سوريلا

الحمد لله الذى أعزنا بالإسلام الحمد لله الذى هدانا لهذا وما كنا لنهتدى لولا أن هدانا الله هو مولانا وعليه توكلنا وهو رب العرش العظيم

وعليكم السلام ورحمة الله وبركاته معنى الاسم sorella = أخت ولكن باللغة الإيطالية .. وبصراحه أنا بحب اللغة الإيطالية جدا وكمان بحب كلمة أخت .. ودا لافتقادى لمعناها لان مش عندى اخوات بنات فحبيت كل اللى ينادينى يقولى يا سوريلا كأنه بيقولى يا أختى لا شكر على واجب اللهم آميــــــــــن وكل عام وحضرتك بخير ولطكن .. انا مش صوغيره ولا حاجه أنا هكمل 19 سنة فى 29/9 إن شاء الله تالته جامعه يعنى الفرقة التانيه بكلية طب الأسنان جامعة المنصورة كدا يبقى السن صوغير ؟؟؟ دا أنا خلص رجلى والقبر.. قربت أموت أهو جزاكم الله خيرا على التشجيع ودى شهادة أعتز بيها

جزاكم الله خيرا أخانا Dr Abcarino على الكلام بجد .. ربنا يكرمك يارب ويجعله فى ميزان حسناتك ماشاء الله .. هوا دا اللى لازم يتقال ولازم يتنفذ ودا اللى بقوله دايما .. لو كل واحد بدأ بنفسه صلحها .. عمل المعروف وانتهى عن المنكر أتحداكم لو بقت فيه أمه أقوى مننا على وجه الأرض ودا الفرق بينا وبين اللى عاوزين التغيير يجى من الحكومة .. احنا بنقول التغيير يجى من الوحدات الصغيره فالأكبر عشان نقدرنكون قاعده عريضة وهما عاوزينه يبقى من فوق عشان الناستكرههم لانهم هيبقو مجبرين على حاجه وأكيد مش هتنجح بالغصب أهم حاجه بس نبدأ .. يلا ناخد خطوة فى حياتنا يلا كل واحد يقول أنا هبدأ بنفسى .. أنا هبطل شات مع بنات وأنا هبطل شات مع شباب أنا مش هعصىربنا ومش هكذب ولو على رقبتى أنا هأتقن عملى أنا هأحسن لوالدى .. ومش هزعلهم أبدا أنا هحط ربنا والرسول عليه الصلاة والسلام أدام عينيا فى كل تصرف يااااااااااااااااه لو كل واحد عمل كدا صدقونى هنتغير .. أوى وجزاك خيرا منه اللهم آميـــــــــــن تقبل الله منا ومنكم صالح العمل والدعاء

الأخ الفاضل ديسير القائد .. جزاكم الله خيرا على التشجيع وطرح الحل ولكن فى رأيى .. مش هوا دا الحل العملى بمعنى اننا خلاص محطوطين فى الوضع دا .. مفيش حكم اسلامى .. نسيبهم بقى مشردين ونقعد نحارب فى الحكومة او نقول ياريتها دولة اسلامية كانت كل المشاكل اتحلت ؟؟؟ ولا نعمل احنا حاجه بيدينا لاننا اصلا اساسا فقدنا الأمل وكل حاجه فى الحكم مش بايدينا .. فى ايد الحكومة واحنا مالناش نعدل عليهم لان اكيد انا اقل من انى اتكلم فى السياسة اواعدل على نظام دوله او دول كامله إذا .. الحل بإيدينا احنا .. ربنا لما بينتقم من قوم بيبقى بظلمهم هما وعتوهم فى الأرض .. ربنا مشظالم لذلك لازم نشوف ايه الغلط اللى بنعمله .. او بمعنى اصح ايه الغلط اللى مش بنعمله يا جماعه احنا محتاجين وقفه بجد مع انفسنا فاكرين فى غزوة من الغزوات لما تأخر النصر .. قالو احنا ايه ناقصنا من السنن غفلنا عنه عشان كدا النصر اتأخر .. حد قال السواك .. كل الجيش طلع السواك واستاكو .. الروم فرو وقالو المسلمين بيسنو سنانهم عشان ياكلونا سبحان الله .. وبترك سنة النبى صلى الله عليه وسلم فى غزوة أحد كدنا نهلك .. ودى كلها سنن مش فرائض .. لذلك احنا واجب علينا نعمل الفرائض ونبعد عن المعاصى بقى .. كفايه كدا وكفايه الذل اللى أمة النبى الشريف صلى الله عليه وسلم فيه احنا السبب ولازم نعترف بدا .. إن الله لا يغير ما بقوم حتى يغيروا ما بأنفسهم .. صدق الله العظيم وعجبتنى مقوله لفضيلة الشيخ / محمد حسان .. لما قال والله لن تنتصر الأمة إلا بعد أن تمتلئ المساجد بالمصلين فى صلاة الفجر مثل امتلائها بهم فى صلاة الجمهة هنقول ايه .. نعمل اللى علينا .. ألا إن نصر الله قريب ..

