شخابيطك اللااراديه -- تكشف شخصيتك !

[شخابيطك اللااراديه -- تكشف شخصيتك !]

العيون

 

شخصية تنطوي على غموض وتدل العيون الصغيرة الضيقة على الحزن

اما العيون التي تعاني حولا فتدل على روح المرح والفكاهة

وتدل الرموش المنمقة على شخصية جذابة

 

انا بحب قوي ارسم عيون بس عين واحده بس مش الاتنين يعني

الموضوع حلو قوي يا ابو تسنيم

[انت اكيد في مصر]

يا بنتي حرام عليكي اللي بتعمليه فيا ده فكرتيني بكل البلاوي اللي احنا عايشين فيها بس علي فكره انتي نسيتي موضوع العيش اللي شكله هيبقي بالدولار

حسبي الله ونعم الوكيل فيكي يا شيخه انتي السياسه هتوديكي فمصيبه قريب

[نكت دوت كوم]

مسطول راح المحكمة القاضى بيسأله انت متجوز مين؟قاله:واحدة ست,القاضى قاله

انت هتهرج؟ امال فى حد بيتجوز راجل , قاله :اه اختى

 

مسطول بيقول لصاحبه: يا اخى امبارح دخلت فيلم هندى هايل بتاع راجل وست ماشيين فى الشارع لقوا طفلة فى اللفة خدوها ربوها لغاية لما كبرت وفى الاخر طلعت امهم

 

مسطول ماشى فى الشارع فقابل واحد قاله: ازيك يا محمد انت اتغيرت اوى يا محمد عنيك ووشك وكل شكلك اتغير اوى يا محمد , رد عليه وقاله لكن انا مش محمد ... فقاله وكمان غيرت اسمك يا محمد

 

واحد باشا دار عليه الزمن وافتقر حب يشتغل اشتغل بياع فجل وجرجير , طول

النهار واقف فى السوق ولابس الطربوش وبينادى فجل ياحوش جرجير يا كلاب

 

صعيدى فى الجيش بيقول لعسكرى زميله فى الحرب :انت من دشنا؟ قال له لا .. راح ضربه بالنار وقال له تبقى من ديش العدو

 

واحد اسكندرانى لقى بنته راجعه البيت الساعة تلاته الصبح قالها كنت فين يا بت قالتله كنت بنتمشوا مع واحد صاحبى يابابا .. قالها خشى نامى احنا نحبوا الصراحة..

 

حشاش بيقول لزميله يااخى ماتيجى نروح فلسطين , قاله : ليه , قاله : نروح

نضربلنا حجرين

 

رئيس دولة صغيرة راح زيارة للصين, رئيس الصين بيقوله احنا عددنا 900 مليون نسمه , عدد سكان دولتكم كام. قاله: 30 الف , قاله طب مجبتهمش معاك ليه يا راجل ؟

 

مرة واحد بخيل اوى خبط فى حيطة اتعور جامد وقعد ينزف , شافه واحد عسكرى قاله:اشوفلك دكتور .. قاله : لا شوفلى حد يشترى منى الدم الى نازل ده

 

سألوا واحد بخيل جداجداجدا : تعمل ايه لو الدنيا برد. قال: اروح للدفاية ... قالوا: ولو الدنيا بردت اكتر؟ قال اقرب من الدفاية.. قالوا : ولو بردت اكتر؟ قال: الزق فى الدفاية .. قالوا : ولو نزل تلج. قال :اشغل الدفاية بقى وامرى لله

 

اتمني اكون عرفت اضحككم حبه ولو مش ضحكتوا تبقوا رخمين ودمكم تقيييييييييل

[طريقة نومك تحدد شخصيتك ...]

تسلم يا صديقي ابو تسنيم علي الموضوع اللذيذ و انا بنام علي اليميــــــــــــــــــــــــن

[ليلة من الصقيع]

انا معاكي ان التجارب الحزينه بتفيد الانسان اكتر من السعيده لكن مع كل صباح جديد ونور جديد امل جديد ويوم جديد لو قررتي انك تخليه سعيد هيكون سعيد بايدك انتي عليكي ان تتحدي الالم والحزن وتبتسمي للحياه دائما حتي لو قست علينا

يا ستي اضحكي علي نفسك وقوليلها انك نسيتي المك وبعد مده هتلاقي نفسك نسيتي بجد دا مش كلامي دا علم نفس يعني لو الواحد فضل يقول لنفسه انه ناجح دايما لازم هيحس بالسعاده ولو بعد مده

وارحميني من قصصك الحزينه دي ارجوكي شويه سعاده بس

[الأم الثرثارة تنجب أطفالا أذكياء..!]

