اذهب الي المحتوي
منتديات ياللا يا شباب

رجل من الصحراء

مشرفي الأقسام
  • عدد المشاركات

    2,897
  • انضم

  • تاريخ اخر زيارة

  • Days Won

    6

سجل تطورات نقاط السمعه

  1. أعجبني
    رجل من الصحراء تلقي نقاط سمعه عاشق الصداقه في اشتقت اليكم يااغلى منتدى   
    كل عام وانتم بخير بمناسبة عيد الاضحى المبارك
    وحشني المنتدى كثيرا ولي فيه ذكريات جميلة قد اكون غريبا على اغلبكم
    ولكني كنت عضوا سابقا وليا فيه بعض الاعمال
    واحببت ان اعبر عن شوقي واعتزازي بالمنتدى
    كل التحية والتقدير للقائمين على المنتدى والاعضاء
    دمتم طيبين
    رجل من الصحراء
    .
  2. أعجبني
    رجل من الصحراء تلقي نقاط سمعه عمرو وبس في شرح تنزيل نسخة الويندوز على الكمبيوتر ... شرح بالصور -- الدرس الخامس من سلسلة الكمبيوتر للجميع   
    جزاك الله خيرا اخي خالد
    وسلمت يمينك
    لك مني كل التحية والتقدير والاحترام
  3. أعجبني
    رجل من الصحراء تلقي نقاط سمعه mustafaalnatat في المش مهندس وصل   
    المش مهندس وصل






    سلام عليكم ياجدي






    اهلاااااا ازيك يابن بنتي عامل ايه يارب تكون رايق






    هــه الحمدلله ياجــد






    اه طالما قلتلي هه و لويتلي في بوزك وكشرتلي بعينيك تبقى مضايق مالك يابن بنتي؟؟






    مش عوايدك يعني طول عمرك بتيجي وتتشعلق في رقبتي وتفضل تغلس عليا






    وضحتك بترن في كل مكان والنهارده جاي ساكت وهادي .






    مالك يابشمهندس؟؟؟






    هههههههههههه قصدك يامش مهندس.مش انا ياجد اكتشفت اني مش مهندس.






    مالك اسم الله عليك يابن بنتي اتجننت ولا ايه وريني دماغك كده مانت حلو اهو ومش سخن ولا بتهلوس امال فيه ايه.






    انا سخن من جوايا ياجد قلبي موجوع وقايد نار.






    ليه كده يابن بنتي تعال ياولدي هات ايديك تعال ننزل نتمشى في البلد شوية ولا هتتحجج زي كل مرة وتقلي اصلي انا جاي اقعد معاكم مش جاي اتمشى.






    لا ياجد ياللا بينا ...ياللا .. معدتش تفرق اي حاجة.






    اه قلي بقى مالك مخنوق من ايه؟؟






    مخنوق من نفسي ومن الناس ومن البلد ومن كل حاجة.






    ياااااااه ده انت شكلك شايل هموم ,, مالك يابن بنتي فضفضلي






    اقلك ا يه ولا ايه ياجد كل ماامشي في طريق الاقيه اتسد






    انت عارف اني مش مرتاح في شغلي وعايز اغيره واني خلاص كلها كم يوم وهتجوز وبصراحة مش عارف هعمل ايه.






    من فترة قعدت مع نفسي واكتشفت اني اتخصصت غلط دخلت قسم ملهوش شغل الا بالواسطة ومش اي واسطة ده لازم واسطة كبيرة.






    اما من غيرواسطة انت ملكش شغل خالص






    وحتى يوم مااشتغلت اشتغلت في شركة كلها مشاكل ومفهاش اي استقرار .






    قلت لنفسي مش هينفع كده لازم اقعد اخطط وافكر واحدد لي هدف ولازم اوصله وخصوصا اني دلوقتي داخل على جواز.






    فقررت اغير مجال التخصص وابدا اخد تدريبات ودورات عشان اكتسب خبرة في المجال الجديد اللي شغله متاح وكويس ومنها اوصل لشركة كبيرة ويبقى عندي خبرة ومنها احقق حلمي وهدفي واعمل شركتي الخاصة .






    يعني باختصار حطيت لنفسي هدف واضح وخطة واضحة ومشيت عليهم






    وانقطعت عن العمل وسافرت واخدت الدورات واخدت الخبرة والشهادات وقدمت في الشركات الجديدة واستنيت بفارغ الصبر اولى خطوات الحلم وهيا بتتحقق.






    بس الظاهر اني نسيت نفسي وحلمت زيادة عن اللزوم مع اني كنت بطلت احلم من زمان.






    صحيت في يوم لقيت كل حاجة انتهت والله في نفس اليوم كله انتهى






    كله بيقول انت تخصصك ملهوش شغل عندنا قلتلهم ازاي مانا اخدت شهادات وغيرت المجال قالولي مليش فيه احنا لينا بتخصصك في الكلية وانت ملكش شغل عندنا.



    حتى لما كان فيه امل بسيط في احد الهيئات الكبيرة اللي كل الناس قدمت فيها من اول العمال والمؤهلات الوسطى ومؤهلات عليا مختلفة ومهندسين






    الراجل بص عالشهادة وقاللي للاسف يابشمهندس انت مش مطلوب






    فهمته اني ممكن اشتغل في كذا قسم عندهم ومعايا شهادات بكده قاللي انا عندي اوامر بكده تخصصك مش مطلوب.






    يعني ايه انا طلعت فشنك بعد كل التعب ده تخصصي مش مطلوب امال الدولة عملته ليه






    وخلته تبع هندسة ليه ومخلياه لغاية دلوقتي ليه.






    ليه لما هو مش مطلوب وشغله قليل لسه مقفلتهوش ومخليه الطلبة تدخله ,






    والواحد يتخرج فرحان انه مهندس وفي الاخر يفاجأ انه ملوش شغل ومش مطلوب






    ده حتى شغله كله في الجبال والصحاري وبيتعامل مع الحجارة والحيوانات الضارة يعني حتى مش هنزعج الناس ولا نزحم المواصلات ولا نزود التعداد السكاني ولانلوث البيئة ولا اي حاجة بالعكس ده احنا هنعمر البلد ونزود اقتصادها.






    ليه قلي ياجدي ليه هو ذنبي اني طلعت مهندس ولا ذنبي اني دخلت القسم ده






    طيب حتى لو كده انا اديني غيرت مجالي وتخصصي ورسمت لنفسي هدف






    وسعيت فيه بقدر الامكان.






    وبرده في النهاية يقلي تخصصك يبقى برده ده ذنبي انا ولا ايه اووووففف.






    ياااااااااااه يابن بنتي تصدق اول مرة اشوف دموعك واشوفك بالشكل ده!!!!!!






    ده انت معملتهاش لما كنت صغير وكنت بتتضرب كتير عشان شقاوتك عمري ماشفت دمعتك.






    لا ياجد لو جات عليا انا مش مشكلة بستحمل. بس صعبان عليا الناس اللي تعبت عشاني صعبان عليا ابويا وامي اللي تعبوا عشان يشوفوا ابنهم مهندس صعبان عليا البنت اللي قدرها كان اني اتجوزها . صعبان عليا الناس اللي وثقت فيا وفي تحقيق حلمي وخذلتهم صعبان عليا التعب والحلم اللي بديته وانتهى في لحظة .






    اهدى يابن بنتي ووحد الله وصلي عالنبي,, شايف الراجل العجوز اللي شغال هناك في الزرع ده.






    ايوه ماله , وازاي الراجل ده بيشتغل لوحده في الارض دي كلها ده هو مش مستحمل اصلا.






    اديك قلتها بنفسك ده ياسيدي اسمه عمك صابر راجل كبير في السن زي مانت شايف






    وشغال في الارض دي بالاجرة عند جماعة طيبين وولاد حلال .