أختى NADA .. جزاكِ الله خيرا .. وعرا على التأخير فى الرد لانشغالى بامتحاناتنا الدنيوية وبعدها امتحانات رمضان .. ممكن يكون عندك حق انك لما بتفوقى بتلاقي العالم غريب جدا حواليكى .. وبتبقى مستغربة نفسك وسط العالم دا احنا صحيح مش ملايكة وصحيح كل ابن آدم خطاء ولكن .. خير الخطائين التوابون .. بمعنى اننا اه مقصرين واه وحشين .. بس نقدر نتغير بأمر الله ماتقولش راحت عليا او صعب اتغير او مش انا اللى هغير الكون والله انت اللى هتغير الكون وانا بقول والله .. لو كل انسان بدأ بنفسه وبقى كويس وأخد باله من اللى حواليه واللى جنبه اهتمينا بنفسناوببعض وبدينا .. أقسم لكم بالله ماهيبقى فيه أمه زينا ولا فى عظمتنا بلاش كسل ويلا بندأ من جديد ونقول .. توكلنا على الله فهو حسبنا .. والله المستعان

اللهم آميـــــــن وجزاكم خيرا منه

اللهم آميـــــن جزاكم الله خيرا منه جميعا وأثابنا وإياكم الفردوس الأعلى

السلام عليكم ورحمة الله وبركاته كل سنه وانتم طيبين وتقبل الله منا ومنكم *************************************** اثمن ثلاث ساعات ساعات في رمضان *************************************** * الساعة الأولى : أول ساعة من النهار - بعدصلاة الفجر - قال الإمام النووي رحمه الله في كتاب الأذكار : ( اعلم أنأشرف أوقات الذكر في النهار الذكر بعد صلاة الصبح). - وأخرج الترمذي عن أنس رضي الله عنه عن النبي صلى الله عليه وسلم أنه قال: ( من صلى الفجر في جماعة ثم قعديذكر الله حتى تطلع الشمس ثم صلى ركعتين كانت له كآجر حجة وعمرة تامة تامة تامة ). رواه الترمذي وقال حديث حسن . - وكان النبي صلى الله عليه وسلم إذا صلى الغداة جلس في مصلاه حتى تطلع الشمس حسناء . - ونص الفقهاء على استحباب استغلال هذه الساعة بذكر الله تعالى حتى تطلع الشمس وفي الحديث قال صلى الله عليهوسلم : ( اللهم بارك لأمتي في بكورها). لذا يكره النوم بعد صلاة الصبح لأنها ساعة تقسم فيها الأرزاق فلا ينبغي النوم فيها بل إحيائها بالذكر والدعاء وخاصةأننا في شهر رمضان الذي فيه يتضاعف الأجر والثواب . *************************************** * الساعة الثانية : آخر ساعة من النهار - قبل الغروب - هذه الساعة الثمينة تفوت على المؤمن الصائم غالباً بالانشغال بإعداد الإفطار والتهيء له وهذا لا ينبغي لمن حرصعلى تحصيل الأجر فهي لحظات ثمينة ودقائق غالية .. هي من أفضل الأوقات للدعاء وسؤالالله تعالى _ فهي من أوقات الاستجابة . - كما جاء في الحديث قال صلى اللهعليه وسلم : ( ثلاث مستجابات : دعوة الصائم ،ودعوة المظلوم ، ودعوة المسافر ) رواه الترمذي. - وكان السلف الصالح لأخر النهار أشد تعظيماً من أوله لأنه خاتمة اليوم والموفق من وفقه الله لاستغلال هذه الساعة في دعاء الله . *************************************** * الساعة الثالثة : وقت السحور - السحور هو الوقت الذي يكون قبيل الفجر قالتعالى : ( والمستغفرين بالأسحار) - فاحرص أخي الصائم على هذا الوقت الثمينبكثرة الدعاء والاستغفار حتى يؤذن الفجر ، وخاصة أننا في شهر رمضان فلنستغل هذه الدقائق الروحانية فيما يقوي صلتنا بالله تعالى. - قال تعالى حاثاً على اغتنام هذه الساعات الثمينة بالتسبيح والتهليل : (وسبح بحمد ربك قبل طلوعالشمس وقبل غروبها ومن آناء الليل فسبح وأطراف النهار لعلك ترضى). - وقال تعالى : ( وسبح بحمد ربك قبل طلوع الشمس وقبل غروبها ومن الليل فسبحه وأدبار السجود). - قال الحسن البصري رحمه الله : ( الدنيا ثلاثة أيام أما أمس فقد ذهب بمافيه ، وأما غداً فلعلك لا تدركه ، وأما اليوم فلك فاعمل فيه (

