الجندى المجهول

وجزاكى مثله اختى منى اللهم ارزقها الرضا واقسم لها من رحمتك جزاكى الله خيرا عن الكلام الرائع فى كل رد اختى حياتى من اجل ربى رزقكى الله جوار الرسول فى الجنه ورزقى زياره قبره الكريم

زى مافى اعضاء فى منتدى يالاشباب اكيد فى كتير نصر افندى (الخير فى وفى امتى الى يو م القيامه ) صدق رسول الله صلى الله عليه وسلم جزاكى الله خيرا اختى ربنا يجعل الخير فيكى الى يوم القيامه

الضرب عَ القفا بيوجع النظر ومش ينفع معاه إنك تاكل جزر والمقتول إندفن والقاتل إتعذر والباقي لسه عايش يا عيني بيتجزر ياريت تقولوا حل عشان آخد حذ ر الضرب عَ القفا بيوجع النظر وانا نظري يا اخويا ضعيف وانا مش حمل التكتيف وياريت تلاقولنا الحل إزاي نجيب رغيف بيقول إصلاح و كلام فاضي والنبي مابلاش تخاريف فين الإصلاح ليه ما نشوفه؟ دا انا ناسي نظرنا ضعيف

اكيد الشعب يا مصر في يوم حـيصــحصح ويبـــطل نوم اصل الوضع الحالي لايمكن يفضل يفضل كده ويدوم لابد في يوم الحق يعود ده انتي ولادك صبحو اسود حيخلو الصحرا جناين خضرا في كل مكان هتلاقي ورود اليوم ده قرب ماعدشي بعيد بعد صيامنا بييجي العيد صبرنا كتير وتعبنا كتير لاجل ما يطلع عهد جديد بركان العزه اكيد حيثور شعبنا واعي مايقبل جور هي صحيح النومه طويله بعد النوم راح ييجي النور انت ياساكن جوه القصر انت ياسارق ناهب مصر عهدك ظالم كله مظالم عاصر فينا عهدك عصر عهدك ماسخ فاحت ريحته قلب الامه كتير جرحته سيبنا في حالنا بأه هوينا ماانت المجد بعيد طوحته اصرخ يالاه يا شعب وقول عهد الظلم لامتي يطول لازم نصرخ وبصوت عالي لازم نهزم ظلم الغول انت ياعطيه ويا عويس لأه قولوها للتوريث مصر بلدنا مش ملكيه وضعنا مش ناقص تهجيص نفسي في هبه ثوره بجد نفسي نعيد بإيدينا المجد مجد كان له شنه ورنه مجد بإيد الخونه اتهد مجد بإيد الخونة اتهد

فى المحل و ع الرفوف مرصوصين زى الجبال ادى نايلو وادى صوف وادى فضلات للعيال اما انا حتة قماش قطن من طينة بلادى غاب على ابن الحلال اللى هيبدل سهادى نفسى ارتاح بين ايديه نفسى أتفصل عليه عشان أسيب المرمطة بين الأيادى والرفوف والمنفضة " مبروك يابيه " قالها على عامل رفوف المنسوجات ولقيتنى ف ايدين اللفندى جوه لفه من ورق مش حاسس انى باتخنق خادنى معاه من بعد ما دفع التمن ادى الزمن ============= وشويه ويفك الرباط القى نفسى ف بيت كبير واد يقول للبيه : يا أونكل ايه ده ورينى حرير رد عليه الأستاذ أونكل لأ ياحبيبى دا غيره بكتير قاله ياسوسو روح نادى دادى علشان أشوف ايه رأيه ف ذوقى ===== أونكل دادى وسوسو كمان بالذمه دى أسامى ياناس طب دا أنا كنت ف غيط عم أحمد ومراته خضرة وعارف الفاس كنت صغير سمونى لوزة ولما انفتح الغطا وكبرت قام عم أحمد لمنى قطن جابو بنات وولاد وعيال بت يا زهرة خشى الخط طب وحياة راس سيدى هلالى لخصم منك نص اليوم واد يا كمال مش وجت حديت شهل ياله فز وجوم واتحطيت جوه الكياس واترحلت ورحت المصنع سبت الكفر وسبت الناس "حلوة أوى امتى هتتفصل" قالها عجوز انما متلمع زى الخوجه ف كفر العلو "بكره أروح للسطى محمد راجل جنتل تفصيله حلو" وانطفى نور القصر وناموا ناموا فوق ريش النعام اللى نام يحلم بزيزى والميعاد واللى سافر يشترى عربية مرسيدس وعاد واللى طول الليل بينقل حاجته م البيت الكبير نفسه ال ايه يوم يهاجر فوق بساط الريح يطير ادى أحلام ناس تعيش ليله واحده بألف عام شفت عم أحمد زمان ف الغيطان ع الأرض نام ومراته خضره جايه فى القياله وف ايدها الرغيف الرغيف اللى انعجن ويا العرق لكن نضيف شفت تانى ف دنيتى جوه المصانع اللفندى اللى فوق هوه دا البيه المدير كان مروره كل يوم لجل يخصم م الفقير رزق العيال اللى سمعوا ف الجوامع ان من جد وجد وان ربك لما يرزق يعطى لاينسى أحد بس انسان الزمان دا قلبه قاسى ياولد واترميت جنب المقص اللى راح يقطع لسانى لجل ماسكت للأبد