    عمك صابر ده كان تاجر كبير زمان وكان راجل طيب وخيره كان على البلد كلها وكان امنية حياته يخلف ولد يورثه املاكه ويبقى عزوته يتعكز عليه لما يكبر






    واتجوز واحدة عاش معاها سنين طويلة مبتخلفش وهو طول السنين دي بيلف على الدكاترة في كل مكان وصرف عليها دم قلبه وباع املاكه وخد ديون عشان يصرف على علاج وعمليات وفي الاخر خالص ربنا كرمه بولد فرح قوي كبره وعلمه احسن تعليم كان بيموت من الفرحة وهو بيشوف ابنه اللي هو حلم حياته بيكبر قدامه وبيبقى راجل وفي يوم جاله خبر ولده اللي مات وهو في عز شبابه ومراته مسكينة مستحملتش وتعبت من الصدمة وماتت هيا كمان فضل عمك صابر وحيد وتجارته خسرت وديونه كترت والديانة طالبوه وبيعوه بيته حبسوه لانه معهوش يسدد.






    لغاية ماولاد الحلال طلعوه من السجن وشغلوه عندهم في الارض وادوله العشة اللي قدامك دي عشان يسكن فيها ورغم عن كل ده تتوقع الراجل ده ايه حالته .






    ههه اكيد يعني مجنون ومش حاسس بنفسه يعني ده اقل واجب.






    بالعكس راضي وصابر .. اقلك روح سلم عليه لغاية مااروح اتوضى عشان صلاة العصر قربت واجيلك تاني.






    <<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<






    سلام عليكم ياعم صابر






    سلام ورحمة الله ياولدي






    ربنا يديك العافية ياعم صابر مش ترتاح شوية من الشغل






    ياولدي احنا اتعودنا عالشقا .... انما قلي مش الحاج محمد اللي كان معاك من شوية.






    ايوه ياعم صابر ماهو يبقى جدي.






    اهلا اهلا بالناس الطيبين .. امال مالك ياولدي كده شكلك حزين






    اهو ياعم صابر الدنيا ملطشة معايا ومخنوق






    ياولدي ده انت لسه صغير متقولش كده.






    قلي ياعم صابر انت مرتاح كده ... اصلي انا عرفت اللي حصلك من جدي ومستغرب انك لسه بتضحك وبتشتغل وعايش عادي.






    بص ياولدي انت انسان ربنا خلقك وكرمك في احسن صورة واداك عقل تفكر بيه






    وايد تشتغل بيها ولسان تشكره وتحمده بيه.






    خلقك عشان انت اللي تتحكم في الدنيا مش هيا اللي تتحكم فيك.






    ده ربنا سماها دنيا يعني ادنى مقام وانت اعلى منها في المقام.






    يبقى ازاي بقى تستنى انها تديك حاجة ؟؟!!!



    عمرك هتطلب مساعدة من اللي عايز حد يساعده ؟؟؟!!



    هيا كده الدنيا ياولدي عايزة اللي يساعدها عايزه اللي يديها مش اللي ياخد منها.






    ياولدي خليك زي انا اتعلمت كل ماتاخد الدنيا مني اضحك واحمد ربنا واقول براحتك خدي كمان انا برده اللي كسبان






    ههه انت اللي كسبان طيب ازاي.






    ياولدي اي حاجة في الدنيا بتديهالنا بنتحاسب عليها في الاخرة ومين اللي هيحاسبك مش رئيسك ولا مديرك لا ده ملك الملوك ياولدي.






    ياولدي احنا ضعاف مش قد حساب ولا قد ان احنا نشيل الامانة بتاعة ربنا






    يافرحتي لما يبقى عندي فلوس واملاك وشهادات وشغل وكل حاجة خدتها من الدنيا واجي في الاخرة اتحاسب على كل ده وعمري ماهبقى صح لان كل بني ادم عاصي محدش معصوم.






    ياولدي خليك صابر زي عمك صابر واحمد ربك على اللي انت فيه هيزيدك ويكرمك



    وبص للدنيا من فوق وقلها اوعي تفتكري انك هتنتصري عليا ده ربنا سماكي دنيا يعني ادنى الدرجات و انا برده اعلى منك.






    وخدي مني كل حاجة وانا اللي كسبان عشان كل ما هتاخدي مني اكتر هقرب لربنا اكتر.






    و برده هفضل كسبان عشان هلاقيه عند ربي اضعاف.






    ( الله اكبر الله اكبر ...... الله اكبر الله اكبر)






    شفت ياولدي اهو العصر اذن وقال الله اكبر وصدق على كلامي.






    روح صلي ياولدي لربنا ده هو الكبير وهو الكريم






    وخليك صابر زي عمك صابر عشان ربنا بيحب الصابرين.


  4. أعجبني
    رجل من الصحراء تلقي نقاط سمعه sassa في موسوعة الزواج والعلاقة الزوجية   
    اعزائي واحبائي اعضاء منتدايا الحبيب
    اقدم لكم موسوعة الزواج والعلاقة الزوجية
    في الاسلام والشرائع الاخرى المقارنة
    واتمنى الاستفادة ان شاء الله
    لكم مني كل التحية والتقدير
    وهذا لينك التحميل
    في المرفقات
    اسالكم الدعاء لي بالهداية والثبات
    ______________.doc
  5. أعجبني
    رجل من الصحراء تلقي نقاط سمعه عاشق الصداقه في الإسرائيليات والموضوعات في كتب التفسير   
    بسم الله الرحمن الرحيم



    متابعة لموضوع القران الكريم وعلومه
     
    الإسرائيليات والموضوعات في كتب التفسير
    التحميل هنا
    اسالكم الدعاء بالرحمة والمغفرة لاخي كريم ولجميع موتانا
    واسالكم الدعاء لي بالهداية والثبات


  6. أعجبني
    رجل من الصحراء تلقي نقاط سمعه ابوجبل في المش مهندس وصل   
    اكرمكم الله جميعا اعزائي والله وحشتوني جميعا
    والحمدلله اقدر اليوم ارد عالموضوع ده لان ربنا كرمني من وسع واشتغلت في اكبر شركة تعدين والحمدلله
    جزاكم الله خيرا وبارك فيكم وحفظكم من كل سوء
  7. أعجبني
    رجل من الصحراء تلقي نقاط سمعه ابوجبل في المش مهندس وصل   
    المش مهندس وصل






    سلام عليكم ياجدي






    اهلاااااا ازيك يابن بنتي عامل ايه يارب تكون رايق






    هــه الحمدلله ياجــد






    اه طالما قلتلي هه و لويتلي في بوزك وكشرتلي بعينيك تبقى مضايق مالك يابن بنتي؟؟






    مش عوايدك يعني طول عمرك بتيجي وتتشعلق في رقبتي وتفضل تغلس عليا






    وضحتك بترن في كل مكان والنهارده جاي ساكت وهادي .






    مالك يابشمهندس؟؟؟






    هههههههههههه قصدك يامش مهندس.مش انا ياجد اكتشفت اني مش مهندس.






    مالك اسم الله عليك يابن بنتي اتجننت ولا ايه وريني دماغك كده مانت حلو اهو ومش سخن ولا بتهلوس امال فيه ايه.






    انا سخن من جوايا ياجد قلبي موجوع وقايد نار.






    ليه كده يابن بنتي تعال ياولدي هات ايديك تعال ننزل نتمشى في البلد شوية ولا هتتحجج زي كل مرة وتقلي اصلي انا جاي اقعد معاكم مش جاي اتمشى.






    لا ياجد ياللا بينا ...ياللا .. معدتش تفرق اي حاجة.






    اه قلي بقى مالك مخنوق من ايه؟؟






    مخنوق من نفسي ومن الناس ومن البلد ومن كل حاجة.