فى الماضى قامت كل الدنيا .. لامرأة صرخت : " وا معتصماه " واليوم ألوف المحرومات .. يبكين ويذرفن الدمع يصرخن ولكن دون صدى وإذا بالصمت يلف الكون وتحبس فى الصدر الأنات ولماا ننسى أمجاد .. شيبتها بناها أجداد ؟؟ أنسينا العزة ؟؟ أم أنُا .. نحيا فى زمن النسيان ؟؟؟ هكذا كان نص تلك الأنشودة الشهيرة .. المسماة بـ " زمن النسيان " ذلك الزمن .. نعيش فيه ولا ندرك من كنا .. من نكون .. ولا كيف سنصبح .. ترى .. ما السبب فى هذا الزمان ؟؟ هل هو ....... نحن كأفراد ؟؟ كحكومات ؟؟ كأسياد ؟؟ أم كعبيد ؟؟ نعم .. عبيد .. عبيد لرغباتنا وشهواتنا القاتله .. تلك التى تقودنا إلى التخلى عن مبادئنا .. من منا لا يقع تحت تأثير شهواته ورغباته المتسلطة ؟؟ من منا لم يقدم الكثير من التنازلات حتى يصبح عبدا لهواه ؟؟ قال تعالى : " أَفَرَأَيْتَ مَنِ اتَّخَذَ إِلَهَهُ هَوَاهُ وَأَضَلَّهُ اللَّهُ عَلَى عِلْم " ٍقال أبو الدرداء - رضي الله عنه: - " إذا أصبح الرجل اجتمع هواه وعمله ، فإن كان عمله تبعاً لهواه فيومه يوم سوء وإن كان هواه تبعاً لعمله فيومه يوم صالح . " أتعلم ما معنى هواه ؟؟ أرى أنها أى رغبه يصبح الإنسان عبدا لها باتباعها وبذل كل ما يمكن بذله فى سبيل حصوله عليها .. ذلك الهوى قد يكون .. علم .. مال .. سلطان .. امرأة .. شهوة بمختلف أنواعها .. أو حتى خيال .... نعم .. ذلك الهوى الذى جعلنا نتخلى عن مبادئنا القويمة .. بحجة " ما كل الناس بتعمل كده .. يعنى جت عليا أنا ؟؟ !! .. يعنى هو أنا اللى هغير الكون ؟؟ " ممكن متكونش انت اللى هتغير الكون .. لكن على الأقل مش هتزوده دمار وخراب انت لو بعت ضميرك .. فى سبيل هواك ورغباتك .. يبقى تقول على الدنيا السلام ليه احنا وصلنا لمرحلة بنقول فيها إننا فعلا عايشين فى زمن النسيان ؟؟ ليه كان فيه نخوة وكرامة .. من فتره مش بعيده ؟؟ ودلوقتى بنبيع نفسنا بالرخيص ؟؟ بالرخيص أوى والله ؟؟؟ التنازلات بادءة من أول الفراش والزبال اللى بيبيع نفسه وبياخد رشوة عشان ينظف أدام البيت ده كويس ومش مهم باقى الشارع من الموظف اللى بينام عن شغله .. ويروح جرى متأخر ويظبط مع موظف الدفتر عشان مش يأفل عليه من الطالب اللى بيكبر دماغه ويجى جرى قبل الامتحان بأسبوع وقاعد يتوقع الأسئلة اللى هتيجى ويدخل يحطها فى الامتحان وبعدها ينسى من مسئول أهم حاجه عنده مصلحته ومصلحة أسرته من وزير مش عاوز يتعب نفسه ويعمل خطة ويباشرها بنفسه من حاكم ورئيس جمهورية أو حتى أمير أو ملك متواطئ مع كل اللى أقوى منه بيدعى إنه خايف على بلده أو انه هو كده صح .... كله مش خايف إلا على مصلحته .. كله مش عاوز يعيش إلا لنفسه وبس .. ميهموش غيره ده مرتاح ولا تعبان .. نام من غير عشا ولا دور على أكل فى وسط الزباله اللى هو راميها .. ميهموش أطفال ينامو فى الشارع عشان بيوتهم وقعو .. أمتنا كانت أقوى أمة على وجه الأرض .. زمان عشان واحده ست اتظلمت من قِبَل حاكم .. وقالت بس .. " وا معتصماه " المعتصم بالله وصله إنها بتستغيث بيه .. أرسل للحاكم ده إذا ماكانش هيقضى لها مظلمتها ومايظمهاش هيبعت له جيش أول عنده وآخره عند المعتصم ... دلوقتى بنشوف اخواتنا ف كل مكان بيتقتلو ومذابح ونعيط أدام التليفزيون ومش قادرين نعمل حاجه .. وبعد ما نخلص .. نقوم نخرج ولا نشيت ولا نتفرج على فيلم .. والحياة تبقى حلوة .. ولا كأنك سه من شوية كنت بتعيط .. كأنك كنت بتتفرج على فيلم دراما .. وخلص وقته !! زمان .. أيام الخليفة عمر بن عبد العزيز .. بيت مال المسلمين كان مليان خير .. سبحان الله .. كل ده راح ؟؟؟ كان بيصرف لكل واحد راتب شهرى .. لكل رضيع .. لكل مولود .. لكل شاب .. يزوجو الشباب .. وبرده خير ربنا مكنش بيخلص دلوقتى ناس مش لاقيين مكان ينامو فيه ؟؟؟ !!! والله حرام ..... هل احنا فعلا فى زمن النسيان ؟؟ !!! أنا مش مصدقة إن مصر ممكن تبق كده !!! إزاى نفضل ساكتين ؟؟؟؟ ميرضيناش إن يبقى فيه 39 أسرة عايشين ف الخلاء بقالهم 5 شهور أو أكتر .. وليهم دورة مياه واحده بدون باب مين فينا يرضى بالوضع ده ؟؟ هتقولو واحنا ايه ذنبنا ؟؟ هو احنا اللى وقعنا الجبل ؟؟ ولا احنا اللى قلنالهم روحو اسكنو فى منطقة عشوائية ؟؟ ولا احنا اللى دخلنا اسرائيل فلسطين ؟؟ ولا احنا اللى دخلنا أمريكا العراق ؟؟ عارفه ان مش احنا اللى عملنا كل ده .. لكن صدقونى احنا السبب فى كل ده .. احنا من العوامل اللى خلت أمتنا تبقى مستضعفه .. بعد ما كانت .. كانت .. لكن مش هنقعد نفتكر فى اللى فات ونقول ده احنا كنا .. وكنا .. وكنا .. فيه مثل بيقول" لا تقل كان أبى .. ولكن قل : ها أنا ذا " فعلا لزم نبدأ نشوف الحلول على الأقل البسيطة اللى نقدر نعملها عشان مانبقاش متخذين إلهنا هوانا ... الحل .. كالتالى ... 1 - لازم كل واحد يتنازل ولو عن جزء من شهواته ورغباته .. 2 - لازم نبدأ نبقى أقوى من كده .. نقوى إرادتنا .. صحيح كلنا بشر وبنغلط .. لكن اللى بيميزنا عن الحيوانات .. العقل والإراده .. 3 - اجعل هدفك في الحياة طاعة ربك تعالى ؛ تسعد في الدنيا ، وتفوز بالدرجات العالية يوم تقوم القيامة . قال ـ تعالى ـ : "يَا أَيُّهَا الَّذِينَ آمَنُوا تُوبُوا إِلَى اللَّهِ تَوْبَةً نَصُوحاً عَسَى رَبُّكُمْ أَنْ يُكَفِّرَ عَنْكُمْ سَيِّئَاتِكُمْ وَيُدْخِلَكُمْ جَنَّاتٍ تَجْرِي مِنْ تَحْتِهَا الْأَنْهَارُ يَوْمَ لا يُخْزِي اللَّهُ النَّبِيَّ وَالَّذِينَ آمَنُوا مَعَهُ نُورُهُمْ يَسْعَى بَيْنَ أَيْدِيهِمْ وَبِأَيْمَانِهِمْ يَقُولُونَ رَبَّنَا أَتْمِمْ لَنَا نُورَنَا وَاغْفِرْ لَنَا إِنَّكَ عَلَى كُلِّ شَيْءٍ قَدِيرٌ" التحريم (8) اللهم حبب إلينا الإيمانوزينه في قلوبنا وكره إلينا الكفر والفسوق والعصيان قال تعالى : " وَاصْبِرْ نَفْسَكَ مَعَ الَّذِينَ يَدْعُونَ رَبَّهُمْ بِالْغَدَاةِ وَالْعَشِيِّ يُرِيدُونَ وَجْهَهُ وَلَا تَعْدُ عَيْنَاكَ عَنْهُمْ تُرِيدُ زِينَةَ الْحَيَاةِ الدُّنْيَا وَلَا تُطِعْ مَنْ أَغْفَلْنَا قَلْبَهُ عَنْ ذِكْرِنَا وَاتَّبَعَ هَوَاهُ وَكَانَ أَمْرُهُ فُرُطًا " وقال الله تعالى : " فَأَمَّا مَنْ طَغَى وَآثَرَ الْحَيَاةَ الدُّنْيَا فَإِنَّ الْجَحِيمَ هِيَ الْمَأْوَى وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَى فَإِنَّ الْجَنَّةَ هِيَ الْمَأْوَى " أعتقد أننا نملك الكثير كى نقدمه لهذا الدين .. فهو بالفعل يستحق العناء .. حتى لو حاولنا وفشلنا .. على الأقل يبقى كسبنا شرف المحاوله .. وعملنا اللى علينا لما ربنا يسألنا يوم القيامة عملتو ايه عشان اخوانكم اللى بيموتو فى كل مكان .. إخوانكم الجوعى .. و .. و .. و .. اللهم اجعل هذا العمل خالصاً لوجهك الكريم .. وانفع به كل من يطلع عليه .. وفقنا الله وإياكم إلى ما يحب ويرضى وتقبل منا ومنكم صالح الأعمال .. سوريلا 30/6/2009