إنه فى واحد تلاتة عبد المنعم بيه شحاته حب يبنى بيت كبير راح لواحد صاحبه جداً اسمه فتحى بيه المدير ده مدير بنك البنوك خد قروض والقرود وافقوا عليها بس ناقص امضا واحده من موظف كان صغير اللى اسمه نصر افندى وشهرته صوت الضمير نصر قالوا فين ضمانك قالوا اخرس لاقطع لسانك ده انا واسطة من عند الكبير قصره نصر افندى قاوح رد واحد صاحبه قاله انت هتخسر ايه يافالح صاحبه كان بايع ضميره وكان هيهبش مالعموله قاله الباشا حصانه جامح بلاش تتبت فى الرجوله وكان رد سيادة المدير خصم للعبد الفقير ونفسه يدبه ميت رصاصة رد عبده بيه وقاله قابله نخده بالسياسة هاته هنا عندك نقابله ولو طاوعنا تتحسب له قاله لأ يا عبده بيه سى زفت مش زى اللى قابله انا ياما حاولت معاه كتير وهوبا راحوا اتنين جابوه من قفاه وبهدلوه رد عبده بيه وقال ايه ياناس حرام سيبوه ده زى ابنى بالتبنى زعلته لكن غصب عنى يا حبيبى يانصر افندى لا انت سعد ولا انت غاندى ولا هتغير شكل الكون يانصر يابنى اهدى وطاوعنى جر القلم واديك مليون قاله طز فى الفلوس قاله اما انت صحيح ملحوس رد فتحى بيه المدير يابنى طاوع عبده بيه ده فى مقام سيدنا الوزير وبعد ما تعبوا معاه مناهده من يومين حد النهارده صقف فتحى بيه وقالوا برافو برافو يا نصر يابنى احنا بنضحك ده اختبار اما ليك عندى مكافأة على اخلاصك الشديد اول قرار نبدأ بيه بكرة نقلك للوادى الجديد واكتشفنا بالدليل ان اللى أسمه نصر افندى وشهرته صوت الضمير بينتمى لأغبى فصيلة أى فصيلة الحمير أى فصيلة الحمير

ردك رائع اختى الرام جزاكى الله خيرا عنا ربنا يكرمك ويسعدك والجنه يوعدك

شكرا لمرورك اختى ريحانه الربيع الحمد لله انه نال اعجابك جزاكى الله خيرا

امين يارب العالمين احناوايكم اختى حايتى من اجل ربى جعل الله لنور فى وجهك والرحمه فى قلبك الى يوم القيمه اى خدمه يا دسوقى كل اللى نفسك فيه وكمان فى حلو جزاك الله خيرا شكرا لمرورك الكريم ميتو و