    ياااااااه ده انت شكلك شايل هموم ,, مالك يابن بنتي فضفضلي






    اقلك ا يه ولا ايه ياجد كل ماامشي في طريق الاقيه اتسد






    انت عارف اني مش مرتاح في شغلي وعايز اغيره واني خلاص كلها كم يوم وهتجوز وبصراحة مش عارف هعمل ايه.






    من فترة قعدت مع نفسي واكتشفت اني اتخصصت غلط دخلت قسم ملهوش شغل الا بالواسطة ومش اي واسطة ده لازم واسطة كبيرة.






    اما من غيرواسطة انت ملكش شغل خالص






    وحتى يوم مااشتغلت اشتغلت في شركة كلها مشاكل ومفهاش اي استقرار .






    قلت لنفسي مش هينفع كده لازم اقعد اخطط وافكر واحدد لي هدف ولازم اوصله وخصوصا اني دلوقتي داخل على جواز.






    فقررت اغير مجال التخصص وابدا اخد تدريبات ودورات عشان اكتسب خبرة في المجال الجديد اللي شغله متاح وكويس ومنها اوصل لشركة كبيرة ويبقى عندي خبرة ومنها احقق حلمي وهدفي واعمل شركتي الخاصة .






    يعني باختصار حطيت لنفسي هدف واضح وخطة واضحة ومشيت عليهم






    وانقطعت عن العمل وسافرت واخدت الدورات واخدت الخبرة والشهادات وقدمت في الشركات الجديدة واستنيت بفارغ الصبر اولى خطوات الحلم وهيا بتتحقق.






    بس الظاهر اني نسيت نفسي وحلمت زيادة عن اللزوم مع اني كنت بطلت احلم من زمان.






    صحيت في يوم لقيت كل حاجة انتهت والله في نفس اليوم كله انتهى






    كله بيقول انت تخصصك ملهوش شغل عندنا قلتلهم ازاي مانا اخدت شهادات وغيرت المجال قالولي مليش فيه احنا لينا بتخصصك في الكلية وانت ملكش شغل عندنا.



    حتى لما كان فيه امل بسيط في احد الهيئات الكبيرة اللي كل الناس قدمت فيها من اول العمال والمؤهلات الوسطى ومؤهلات عليا مختلفة ومهندسين






    الراجل بص عالشهادة وقاللي للاسف يابشمهندس انت مش مطلوب






    فهمته اني ممكن اشتغل في كذا قسم عندهم ومعايا شهادات بكده قاللي انا عندي اوامر بكده تخصصك مش مطلوب.






    يعني ايه انا طلعت فشنك بعد كل التعب ده تخصصي مش مطلوب امال الدولة عملته ليه






    وخلته تبع هندسة ليه ومخلياه لغاية دلوقتي ليه.






    ليه لما هو مش مطلوب وشغله قليل لسه مقفلتهوش ومخليه الطلبة تدخله ,






    والواحد يتخرج فرحان انه مهندس وفي الاخر يفاجأ انه ملوش شغل ومش مطلوب






    ده حتى شغله كله في الجبال والصحاري وبيتعامل مع الحجارة والحيوانات الضارة يعني حتى مش هنزعج الناس ولا نزحم المواصلات ولا نزود التعداد السكاني ولانلوث البيئة ولا اي حاجة بالعكس ده احنا هنعمر البلد ونزود اقتصادها.






    ليه قلي ياجدي ليه هو ذنبي اني طلعت مهندس ولا ذنبي اني دخلت القسم ده






    طيب حتى لو كده انا اديني غيرت مجالي وتخصصي ورسمت لنفسي هدف






    وسعيت فيه بقدر الامكان.






    وبرده في النهاية يقلي تخصصك يبقى برده ده ذنبي انا ولا ايه اووووففف.






    ياااااااااااه يابن بنتي تصدق اول مرة اشوف دموعك واشوفك بالشكل ده!!!!!!






    ده انت معملتهاش لما كنت صغير وكنت بتتضرب كتير عشان شقاوتك عمري ماشفت دمعتك.






    لا ياجد لو جات عليا انا مش مشكلة بستحمل. بس صعبان عليا الناس اللي تعبت عشاني صعبان عليا ابويا وامي اللي تعبوا عشان يشوفوا ابنهم مهندس صعبان عليا البنت اللي قدرها كان اني اتجوزها . صعبان عليا الناس اللي وثقت فيا وفي تحقيق حلمي وخذلتهم صعبان عليا التعب والحلم اللي بديته وانتهى في لحظة .






    اهدى يابن بنتي ووحد الله وصلي عالنبي,, شايف الراجل العجوز اللي شغال هناك في الزرع ده.






    ايوه ماله , وازاي الراجل ده بيشتغل لوحده في الارض دي كلها ده هو مش مستحمل اصلا.






    اديك قلتها بنفسك ده ياسيدي اسمه عمك صابر راجل كبير في السن زي مانت شايف






    وشغال في الارض دي بالاجرة عند جماعة طيبين وولاد حلال .






    عمك صابر ده كان تاجر كبير زمان وكان راجل طيب وخيره كان على البلد كلها وكان امنية حياته يخلف ولد يورثه املاكه ويبقى عزوته يتعكز عليه لما يكبر






    واتجوز واحدة عاش معاها سنين طويلة مبتخلفش وهو طول السنين دي بيلف على الدكاترة في كل مكان وصرف عليها دم قلبه وباع املاكه وخد ديون عشان يصرف على علاج وعمليات وفي الاخر خالص ربنا كرمه بولد فرح قوي كبره وعلمه احسن تعليم كان بيموت من الفرحة وهو بيشوف ابنه اللي هو حلم حياته بيكبر قدامه وبيبقى راجل وفي يوم جاله خبر ولده اللي مات وهو في عز شبابه ومراته مسكينة مستحملتش وتعبت من الصدمة وماتت هيا كمان فضل عمك صابر وحيد وتجارته خسرت وديونه كترت والديانة طالبوه وبيعوه بيته حبسوه لانه معهوش يسدد.






    لغاية ماولاد الحلال طلعوه من السجن وشغلوه عندهم في الارض وادوله العشة اللي قدامك دي عشان يسكن فيها ورغم عن كل ده تتوقع الراجل ده ايه حالته .






    ههه اكيد يعني مجنون ومش حاسس بنفسه يعني ده اقل واجب.






    بالعكس راضي وصابر .. اقلك روح سلم عليه لغاية مااروح اتوضى عشان صلاة العصر قربت واجيلك تاني.






    <<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<






    سلام عليكم ياعم صابر






    سلام ورحمة الله ياولدي






    ربنا يديك العافية ياعم صابر مش ترتاح شوية من الشغل






    ياولدي احنا اتعودنا عالشقا .... انما قلي مش الحاج محمد اللي كان معاك من شوية.






    ايوه ياعم صابر ماهو يبقى جدي.






    اهلا اهلا بالناس الطيبين .. امال مالك ياولدي كده شكلك حزين






    اهو ياعم صابر الدنيا ملطشة معايا ومخنوق






    ياولدي ده انت لسه صغير متقولش كده.






    قلي ياعم صابر انت مرتاح كده ... اصلي انا عرفت اللي حصلك من جدي ومستغرب انك لسه بتضحك وبتشتغل وعايش عادي.






    بص ياولدي انت انسان ربنا خلقك وكرمك في احسن صورة واداك عقل تفكر بيه






    وايد تشتغل بيها ولسان تشكره وتحمده بيه.






    خلقك عشان انت اللي تتحكم في الدنيا مش هيا اللي تتحكم فيك.






    ده ربنا سماها دنيا يعني ادنى مقام وانت اعلى منها في المقام.






    يبقى ازاي بقى تستنى انها تديك حاجة ؟؟!!!



