soma

على فكرة أنا عندي فكرة *********************** (إلى طلاب طب المنصورة) - ساعات ... ساعات... وأحيانا برده ساعات بتفتكر أو بتعتقد أو أحيانا تظن إنك لو فكرت أو اعتقدت أو أحيانا ظنيت... تبقى فيك حاجة غلط ... أو مش مظبوطة... أو... هي مش مظبوطة برده . - يعني لو أفكارك دي تعدت الطموح والأحلام الفردية إلى الإرتقاء بالمجتمع .. النهضة .. والكلام الكبير ده اللي بيبقى محتاج درجة تركيز 99,99 % علشان تستوعبه ... تقول لنفسك أوسيب غيرك يقول لك وهو مش محتاج توصية : هو انا يعني اللي هغير الكون .... والنتيجة النهائية .... إنك تحس إنك محبوس في قفص ... أو صندوق أو... أو... BOX يعني ... من الزجاج ... لأنه كل الناس شايفاك ... وانت برده شايفهم ... بس فيه ما بينكم حائل ... وده كفيل إنه يحسسك إنك لوحدك ... أو مع نفسك ... أو بمعنى آخر ... لوحدك برده ... alone Home يعني . - بس فعلا انت مش لوحدك ... يعني في فيلم Home alone .. كان معاه الحرامية ... اللي كان بيسلي وقته معاهم ... و شهيصوله حياته على الآخر... وهي دي فكرتنا ... أكيد .. أكيد.. وبرده أكيد .. مش إعادة تمثيل فيلم Home alone .. لكن إنك تحس إنك مش لوحدك .. أفكارك دي غيرك فكر فيها ... - يعني انت لوحدك عامل زي - sorry واعذروني في اللفظ - طوبة حقيرة الأطفال بيزقلوها من مكان للتاني ، وممكن طبعا المكان التاني ده يبقى لك فايدة ويحطوك لتحديد مكان مرمى الكرة ... بس لو الطوب ده اتجمع مع بعضيه ... هيبني حاجة ... هرم ... بيت .. ولو حتى قلة ! .... بتحصل .. بتحصل ... - المهم ... إني عايز الأساس يبقى صح ... يعني لازم أنمي نفسي كويس ... وهو ده هيكون شغلنا ... نشجع بعض ونحفز بعض ... نتعلم حاجات كثيرة منعرفهاش ... متبقاش حياتنا من البيت للكلية ومن الكلية للبيت ... - علشان كده أوجه دعوة ( خاصة طلاب طب المنصورة ) إلى من يشعر بأن لديه قدرات و إمكانيات ومش عارف يعمل آيه ... ومن يشعر بأن عليه واجب تجاه نفسه وأسرته و أصدقائه و دينه ومجتمعه ... ومن يرى أنه يستطيع تغيير حياته و حياة الآخرين للأحسن ولكن مش عارف يبدأ ازاي ومحتاج حد يساعده .... - سنحدد موعدا للإجتماع في الكلية ونضع القواعد اللي هنمشي عليها في الدراسة علشان منضيعش الوقت لإنكم أكيد عارفين إن وقتنا مشغول جداً جداً ... هنفكر مع بعض كخطوة مبدئية: إزاي ننمي نفسنا ونحسن تفكيرنا واحنا في الدراسة من غير ما نضيع وقت .... وإزاي نستحمل ضغط الدراسة لنحقق نتائج عالية زي ما كلنا بنتمنى دون التأثير على أعصابنا .... ونفكر إزاى نعمل اللي نفسك فيه .... وحاجات تانية كتيرة .... - وبذلك نكون بدأنا أول خطوة في نهضة مجتمعنا وعزة الإسلام ... ورفعنا شعار " كن أنت التغير الذي تريد أن تراه في العالم... - فياريت تردوا علي ومتتأخروش ... واللي عايز تفاصيل أكثر يبعث لي على تم إزالة البريد من قبل إدارة المنتدى - ونشر الايميلات مخالفه للقوانين " ماالأمس إلا حلم وما الغد إلا رؤية ... ولكن اليوم الذي نعيشه كما يجب ... يجعل الأمس حلما من السعادة والغد رؤية من الأمل "