والله بجد المش لقيلوا وصف ردود الرائعه اختى حياتى من اجل ربى جزاكى الله خيرا اختى وجعل النور فى وجهك والرحمه فى قلبك الى يوم القيمه تسلم ايدك على الرد الحلوه دى يا على باشا وياباشا الشاى جاى والبوكس جاى بس انت استنى شويه

ربنا يسعد ك ياادمننا على اجمل هديه وعديه كل لحظه ومنتدانا بخير احلى كلام من احلى ادمن لحالى اعضاء فريق ادارى وفريق عمل وفريق ادارى

جزاكى الله خيرا اختى شكرا لمرورك الرائع اختى ربنا يسعدك ويكرمك والجنه يوعدك

واقف عندك تعمل إيه ؟ أنا باتمشَّى ف حالي يا بيه ! هم الدنيا بيتربصبي وانا باتعان بالمشي عليه .. إسمك إيه ؟ والله مافاكر ..! إسمي مواطن إسمي مواطن مصر الصابر .. كده كتبوني ف كل دفاتر كفر اليُتمى .. مركز متاعيس الشرقية! أنا من ذات نفس المُديرية ! من مواليد الزمن الغابر جيل الثورة والإشتركية سمُّونا .. جيل الحُريّة إحنا الجيل العربي الثاير جيل الفكر الشرقي الكافر .. جيل السد .. ومكاسب شعب ما تنعد جيل التأميم والإصلاح جيل العامل والفلاح إحنا يا باشا إللي بننحط مطرح ما تقولوا وبالظبط ولا حدش فينا بينحاز ولا حدش بيفك الخط أنا عشت الأيام السودة كُنَّا نطفِّي النُور ف الأوضه وقت الغارة ونهيَّص من حارة لحارة طفُّو النور .. طفُّو النور وترُشِّنا بالميه .. الجارة قالوا أنا مولود بعد الهوجة .. ف عهد النصر ! فيه ناس قالوا ف عهد القهر.. قالوا انا جيت وف ديلي الفقر تلاقيك عارف كل القصة !! مش برضه سعادتك من مصر ؟؟! مش راح أطوِّل اُمي المرحومة فطمتني بعود صبَّار وانا كان عُمري يدوبك شهر ! من يومها وأنا برضع صبر ! من يومها يا سعادة الباشا وانا ريقي مبلوع بالصبر يغفر ذنبك يامه يا طاهره ويوسَّع حواليكي القبر عُمري ما قُولت لمأمور لأ ولا بَعرف غير قُوُل الحق وبصلّي .. وفحالي تملِّي .. ولا بأسمع أخبار اليوم شئ ماله لزوم لو حد إتكلم ف سياسة بأقعد مكتوم أو ألملم حالي وبأقوم من غير تعليق !! ليه بس يا باشا مجرجرني ف محضر تحقيق ؟؟ دا أنا واحد من ضمن الفُقرا لا بنكتب ضد ولا بنقرا وبندعى .. للريّس دايماً و بنهتف .. للسادة الوزرا وخدمت الجيش وأحلف لك : ولا ماوعى أعيش م الليلة.. مش حخرج تاني بالزمَّه .. وديني وأيماني غير بس أدوَّر ع اللقمة ورغيف العيش ده أنا طيّب حاضر ف لساني غير بيتي ما ليش وعيال بالكوم ركباني هموم كراريس ومدارس وهدوم والرزق بيجي بميت واسطة .. غير كده .. ما ألقيش وانا عايز أعيش نفسي أهرب من الدنيا بحالها أطفش .. ولا أجيش الدنيا يا باشا لأمثالنا غير صَحن الذُّل ما تدِّيش وانا راضي وصابر سيِّبني أروح .. أصل أنا مش قادر يجعل بيتك دايماً عامر. شكلك صعلوك وبتتآمر!؟ متمسكن والدمعه ف عينك شُغل النسوان مش حيفيدك لو فاض صبري ح كلبش إيدك عامل فيها البت البكر ؟؟ راسم عفَّه وطيبه وطُهر ؟؟ عُمرك شوفت نجوم الظهر ؟؟ إحنا مباحث أمن الدولة إمش إنجر وأي مُحاولة راح ألبِّس أهلك ميت بلّوه أتخن منَّك بيّبُوس إيدي يابني الشعب ده كُله عبيدي و أي مواطن كلب بيركع فتَّح عينك .. إفهم واسمع . بُص سعادتك .. أنا حَلّتها ! شُوف أوراقي .. آدي بطاقتي .. أنا عُمرى أساساُ ما داريتها ؟! والمسأله لو أمن الدوله .. واجب نتجاوب في ساعتها وتبقى بسيطه وبرضه في بيتها !! دي تبلَّها .. تشرب ميتها .! يا نهار أبيض !! المختومة بختم النسر ؟؟! حتى بطاقتي يا باشا لاغيتها ؟؟ ده أنا طول عُمري حويط ومحرَّس لا أتلم تحرِّي ولاأتبهدل ولا أبيِّت عندكو وأتجرس !! كُنت ف جيبي تملِّي شايلها زيّ هموم الدنيا .. حاملها أتحنجل .. وليلاتي أنقلها من فوق كتفي .. لتحت بطاطي وأخفي ف قلبي .. وواسي مراتي بأتصبَّر .. واهي ماشيه حياتي سارح ف الملكوت ومطاطي .. شكلك مش ولا بُد وواطي !. من فضلك .. بزيادة ألاطه وأسمع بقى منَّي على بلاطه ح احكيلك وضعي بإخلاص أنا راضع عزة ف أنشاص أنا كنت مُقاتل .. أنا دُفعة تسعه وستين طول عُمري .. شقيان مش عاطل وعبرت تلاته وسبعين .. لما سعدتك كُنت بشوُرت أنا شلت سلاحي وعبرت أمن الدولة بروحي حميته أمن الدولة بإيدي بنيته كُل الدولة حدود وتراب من دم الشُهدا أنا حنِّيته وانا شايل فوق كتفي سلاحي وبقايا رجال ..أشلاء ف شوال ربَّك قدَّرني .. ولمّيتُه وفّيت العهد إللي قطعته روَّحت زميلي لباب بيته ..! أمن الدولة !!؟؟ أمن الدولة تهين كرامتنا .. وتكرَّهنا في يوم ولادتنا ؟! أمن الدولة تدوس ف عيالها ؟؟ أمن الدولة إنك تغتالها ؟! مين أصلا جابك للسُلطة ؟ مين عمَلَك ظابط ف الشُرطة ؟! قولي برُتبك ليه مغرور ؟! وانت بكُل جلالة قدرك عبد وليك تلاتين مأمور ؟؟ ليه تفتيش .. ومباحث واقفه ؟! وستين بوكس وفرد مرور ؟! ومكرْدن كُل الميادين ومقفِّل شارع وإتنين وولاد مصر ـ براعم طالعه ـ طول السِّكه على الصفين ومطافي وشُرطه وإسعاف ربيتوا الرُعب في أجيالنا الكُل بيرجف ويخاف وتعطَّلوا ف مصالح ناس من غير تقدير أو إحساس إللي وراه طيارة .. تفوته ! والمسعوف .. ولا يفرق موته ! والمرضان .. مين يسمع صوته ! جاي تقولي انا أمن الدولة ؟؟ ممكن نفهم مع بعضينا معنى الأمن ؟؟ ممكن أشرح ؟! من غير ما أتكلبش وأتجرَّح ؟! أمن الدولة قانون ورقابة .. أمن الدولة قضاء ونيابة .. أمن الدولة نظام ع الكُل أمن الدولة تلف سعادتك وتجمِّل أرضها بالفُل عز بلدنا ف أمن الدولة .. ضل بلدنا ف أمن الدولة .. العدل أساس أمن الدولة أي كرامة .. لأي مواطن دايماً أولى لازم يبقى البيت منصان ولا فيش مصري يبات عريان ولا واحد يتعالج بره وغلابه .. ببرشام ودهان ولا واحد يتعشى بطارخ والتاني من الجوع مغصان ولا طفل متختخ ومكلبظ وعيال تانية تقولش عيدان وقصور باشوات طول سواحلنا وبقية الشعب ف قفصان ومدارس بتديرها أمريكا ومدارس تانيه بتنجان قبل ما تطلب أمن لدولة عزز للدولة الأركان إوجد هيبة لشأن الدولة وإرفع سيفها ف كل ميدان دولة تصون أولادها بخيرها مش تخلق منهُم خصيان دولة تفرَّحنا بموازينها من غير تميز لإبن فلان !! أمن الدولة يا رمز الدوله إنَّك تحترم الإنسان