    عمرك هتطلب مساعدة من اللي عايز حد يساعده ؟؟؟!!



    هيا كده الدنيا ياولدي عايزة اللي يساعدها عايزه اللي يديها مش اللي ياخد منها.






    ياولدي خليك زي انا اتعلمت كل ماتاخد الدنيا مني اضحك واحمد ربنا واقول براحتك خدي كمان انا برده اللي كسبان






    ههه انت اللي كسبان طيب ازاي.






    ياولدي اي حاجة في الدنيا بتديهالنا بنتحاسب عليها في الاخرة ومين اللي هيحاسبك مش رئيسك ولا مديرك لا ده ملك الملوك ياولدي.






    ياولدي احنا ضعاف مش قد حساب ولا قد ان احنا نشيل الامانة بتاعة ربنا






    يافرحتي لما يبقى عندي فلوس واملاك وشهادات وشغل وكل حاجة خدتها من الدنيا واجي في الاخرة اتحاسب على كل ده وعمري ماهبقى صح لان كل بني ادم عاصي محدش معصوم.






    ياولدي خليك صابر زي عمك صابر واحمد ربك على اللي انت فيه هيزيدك ويكرمك



    وبص للدنيا من فوق وقلها اوعي تفتكري انك هتنتصري عليا ده ربنا سماكي دنيا يعني ادنى الدرجات و انا برده اعلى منك.






    وخدي مني كل حاجة وانا اللي كسبان عشان كل ما هتاخدي مني اكتر هقرب لربنا اكتر.






    و برده هفضل كسبان عشان هلاقيه عند ربي اضعاف.






    ( الله اكبر الله اكبر ...... الله اكبر الله اكبر)






    شفت ياولدي اهو العصر اذن وقال الله اكبر وصدق على كلامي.






    روح صلي ياولدي لربنا ده هو الكبير وهو الكريم






    وخليك صابر زي عمك صابر عشان ربنا بيحب الصابرين.


  8. أعجبني
    رجل من الصحراء تلقي نقاط سمعه ابوجبل في احذرووووا من هز الطفل.اثناء البكاء,,   
    لا حول ولاقوة الا بالله ده انا كنت ببهدل بنتي مش بهزها
    شيل وحط وارميها والقفها ترجعلي تاني
    الحمدلله ربنا ستر
  9. أعجبني
    رجل من الصحراء تلقي نقاط سمعه ابوجبل في مش محتاجه تفكير   
    الجواب (مصر)
    كل مانشيل منها حبة فساد تكبر وتحلى وتبقى احلى بناسها وشعبها وشبابها الحر
  10. أعجبني
    رجل من الصحراء تلقي نقاط سمعه ابوجبل في [ طلب ] كيف أنشئ منتدى IP.Board 3.1.4   
    سيتم التعامل ان شاء الله اخي الفاضل مع طلبك في اسرع وقت ان شاء الله
    فانتظرنا
  11. أعجبني
    رجل من الصحراء تلقي نقاط سمعه ابوجبل في الزواج سترة   
  12. أعجبني
    رجل من الصحراء تلقي نقاط سمعه ابوجبل في الزواج سترة   
    شكرا تقوى نورتي الموضوع
     
    جزاكم الله كل الخير
  13. أعجبني
    رجل من الصحراء تلقي نقاط سمعه ابوجبل في الزواج سترة   
    شكرا لمروركم جميعا
  14. أعجبني
    رجل من الصحراء تلقي نقاط سمعه ابوجبل في الزواج سترة   
    ربنا يكرمك ياندى وعقبالك ان شاء الله
    منوراني دايما
    ,,,,,,,,,,,,,,,,,,,,,,,,,,,,,,,,,,,,,,,,,,,,,,
    حبيبي خالد ربنا يخليك يارب ويجزيك كل خير
    سعيد بردك وعقبالك ان شاء الله
    ,,,,,,,,,,,,,,,,,,,,,,,,,,,,,,,,,,,,
     
    حبيبي عمرو شرفتني ونورتني بردك الجميل
    ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
    ااختي الصغيرة (حياتي من اجل ربي) منورة المواضيع دايما وعقبالك ربنا يرضى عنك ويرزقك الخير دايما وعقبالك
    ...................................................................
    عمر حبيبي ربنا يخليك ويبارك فيك وعقبالك عشان عارفك هتطق من جنابك
    ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
    ,,,,,,
    حبيبي والدي العزيز منورني في الموضوع وانا بجد افخر اني ابنك وفخور جدا انك دخلت منتدانا ده
    يارب يطول لي في عمرك حبيبي
    منور يامعالي الريس
  15. أعجبني
    رجل من الصحراء تلقي نقاط سمعه ابوجبل في الزواج سترة   
    الراجل العجوز!!






    يااااه يخرب عقلك ازيك ياد يا عريس فينك يابن بنتي من ساعة مااتجوزت وانت محدش عارف يتلم عليك






    ولا العروسة خلاص بقت هيا الاساس واحنا راحت علينا






    لالا برده كده ياجد ده انت الخير والبركة بس انت عارف يعني عريس جديد بقى وباخدلي يومين






    ربنا يكرمك يابن بنتي






    تعيش ياجد ربنا يخليك لينا






    اه قلي بقى الجواز حلو






    والله الحمدلله ياجد بس احسن حاجة اني نهيت القصة الطويلة واتجوزت






    لا يابن بنتي قصدك تقول بديت القصة الطويلة






    ازاي يعني احنا كنا بنحب بعض وانتهت القصة الحمدلله بالزواج






    بتحبوا بعض ماشي انما انتهت القصة دي مش ماشي خالص






    ليه يعني ياجد






    اقلك يابن بنتي: كل الناس فاهمة ان العلاقة بتنتهي بالزواج وخلاص بقى اتجوزنا وبقينا مع بعض والعلاقة تتقلب تقليدية جدا وممكن حتى متفتكرش انك تقول لمراتك انك بتحبها بعكس ماكنت قبل الجواز مبتعديش دقيقة الا لما تقلهالها وطبعا ده موضوع غلط جدا وللاسف كل الناس بتقع فيه.






    تصدق ياجد شوقتني اسمعك مع اني مستعجل بس قول هات ماعندك ايها الشيخ






    ههه ماشي ياعم المثقف هتفضل شقي طول عمرك مهما كبرت مفيش فايدة فيك.






    ايه بقى ياجد فهمني انت عايز تقول ايه؟






    بص يابن بنتي الزواج ده بداية مش نهاية زي مانت فاكر






    انت بتتجوز عشان تبتدي قصة حب وود وعشرة ومشاركة, بتبتدي حياة جديدة مع شريكة حياتك تنظموها مع بعض و تبتدوا تبنوها طوبة طوبة مع بعض وتكبروا مع بعض وبايديكم تخلوها حلوة وناجحة وبايديكم برده تخلوها وحشة وفاشلة لا قدر الله.






    يااه ياجد شكلك هتقلقني ده انت فتحت موضوع مهم جدا بس معلش وضحلي اكتر






    بص يابن بنتي: لو انت وواحد من زمايلك كان ليكم حلم تعملوا شركة مع بعض وفضلتوا تخططوا وتبحثوا وتسعوا لغاية ماربنا كرمكم و وعملتوا الشركة وفي احسن موقع في البلد وباحسن ديكورات وكل حاجة وبقت بتاعتكم وملك كل واحد فيكم . تتوقع كده انكم خلاص انتهيتوا وحققتوا حلمكم وكل واحد بقى يقعد في بيته.