تسلم ايدك علي الموضوع يا عارف دا اولا

اما ثانيا بقي فعارفين يا جماعه ان في بلد عربي بس مش فاكره ايه بالظبط الام الحامل بمجرد ما تعرف بحملها تقعد تقرا للجنين بتاعها القرآن كله اكتر من مره وكمان بعد الولاده بتقراه ليه لان سبحان الله الطفل بعد كده بيكون سهل عليه يقرا القرآن ويحفظه بعد كده

واتضح ان اطفال البلد دي من اكتر الاطفال اللي حافظين ومجودين القرآن كمان

البلد دي تقريبا ايران

اما بقي بالنسبه لموضوع الثرثره للبنات دا فالولاد دلوقتي بقوا بيرغوا اكتر من البنات يا شيتوس ولا انت ايه رايك

[اغبى زوجين]

ههههههههههههههههههههههههههههه فعلا منتهي المعايشه للموقف

دا تقمص للشخصيه

بس انا بضم صوتي لاحمد سيف واقول لعمر اوعي تعمل كده بعد الجواز انا عارفاك بتحب تعيش الموقف صح

[برامج + ثيمات + العاب لهواتف نوكيا 6120]

بقي بتضحك عليا يا كرينكل وتنزلي روابط مش شغاله دا كلاااااااااااااااااااااااااااام

دا مش اسلوب تعامل يلا نجاح خااااااااااااااااااااالص

[تألم حتى تتعلم >>]

مع احترامي لجميع الاراء

فقد علمتني الحياة والتجربة

انه بإمكاني ان اتعلم من دون ان اتألم

 

انا اري انه لو تعلمت شئ من الحياه بدون الم فلن يظل معك للابد فالم الانسان يظل محفور في ذاكرته

ولولا الالم ما اخذنا خبره نكمل بها للامام

[شخصيات انتهت من حياتنا]

انا معاكو يا جماعه بس انتوا بتتكلموا علي ايام الجنيه الجبس اللي كان بيجيب حاجات كتير ويفضل باقي كمان لكن دلوقتي الجنيه ميجبش عيش حاف دا انت لو عندك ولد بمدرسه واديته مصروف جنيه يحتقرك

كل الناس دلوقتي بتجري علي اكل عيشها محدش فاضي يشوف فلان عمل ايه او بيعمل ايه "انا ومن بعدي الطوفان"

انا من كام يوم شفت الناس بتتخانق علي العيش اعصابي تعبت للدرجه دي الناس مش لاقيه

لا حول ولا قوه الا بالله

[خطوات الي السعادة]

انا شايفه ان السعاده بالرضي عن النفس والتحدي لتحقيق الهدف متساليش ازاي هو كده البني ادم مليان بالاضداد كل حاجه وعكسها يعني

يمكن لان بعد ما تتحدي وتحقق هدفك بتحس بالرضي عن نفسك

ما علينا المهم ربنا ينعم علينا بجنه المجانين اللي احنا فيها دي

[الخرائط الذهنيه ....]

اختي بنت مصريه شكرا لمرورك

اما بالنسبه لانتيمي غريبه الاطوار فالمجانين بنعيم يا بنتي

وانا وانتي بنعيم مستمر

[اضحك ... وتعلم مهارات التفاوض]

ههههههههههههههههههههههههههههههههههه

بجد خطير يا عمر ملعوبه وفي الجون والله الاب في منتهي الذكاء ادي الابهات ولا بلاش جوز وشغل ابنه مره واحده

بحقد عليه انا

[خادمة ترضع طفل من بولها]

لا حول ولا قوه الا بالله

يعني عشان تفضل محتفظه بعملها تعرض الطفل للموت

القصه دي تدق ناقوس الخطر للاباء لكي يكفوا عن الاستعانه بمربيه للطفل فافضل من يربي الطفل هو امه وابوه وليس اي شخص اخر

فعلا حسبي الله ونعم الوكيل

[لماذا الشيطان اخذ بيد عبدالله بن كلثوم]

اعوذ بالله من الشيطان الرجيم

لا تعليق

مش عارفه ارد واقول ايه

[يوميات صعيدى فى الجامعه]

يا نوووووووووووووووووووووووور الحقيني بالجرعه من الحلقه

حرام عليكي كده فين باقي الحلقات بقي

[الخرائط الذهنيه ....]