إذا جلست مع الرئيس فقل لـــــــه اترك القصر قليلا كي تـــــــــري إن كان قصرك في الثريا عالـــــيا فهناك أطفال تنام على الثـــــــري إن كنت تأكل ما تريد وتشتهـــــي فالشعب مات بجوعه ، ماذا جرى إن كنت تنعم بالحرير فإننــــــــــا مما بنا والله ما ذقنا الكـــــــــــرى إن كان ابنك يرتدي ما يشتهــــــي وتعده دوما ليصبح قيصـــــــــــرا فانظر لشعب قد تزايد فقــــــــــره وانظر لبحر صار فعلا احمــــــرا ألفي غريق ، للقروش وليمــــــــة والغوث أين الغوث كيف تأخـــرا لو كان ابنك بينهم ، لسمعتهــــــــم فلتستح مما جنيت مؤخـــــــــــــرا اهرب بابنك من هنا أو فانتظـــــر فالموت يأتي بغتة وكما تـــــــرى القبر ليس به الوثير وإنمــــــــــــا القبر فيه جهنم لمن افتــــــــــرى إن كنت تدرك ما أقول نصيحــتي اترك القصر قليلا كي تــــــــري إن كان قصرك في الثريا عالـــــيا فهناك شعب كله تحت الثــــــــرى

ياسلام عالمصرى طول عمره مبيغلبش... حالف ولو حتى جيبه فاضى ليفرح ويفرفش... ياخد العيله وحصيره أو فرشه... وعلى أقرب جنينه أو كوبرى معتدل مرش ... والجوده فى الموجود طول عمره ميتبطرش... لو فيه نص بطيخه مع ربع براميلى... بواقى محشى أو حلة مكرونه... والله مبيقول لا لو حتى قوطه ومش... النسمه حلوه والولاد تلعب... والرغى شغال والضحك مبيخلصش... فسحه بجوز جنيهات بعيدها يعود للبيت... يكمل السهره بعد العيال متنام... ويقولها بعد هنايا معاكى ياحبيبتى... لو راح عمرى أنا مندمش

نورتى الموضوع بردك اختى جزاكى الله خيرا ربنا يكرمك ويسعدك ويرزقك الرضا والجنه

امين يارب لكل بنات المسلمين ربنا يكرمك ويسعدك اختى الرام مرورك رائع اختى ريحانه الربيع جزاكى الله خيرا

طفلين صغار مش قلتلك تعمل حسابك اليوم ده منه مفيش فرار اللى انكوا من نار عذابك خد حقهم طفلين صغار مش قلتلك داين تدان والظلم مكتوب ع الزمان انه يرده ع اللى خان ويحقن مُر فى عروقه ويسرى المُر بين دمه ويندم انه هان امه ويوسع جرحه من همه ويدبل جلده من فوقه ذليل ضايع تعيس مكروه وشوش اليأس بيحاوطوه عشان مرحمش ضعف ابوه وينزف دمعه ليل ونهار مش قلتلك تعمل حسابك اليوم ده منه مفيش فرار وراح دورهم وجه دورك تربى تضحى وتدادى طفيت نورهم طفوا نورك صرخت وقلت ياولادى يافرحة عمرى يا سعدى يابستان الهنا الوردى يانبته طارحة من ارضى رويتها بعرقى ودموعى وعشت شايفكوا احلامى تفوت وتمُر ايامى ويكبر حلمى ادامى طعنى الحلم ف ضلوعى صرخت وقلبى مات مقتول وقلت بصوت غريب مشلول رمونى ولادى للمجهول ياحسرة قلبي ع اللى انهار مش قلتلك تعمل حسابك الوم ده منه مفيش فرار حسيت بالضعف وبالخوف جربت انك تبقى لوحدك والمُر يكون طعم الجوف ويسيل دمعك يحرق خدك شفت وجربت وحسيت تبت وحنيت واتمنيت ارجع واسكن اوسع بيت الحضن اللى سكنته رضيع هقطف من زهر البساتين وهطيب جرح الاتنين عندك هنا رايح على فين بقى بينكم سور عالى منيع سابت مراكبهم مراسيهم على شط الموت رسيت بيهم وانت اللى اتأخرت عليهم واهو فاتك وقت الاعذار مش قلتلك تعمل حسابك اليوم ده منه مفيش فرار اللى انكوا من نار عذابك خد حقهم طفلين صغار