    لا طبعا هيا العملية يعني كانت واقفة على المبنى والديكورات وشوية الكراسي






    اديك قلتها يبقى الحلم هنا متحققش بانك عملت شركة بس لا الحلم هيتحقق لما الشركة تشتغل وتنجح وتكبر ويبقى ليها اسم وشغل كبير وده لازمه تعاون ومشاركة ومحبة وود عشان كل حاجة تتم على خير بدون خلافات يعني من الاخر البداية هيا افتتاح الشركة بس النهاية بايديكم انتوا الاتنين.






    صح ولا انا خرفت وكبرت؟؟






    برده كده ياجد ده انت صح الصح ياحج






    اهو الجواز زي كده بالضبط يابن بنتي عمره ماكان نهاية العلاقة و لا نهاية قصة الحب لا بالعكس ده بداية قصة الحب وبداية حياتكم اللي لازم تبنوها انتوا الاتنين بالتعاون والمشاركة والمودة والحب المتبادل.






    ياعيني عليك ياجد حكيم طول عمرك ودايما بستفيد منك






    بص يابن بنتي اعتبر بيتك هو حلمك وشركتك, ومراتك هيا شريكتك وفكر ازاي تنجح شركتك وتخليها تكبر وتخليها مستقرة واقفة على ارض صلبة ميهزهاش اي حاجة وازاي هتتفق انت وشريكتك وتتفاهموا عشان تنجحوا شكرتكم سوا, وفكر ازاي هتتفادى اي اخطاء او عقبات ممكن تسبب فشل الشركة او حتى تعطل استمرارية نجاحها وعلى فكرة عمر ماربنا خلق حاجة الا وليها حل بس الانسان يسعى والحل هيجيلوا لغاية عنده ويخبط على باب بيته.






    تسلم ياجد بس تصدق خفت






    خفت من ايه






    بصراحة نفسي نفضل انا ومراتي نحب بعض على طول وميبقاش بينا مشاكل ونفسي نبقى متفاهمين ونفسي ونفسي ونفسي نفسي في حاجات كتير تخلي العلاقة تدوم من غير اي مشاكل بس خايف ومش عارف اعمل ايه بصراحة؟






    والله يابن بنتي طول ماانت خايف يبقى هتنجح وطول ماانت قلقان يبقى هتفكر وهتوصل ان شاء الله






    ازاي بس ياجد؟






    بص يابن بنتي: في البداية خلي نيتك من جوازك خير هو رضى الله و عفة النفس وذرية صالحة تعبده وتطيعه وبتوكلك على الحي القيوم وتقربك منه وعباداتك قلبك هيصفى وهيبقى عايز يعمل الصح دايما.






    ونعم بالله ياجد وايه كمان؟؟






    ربنا لما خلقنا يابن بنتي مخلقناش كلنا زي بعض في كل حاجة خلى مننا الابيض والاسمر والفقير والغني والطويل والقصير والعصبي والهادي وغيره وغيره , يعني مختلفين عن بعض في كل شيء بس كله متفق على حاجة واحدة بس هي عبادته وحده وعدم الشرك به.






    وانت يابن بنتي لازم تلعب على النقطة دي






    يعني ايه ياجد






    يعني شوف مراتك مختلفة عنك في ايه وحاول تطبع نفسك عليه






    وهيا كمان تحاول تكتشف اختلافاتك وواحدة بواحدة هتلاقي التفاهم والحب بينكم جذوره بقت قوية وثابتة






    جميل جدا ياجد بس دي مش صعبة شوية






    معلش ياولدي مش كل حاجة مطلوبة منك لازم تبقى سهلة احنا بس اللي اتعودنا اننا منفكرش حتى نمشي في الصعب, بس انت لو عايز هتنجح ومعلش ياسيدي دي مراتك وانت جوزها يعني مفهاش اي مشكلة لو كل واحد فيكم جيه على نفسه مره في سبيل ارضاء التاني لان هدفكم في النهاية ان الحب والتفاهم يدوم.






    بس اياك حد فيكم يقول التاني انا عملتلك كذا عشان خاطرك يبقى انت تعملي كذا بدل منه






    لان العملية يابن بنتي مش سوق او تجارة لا دي حياة زوجية يعني اعمل الحاجة ونيتك مع الله فاهمني ؟؟






    فاهمك ياراجل ياكبارة هعامل ربنا وهرضي مراتي ومش هقولها عملتك وعملتلك عشان ربنا يكرمنا ان شاء الله , اه وايه تاني شوقتني.






    يا بن بنتي الواحد مننا لما يكبر بيبقى عامل زي الزرع اللي سبته دبل من غير ماتسقيه بيبقى عايز ولو نقطة مياه يحس حتى بطعمها ويحس ان حد مهتم بيه.






    خير ياجد وضحلي اكتر






    ابوك وامك يابن بنتي اياك تنساهم وتلتهي مع مراتك وبيتك واياك مهما حصل تيجي على حد فيهم






    خد رضاهم ياولدي ووصي مراتك عليهم تاخد رضاهم وانت كمان خد رضا ابوها وامها وخليكم كلكم كويسين مع بعض






    ده رضا الوالدين من رضا الرب يابن بنتي.






    ربنا يرزقنا رضا الوالدين ياجد






    زمان يابن بنتي كان يقولو لنا اياك ترمي ودانك لغير خلانك






    يعني ايه ياجد






    يعني بيتك انت ومراتك مقفول عليكم حلوكم ومركم مع بعض محدش يسمع بيه بره






    لان اي مشكلة لا قدر الله بينكم طلعت بره يبقى مش هتخلص من كلام الناس والزن واللي يكبرلك الموضوع واللي هيحكي وينشره وكل ده بيزود المشكلة ويخليها تكبر وتزيد.






    عشان كده قالولنا اياك ترمي ودانك لغير خلانك.






    الله عليك ياجد تسلم يارب وتعيش , لكن هيا الساعة كام دلوقتي ياجد






    هههههه خلص خلص متبصش كتير في ساعتك عارفك مستعجل عالعروسة ومش قاعد على بعضك من الصبح






    ههههه يووووه ياجد عيبك انك دايما فاهمني






    روح يابن بنتي ربنا يكرمك انت ومراتك ان شاء الله ويرزقكم الذرية الصالحة وتعيشوا دايما في حب وود وتفاهم وطاعة لربنا سبحانه وتعالى






    الله يخليك ياجد ويطولنا في عمرك مش عايز حاجة مني قبل ماامشي






    سلامتك ياولدي بس اقلك كلمة قبل ماتمشي






    (بيتك مدينتك ومراتك انت اميرها وهيا اميرتك , صونها بحبك وطاعتك لربك واياك تتعبها بمشاكلك وكتر غيرتك)


  16. أعجبني
    رجل من الصحراء اعطي نقاط سنعه للعضو m.helm في قضية مقتل النقراشي   
    محمود فهمي النقراشي باشا
     
    ولد بالإسكندرية عام 1888 م وبعد أن أتم تعليمه بمدرسة المعلمين بالقاهرة سافر إلى إنجلترا لتكملة دراسته في جامعة نوتنجهام ثم عاد إلى مصر واشتغل بمهنة التدريس.
     
    وظل بضع سنوات يعمل مدرسًا في مدرسة رأس التين الثانوية ثم عين ناظرًا لمدرسة الجمالية بالقاهرة عام 1914 م وظل في هذه الوظيفة خمسة أعوام.
     
    وقد أضاف إلى استعداده للتدريس استعدادًا آخر للإدارة. وقد انتفع من هذا الاستعداد بتعيينه في وظيفة مدير التعليم لمجلس مديرية أسيوط عام 1919 م. وإلتحق في العام التالي بوزارة الزراعة وكيلاً للإدارة.
     
    وقد رقي بعد بضعة أسابيع إلى مساعد سكرتير عام وزارة المعارف.
     
    وقد بدأ نشاطه السياسي عام 1919 م واشترك في الحركة الوطنية للاستقلال.
     
