجرد قر فقط