أولا جزاكم الله خيرا على طرح الموضوع فعلا احنا لما بنروح نصلى .. بعض المساجد بتبقى كأنها حضانه واللى يعيط واللى يلعب وفيه بعض السيدات بيتضايقو لدرجة انهم ممكن يتكلمو مع أمهات الأطفال بصوت عالى ما علينا من الاستياء من ناحية الموضوع الحاجة الجميلة ان ف مسجد من المساجد 1- اختلفت طريقة التعامل مع الأطفال .. بمعنى انهم بعد ما كانو بيعملو دوشة أثناء الصلاة والسيدات يزعأو ويطردوهم برا .. بس .. لما تضم طفل ليك وتقول تعالى صلى جنبى يستحسن انه يبقى فى اخر الصف بس تبقى جنبه عشان يحس ان فيه حد عاوزه يصلى ومش يحس انه منبوذ من الجميع هيحاول يألدك فى كل التصرفات حتى ولول تقليد حركى لانه اصلا اساسا لسه صغير مش فاهم حاجه 2- ولو مفيش صلاة .. ممكن فى الوقت دا تقعد معاهم بمنتهى الحب وتحفظهم قرآن حتى لو مش بصفة مستديمة بس صدقنى هيبقى ليها وقع عظيم فى نفوسهم 3- ممكن كمان تلم الاطفال ويبقى معاك بنبونى وتقولهم هنعمل مسابقة وتحكى لهم حكاية وتسألهم فيها عشان اكيد مش هيبقى عندهم معلومات كفايه واللى يجاوب صح ياخد بنبونى واللى ميجاوبش .. تحاول معاه تانى عشان يركز 4- ولازم يا جماعه أهم حاجه تحسسوهم بالحب .. عشان لما تقولهم يلا نصلى وبلاش تعملو صوت فى الصلاة يسمعو الكلام لانه من حد هما بيحبوه لانه هو بيحبهم وأكيد كلكم عارفين ان الانسان عبارة عن طاقة فاذا كانت طاقتك الايجابية ناحيتهم كبيرة هما هيحسو بيها وهيستجيبو ليها وهيبقى المسجد بالنسبة لهم مكان مقدس وبيشتاقو يروحو له كمان عذرا على الإطالة أتمنى اننا نكسب الاطفال فى صف الإسلام السليم

سبحان الله الحمد لله الذى هدانا لهذا وما كنا لنهتدى لولا أن هدانا الله جزاكم الله خيرا على البشارة وبشركم بالخير

والله الموضوع أبسط من كدا بكتير فمثلا .. إيه اللى هيبقى على موبايل زى بتاعى ؟؟ نمر أصحابى بأسمائهم الحقيقيه .. والرسايل اللى منهم وخلاص .. لا فيه صورة ولا حاجات عبيطة من دى مفيش اللى أخاف ان حد يشوفه عندى وعلى الرغم من دا .. بابا وماما عمرهم ما مسكو الموبايل وكل اللى بيقلب فيه بيبقو أصحابى .. وطبعا يقرفو منه ويرجعوه تانى ويندمو انهم أخدوه أصلى محصناه كويس