    ثم أصبح عضوًا في الحركة الوفدية الناشئة ونظم لجانها الفرعية في القاهرة و الإسكندرية والمدن الأخرى. وفي عام 1924 م رقي وكيلاً لمحافظة القاهرة ثم وكيلاً لوزارة الداخلية.
     
    وفي أواخر عام 1924 م، وبعد مقتل السردار السير لي ستاك باشا، قبض عليه وظل محبوسًا إلى فبراير التالي. ثم بعد ذلك بثلاثة أشهر قبض عليه ثانية واتهم هو وستة آخرون بالاشتراك في عدد من الجرائم السياسية وبرئ منها.
     
    وقد كانت أول وزارة تولاها هي وزارة المواصلات في الوزارة الوفدية الأولى عام 1930 م، وهي نفس الوزارة التي تولاها بعد ذلك في 1936 - 1937 م.
     
    وفي ذلك العام عندما عاد الوفد المصري من مؤتمر مونترو الذي ألغى الامتيازات فوجئ النقراشي بإخراجه من الوزارة الوفدية. وقد عرف فيما بعد بأنه اختلف مع زعيم الوفد بشأن نشاط هيئة القمصان الزرقاء الوفدية. وبعد ذلك بمدة قليلة استقال النقراشي هو والمغفور له أحمد ماهر باشا وأنصارهم من الوفد وكونوا الحزب السعدي.
     
    وعندما دخل السعديون الوزارة الائتلافية عام 1938 م عين النقراشي باشا وزيرًا للداخلية. وفي العام التالي تقلد وزارة المعارف ثم وزارة الداخلية مرة ثانية ثم عين في سبتمبر 1940 م وزيرًا للمالية.
     
    وقد حل في رئاسة الوزارة وزعامة الحزب السعدي بعد مقتل أحمد باشا ماهر عام 1945 م فيما خلا فترة قصيرة من عام 1946 م كان فيها إسماعيل صدقي باشا رئيسًا للوزارة وظل هو رئيسًا للحكومة منذ ذلك الحين بجانب تقلده وزارات الداخلية والمالية والخارجية.
    أقوال الصحف الإنجليزية
     
    ولعل من المفيد أن نتجزئ هنا بعض ما كتبته الصحف الإنجليزية عن مقتل النقراشي باشا وتعليقها على الحادث.
     
    فقد "قالت المانشستر جارديان":
     
    أن مقتل النقراشي باشا رئيس الوزارة المصرية السابق لهو عمل سوء. وقد حدث بعد سلسلة من الاعتداءات كانت أيدي جماعة الإخوان المسلمين واضحة فيها.
     
    فمنذ ثلاثة أسابيع قتل حكمدار بوليس القاهرة في أحد الشوارع، وفي 21 نوفمبر دمرت الدار التي تحوي مكاتب أكبر جريدتين فرنسية وإنجليزية في مصر، وفي الشهر نفسه وقع حادث الاعتداء الرابع في مدى عامين على النحاس باشا، وفي أول العام قتل أحد القضاة ممن حكموا على أفراد تلك الجماعة.
     
    وعندما نتذكر أن أحمد ماهر باشا رئيس الوزارة السابق للنقراشي باشا مباشرة قتل هو الآخر بيد واحد ممن كانوا يشايعون النازيين، فمن العسير أن لا نجزع للمستوى الذي سمح للحياة العامة في مصر أن تتدهور إليه.
     
    وقد لقي النقراشي باشا منيته، عقب قراره الذي تأخر كثيرًا بحل جماعة الإخوان على أساس أن وجودها يهدد الأمن والنظام... وكان ذلك هو جواب الإخوان عليه.
     
    وقالت "الديلي تلغراف":
     
    "وهذه الجريمة لن تحقق غرضًا، وستقابل بالسخط والاستنكار في جميع أنحاء العالم، وقد محت من سجل الوجود رجلاً برهن خلال حياته السياسية الطويلة على أنه أقوى رجل سياسي في مصر،
     
    ولكنها لم تغير بحال من نظام العهد الحاضر. ومن الجائز أنها قد تعطل من تركيز الجهود المبذولة في نواحي الاصلاح الاجتماعي والاقتصادي، والتي مصر في مسيس الحاجة إليها،
     
    بعد أن أهملت وطرحت ظهريًّا طويلاً بسبب الأهواء السياسية والاستعمارية، كما أن القضاء على نشاط العناصر الهدامة والعابثة بالقانون بين أفراد الشعب المصري – وهو ما لا بد منه- سيترتب عليه بطء في سير عجلة الإدارة المصرية سيرتها المنتظمة بنظام مطرد.
     
    ولقد كان النقراشي باشا يتمتع بنوع من المزايا والسجايا تعينه على إحلال مصر مكان الزعامة والقيادة الفعلية بين الشعوب الإسلامية في الشرق الأوسط هذا لو كانت أتيحت له ظروف أفضل مما أتيح له".
     
    وإنا لنشكر للصديق الأستاذ محمود النجوري مدير المحفوظات بوزارة الداخلية. فقد زودنا بترجمة حياة المغفور له النقراشي باشا ومقالات الصحف البريطانية.
     
    رئيس المحكمة
     
    ... عين سعادة محمد مختار عبد الله بك عقب تخرجه عام 1920 م وكيلاً للنيابة، ثم نقل إلى السلك السياسي، وعين أمينًا للمحفوظات في مفوضية مصر في روما عام 1923، ثم نقل إلى مفوضية مصر في برلين، ورقي إلى وظيفة ملحق، ثم عاد إلى السلك القضائي عام 1927 م.
     
    وظل يتدرج في وظائف النيابة والقضاء إلى أن عين رئيسًا للنيابة المختلطة عام 1940 م ثم مديرًا لإدارة المحاكم المختلطة، ثم قاضيًا بمحكمة مصر المختلطة.
     
    وفي عام 1945 م عين مستشارًا بمحكمة استئناف أسيوط ثم محكمة استئناف مصر، وأخيرًا رأس دائرة العسكرية العليا.
     
    واشتهر سعادته بدماثة الخلق وسماحة النفس، وسداد الرأي، وطهارة الذمة، وهو شغوف بالاطلاع ليس في القانون فحسب بل في الأدب والاجتماع وهو يجيد أربع لغات وهي الإنجليزية، والألمانية، والفرنسية، والإيطالية...
    تقديم
     
    ... لا بد من كلمة نهيئ بها ذهن القارئ لما سيدور في جلسات المحاكمة في هذه القضية. ففي اليوم الثامن من شهر ديسمبر عام 1948 أصدر المغفور له محمود فهمي النقراشي باشا رئيس الحكومة آنئذ قرارًا موفقًا بمذكرة تفسيرية وضعها عبد الرحمن عمار بك وكيل وزارة الداخلية وقتئذ يقضي بحل جماعة الإخوان المسلمين وذلك للحوادث الإرهابية التي وقعت في مختلف أنحاء البلاد واتهم بارتكابها جماعة الإخوان على نحو ما سرده عمار بك في مذكرته التفسيرية.
     
    وهكذا توقع الناس –بعد صدور هذا القرار – وقوع حدث ما ردًا على هذا القرار الذي أصر النقراشي باشا على الرغم من المحاولات الكثيرة التي بذلت على ألا يرجع فيه...
     
    ولم تمضي ثلاثة أسابيع على صدور قرار الحل، حتى هوى النقراشي باشا وخر صريعًا وسط فناء وزارة الداخلية ووسط عدد كبير من رجال البوليس المحيطين به وقد هوت معه أفئدة الملايين من المصريين وأصبحت مدينة القاهرة وهي أكثر المدن صخبًا وضجيجًا، صامتة ساكتة كأن على رؤوس أهلها الطير، فلقد كانت الفقيد
     
    –باعتراف خصومه- وطنيًّا صادق الإيمان نزيهًا مخلصًا ذا ماضٍ مجيد.
     