العفو هو احنا برضه بينا شكر عيب عليكي يا زمرده

وهما كده المجانين بينضموا وبحبوا بعضهم

[اطفال بس رومانسيين]

بسم الله ما شاء الله العيال عسسسسسسسسسسسسسسسل بجد

مليانين براءه تسلم ايديك يا زمرده

[ماذا فقدت في حياتك بسبب النت]

مزبووووووووووووووووط برافو عليكي

وكمان بقي عندي حبه اختبارات قبل ما اثق فحد لان للاسف مش كل الناس ظاهرهم زي باطنهم

[بالصور اعتداء شركة بيبسي علي كوكاكولا]

والنبي يختي قطعتي قلبي ولو اني مش بحب الكوكاكولا

بس حرام اللي حصل برضه حالها يصعب علي الكافر

[يا ريت تساعدووووني]

السلام عليكم

ياريت يا شباب حد يجيبلي برامج وثيمات لتليفون نوكيا 6120 بس تكون متجربه يعني بتشتغل عشان انا دخت وكل اللي بلاقيه شهادته منتهيه او غير مدعوووم

حراااااااااااااام هيجنني

[ماذا فقدت في حياتك بسبب النت]

شئ طبيعي اني افقد جزء من تواصلي مع اصدقائي

بس الاهم بقي اللي فقدته من النت هو الاحساس بالامان لاي شخص لاني اكتشفت ان اي حد ليه شخصيتين شخصيه علي النت وشخصيه حقيقيه والاتنين بعاد جدا عن بعض كان الشخص يبدخل يظهر عكسه مش نفسه

المثل بيقول "تعرف فلان قال اه قاله عاشرته قاله لا قاله يبقي متعرفوش"

[رحلة للمجهول]

وفجأة ظهر القمر في السماء ولكن علي غير عادته كان حزين تملئه الفجوات وضوئه مخنوق وكأن هناك من يمسكه كي لا يعود للحياة سألته ماذا تريد قال البشر ارسلو لي احزان من هذا الكوكب دفنوها بداخلي

 

عجبني قوي التعبير ده بجد تسلمي يا زمرده علي الموضوع

بس ملحوظه: بلاش تفضحينا وتعرفي الكل انك بصمجيه كلمه جسس تتكتب جثث يا حبيبتي

[اكبر غلطه في حياتك]

ماهي اكبر غلطه ارتكبتها بحياتك ؟

اني عرفت شخص مش المفروض اعرفه

 

وهل ندمت عليها؟

كتييييييييييييييييييييييييييير

 

ولماذا ندمت عليها ؟

لان كل الدلائل كانت بتقول انو مش كويس

 

وهل استطعت ان تصلح مايمكن اصلاحه؟

حاولت والحمد لله قدرت اصلح الامور

[الخرائط الذهنيه ....]

السلام عليكم ورحمة الله وبركاته"

 

عنوان المحاضره النهارده mind map

الخرائط الذهنيه

سؤال : كام واحد تعرفه قرا كتاب ونسيه؟؟؟

 

طب كمان سؤال

كام واحد تعرفه نفسه يقرا كتاب وماينسهوش؟؟

هاقولك على مفاجأه

لما تكون مركز جدا في حل مشكله واجهتك أو اجابه في امتحان أو أو أو؟؟؟

ياترى

بتلاقي نتيجه؟؟

طبعا أكيد

يعني بيكون فيه انتاج عقلي

الانتاج ده هو مجهود خلايا مستخدمه

 

السؤال هو: ما هي نسبة الخلايا العقليه المستخدمه في مثل هذه المواقف؟؟؟

الاجابه: 0.1 % من مجموع خلايا المخ كله

تخيل

حقيقي هوه ده اللي بيحصل بالظبط

يعني انت عندك قدرات لو اتعلمت تستغلها هاتبقى شخص تاني خالص

 

طب ازاي أخلي نسبة الخلايا المستخدمه تزيد

طبعا لازم بالتدريج زي ما اتفقنا

عايزين نوصلها ل 3 % بس

نقدر؟؟

ان شاء الله

 

هنسأل كام سؤال ونجاوب عليهم هنلاقي نفسنا وصلنا للي عايزينه

 

1- ما هي الخرائط الذهنيه؟؟

2-مين اللي المفروض يعمل الخرائط الذهنيه؟؟

3-ايه أهمية عمل الخرائط الذهنيه؟؟

4-ازاي أعمل خريطه ذهنيه؟؟

5-امتى أعمل خرائط ذهنيه؟؟

6-فين أعمل خرائط ذهنيه؟؟

قبل ما نجاوب على الأسئله هانحتاج مقدمه للفهم

 

مثال :

أخدت كمبيوتر ورحت بلد أرياف

لقيت فلاح بيزرع في الأرض

ناديت عليه وطلبت منه يقعد على الكمبيوتر ويعمل انتاج

ياترى!!