نقل رائع اختى ريحانه الربيع جزاكى الله عنا خيرا

الله يكرمك والخير يوعد جزاكى الله عنا خيرا اختى الرام الف مليون مبروك وربنا يسعدك

الف مليون مبروك مشاء الله عليكم يارب يذيدكم

عالم بحالى وعليك تكالى... قصدت بابك أرزق عيالى... شايل همومى وفى الشنطه عده... شاكوش ومسامير ومنشار وفاره... مستنى ست عليا تنده... ماسيبت شارع ولاسيبت حاره... موضه وقدمت خلاص ياخالى... مين فى الزمن ده عنده طبالى... زمن المودرن يلزمله سفره... الفخامه حلوه فيه حد يكره... أنا كنت فاكر زى ماقالو... القديمه تحلى لو حتى وحله... والطبليه كانت ونس ولمه... واللقمه سكر لوالقعده زحمه... وأحنا فى زمن كله بيجرى... ده يخطفله تيك أواى وده يطلب ديلفرى.. .فكرت أسيبنى منها دى شغله... لكن باين عليها مكتوبالى

والله كبرتى يابنتى وجالك الخطاب وكل شىء قسمه والنصيب غلاب قالوا فى المثل أخطب لبنتك ولاتخطبش لأبنك وأنتى عندى يانور عينى حبيبة الأحباب عايزلك عريس يكون راجل وزينة الشباب محافظ على دينه بيدخل البيوت م الباب يكون حر وبالأدب وسط الرجال يتهاب من بيت كريم نسبهم فخر ويشرف والعبره مش بالغنى ولاكتر مال ودواب الغنى غنى النفس والقناعه كنز عظيم وأحنا بنشترى راجل والفقير عمره مايوم يتعاب وأنا بنتى عاقله ومربيها على أيديه عارفه أصول دينها صايمه مصليه ورافعه راس أبوها فى السما عاليه لابتحلم بشاب زى تامر ولا أبن عم دياب رفعت أيدى للسما ومن قلبى بدعيلها تكرم بناتنا وتحفظهم وأنت كريم وهاب

أهلا ... اتفضل عدى حدانا اشرب شاى واتفضلت و عديت و شربت الشاى و لقيت الزمن الصعب بيتهون بالضحكة الصافية و يتلون مر الأيام بصفاء النية و حلاوة الأحباب ....... عدت أيام و كبرنا كبرت أحلامنا و مشاكلنا فتنا ورانا كتير لكن من وقت لوقت بنرجع و عيوننا تدور ع اللى ما عادش بنفس الطعم و لا اللون وليه مع كل العلم كأن العاقل بقى مجنون و لا عمر الأوجاع هاتهون و إن قلنا هانشرب شاى لا هى نفس الصحبة و لا الكلمة و لا نفس الريحة و لا اللون حتى الطعم ما عادش لذيذ و الضحكة الصافية بقت تأويز على خلق الله و لا عدتش لما بتحكى قصايدك بتلاقى اللى يقول الله

تاجره السعاده فى المنتدى كلمات ردك رائعه جعل الله كل ماتكتبى فى ميزان حسناتك يارب اجعلها من المقربين لك يارب ارزقها عيشه راضيه وجنه عاليه