    كيف وقع الحادث
     
    ففي نحو الساعة العاشرة وخمس دقائق من صبيحة يوم الثلاثاء الثامن والعشرين من شهر ديسمبر عام 1948م، وبينما كان دولة النقراشي باشا يسير في فناء وزارة الداخلية ميممًا شطر المصعد في طريقه إلى مكتبه وحوله ضباطه، وجنوده من رجال الحرس، تقدم شاب في ميعة الصبا، شاحب الوجه، وكان مرتديًا ثياب ضابط برتبة ملازم أول،
     
    وصوب مسدسه نحو ظهر الفقيد، وأطلق رصاصتين أصابتا ظهر الفقيد، وسقط على ظهره يتضرج في دمائه، ولم تمضي دقائق حتى فارق الحياة وتمكن رجال البوليس الذين كانوا في حراسة الفقيد من اعتقال القاتل.
     
    وقد ارتكبت الجريمة بسرعة فائقة حتى أن ياور الفقيد الصاغ عبد المجيد خيرت قد أذهله وقوع الحادث على هذه الصورة المروعة، وعقدت الدهشة لسانه، وفجأت أفاق من ذهوله وارتمى ومن كان معه من الكونستبلات والجنود على القاتل،
     
    وانتزعوا المسدس من يده، بينما نقل الآخرون الجثة إلى حجرة الأستاذ صلاح الدين مرتجي وكيل إدارة الأمن العام، وكان الدكتور محمود حمدي سيف النصر قد سارع إلى مكان الحادث حينما سمع به أثناء وجوده في وزارة الصحة ولكن القضاء كان قد حم، وفاضت روح النقراشي باشا إلى بارئها.
     
    المسدس
     
    أما المسدس الذي استعمله القاتل فهو ماركة "برثا" طراز 1934 وقد كتب عليه باللغة الإفرنجية العبارة الآتية:
     
    P. Beretta Cal 9 Corto Md 1934 Brevette Gardonne 1941 X1X 872511
     
    وبه مشط ذو الست طلقات وهو أوتوماتيكي سريع الطلقات، وقد وجد في نهاية المشط من الخارج رصاصة لم تنطلق وهي عيار 9 ملليمتر وبها الرصاصة المغلفة، وطلقة أخرى مطلوقة من نفس العيار ونفس الشكل الظاهري وبها فدغ.
     
    وقد أبلغ صابر طنطاوي بك مدير الأمن العام آنئذ الحادث تليفونيًّا إلى النائب العام –وكان محمود منصور باشا
     
    - فاستقل سعادته سيارته فورًا وقصد إلى مكان الحادث ولحق به الأستاذ محمود إبراهيم إسماعيل رئيس نيابة جنوب القاهرة وبعض حضرات وكلاء النيابة وحكمدار بوليس القاهرة وكبار ضباط القسم السياسي والحكمدارية والمباحث الجنائية، ومن ثم بدأ التحقيق مع القاتل.
     
    من هو القاتل؟
     
    والقاتل شاب يناهز الواحد والعشرين عامًا ويدعى عبد المجيد أحمد حسن وهو طالب بكلية الطب البيطري بجامعة فؤاد الأول وتبين أنه من جماعة الإخوان المسلمين ورئيسًا لإحدى خلاياها بالجامعة.
     
    أقوال القاتل الأولى
     
    وقد تولى النائب العام نفسه التحقيق معه، ولما سئل القاتل عن جريمته اعترف بها قائلاً: "نعم أنا قتلته النهارده في الوزارة بالمسدس إللي ضبط معي وكنت بمفردي، وكنت لابس ملابس ضابط إللي هي علي الآن، وقتله لأنه خاين للوطن".
     
    وقد نوقش في تفصيلات الجريمة فقال:
     
    "أنا جيت الداخلية النهاردة الساعة 10.00 كده وكنت لابس ملابس ضابط ولما وصلت الوزارة دخلت من الباب العمومي وكان معي المسدس المضبوط ودخلت في وسط الصالة ووقفت شوية كده وقالوا إن النقراشي باشا جاي فلما شفته طالع متجه نحو مكان الأسانسير المجاور للسلم طلعت المسدس من جيبي اليمين للبنطلون ورحت ضاربه وكان وقتها تقدم لي شوية في طريقه إلى المصعد فأطلقت النار عليه من الجنب للخلف وأنا كنت ساعتها واقف على شماله وهو متجه إلى المصعد.
     
    وسئل –متى ظهر النقراشي باشا في الصالة؟
     
    -بعد أن انتظرت خمس دقائق، ظهر النقراشي باشا.
     
    وأجاب عن سؤال آخر أنه كان يسير حول النقراشي باشا وخلفه أشخاص كثيرون يرتدون ملابس ملكية.
     
    -عندما دخلت الوزارة بزيك العسكري وقبل أن يصل النقراشي باشا. ألم يعترضك أحد؟
     
    -لا.
     
    -وهل أنت تعرف شخص النقراشي باشا؟
     
    -أعرف شكله من الصور.
     
    -متى صممت على قتل النقراشي باشا.
     
    -من حوالي جمعتين.
     
    -ما هي الظروف التي كونت فيها فكرة القتل.
     
    -نبتت هذه الفكرة عندي، وهي فكرة قتله، في جملة ظروف تجمعت عندي، وهي أولا موضوع السودان فإنه لم يقم بأي عمل إيجابي. وثانيا فلسطين فإنها ضاعت وأخذها اليهود وهذا يرجع إلى تهاون النقراشي باشا.
     
    والعامل الثالث أنه اعتدى على الإسلام وهو أنه شرد الطلبة من الكليات وحل جماعة المسلمين وما يتصل بها من شركات كانت جماعة الإخوان المسلمين قد أقامتها فهو أمر بحلها وأنا لما رحت كلية الطب البيطري علشان الدراسة قالوا لي أنك مبعد لنشاطك مع أن الكلية بتاعتنا لم تشترك في حوادث كلية الطب أو الجامعة فكل هذه العوامل جعلتني أفكر في الإقدام على هذا العمل وهو قتل النقراشي باشا أي أنه من أسبوعين أنا صممت على قتله.
     
    -كيف رتبت هذه الجريمة.
     
    -أنا كنت ماشي في وكالة البلح من سبعة أيام فلقيت واحد معه بدلة الضابط إللي أنا لابسها الآن ويقول عنها أنها جديدة وعارضها للبيع فلما وجدت البدلة لاحظت أن قماشها كويس فاشتريتها بثلاثة جنيه ونصف وكذلك اشتريت المسدس من مدة خمسة أيام من واحد في عين شمس وهو واحد عربي لا أعرفه وكذلك الطلقات اشتريتها منه باثنين جنيه وبعدين لبست البدلة النهارده وجيت النهارده وجيت هنا ومعي المسدس علشان أقتل النقراشي.
     
    -وهل ذهبت إلى سوق البلح كما تقول خصيصًا لمشتري بدلة الضابط.
     
    -أنا قصدي أقول سوق الكانتو الموجود في الفحامين وأنا رحت مصادفة هناك فوجدت الرجل إللي باع لي البدلة هناك فاشتريتها.
     
    -وما الذي جعلك أن تشتري هذه البدلة وهي بدلة ضابط إذا كنت لم تذهب خصيصًا لمشتراها.
     
    -البدلة صوف وجديدة ولما وجدت أن ثمنها ثلاثة جنيهات ونصف وده ثمن بسيط اشتريتها.
     
    -وهل كنت تنوي أن تلبسها وهي على هذه الصورة وبزيها الأصلي.
     
    -ده ما يمنعش أن الواحد يلبس بدلة ضابط.
     