هلاقي انتاج فعلا؟؟

طبعا لأ

ليه؟؟؟

1-هو ما يعرفش ده ايه أصلا

2-مايعرفش يستخدمه ازاي؟؟

 

مثال تاني

نفس الكمبيوتر وطلبت من واحد بيفهم فيه وقلتله يقعد يطلع انتاج بس بعد ما لغيت كل البرامج اللي على الكمبيوتر

هايعرف يعمل انتاج؟؟

برده لأ

ليييييييه؟؟

لأن مافيش أدوات على الكمبيوتر "البرامج" هايشتغل بيها

يبقى لازم يتوفر 3 حاجات

1- معرفه جيده

2-كيفية العمل

3- وجود أدوات

****العقل زي الكمبيوتر بالظبط****

لازم نعرفه كويس ونعرف بيشتغل ازاي بس ايه الأدوات ديه؟؟

الخرائط الذهنيه هي الأداه اللي هاندخلها في العقل عشان نلاقي انتاج

 

هانعمل اختبار بسيط ولازم تعمله معايا

هاكتب مجموعة كلمات وعايزاك تقولي ألوان الكلمات ورا بعض " مش تقراها "

ياترى هاتتلخبط كتير ولا شويه صغيرين

جاهز

نبتدي

أحمر

أصفر

أخضر

أزرق

برتقالي

سماوي

لبني

بنفسجي

ليموني

أسود

أبيض

بني

أصفر

هاااااااااااا

عملت ايييييييه؟؟

عارف اللخبطه اللي حصلت بسبب ايه؟؟

 

روبرت أينشتين

اكتشف ان المخ بيتكون من فصين "أيمن وأيسر"

الأيسر : مسئول عن الكلمات والأرقام والحسابات والتحليل والتسلسل المنطقي وهكذا

الأيمن : مسئول عن الألوان والجمال والتأمل والخيال والابداع وهكذا

 

خدت بالك من الكلمات والألوان

الكلمات مسئولية الفص الأيسر

والألوان مسئولية الفص الأيمن

عشان كده حصلت لخبطه:

مثال:

طلبت من واحد يجري من أول ملعب لأخره

وبعدين يرجع نفس المسافه بعد ما كتفت ايديه في بعض

الوقت في الحالتين أخباره ايييييه؟؟

طبعا لما كتفت نصه اللي فوق كان فيه بطء شديد جدا أكتر من الأول "لما كان حر"

 

الشاهد

*****المطلوووووووووب تنشيط الفصين****

****وبالتالي هايحصل تعاااااااااظم في النشاط****

مقوله شهيره

imagination is more important than knowledge

التخيل أهم من المعرفه

 

ياترى لو قلتلك

انسب هذه المقوله الى أحد الاختيارات الأتيه

1-عالم

2-شاعر

 

ماذا ستختار؟؟

العالم اللي أكتر استخدامه للفص الأيسر

ولا

الشاعر اللي أكتر استخدامه الفص الأيمن

 

بالمنطق

أكيد الشاعر

 

اللي قال المقوله ديه " أينشتين"..............عالم

سؤال:

تعرف ايه عن ليوناردو دافنشي

رسام

لأ ده عالم

ازاي؟؟

تخيل ان فيه انسان في الدور العاشر وعايز ينزل على الأرض فرسم رسمه تشبه البراشوت

وتخيل ان فيه انسان عايز ينزل قاع البحر فرسم رسمه تشبه بدلة الغوص

وهكذا......................

الخريطه هي طريقه لتخزين المعلومات

الكلام اللي مابتفهموش انت معرفتش ترسمه

يعني العقل بيحب الصور فبياخد الكلام ويحوله لصور

 

 

انت تعرف ان الخليه العصبيه شكلها زي الشجره المتفرعه أكتر من فرع

عشان كده لازم المعلومه تدخل بنفس الهيئه

الكتاب بيبقى مكتوب على هيئة سطور

تخيل لو جبنا السطور ديه وحطناها على الشجره "كام كلمه هاتثبت وكام واحده هاتقع"؟؟

تقريبا كله هايقع

 

المعلومات لازم تدخل المخ على شكل شجره متفرعه أكتر من فرع زي شكل الخليه العصبيه

مقوله شهيره

الصوره تغني عن 1000 كلمه

الرؤيه تصديق

نصيحه

stop taking nots

start mind map

 

دلوقتي بأه نجاوب على الأسئله

ايه هي الخرائط الذهنيه؟؟

أداه

 

مين اللي يقدر يعمل خرائط ذهنيه؟؟

هو فيه شرط لازم يتوفر في الشخص علشان يعملها

يكون عنده عقل!!!!!