    -ولكنها بدلة بزراير صفراء وعلى كتفها نجمتين ولا يلبسها إلى ضابط أو من يريد أن يتعمد التزيي بها لغرض خاص.
     
    -ده ما فيهاش تعمد.
     
    -وهل خرجت من منزلك في صباح اليوم ترتديها.
     
    -لا.
     
    -ما هي الملابس التي كانت عليك وقت خروجك من المنزل في هذا الصباح.
     
    -بنطلون جبردين وجرس.
     
    -وأين كانت بدلة الضابط.
     
    -كنت عاينها تحت سلم بيتنا.
     
    -وأين الجرس والبنطلون.
     
    -لما لبست بدلة الضابط رميت الجرس والبنطلون الجبردين في النيل.
     
    -ولم رميتها؟.
     
    -علشان أتخلص منها.
     
    -وكيف كنت تخفي بدلة الضابط من يوم أن اشتريتها.
     
    -كنت عاينها في الشنطة تحت السرير وفي الليلة الماضية أي ليلة أمس أخذتها ووضعتها تحت السلم.
     
    -ألم تطلع أحدًا من أهلك على أنك اشتريت بدلة ضابط؟
     
    -لا.
     
    -ولم أخفيت ذلك على أهلك؟
     
    -ما حدش يسألني من أهل البيت على أي حاجة أعملها.
     
    -من الذي يقيم معك في المنزل؟
     
    -والدتي إقبال حسني وأخي محمد عيسى أحمد حسن وهو طالب في مدرسة فاروق الأول الثانوية ولي أختين إحداهما هدى والثانية فاطمة ولي أخ ضابط يقيم في الخارج في منزل بمفرده ويسمى حسن أحمد حسن وهو ضابط بسلاح المدفعية ومتزوج وله أولاد.
     
    -متى دخلت كلية الطب البيطري؟
     
    -هذه رابع سنة وأنا في السنة الثالثة.
     
    -وهل تقبض الخمسين جنيه في يدك.
     
    -أنا أقبض الخمسين جنيه على دفعات وقبضت من هذا المبلغ مرة عشرة، ومرة عشرين، ووالدتي هي التي تتولى الصرف علينا من هذا المبلغ، وأنا باخد من هذا المبلغ مصاريف شخصية إلى حوالي جنيه أو اثنين جنيه ومن هذا المبلغ اشتريت المسدس والبدلة.
     
    -اذكر لنا أين ذهبت من وقت خروجك من المنزل في صباح هذا اليوم......... للمزيد عن مقتل انقراشي
  17. أعجبني
    رجل من الصحراء تلقي نقاط سمعه ابوجبل في طفلة من الصحراء   
    اخواني واخواتي زملائي اعضاء منتدايا الحبيب
    لا ادري كيف اشكركم على كل ردودكم ولا ادري كيف اصف سعادتي بها
    فوالله اسعد كثيرا حينما اعود لمنتدايا وارى زملائي وردودهم وتفاعلهم
    لا يسعني الا ان ادعو لكم جميعا ان يحفطكم الله من كل سوء ويهدينا ويهديكم الى صالح الاعمال
    ويرزقكم جميعا الذرية الصالحة باذن الله
    لكم مني كل التحية والاحترام والتقدير
  18. أعجبني
    رجل من الصحراء تلقي نقاط سمعه ابوجبل في طفلة من الصحراء   
    ربنا يخليك يابنتي ليا وتكبري وتكوني معانا عضوة مميزة ان شاء الله
    ويكون المنتدى كبر اكتر واكتر وبقى على ارض الواقع كمان وتحقق حلم المنظومة على ارض الواقع
    احبك
  19. أعجبني
    رجل من الصحراء تلقي نقاط سمعه ابوجبل في الشلاتين بين الواقع والخيال   
    موضوع جميل اخي اشرف
    اهلا بك في المنتدى ننتظر موضوعات مميزة
  20. أعجبني
    رجل من الصحراء تلقي نقاط سمعه ابوجبل في مما كتبت - أوعى تفكر ! - على هامش ثورة مصر 2011   
    حبيبي عاشق الصداقة بارك اللله فيك ووفقك الله دائما لما فيه خير وحشني جدا
  21. أعجبني
    رجل من الصحراء تلقي نقاط سمعه ابوجبل في حزب الوز الشاعرة ايمان بكري   
    جميلة جدا احب جدا هذا النوع من الشعر فهو سهل الوصول في فهم القضية جزيت خيرا اخي الحبيب
  22. أعجبني
    رجل من الصحراء تلقي نقاط سمعه ابوجبل في فيديو - إعلان إفتتاح مقر مركز ياللا نجاح للتدريب والتنمية بمحافظة قنا   
    ماشاء الله كل ده يحصل وانا معرفش فعلا الصحراء دي مشكلة كبيييرة الف الف الف الف مبروك حاجة تفرح بجد وشكله الموضوع كبيير وعايزله قعدة عشان افهم ازاي ده حصل ربنا يوفقكم ان شاء الله وتحققوا نجاحات عظيمة واي كورسات في علم الصحراء انا جاهز يعني ازاي تصطادلك طريشة مثلا تقاوم الذئب بايد واحدة تشرب من مية متتشربش تنصب خيمتك بالمقلوب كده يعني وحشتوني جدا جدا جدا وفرحتوني جدا جدا جدا وعقبال مانعمل ياللا جروب كله على ارض الواقع ان شاء الله احبكم في الله
  23. أعجبني
    رجل من الصحراء تلقي نقاط سمعه ابوجبل في ارجوك صلي الفجر   
    اقدم هذا الكتاب الى كل اخواني واخواتي من المسلمين والمسلمات داخل وخارج بلدنا الحبيب سواء كانوا اعضاء في المنتدى او غير مشتركين
    استحلفكم بالله ان تقرأوه جيدا وتتدبروا الكلام .
    واتمنى ان تنشروه قدر المستطاع
    جزاكم الله كل خير
    ابوبتول
    الكتاب بالمرفقات
    كيف تحافظ على صلاة الفجر.doc
  24. أعجبني
    رجل من الصحراء تلقي نقاط سمعه ابوجبل في لن تصدقووووووا ماذا فعل مبارك   
    لا حول ولا قوة الا بالله العلي العظيم
  25. أعجبني
    رجل من الصحراء تلقي نقاط سمعه ابوجبل في ثورة الحرية   
    اكتب هذه الكلمات التي خرجت من قلبي معبرة عن فرحي بشباب مصر شباب بلدي الحبيب
    متمنيا من الله عز وجل ان يحفظ دائما بلدنا الحبيبة ويجعلها دائما حرة مستقلة وان يسكن شهداءنا فسيح جناته
     
    ثورة الحرية
     
     
    على ارضك الطاهرة يابلدي الثورة قامت بشبابك



    لعنوا الفساد والظلم والتخريب رفضو الإهانة والذل لولادك



    والشعب اعلن ثورته ضد النظام صمم يطهر دولته من كل فاسد خانك



    كتبوا حكاية عشق لبلادهم ضحوا بارواحهم فدى ترابك



    رسموا طريق حريتك على لوحة من كفن الشهيد وبدم احبابك



    وبكل نقطة دم للشهدا صنعو تاريخ نصرك وامجادك



    نبض القلوب صوته اتسمع يابلادي ياحرة انا روحي علشانك



    ميهمنيش اني انجرح او حتى اموت كله يهون قدام حياتك و كيانك



    ويارب دايما تفضلي حرة ولا نتحرم من كتر خيرك وامانك



    ولا نتحرم من كتر خيرك وامانك


×
×
  • اضف...

Important Information

By using this site, you agree to our Terms of Use, اتفاقيه الخصوصيه, قوانين الموقع, We have placed cookies on your device to help make this website better. You can adjust your cookie settings, otherwise we'll assume you're okay to continue..