بس كده ؟؟؟؟؟؟

اه يعني كل الناس يقدرواالطالب

الموظف

المدير

كل الناس

 

ازاي نعملها؟؟

نستخدم 3 وسائل

1-لازم نستخدم ألوان كتيره

2- لازم نستخدم أسهم

3- نستخدم الرموز

يفضل استخدام الورق الأصفر في المذاكره لأنه ثبت علميا أنه بيساعد على التركيز

عشان كده بنستخدم ألوان فسفوريه "أصفر" لما بنحتاج نعلم على معلومه مهمه

 

امتى أعمل خرائط ذهنيه؟؟

أثناء المذاكره

تلخيص

تخطيط

اجتماع

تعليم

وفيه أمثله كتيييييييييره جدا على تجارب اتعملت على الأطفال ونماذج أطفال اتعلموا الخرائط الذهنيه وكانت النتيجه مذهله

جربوها وصدقوني

 

************اقتراح

ايه رأيكم نعمل خريطه ذهنيه لرمضان؟؟؟؟؟؟

 

أعمل فين الخريطه الذهنيه؟؟؟

الأول على الورق

بعد كده في عقلي

عارف بالنسبه للطفل أفضل خريطه ذهنيه يعملها فين؟؟

على الحيطه

والله ما بهزر

التجربه ديه أتبتت فعاليتها بشكل كبيييييييييييير جدا

عشان كده الحمله بتقول

"""""""""حيطه لكل طفل""""""""""

حقيقي

ولازم حيطه متنفعش صبوره

سيب الطفل يشخبط على الحيطه عشان تبني بيه الأمه

 

عشان نقدر نرتب المعلومات على شكل شجره لازم يكون فيه

1-معلومات رئيسيه

2-معلومات فرعيه

3-معلومات ثانويه

يبقى لازم نتعلم حاجتين

ازاي نقرا

وازي نراجع

 

overview

preview

inview

review

1-تقرا المقدمه وملخص الكتاب وتطلع على الفهرس "وتعمل خريطه ذهنيه"

2-تشوف فصل فصل في الكتاب والعناوين الكبيره وممكن تقرا أول صفحه في الفصل واخر صفحه " وتعمل خريطه ذهنيه"

3-تقرأ القراءه العاديه مع التركيز على المعلومات وتصنيفها "وتعمل خريطه ذهنيه"

4-تراجع من الخرائط الذهنيه اللي عملتها واللي مش فاكره ارجعله اقراه تاني

ازاي تدخل المعلومه وتضمن انها هاتثبت؟؟

تدخل المعلومات من 40 الى 45 دقيقه وتاخد راحه من 5 الى 10 دقايق

 

عارف زيها زي ايه

واحد واقف في قاعه لوحده ومجموعه واقفين بره عمالين يحدفوا عليه كتب

هايقدر يرتبها لو سبوله فتره كل شويه والا .........

 

لازم تراجع المعلومه اللي قريتها امبارح النهارده

لييه؟؟

المعلومات تفقد خلال 24 ساعه

لو راجعت بعدها تفقد خلال أسبوع

لو راجعت بعد أسبوع تفقد خلال شهر

لو راجعت بعد شهر خلال 6 شهور

لو راجعت بعد 6 شهور ماتتنسيش العمر كله

 

لو عايز تقرا أكتر في الموضوع ده

كتاب الخرائط الذهنيه

استخدم عقلك

استخدم ذاكرتك

للكاتب "توني بوزان"

يارب تكونو استفدتوا ويارب يكون علم نافع

اللهم علمنا ما ينفعنا وانفعنا بما علمتنا انك على ما تشاء قدير

جزاكم الله كل خير على المتابعه

 

أستودعكم الله

والسلام عليكم ورحمة الله وبركاته

عفوا يا شباب طولت عليكم بس الموضوع ده عاجبني قوي ولو اني معرفتوش غير لما خلصت دراسه بس هينفع فالشغل باذن الله

منقوووووووووووووووووووووووووول